| 1 | MTונפשׁ כי תחטא ושׁמעה קול אלה והוא עד או ראה או ידע אם לוא יגיד ונשׂא עונו |
| SPונפשׁ כי תחטא ושׁמעה קול אלה והוא עד או ראה או ידע אם לא יגיד ונשׂא עונו | |
| 2 | MTאו נפשׁ אשׁר תגע בכל דבר טמא או בנבלת חיה טמאה או בנבלת בהמה טמאה או בנבלת שׁרץ טמא ונעלם ממנו והוא טמא ואשׁם |
| SPאו נפשׁ כי תגע בכל דבר טמא או בנבלת חיה טמאה או בנבלת בהמה טמאה או בנבלת שׁרץ טמא ונעלם ממנו והוא טמא ואשׁם | |
| 3 | MTאו כי יגע בטמאת אדם לכל טמאתו אשׁר יטמא בה ונעלם ממנו והוא ידע ואשׁם |
| SPאו כי יגע בטמאת אדם לכל טמאתו אשׁר יטמא בה ונעלם ממנו והוא ידע ואשׁם | |
| 4 | MTאו נפשׁ כי תשׁבע לבטא בשׂפתים להרע או להיטיב לכל אשׁר יבטא האדם בשׁבעה ונעלם ממנו והוא ידע ואשׁם לאחת מאלה |
| SPונפשׁ כי תשׁבע לבטא בשׂפתים להריע או להטיב לכל אשׁר יבטא האדם בשׁבועה ונעלם ממנו והוא ידע ואשׁם לאחת מאלה | |
| 5 | MTוהיה כי יאשׁם לאחת מאלה והתודה אשׁר חטא עליה |
| SPוהיה כי יחטא לאחת מאלה והתודה את אשׁר חטא עליה | |
| 6 | MTוהביא את אשׁמו ליהוה על חטאתו אשׁר חטא נקבה מן הצאן כשׂבה או שׂעירת עזים לחטאת וכפר עליו הכהן מחטאתו |
| SPוהביא את אשׁמו ליהוה על חטאתו אשׁר חטא נקבה מן הצאן כשׂבה או שׂעירת עזים לחטאת וכפר עליו הכהן על חטאתו אשׁר חטא ונסלח לו | |
| 7 | MTואם לא תגיע ידו די שׂה והביא את אשׁמו אשׁר חטא שׁתי תרים או שׁני בני יונה ליהוה אחד לחטאת ואחד לעלה |
| SPואם לא תשׂיג ידו די שׂה והביא על אשׁמו אשׁר חטא שׁתי תרים או שׁני בני יונה ליהוה אחד לחטאת ואחד לעלה | |
| 8 | MTוהביא אתם אל הכהן והקריב את אשׁר לחטאת ראשׁונה ומלק את ראשׁו ממול ערפו ולא יבדיל |
| SPוהביא אתם אל הכהן והקריב את אשׁר לחטאת ראישׁון ומלק הכהן את ראשׁו ממול ערפו ולא יבדל | |
| 9 | MTוהזה מדם החטאת על קיר המזבח והנשׁאר בדם ימצה אל יסוד המזבח חטאת הוא |
| SPוהזה מדם החטאת אל קיר המזבח והנשׁאר בדם ימצא אל יסוד המזבח חטאת היא | |
| 10 | MTואת השׁני יעשׂה עלה כמשׁפט וכפר עליו הכהן מחטאתו אשׁר חטא ונסלח לו |
| SPואת השׁני יעשׂה עלה כמשׁפט וכפר עליו הכהן מחטאתו אשׁר חטא ונסלח לו | |
| 11 | MTואם לא תשׂיג ידו לשׁתי תרים או לשׁני בני יונה והביא את קרבנו אשׁר חטא עשׂירת האפה סלת לחטאת לא ישׂים עליה שׁמן ולא יתן עליה לבנה כי חטאת היא |
| SPואם לא תשׂיג ידו לשׁתי תרים או לשׁני בני יונה והביא את קרבנו אשׁר חטא עשׂירת האיפה סלת לחטאת לא יצק עליה שׁמן ולא יתן עליה לבונה כי חטאת היא | |
| 12 | MTוהביאה אל הכהן וקמץ הכהן ממנה מלוא קמצו את אזכרתה והקטיר המזבחה על אשׁי יהוה חטאת הוא |
| SPוהביאה אל הכהן וקמץ ממנה מלוא קמצו את אזכרתה והקטיר המזבחה על אשׁי יהוה חטאת היא | |
| 13 | MTוכפר עליו הכהן על חטאתו אשׁר חטא מאחת מאלה ונסלח לו והיתה לכהן כמנחה |
| SPוכפר עליו הכהן על חטאתו אשׁר חטא מאחת מאלה ונסלח לו והיתה לכהן כמנחה | |
| 14 | MTוידבר יהוה אל משׁה לאמר |
| SPוידבר יהוה אל משׁה לאמר | |
| 15 | MTנפשׁ כי תמעל מעל וחטאה בשׁגגה מקדשׁי יהוה והביא את אשׁמו ליהוה איל תמים מן הצאן בערכך כסף שׁקלים בשׁקל הקדשׁ לאשׁם |
| SPנפשׁ כי תמעל מעל וחטאה בשׁגגה מקדשׁי יהוה והביא את אשׁמו ליהוה איל תמים מן הצאן בערכך כסף שׁקלים בשׁקל הקדשׁ לאשׁם | |
| 16 | MTואת אשׁר חטא מן הקדשׁ ישׁלם ואת חמישׁתו יוסף עליו ונתן אתו לכהן והכהן יכפר עליו באיל האשׁם ונסלח לו |
| SPואת אשׁר חטא מן הקדשׁ ישׁלם ואת חמישׁתו יסף עליו ונתן אתו לכהן והכהן יכפר עליו באיל האשׁם ונסלח לו | |
| 17 | MTואם נפשׁ כי תחטא ועשׂתה אחת מכל מצות יהוה אשׁר לא תעשׂינה ולא ידע ואשׁם ונשׂא עונו |
| SPואם נפשׁ אחת תחטא ועשׂתה אחת מכל מצות יהוה אשׁר לא תעשׂיהן ולא ידע ואשׁם ונשׂא עונו | |
| 18 | MTוהביא איל תמים מן הצאן בערכך לאשׁם אל הכהן וכפר עליו הכהן על שׁגגתו אשׁר שׁגג והוא לא ידע ונסלח לו |
| SPוהביא איל תמים מן הצאן בערכך לאשׁם אל הכהן וכפר עליו הכהן על שׁגגתו אשׁר שׁגג והוא לא ידע ונסלח לו | |
| 19 | MTאשׁם הוא אשׁם אשׁם ליהוה |
| SPאשׁם הוא אשׁם אשׁם ליהוה | |
| 20 | MTוידבר יהוה אל משׁה לאמר |
| SPוידבר יהוה אל משׁה לאמר | |
| 21 | MTנפשׁ כי תחטא ומעלה מעל ביהוה וכחשׁ בעמיתו בפקדון או בתשׂומת יד או בגזל או עשׁק את עמיתו |
| SPנפשׁ כי תחטא ומעלה מעל ביהוה וכחשׁ בעמיתו בפקדון או בתשׂומת יד או בגזל או עשׁק את עמיתו | |
| 22 | MTאו מצא אבדה וכחשׁ בה ונשׁבע על שׁקר על אחת מכל אשׁר יעשׂה האדם לחטא בהנה |
| SPאו מצא אבדה וכחשׁ בה ונשׁבע על שׁקר על אחת מכל אשׁר יעשׂה האדם לחטא בהן | |
| 23 | MTוהיה כי יחטא ואשׁם והשׁיב את הגזלה אשׁר גזל או את העשׁק אשׁר עשׁק או את הפקדון אשׁר הפקד אתו או את האבדה אשׁר מצא |
| SPוהיה כי יחטא ואשׁם והשׁיב את הגזל אשׁר גזל או את העשׁוק אשׁר עשׁק או את הפקדון אשׁר הפקד אתו או את האבדה אשׁר מצא | |
| 24 | MTאו מכל אשׁר ישׁבע עליו לשׁקר ושׁלם אתו בראשׁו וחמשׁתיו יסף עליו לאשׁר הוא לו יתננו ביום אשׁמתו |
| SPאו מכל דבר אשׁר ישׁבע עליו לשׁקר ושׁלם אתו בראשׁו וחמישׁתו יסף עליו לאשׁר הוא לו יתננו ביום אשׁמתו | |
| 25 | MTואת אשׁמו יביא ליהוה איל תמים מן הצאן בערכך לאשׁם אל הכהן |
| SPואת אשׁמו יביא ליהוה איל תמים מן הצאן בערכך לאשׁם | |
| 26 | MTוכפר עליו הכהן לפני יהוה ונסלח לו על אחת מכל אשׁר יעשׂה לאשׁמה בה |
| SPוכפר עליו הכהן לפני יהוה ונסלח לו על אחת מכל אשׁר יעשׂה לאשׁמה בה |