| 1 | MTויקרא יעקב אל בניו ויאמר האספו ואגידה לכם את אשׁר יקרא אתכם באחרית הימים |
| SPויקרא יעקב אל בניו ויאמר האספו ואגידה לכם את אשׁר יקרא אתכם באחרית הימים | |
| 2 | MTהקבצו ושׁמעו בני יעקב ושׁמעו אל ישׂראל אביכם |
| SPהקבצו ושׁמעו בני יעקב ושׁמעו אל ישׂראל אביכם | |
| 3 | MTראובן בכרי אתה כחי וראשׁית אוני יתר שׂאת ויתר עז |
| SPראובן בכורי אתה כחי וראשׁית אוני יתר שׂאת ויתר עז | |
| 4 | MTפחז כמים אל תותר כי עלית משׁכבי אביך אז חללת יצועי עלה |
| SPפחזת כמים אל תותיר כי עלית משׁכבי אביך אז חללת יצועי עלה | |
| 5 | MTשׁמעון ולוי אחים כלי חמס מכרתיהם |
| SPשׁמעון ולוי אחים כלו חמס מכרתיהם | |
| 6 | MTבסדם אל תבא נפשׁי בקהלם אל תחד כבדי כי באפם הרגו אישׁ וברצנם עקרו שׁור |
| SPבסודם אל תבוא נפשׁי ובקהלם אל יחר כבודי כי באפם הרגו אישׁ וברצונם עקרו שׁור | |
| 7 | MTארור אפם כי עז ועברתם כי קשׁתה אחלקם ביעקב ואפיצם בישׂראל |
| SPאדיר אפם כי עז וחברתם כי קשׁתה אחלקם ביעקב ואפיצם בישׂראל | |
| 8 | MTיהודה אתה יודוך אחיך ידך בערף איביך ישׁתחוו לך בני אביך |
| SPיהודה אתה יודך אחיך ידיך בערף איביך ישׁתחוו לך בני אביך | |
| 9 | MTגור אריה יהודה מטרף בני עלית כרע רבץ כאריה וכלביא מי יקימנו |
| SPגור אריה יהודה מטרף בני עלית כרע רבץ כאריה וכלביה מי יקימנו | |
| 10 | MTלא יסור שׁבט מיהודה ומחקק מבין רגליו עד כי יבא שׁילה ולו יקהת עמים |
| SPלא יסור שׁבט מיהודה ומחקק מבין דגליו עד כי יבוא שׁלה ולו יקחתו עמים | |
| 11 | MTאסרי לגפן עירה ולשׂרקה בני אתנו כבס ביין לבשׁו ובדם ענבים סותה |
| SPאסורי לגפן עירו ולשׂרקה בני איתנו כבס ביין לבושׁו ובדם ענבים כסותו | |
| 12 | MTחכלילי עינים מיין ולבן שׁנים מחלב |
| SPחכלילו עינים מיין ולבן שׁנים מחלב | |
| 13 | MTזבולן לחוף ימים ישׁכן והוא לחוף אניות וירכתו על צידן |
| SPזבולן לחוף ימים ישׁכן והוא לחוף אניות וירכתו עד צידן | |
| 14 | MTישׂשׂכר חמר גרם רבץ בין המשׁפתים |
| SPישׂשׂכר חמור גרים רבץ בין המשׁפתים | |
| 15 | MTוירא מנחה כי טוב ואת הארץ כי נעמה ויט שׁכמו לסבל ויהי למס עבד |
| SPוירא מנוחה כי טובה ואת הארץ כי נעמה ויט שׁכמו לסבל ויהי למוס עבד | |
| 16 | MTדן ידין עמו כאחד שׁבטי ישׂראל |
| SPדן ידין עמו כאחד שׁבטי ישׂראל | |
| 17 | MTיהי דן נחשׁ עלי דרך שׁפיפן עלי ארח הנשׁך עקבי סוס ויפל רכבו אחור |
| SPיהיה דן נחשׁ עלה דרך שׁפפון עלי ארח הנשׁך עקבי סוס ויפל רכבו אחור | |
| 18 | MTלישׁועתך קויתי יהוה |
| SPלישׁועתך קויתי יהוה | |
| 19 | MTגד גדוד יגודנו והוא יגד עקב |
| SPגד גדוד יגידנו והוא יגיד עקב | |
| 20 | MTמאשׁר שׁמנה לחמו והוא יתן מעדני מלך |
| SPמאשׁר שׁמן לחמו והוא יתן מעדני מלך | |
| 21 | MTנפתלי אילה שׁלחה הנתן אמרי שׁפר |
| SPנפתלי אילה שׁלוחה הנתן אמרי שׁפר | |
| 22 | MTבן פרת יוסף בן פרת עלי עין בנות צעדה עלי שׁור |
| SPבן פרת יוסף בן פרת עלי עין בני צעירי עלי שׁור | |
| 23 | MTוימררהו ורבו וישׂטמהו בעלי חצים |
| SPוימררהו ויריבהו וישׂטמהו בעלי חצים | |
| 24 | MTותשׁב באיתן קשׁתו ויפזו זרעי ידיו מידי אביר יעקב משׁם רעה אבן ישׂראל |
| SPותשׁב באיתן קשׁתו ויפזו זרועי ידיו מידי אביר יעקב משׁם רעי אבן ישׂראל | |
| 25 | MTמאל אביך ויעזרך ואת שׁדי ויברכך ברכת שׁמים מעל ברכת תהום רבצת תחת ברכת שׁדים ורחם |
| SPמאל אביך ויעזרך אל שׁדי ויברכך ברכת שׁמים ממעל ברכת תהום רבצת תחת ברכת שׁדים ורחם | |
| 26 | MTברכת אביך גברו על ברכת הורי עד תאות גבעת עולם תהיין לראשׁ יוסף ולקדקד נזיר אחיו |
| SPברכת אביך ואמך גברו על ברכת הרי עד תאות גבעת עולם תהינה לראשׁ יוסף ולקדקד נזיר אחיו | |
| 27 | MTבנימין זאב יטרף בבקר יאכל עד ולערב יחלק שׁלל |
| SPבנימים זאב יטרף בבקר יאכל עדי ולערב יחלק שׁלל | |
| 28 | MTכל אלה שׁבטי ישׂראל שׁנים עשׂר וזאת אשׁר דבר להם אביהם ויברך אותם אישׁ אשׁר כברכתו ברך אתם |
| SPכל אלה שׁבטי ישׂראל שׁנים עשׂר וזאת אשׁר דבר להם אביהם ויברך אתם אישׁ כברכתו ברך אתם | |
| 29 | MTויצו אותם ויאמר אלהם אני נאסף אל עמי קברו אתי אל אבתי אל המערה אשׁר בשׂדה עפרון החתי |
| SPויצו אתם ויאמר אליהם אני נאסף אל עמי קברו אתי אל אבותי אל המערה אשׁר בשׂדה עפרון החתי | |
| 30 | MTבמערה אשׁר בשׂדה המכפלה אשׁר על פני ממרא בארץ כנען אשׁר קנה אברהם את השׂדה מאת עפרן החתי לאחזת קבר |
| SPבמערה אשׁר בשׂדה המכפלה אשׁר על פני ממרא בארץ כנען אשׁר קנה אברהם את השׂדה מאת עפרון החתי לאחזת קבר | |
| 31 | MTשׁמה קברו את אברהם ואת שׂרה אשׁתו שׁמה קברו את יצחק ואת רבקה אשׁתו ושׁמה קברתי את לאה |
| SPשׁם קברו את אברהם ואת שׂרה אשׁתו ושׁם קברו את יצחק ואת רבקה אשׁתו ושׁם קברתי את לאה | |
| 32 | MTמקנה השׂדה והמערה אשׁר בו מאת בני חת |
| SPמקנה השׂדה והמערה אשׁר בו מאת בני חת | |
| 33 | MTויכל יעקב לצות את בניו ויאסף רגליו אל המטה ויגוע ויאסף אל עמיו |
| SPויכל יעקב לצות את בניו ויאסף רגליו אל המטה ויגוע ויאסף אל עמו |