| 1 | MTואלה שׁמות בני ישׂראל הבאים מצרימה את יעקב אישׁ וביתו באו |
| SPואלה שׁמות בני ישׂראל הבאים מצרימה את יעקב אישׁ וביתו באו | |
| 2 | MTראובן שׁמעון לוי ויהודה |
| SPראובן ושׁמעון ולוי ויהודה | |
| 3 | MTישׂשׂכר זבולן ובנימן |
| SPוישׂשׂכר וזבולן ובנימים | |
| 4 | MTדן ונפתלי גד ואשׁר |
| SPדן ונפתלי גד ואשׁר | |
| 5 | MTויהי כל נפשׁ יצאי ירך יעקב שׁבעים נפשׁ ויוסף היה במצרים |
| SPויהיו כל נפשׁ יצאי ירך יעקב שׁבעים נפשׁ ויוסף היה במצרים | |
| 6 | MTוימת יוסף וכל אחיו וכל הדור ההוא |
| SPוימת יוסף וכל אחיו וכל הדור ההוא | |
| 7 | MTובני ישׂראל פרו וישׁרצו וירבו ויעצמו במאד מאד ותמלא הארץ אתם |
| SPובני ישׂראל פרו וישׁרצו וירבו ויעצמו במאד מאד ותמלא הארץ אתם | |
| 8 | MTויקם מלך חדשׁ על מצרים אשׁר לא ידע את יוסף |
| SPויקם מלך חדשׁ על מצרים אשׁר לא ידע את יוסף | |
| 9 | MTויאמר אל עמו הנה עם בני ישׂראל רב ועצום ממנו |
| SPויאמר אל עמו הן עם בני ישׂראל רב ועצום ממנו | |
| 10 | MTהבה נתחכמה לו פן ירבה והיה כי תקראנה מלחמה ונוסף גם הוא על שׂנאינו ונלחם בנו ועלה מן הארץ |
| SPהבה נתחכם לו פן ירבה והיה כי תקראנו מלחמה ונוסף גם הוא על שׂנאינו ונלחם בנו ועלה מן הארץ | |
| 11 | MTוישׂימו עליו שׂרי מסים למען ענתו בסבלתם ויבן ערי מסכנות לפרעה את פתם ואת רעמסס |
| SPוישׂמו עליו שׂרי מסים למען ענותם בסבלותם ויבנו ערי מסכנת לפרעה את פיתון ואת רעמסס | |
| 12 | MTוכאשׁר יענו אתו כן ירבה וכן יפרץ ויקצו מפני בני ישׂראל |
| SPוכאשׁר יענו אתו כן יפרה וכן יפרץ ויקצו מפני בני ישׂראל | |
| 13 | MTויעבדו מצרים את בני ישׂראל בפרך |
| SPויעבדו מצרים את בני ישׂראל בפרך | |
| 14 | MTוימררו את חייהם בעבדה קשׁה בחמר ובלבנים ובכל עבדה בשׂדה את כל עבדתם אשׁר עבדו בהם בפרך |
| SPוימררו את חייהם בעבדה קשׁה בחימר ובלבנים ובכל עבדה בשׂדה את כל עבדתם אשׁר עבדו בהם בפרך | |
| 15 | MTויאמר מלך מצרים למילדת העברית אשׁר שׁם האחת שׁפרה ושׁם השׁנית פועה |
| SPויאמר מלך מצרים למילדות העבריות אשׁר שׁם האחת שׁפרה ושׁם השׁנית פועה | |
| 16 | MTויאמר בילדכן את העבריות וראיתן על האבנים אם בן הוא והמתן אתו ואם בת היא וחיה |
| SPויאמר בילדכן את העבריות וראיתן על האבנים אם בן הוא והמתן אתו ואם בת היא וחיתה | |
| 17 | MTותיראן המילדת את האלהים ולא עשׂו כאשׁר דבר אליהן מלך מצרים ותחיין את הילדים |
| SPותיראנה המילדות את האלהים ולא עשׂו כאשׁר דבר אליהן מלך מצרים ותחינה את הילדים | |
| 18 | MTויקרא מלך מצרים למילדת ויאמר להן מדוע עשׂיתן הדבר הזה ותחיין את הילדים |
| SPויקרא פרעה למילדות ויאמר להן מדוע עשׂיתן את הדבר הזה ותחינה את הילדים | |
| 19 | MTותאמרן המילדת אל פרעה כי לא כנשׁים המצרית העברית כי חיות הנה בטרם תבוא אלהן המילדת וילדו |
| SPותאמרנה המילדות אל פרעה כי לא כנשׁים המצריות העבריות כי חיות הנה בטרם תבוא אליהן המילדות וילדו | |
| 20 | MTוייטב אלהים למילדת וירב העם ויעצמו מאד |
| SPוייטב אלהים למילדות וירבו העם ויעצמו מאד | |
| 21 | MTויהי כי יראו המילדת את האלהים ויעשׂ להם בתים |
| SPויהי כי יראו המילדות את האלהים ויעשׂ להם בתים | |
| 22 | MTויצו פרעה לכל עמו לאמר כל הבן הילוד היארה תשׁליכהו וכל הבת תחיון |
| SPויצו פרעה לכל עמו לאמר כל הבן הילד לעברים היאר תשׁליכון וכל הבת תחיון |