| 1 | MTויהי אחרי הדברים האלה ויאמר ליוסף הנה אביך חלה ויקח את שׁני בניו עמו את מנשׁה ואת אפרים |
| SPויהי אחר הדברים האלה ויאמר ליוסף הנה אביך חלה ויקח את שׁני בניו עמו את מנשׁה ואת אפרים | |
| 2 | MTויגד ליעקב ויאמר הנה בנך יוסף בא אליך ויתחזק ישׂראל וישׁב על המטה |
| SPויגד ליעקב ויאמר הנה בנך יוסף בא אליך ויתחזק ישׂראל וישׁב על המטה | |
| 3 | MTויאמר יעקב אל יוסף אל שׁדי נראה אלי בלוז בארץ כנען ויברך אתי |
| SPויאמר יעקב אל יוסף אל שׁדי נראה אלי בלוזה בארץ כנען ויברך אתי | |
| 4 | MTויאמר אלי הנני מפרך והרביתך ונתתיך לקהל עמים ונתתי את הארץ הזאת לזרעך אחריך אחזת עולם |
| SPויאמר אלי הנני מפריך והרביתיך ונתתיך לקהל עמים ונתתי את הארץ הזאת לזרעך אחריך אחזת עולם | |
| 5 | MTועתה שׁני בניך הנולדים לך בארץ מצרים עד באי אליך מצרימה לי הם אפרים ומנשׁה כראובן ושׁמעון יהיו לי |
| SPועתה שׁני בניך הנולדים לך בארץ מצרים עד באי אליך מצרימה לי הם אפרים ומנשׁה כראובן וכשׁמעון יהיו לי | |
| 6 | MTומולדתך אשׁר הולדת אחריהם לך יהיו על שׁם אחיהם יקראו בנחלתם |
| SPומולדתך אשׁר הולדת אחריהם לך יהיו על שׁם אחיהם יקראו בנחלתם | |
| 7 | MTואני בבאי מפדן מתה עלי רחל בארץ כנען בדרך בעוד כברת ארץ לבא אפרתה ואקברה שׁם בדרך אפרת הוא בית לחם |
| SPואני בבאי מפדן ארם מתה עלי רחל אמך בארץ כנען בדרך בעוד כברת הארץ לבוא אפרתה ואקברה שׁם בדרך אפרתה היא בית לחם | |
| 8 | MTוירא ישׂראל את בני יוסף ויאמר מי אלה |
| SPוירא ישׂראל את בני יוסף ויאמר מי אלה לך | |
| 9 | MTויאמר יוסף אל אביו בני הם אשׁר נתן לי אלהים בזה ויאמר קחם נא אלי ואברכם |
| SPויאמר יוסף אל אביו בני הם אשׁר נתן לי אלהים בזה ויאמר קחם נא אלי ואברכם | |
| 10 | MTועיני ישׂראל כבדו מזקן לא יוכל לראות ויגשׁ אתם אליו וישׁק להם ויחבק להם |
| SPועיני ישׂראל כבדה מזקנה לא יכל לראות ויגשׁ אתם אליו וישׁק להם ויחבק להם | |
| 11 | MTויאמר ישׂראל אל יוסף ראה פניך לא פללתי והנה הראה אתי אלהים גם את זרעך |
| SPויאמר ישׂראל אל יוסף ראה פניך לא פללתי והנה הראה אתי אלהים גם את זרעך | |
| 12 | MTויוצא יוסף אתם מעם ברכיו וישׁתחו לאפיו ארצה |
| SPויוצא יוסף אתם מעם ברכיו וישׁתחוו לאפיו ארצה | |
| 13 | MTויקח יוסף את שׁניהם את אפרים בימינו משׂמאל ישׂראל ואת מנשׁה בשׂמאלו מימין ישׂראל ויגשׁ אליו |
| SPויקח יוסף את שׁניהם את אפרים בימינו משׂמאל ישׂראל ואת מנשׁה בשׂמאלו מימין ישׂראל ויגשׁ אליו | |
| 14 | MTוישׁלח ישׂראל את ימינו וישׁת על ראשׁ אפרים והוא הצעיר ואת שׂמאלו על ראשׁ מנשׁה שׂכל את ידיו כי מנשׁה הבכור |
| SPוישׁלח ישׂראל את יד ימינו וישׁתה על ראשׁ אפרים והוא הצעיר ואת שׂמאלו על ראשׁ מנשׁה שׂכל את ידיו כי מנשׁה הבכור | |
| 15 | MTויברך את יוסף ויאמר האלהים אשׁר התהלכו אבתי לפניו אברהם ויצחק האלהים הרעה אתי מעודי עד היום הזה |
| SPויברך את יוסף ויאמר האלהים אשׁר התהלכו אבותי לפניו אברהם ויצחק האלהים הרעה אתי מעודני עד היום הזה | |
| 16 | MTהמלאך הגאל אתי מכל רע יברך את הנערים ויקרא בהם שׁמי ושׁם אבתי אברהם ויצחק וידגו לרב בקרב הארץ |
| SPהמלך הגאל אתי מכל רע יברך את הנערים האלה ויקרא בהם שׁמי ושׁם אבותי אברהם ויצחק וידגו לרב בקרב הארץ | |
| 17 | MTוירא יוסף כי ישׁית אביו יד ימינו על ראשׁ אפרים וירע בעיניו ויתמך יד אביו להסיר אתה מעל ראשׁ אפרים על ראשׁ מנשׁה |
| SPוירא יוסף כי ישׁית אביו את יד ימינו על ראשׁ אפרים וירע בעיניו ויתמך יד אביו להסיר אתה מעל ראשׁ אפרים על ראשׁ מנשׁה | |
| 18 | MTויאמר יוסף אל אביו לא כן אבי כי זה הבכר שׂים ימינך על ראשׁו |
| SPויאמר יוסף אל אביו לא כן אבי כי זה הבכור שׂים ימינך על ראשׁו | |
| 19 | MTוימאן אביו ויאמר ידעתי בני ידעתי גם הוא יהיה לעם וגם הוא יגדל ואולם אחיו הקטן יגדל ממנו וזרעו יהיה מלא הגוים |
| SPוימאן אביו ויאמר ידעתי בני ידעתי גם הוא יהיה לעם וגם הוא יגדל ואולם אחיו הקטן יגדל ממנו וזרעו יהיה מלא הגוים | |
| 20 | MTויברכם ביום ההוא לאמור בך יברך ישׂראל לאמר ישׂמך אלהים כאפרים וכמנשׁה וישׂם את אפרים לפני מנשׁה |
| SPויברכם ביום ההוא לאמר בך יברך ישׂראל לאמר ישׂימך אלהים כאפרים וכמנשׁה וישׂם את אפרים לפני מנשׁה | |
| 21 | MTויאמר ישׂראל אל יוסף הנה אנכי מת והיה אלהים עמכם והשׁיב אתכם אל ארץ אבתיכם |
| SPויאמר ישׂראל אל יוסף הנה אנכי מת והיה אלהים עמכם והשׁיב אתכם אל ארץ אבתיכם | |
| 22 | MTואני נתתי לך שׁכם אחד על אחיך אשׁר לקחתי מיד האמרי בחרבי ובקשׁתי |
| SPואני נתתי לך שׁכם אחת על אחיך אשׁר לקחתי מיד האמרי בחרבי ובקשׁתי |