| 1 | MTוידבר יהוה אל משׁה לאמר |
| SPוידבר יהוה אל משׁה לאמר | |
| 2 | MTצו את אהרן ואת בניו לאמר זאת תורת העלה הוא העלה על מוקדה על המזבח כל הלילה עד הבקר ואשׁ המזבח תוקד בו |
| SPצוי את אהרן ואת בניו לאמר זאת תורת העלה היא העלה על המוקדה על המזבח כל הלילה עד בקר ואשׁ המזבח תוקד בו | |
| 3 | MTולבשׁ הכהן מדו בד ומכנסי בד ילבשׁ על בשׂרו והרים את הדשׁן אשׁר תאכל האשׁ את העלה על המזבח ושׂמו אצל המזבח |
| SPולבשׁ הכהן מדי בד ומכנסי בד ילבשׁ על בשׂרו והרים את הדשׁן אשׁר תאכל האשׁ את העלה על המזבח ושׂמו אצל המזבח | |
| 4 | MTופשׁט את בגדיו ולבשׁ בגדים אחרים והוציא את הדשׁן אל מחוץ למחנה אל מקום טהור |
| SPופשׁט את בגדיו ולבשׁ בגדים אחרים והוציא את הדשׁן אל מחוץ למחנה אל מקום טהור | |
| 5 | MTוהאשׁ על המזבח תוקד בו לא תכבה ובער עליה הכהן עצים בבקר בבקר וערך עליה העלה והקטיר עליה חלבי השׁלמים |
| SPוהאשׁ על המזבח תוקד בו לא תכבה ובער עליה הכהן עצים בבקר בבקר וערך עליה העלה והקטיר עליה חלבי שׁלמים | |
| 6 | MTאשׁ תמיד תוקד על המזבח לא תכבה |
| SPאשׁ תמיד תוקד על המזבח לא תכבה | |
| 7 | MTוזאת תורת המנחה הקרב אתה בני אהרן לפני יהוה אל פני המזבח |
| SPוזאת תורת המנחה הקריבו אתה בני אהרן לפני יהוה אל פני המזבח | |
| 8 | MTוהרים ממנו בקמצו מסלת המנחה ומשׁמנה ואת כל הלבנה אשׁר על המנחה והקטיר המזבח ריח ניחח אזכרתה ליהוה |
| SPוהרים ממנה בקמצו מסלת המנחה ומשׁמנה ואת כל הלבונה אשׁר על המנחה והקטיר המזבחה אשׁה ריח ניחח אזכרתה ליהוה | |
| 9 | MTוהנותרת ממנה יאכלו אהרן ובניו מצות תאכל במקום קדשׁ בחצר אהל מועד יאכלוה |
| SPוהנותרת ממנה יאכל אהרן ובניו מצות תאכל במקום קדושׁ בחצר אהל מועד יאכלוה | |
| 10 | MTלא תאפה חמץ חלקם נתתי אתה מאשׁי קדשׁ קדשׁים הוא כחטאת וכאשׁם |
| SPלא תאפה חמץ חלקם נתתי אתה מאשׁי יהוה קדשׁ קדשׁים היא כחטאת כאשׁם | |
| 11 | MTכל זכר בבני אהרן יאכלנה חק עולם לדרתיכם מאשׁי יהוה כל אשׁר יגע בהם יקדשׁ |
| SPכל זכר בבני אהרן יאכלנה חק עולם לדרתיכם מאשׁי יהוה כל אשׁר יגע בהם יקדשׁ | |
| 12 | MTוידבר יהוה אל משׁה לאמר |
| SPוידבר יהוה אל משׁה לאמר | |
| 13 | MTזה קרבן אהרן ובניו אשׁר יקריבו ליהוה ביום המשׁח אתו עשׂירת האפה סלת מנחה תמיד מחציתה בבקר ומחציתה בערב |
| SPזה קרבן אהרן ובניו אשׁר יקריבו ליהוה ביום המשׁיח אתו עשׂירת האיפה סלת למנחה תמיד מחציתה בבקר ומחציתה בין הערבים | |
| 14 | MTעל מחבת בשׁמן תעשׂה מרבכת תביאנה תפיני מנחת פתים תקריב ריח ניחח ליהוה |
| SPעל המחבת בשׁמן תעשׂה מרבכת תביאנה תופני מנחת פתים תקריב ריח ניחח ליהוה | |
| 15 | MTוהכהן המשׁיח תחתיו מבניו יעשׂה אתה חק עולם ליהוה כליל תקטר |
| SPהכהן המשׁיח תחתיו מבניו יעשׂה אתה חק עולם ליהוה כליל תקטיר | |
| 16 | MTוכל מנחת כהן כליל תהיה לא תאכל |
| SPוכל מנחת כהן כליל תהיה לא תאכל | |
| 17 | MTוידבר יהוה אל משׁה לאמר |
| SPוידבר יהוה אל משׁה לאמר | |
| 18 | MTדבר אל אהרן ואל בניו לאמר זאת תורת החטאת במקום אשׁר תשׁחט העלה תשׁחט החטאת לפני יהוה קדשׁ קדשׁים הוא |
| SPדבר אל אהרן ואל בניו לאמר זאת תורת החטאת במקום אשׁר תשׁחט העלה תשׁחט החטאת לפני יהוה קדשׁ קדשׁים היא | |
| 19 | MTהכהן המחטא אתה יאכלנה במקום קדשׁ תאכל בחצר אהל מועד |
| SPהכהן המחטא אתה יאכלנה במקום קדושׁ תאכל בחצר אהל מועד | |
| 20 | MTכל אשׁר יגע בבשׂרה יקדשׁ ואשׁר יזה מדמה על הבגד אשׁר יזה עליה תכבס במקום קדשׁ |
| SPכל אשׁר יגע בבשׂרה יקדשׁ ואשׁר יזה מדמה על הבגד אשׁר תזה עליו יכבס במקום קדושׁ | |
| 21 | MTוכלי חרשׂ אשׁר תבשׁל בו ישׁבר ואם בכלי נחשׁת בשׁלה ומרק ושׁטף במים |
| SPוכלי חרשׁ אשׁר תבשׁל בו ישׁבר ואם בכלי נחשׁת בשׁלה ומרק ושׁטף במים | |
| 22 | MTכל זכר בכהנים יאכל אתה קדשׁ קדשׁים הוא |
| SPכל זכר בכהנים יאכל אתה קדשׁ קדשׁים היא | |
| 23 | MTוכל חטאת אשׁר יובא מדמה אל אהל מועד לכפר בקדשׁ לא תאכל באשׁ תשׂרף |
| SPוכל חטאת אשׁר יבוא מדמה אל אהל מועד לכפר בקדשׁ לא תאכל באשׁ תשׂרף |