| 1 | MTוידבר יהוה אל משׁה לאמר |
| SPוידבר יהוה אל משׁה לאמר | |
| 2 | MTדבר אל בני ישׂראל לאמר נפשׁ כי תחטא בשׁגגה מכל מצות יהוה אשׁר לא תעשׂינה ועשׂה מאחת מהנה |
| SPדבר אל בני ישׂראל לאמר נפשׁ כי תחטא בשׁגגה מכל מצות יהוה אשׁר לא תעשׂיהן ועשׂה מאחת מהן | |
| 3 | MTאם הכהן המשׁיח יחטא לאשׁמת העם והקריב על חטאתו אשׁר חטא פר בן בקר תמים ליהוה לחטאת |
| SPאם הכהן המשׁיח יחטא לאשׁמת העם והקריב על חטאתו אשׁר חטא פר בן בקר תמים ליהוה לחטאת | |
| 4 | MTוהביא את הפר אל פתח אהל מועד לפני יהוה וסמך את ידו על ראשׁ הפר ושׁחט את הפר לפני יהוה |
| SPוהביא את הפר אל פתח אהל מועד לפני יהוה וסמך את ידו על ראשׁ הפר ושׁחט את הפר לפני יהוה | |
| 5 | MTולקח הכהן המשׁיח מדם הפר והביא אתו אל אהל מועד |
| SPולקח הכהן המשׁיח אשׁר מלא את ידו מדם הפר והביא אתו אל אהל מועד | |
| 6 | MTוטבל הכהן את אצבעו בדם והזה מן הדם שׁבע פעמים לפני יהוה את פני פרכת הקדשׁ |
| SPוטבל הכהן את אצבעו בדם והזה מן הדם שׁבע פעמים באצבעו לפני יהוה את פני פרכת הקדשׁ | |
| 7 | MTונתן הכהן מן הדם על קרנות מזבח קטרת הסמים לפני יהוה אשׁר באהל מועד ואת כל דם הפר ישׁפך אל יסוד מזבח העלה אשׁר פתח אהל מועד |
| SPונתן הכהן מן הדם על קרנות המזבח קטרת הסמים לפני יהוה אשׁר באהל מועד ואת כל הדם ישׁפך אל יסוד מזבח העלה אשׁר פתח אהל מועד | |
| 8 | MTואת כל חלב פר החטאת ירים ממנו את החלב המכסה על הקרב ואת כל החלב אשׁר על הקרב |
| SPואת כל חלב פר החטאת ירים ממנו את החלב המכסה את הקרב ואת כל החלב אשׁר על הקרב | |
| 9 | MTואת שׁתי הכלית ואת החלב אשׁר עליהן אשׁר על הכסלים ואת היתרת על הכבד על הכליות יסירנה |
| SPואת שׁתי הכליות ואת החלב אשׁר עליהן אשׁר על הכסלים ואת היותרת על הכבד על הכליות יסירנה | |
| 10 | MTכאשׁר יורם משׁור זבח השׁלמים והקטירם הכהן על מזבח העלה |
| SPכאשׁר יורם משׁור זבח השׁלמים והקטירם הכהן על מזבח העלה | |
| 11 | MTואת עור הפר ואת כל בשׂרו על ראשׁו ועל כרעיו וקרבו ופרשׁו |
| SPואת עור הפר ואת כל בשׂרו על ראשׁו ועל כרעיו וקרבו ופרשׁו | |
| 12 | MTוהוציא את כל הפר אל מחוץ למחנה אל מקום טהור אל שׁפך הדשׁן ושׂרף אתו על עצים באשׁ על שׁפך הדשׁן ישׂרף |
| SPוהוציאו את כל הפר אל מחוץ למחנה אל מקום טהור על שׁפך הדשׁן ושׂרפו אתו על העצים באשׁ על שׁפך הדשׁן ישׂרף | |
| 13 | MTואם כל עדת ישׂראל ישׁגו ונעלם דבר מעיני הקהל ועשׂו אחת מכל מצות יהוה אשׁר לא תעשׂינה ואשׁמו |
| SPואם כל עדת ישׂראל ישׁגו ונעלם דבר מעיני הקהל ועשׂו אחת מכל מצות יהוה אשׁר לא תעשׂיהן ואשׁמו | |
| 14 | MTונודעה החטאת אשׁר חטאו עליה והקריבו הקהל פר בן בקר לחטאת והביאו אתו לפני אהל מועד |
| SPונודע החטאת אשׁר חטאו עליה והקריבו הקהל פר בן בקר תמים לחטאת והביאו אתו לפני אהל מועד | |
| 15 | MTוסמכו זקני העדה את ידיהם על ראשׁ הפר לפני יהוה ושׁחט את הפר לפני יהוה |
| SPוסמכו זקני העדה את ידיהם על ראשׁ הפר לפני יהוה ושׁחט את הפר לפני יהוה | |
| 16 | MTוהביא הכהן המשׁיח מדם הפר אל אהל מועד |
| SPוהביא הכהן המשׁיח מדם הפר אל אהל מועד | |
| 17 | MTוטבל הכהן אצבעו מן הדם והזה שׁבע פעמים לפני יהוה את פני הפרכת |
| SPוטבל הכהן את אצבעו מן הדם והזה מן הדם שׁבע פעמים לפני יהוה את פני פרכת הקדשׁ | |
| 18 | MTומן הדם יתן על קרנת המזבח אשׁר לפני יהוה אשׁר באהל מועד ואת כל הדם ישׁפך אל יסוד מזבח העלה אשׁר פתח אהל מועד |
| SPומן הדם יתן הכהן על קרנות המזבח קטרת הסמים אשׁר לפני יהוה אשׁר באהל מועד ואת כל הדם ישׁפך אל יסוד מזבח העלה אשׁר פתח אהל מועד | |
| 19 | MTואת כל חלבו ירים ממנו והקטיר המזבחה |
| SPואת כל חלבו ירים ממנו והקטיר המזבחה | |
| 20 | MTועשׂה לפר כאשׁר עשׂה לפר החטאת כן יעשׂה לו וכפר עלהם הכהן ונסלח להם |
| SPועשׂה לפר כאשׁר עשׂה לפר החטאת כן יעשׂה לו וכפר עליהם הכהן ונסלח להם | |
| 21 | MTוהוציא את הפר אל מחוץ למחנה ושׂרף אתו כאשׁר שׂרף את הפר הראשׁון חטאת הקהל הוא |
| SPוהוציא את הפר אל מחוץ למחנה ושׂרף אתו כאשׁר שׂרף את הפר הראישׁון חטאת הקהל היא | |
| 22 | MTאשׁר נשׂיא יחטא ועשׂה אחת מכל מצות יהוה אלהיו אשׁר לא תעשׂינה בשׁגגה ואשׁם |
| SPאשׁר נשׂיא יחטא ועשׂה אחת מכל מצות יהוה אלהיו אשׁר לא תעשׂיהן בשׁגגה ואשׁם | |
| 23 | MTאו הודע אליו חטאתו אשׁר חטא בה והביא את קרבנו שׂעיר עזים זכר תמים |
| SPאו הודע אליו חטאתו אשׁר חטא בה והביא את קרבנו שׂעיר עזים זכר תמים | |
| 24 | MTוסמך ידו על ראשׁ השׂעיר ושׁחט אתו במקום אשׁר ישׁחט את העלה לפני יהוה חטאת הוא |
| SPוסמך את ידו על ראשׁ השׂעיר ושׁחט אתו במקום אשׁר ישׁחטו את העלה לפני יהוה חטאת היא | |
| 25 | MTולקח הכהן מדם החטאת באצבעו ונתן על קרנת מזבח העלה ואת דמו ישׁפך אל יסוד מזבח העלה |
| SPולקח הכהן מדם החטאת באצבעו ונתן על קרנות מזבח העלה ואת דמו ישׁפך אל יסוד מזבח העלה | |
| 26 | MTואת כל חלבו יקטיר המזבחה כחלב זבח השׁלמים וכפר עליו הכהן מחטאתו ונסלח לו |
| SPואת כל חלבו יקטיר המזבחה כחלב זבח השׁלמים וכפר עליו הכהן מחטאתו ונסלח לו | |
| 27 | MTואם נפשׁ אחת תחטא בשׁגגה מעם הארץ בעשׂתה אחת ממצות יהוה אשׁר לא תעשׂינה ואשׁם |
| SPואם נפשׁ אחת תחטא בשׁגגה מעם הארץ בעשׂותה אחת מכל מצות יהוה אשׁר לא תעשׂיהן ואשׁם | |
| 28 | MTאו הודע אליו חטאתו אשׁר חטא והביא קרבנו שׂעירת עזים תמימה נקבה על חטאתו אשׁר חטא |
| SPאו הודע אליו חטאתו אשׁר חטא עליה והביא את קרבנו שׂעירת עזים נקבה תמימה על חטאתו אשׁר חטא | |
| 29 | MTוסמך את ידו על ראשׁ החטאת ושׁחט את החטאת במקום העלה |
| SPוסמך את ידו על ראשׁ החטאת ושׁחט את החטאת במקום אשׁר ישׁחטו את העלה | |
| 30 | MTולקח הכהן מדמה באצבעו ונתן על קרנת מזבח העלה ואת כל דמה ישׁפך אל יסוד המזבח |
| SPולקח הכהן מדמה באצבעו ונתן על קרנות מזבח העלה ואת כל דמה ישׁפך אל יסוד מזבח העלה | |
| 31 | MTואת כל חלבה יסיר כאשׁר הוסר חלב מעל זבח השׁלמים והקטיר הכהן המזבחה לריח ניחח ליהוה וכפר עליו הכהן ונסלח לו |
| SPואת כל חלבה יסיר כאשׁר יסיר החלב מעל זבח השׁלמים והקטיר הכהן המזבחה לריח ניחח ליהוה וכפר עליו הכהן ונסלח לו | |
| 32 | MTואם כבשׂ יביא קרבנו לחטאת נקבה תמימה יביאנה |
| SPואם כשׂבה יביא קרבנו לחטאת נקבה תמימה יביאנה | |
| 33 | MTוסמך את ידו על ראשׁ החטאת ושׁחט אתה לחטאת במקום אשׁר ישׁחט את העלה |
| SPוסמך את ידו על ראשׁ החטאת ושׁחט אתה לחטאת במקום אשׁר ישׁחטו את העלה | |
| 34 | MTולקח הכהן מדם החטאת באצבעו ונתן על קרנת מזבח העלה ואת כל דמה ישׁפך אל יסוד המזבח |
| SPולקח הכהן מדם החטאת באצבעו ונתן על קרנות מזבח העלה ואת כל דמה ישׁפך אל יסוד מזבח העלה | |
| 35 | MTואת כל חלבה יסיר כאשׁר יוסר חלב הכשׂב מזבח השׁלמים והקטיר הכהן אתם המזבחה על אשׁי יהוה וכפר עליו הכהן על חטאתו אשׁר חטא ונסלח לו |
| SPואת כל חלבה יסיר כאשׁר יסיר חלב הכשׂב מזבח השׁלמים והקטיר הכהן המזבחה על אשׁי יהוה וכפר עליו הכהן על חטאתו אשׁר חטא ונסלח לו |