| 1 | MTוזאת תורת האשׁם קדשׁ קדשׁים הוא |
| SPוזאת תורת האשׁם קדשׁ קדשׁים הוא | |
| 2 | MTבמקום אשׁר ישׁחטו את העלה ישׁחטו את האשׁם ואת דמו יזרק על המזבח סביב |
| SPבמקום אשׁר ישׁחטו את העלה ישׁחטו את האשׁם ואת דמו יזרקו על המזבח סביב | |
| 3 | MTואת כל חלבו יקריב ממנו את האליה ואת החלב המכסה את הקרב |
| SPואת כל חלבו יקריב ממנו את האליה ואת החלב המכסה את הקרב ואת כל החלב אשׁר על הקרב | |
| 4 | MTואת שׁתי הכלית ואת החלב אשׁר עליהן אשׁר על הכסלים ואת היתרת על הכבד על הכלית יסירנה |
| SPואת שׁתי הכליות ואת החלב אשׁר עליהן אשׁר על הכסלים ואת היותרת על הכבד על הכליות יסירנה | |
| 5 | MTוהקטיר אתם הכהן המזבחה אשׁה ליהוה אשׁם הוא |
| SPוהקטיר אתם הכהן המזבחה אשׁה ליהוה אשׁם הוא | |
| 6 | MTכל זכר בכהנים יאכלנו במקום קדושׁ יאכל קדשׁ קדשׁים הוא |
| SPכל זכר בכהנים יאכלנו במקום קדושׁ יאכל קדשׁ קדשׁים הוא | |
| 7 | MTכחטאת כאשׁם תורה אחת להם הכהן אשׁר יכפר בו לו יהיה |
| SPכחטאת כאשׁם תורה אחת להם הכהן אשׁר יכפר בו לו יהיה | |
| 8 | MTוהכהן המקריב את עלת אישׁ עור העלה אשׁר הקריב לכהן לו יהיה |
| SPוהכהן המקריב את עלת אישׁ עור העלה אשׁר יקריבו לכהן לו יהיה | |
| 9 | MTוכל מנחה אשׁר תאפה בתנור וכל נעשׂה במרחשׁת ועל מחבת לכהן המקריב אתה לו תהיה |
| SPוכל מנחה אשׁר תאפה בתנור וכל נעשׂה במרחשׁת ועל המחבת לכהן המקריב אתה לו תהיה | |
| 10 | MTוכל מנחה בלולה בשׁמן וחרבה לכל בני אהרן תהיה אישׁ כאחיו |
| SPוכל מנחה בלולה בשׁמן וחרבה לכל בני אהרן תהיה אישׁ כאחיו | |
| 11 | MTוזאת תורת זבח השׁלמים אשׁר יקריב ליהוה |
| SPוזאת תורת זבח השׁלמים אשׁר יקריבו ליהוה | |
| 12 | MTאם על תודה יקריבנו והקריב על זבח התודה חלות מצות בלולת בשׁמן ורקיקי מצות משׁחים בשׁמן וסלת מרבכת חלת בלולת בשׁמן |
| SPאם על תודה יקריבנו והקריב על זבח התודה חלות מצות בללות בשׁמן ורקיקי מצות משׁחים בשׁמן וסלת מרבכת חלות בללות בשׁמן | |
| 13 | MTעל חלת לחם חמץ יקריב קרבנו על זבח תודת שׁלמיו |
| SPעל חלת לחם חמץ יקריב קרבנו על זבח תודת שׁלמיו | |
| 14 | MTוהקריב ממנו אחד מכל קרבן תרומה ליהוה לכהן הזרק את דם השׁלמים לו יהיה |
| SPוהקריב ממנו אחד מכל קרבן תרומה ליהוה לכהן הזרק את דם השׁלמים לו יהיה | |
| 15 | MTובשׂר זבח תודת שׁלמיו ביום קרבנו יאכל לא יניח ממנו עד בקר |
| SPובשׂר זבח תודת שׁלמיו ביום קרבנו יאכל לא יניח ממנו עד בקר | |
| 16 | MTואם נדר או נדבה זבח קרבנו ביום הקריבו את זבחו יאכל וממחרת והנותר ממנו יאכל |
| SPואם נדר או נדבה זבח קרבנו ביום הקריבו את זבחו יאכל וממחרת והנותר ממנו יאכל | |
| 17 | MTוהנותר מבשׂר הזבח ביום השׁלישׁי באשׁ ישׂרף |
| SPוהנותר מבשׂר הזבח ביום השׁלישׁי באשׁ ישׂרף | |
| 18 | MTואם האכל יאכל מבשׂר זבח שׁלמיו ביום השׁלישׁי לא ירצה המקריב אתו לא יחשׁב לו פגול יהיה והנפשׁ האכלת ממנו עונה תשׂא |
| SPואם אכל יאכל מבשׂר זבח שׁלמיו ביום השׁלישׁי לא ירצה המקריב אתו לא יחשׁב לו פגול יהיה והנפשׁ האכלת ממנו עונה תשׂא | |
| 19 | MTוהבשׂר אשׁר יגע בכל טמא לא יאכל באשׁ ישׂרף והבשׂר כל טהור יאכל בשׂר |
| SPוהבשׂר אשׁר יגע בכל טמא לא יאכל באשׁ ישׂרף הבשׂר כל טהור יאכל בשׂר | |
| 20 | MTוהנפשׁ אשׁר תאכל בשׂר מזבח השׁלמים אשׁר ליהוה וטמאתו עליו ונכרתה הנפשׁ ההוא מעמיה |
| SPוהנפשׁ אשׁר תאכל בשׂר מזבח השׁלמים אשׁר ליהוה וטמאתו עליו ונכרתה הנפשׁ ההיא מעמיה | |
| 21 | MTונפשׁ כי תגע בכל טמא בטמאת אדם או בבהמה טמאה או בכל שׁקץ טמא ואכל מבשׂר זבח השׁלמים אשׁר ליהוה ונכרתה הנפשׁ ההוא מעמיה |
| SPונפשׁ כי תגע בכל טמא בטמאת אדם או בבהמה טמאה או בכל שׁרץ טמא ואכל מבשׂר זבח השׁלמים אשׁר ליהוה ונכרתה הנפשׁ ההיא מעמיה | |
| 22 | MTוידבר יהוה אל משׁה לאמר |
| SPוידבר יהוה אל משׁה לאמר | |
| 23 | MTדבר אל בני ישׂראל לאמר כל חלב שׁור וכשׂב ועז לא תאכלו |
| SPדבר אל בני ישׂראל לאמר כל חלב שׁור וכשׂב ועז לא תאכלו | |
| 24 | MTוחלב נבלה וחלב טרפה יעשׂה לכל מלאכה ואכל לא תאכלהו |
| SPוחלב נבלה וחלב טרפה יעשׂה לכל המלאכה ואכל לא תאכלהו | |
| 25 | MTכי כל אכל חלב מן הבהמה אשׁר יקריב ממנה אשׁה ליהוה ונכרתה הנפשׁ האכלת מעמיה |
| SPכי כל אכל חלב מן הבהמה אשׁר יקריבו ממנה אשׁה ליהוה ונכרתה הנפשׁ האכלת מעמיה | |
| 26 | MTוכל דם לא תאכלו בכל מושׁבתיכם לעוף ולבהמה |
| SPוכל דם לא תאכלו בכל מושׁבתיכם לעוף ולבהמה | |
| 27 | MTכל נפשׁ אשׁר תאכל כל דם ונכרתה הנפשׁ ההוא מעמיה |
| SPוכל הנפשׁ אשׁר תאכל כל דם ונכרתה הנפשׁ ההיא מעמיה | |
| 28 | MTוידבר יהוה אל משׁה לאמר |
| SPוידבר יהוה אל משׁה לאמר | |
| 29 | MTדבר אל בני ישׂראל לאמר המקריב את זבח שׁלמיו ליהוה יביא את קרבנו ליהוה מזבח שׁלמיו |
| SPואל בני ישׂראל תדבר לאמר המקריב את זבח שׁלמיו ליהוה יביא את קרבנו ליהוה מזבח שׁלמיו | |
| 30 | MTידיו תביאינה את אשׁי יהוה את החלב על החזה יביאנו את החזה להניף אתו תנופה לפני יהוה |
| SPידיו תביאנה את אשׁי יהוה את החלב על החזה יביאנו את החזה להניף אתו תנופה לפני יהוה | |
| 31 | MTוהקטיר הכהן את החלב המזבחה והיה החזה לאהרן ולבניו |
| SPוהקטיר הכהן את החלב המזבחה והיה החזה לאהרן ולבניו | |
| 32 | MTואת שׁוק הימין תתנו תרומה לכהן מזבחי שׁלמיכם |
| SPואת שׁוק הימין תתנו תרומה לכהן מזבחי שׁלמיכם | |
| 33 | MTהמקריב את דם השׁלמים ואת החלב מבני אהרן לו תהיה שׁוק הימין למנה |
| SPהמקריב את דם השׁלמים ואת החלב מבני אהרן לו תהיה שׁוק הימין למנה | |
| 34 | MTכי את חזה התנופה ואת שׁוק התרומה לקחתי מאת בני ישׂראל מזבחי שׁלמיהם ואתן אתם לאהרן הכהן ולבניו לחק עולם מאת בני ישׂראל |
| SPכי את חזה התנופה ואת שׁוק התרומה לקחתי מאת בני ישׂראל מזבחי שׁלמיהם ואתן אתם לאהרן הכהן ולבניו לחק עולם מאת בני ישׂראל | |
| 35 | MTזאת משׁחת אהרן ומשׁחת בניו מאשׁי יהוה ביום הקריב אתם לכהן ליהוה |
| SPזאת משׁחת אהרן ומשׁחת בניו מאשׁי יהוה ביום הקריבו אתם לכהן ליהוה | |
| 36 | MTאשׁר צוה יהוה לתת להם ביום משׁחו אתם מאת בני ישׂראל חקת עולם לדרתם |
| SPאשׁר צוה יהוה לתת להם ביום משׁחו אתם מאת בני ישׂראל חק עולם לדרותם | |
| 37 | MTזאת התורה לעלה למנחה ולחטאת ולאשׁם ולמלואים ולזבח השׁלמים |
| SPזאת התורה לעלה ולמנחה ולחטאת ולאשׁם ולמלאים ולזבח השׁלמים | |
| 38 | MTאשׁר צוה יהוה את משׁה בהר סיני ביום צותו את בני ישׂראל להקריב את קרבניהם ליהוה במדבר סיני |
| SPאשׁר צוה יהוה את משׁה בהר סיני ביום צותו את בני ישׂראל להקריב את קרבניהם ליהוה במדבר סיני |