| 1 | MTויפל יוסף על פני אביו ויבך עליו וישׁק לו |
| SPויפל יוסף על פני אביו ויבך עליו וישׁק לו | |
| 2 | MTויצו יוסף את עבדיו את הרפאים לחנט את אביו ויחנטו הרפאים את ישׂראל |
| SPויצו יוסף את עבדיו את הרפאים לחנט את אביו ויחנטו הרפאים את ישׂראל | |
| 3 | MTוימלאו לו ארבעים יום כי כן ימלאו ימי החנטים ויבכו אתו מצרים שׁבעים יום |
| SPוימלאו לו ארבעים יום כי כן ימלאו ימי החנטים ויבכו אתו מצרימה שׁבעים יום | |
| 4 | MTויעברו ימי בכיתו וידבר יוסף אל בית פרעה לאמר אם נא מצאתי חן בעיניכם דברו נא באזני פרעה לאמר |
| SPויעברו ימי בכיתו וידבר יוסף אל בית פרעה לאמר אם נא מצאתי חן בעיניכם דברו נא באזני פרעה לאמר | |
| 5 | MTאבי השׁביעני לאמר הנה אנכי מת בקברי אשׁר כריתי לי בארץ כנען שׁמה תקברני ועתה אעלה נא ואקברה את אבי ואשׁובה |
| SPאבי השׁביעני לפני מותו לאמר הנה אנכי מת בקברי אשׁר כרתי לי בארץ כנען שׁם תקברני ועתה אעלה נא ואקברה את אבי כאשׁר השׁביעני ואשׁובה | |
| 6 | MTויאמר פרעה עלה וקבר את אביך כאשׁר השׁביעך |
| SPויאמר פרעה עלה וקבר את אביך כאשׁר השׁביעך | |
| 7 | MTויעל יוסף לקבר את אביו ויעלו אתו כל עבדי פרעה זקני ביתו וכל זקני ארץ מצרים |
| SPויעל יוסף לקבר את אביו ויעלו אתו כל עבדי פרעה זקני ביתו וכל זקני ארץ מצרים | |
| 8 | MTוכל בית יוסף ואחיו ובית אביו רק טפם וצאנם ובקרם עזבו בארץ גשׁן |
| SPוכל בית יוסף אחיו ובית אביו רק טפם וצאנם ובקרם עזבו בארץ גשׁן | |
| 9 | MTויעל עמו גם רכב גם פרשׁים ויהי המחנה כבד מאד |
| SPויעל עמו גם רכב גם פרשׁים ויהי המחנה כבד מאד | |
| 10 | MTויבאו עד גרן האטד אשׁר בעבר הירדן ויספדו שׁם מספד גדול וכבד מאד ויעשׂ לאביו אבל שׁבעת ימים |
| SPויבאו עד גרן האטד אשׁר בעבר הירדן ויספדו שׁם מספד גדול וכבד מאד ויעשׂ לאביו אבל שׁבעת ימים | |
| 11 | MTוירא יושׁב הארץ הכנעני את האבל בגרן האטד ויאמרו אבל כבד זה למצרים על כן קרא שׁמה אבל מצרים אשׁר בעבר הירדן |
| SPוירא יושׁב הארץ הכנעני את האבל בגרן האטד ויאמרו אבל כבד זה למצרים על כן קרא שׁמו אבל מצרים אשׁר בעבר הירדן | |
| 12 | MTויעשׂו בניו לו כן כאשׁר צום |
| SPויעשׂו לו בניו כן כאשׁר צום | |
| 13 | MTוישׂאו אתו בניו ארצה כנען ויקברו אתו במערת שׂדה המכפלה אשׁר קנה אברהם את השׂדה לאחזת קבר מאת עפרן החתי על פני ממרא |
| SPוישׂאו אתו בניו ארצה כנען ויקברו אתו במערת שׂדה המכפלה אשׁר קנה אברהם את השׂדה לאחזת קבר מאת עפרון החתי על פני ממרא | |
| 14 | MTוישׁב יוסף מצרימה הוא ואחיו וכל העלים אתו לקבר את אביו אחרי קברו את אביו |
| SPוישׁב יוסף מצרימה הוא ואחיו וכל העלים אתו לקבר את אביו אחרי קברו את אביו | |
| 15 | MTויראו אחי יוסף כי מת אביהם ויאמרו לו ישׂטמנו יוסף והשׁב ישׁיב לנו את כל הרעה אשׁר גמלנו אתו |
| SPויראו אחי יוסף כי מת אביהם ויאמרו לא ישׂטמנו יוסף השׁב ישׁיב לנו את כל הרעה אשׁר גמלנו אתו | |
| 16 | MTויצוו אל יוסף לאמר אביך צוה לפני מותו לאמר |
| SPויצוו על יוסף לאמר אביך צוה לפני מותו לאמר | |
| 17 | MTכה תאמרו ליוסף אנא שׂא נא פשׁע אחיך וחטאתם כי רעה גמלוך ועתה שׂא נא לפשׁע עבדי אלהי אביך ויבך יוסף בדברם אליו |
| SPכה תאמרון ליוסף אנה שׂא נא פשׁע אחיך וחטאתם כי רעה גמלוך ועתה שׂא נא לפשׁע עבדי אלהי אביך ויבך יוסף בדברם אליו | |
| 18 | MTוילכו גם אחיו ויפלו לפניו ויאמרו הננו לך לעבדים |
| SPוילכו גם אחיו ויפלו לפניו ויאמרו הננו לך לעבדים | |
| 19 | MTויאמר אלהם יוסף אל תיראו כי התחת אלהים אני |
| SPויאמר אליהם יוסף אל תיראו התחת אלהים אני | |
| 20 | MTואתם חשׁבתם עלי רעה אלהים חשׁבה לטבה למען עשׂה כיום הזה להחית עם רב |
| SPאתם חשׁבתם עלי רעה והאלהים חשׁבה לטובה למען עשׂות כיום הזה להחיות עם רב | |
| 21 | MTועתה אל תיראו אנכי אכלכל אתכם ואת טפכם וינחם אותם וידבר על לבם |
| SPועתה אל תיראו אנכי אכלכל אתכם ואת טפכם וינחם אתם וידבר אל לבם | |
| 22 | MTוישׁב יוסף במצרים הוא ובית אביו ויחי יוסף מאה ועשׂר שׁנים |
| SPוישׁב יוסף במצרים הוא ובית אביו ויחי יוסף מאה ועשׂר שׁנים | |
| 23 | MTוירא יוסף לאפרים בני שׁלשׁים גם בני מכיר בן מנשׁה ילדו על ברכי יוסף |
| SPוירא יוסף לאפרים בנים שׁלישׁים גם בני מכיר בן מנשׁה ילדו בימי יוסף | |
| 24 | MTויאמר יוסף אל אחיו אנכי מת ואלהים פקד יפקד אתכם והעלה אתכם מן הארץ הזאת אל הארץ אשׁר נשׁבע לאברהם ליצחק וליעקב |
| SPויאמר יוסף אל אחיו אנכי מת והאלהים פקד יפקד אתכם והעלה אתכם מן הארץ הזאת אל הארץ אשׁר נשׁבע לאברהם ליצחק וליעקב | |
| 25 | MTוישׁבע יוסף את בני ישׂראל לאמר פקד יפקד אלהים אתכם והעלתם את עצמתי מזה |
| SPוישׁביע יוסף את בני ישׂראל לאמר פקד יפקד אלהים אתכם והעליתם את עצמתי מזה אתכם | |
| 26 | MTוימת יוסף בן מאה ועשׂר שׁנים ויחנטו אתו ויישׂם בארון במצרים |
| SPוימת יוסף בן מאה ועשׂר שׁנים ויחנטו אתו ויושׂם בארן במצרים |