| 1 | MTויבא יוסף ויגד לפרעה ויאמר אבי ואחי וצאנם ובקרם וכל אשׁר להם באו מארץ כנען והנם בארץ גשׁן |
| SPויבא יוסף ויגד לפרעה ויאמר אליו אבי ואחי וצאנם ובקרם וכל אשׁר להם באו מארץ כנען והנם בארץ גשׁן | |
| 2 | MTומקצה אחיו לקח חמשׁה אנשׁים ויצגם לפני פרעה |
| SPומקצה אחיו לקח עמו חמשׁה אנשׁים ויצגם לפני פרעה | |
| 3 | MTויאמר פרעה אל אחיו מה מעשׂיכם ויאמרו אל פרעה רעה צאן עבדיך גם אנחנו גם אבותינו |
| SPויאמר פרעה אל אחי יוסף מה מעשׂיכם ויאמרו אל פרעה רעי צאן עבדיך גם אנחנו גם אבתינו | |
| 4 | MTויאמרו אל פרעה לגור בארץ באנו כי אין מרעה לצאן אשׁר לעבדיך כי כבד הרעב בארץ כנען ועתה ישׁבו נא עבדיך בארץ גשׁן |
| SPויאמרו אל פרעה לגור בארץ באנו כי אין מרעה לצאן אשׁר לעבדיך כי כבד הרעב בארץ כנען ועתה ישׁבו נא עבדיך בארץ גשׁן | |
| 5 | MTויאמר פרעה אל יוסף לאמר אביך ואחיך באו אליך |
| SPויאמר פרעה אל יוסף לאמר אביך ואחיך באו אליך | |
| 6 | MTארץ מצרים לפניך הוא במיטב הארץ הושׁב את אביך ואת אחיך ישׁבו בארץ גשׁן ואם ידעת וישׁ בם אנשׁי חיל ושׂמתם שׂרי מקנה על אשׁר לי |
| SPארץ מצרים לפניך היא במיטב הארץ הושׁב את אביך ואת אחיך ישׁבו בארץ גשׁן ואם ידעת הישׁ בם אנשׁי חיל ושׂמתם שׂרי מקנה על אשׁר לי | |
| 7 | MTויבא יוסף את יעקב אביו ויעמדהו לפני פרעה ויברך יעקב את פרעה |
| SPויבא יוסף את יעקב אביו ויעמדהו לפני פרעה ויברך יעקב את פרעה | |
| 8 | MTויאמר פרעה אל יעקב כמה ימי שׁני חייך |
| SPויאמר פרעה אל יעקב כמה ימי שׁני חייך | |
| 9 | MTויאמר יעקב אל פרעה ימי שׁני מגורי שׁלשׁים ומאת שׁנה מעט ורעים היו ימי שׁני חיי ולא השׂיגו את ימי שׁני חיי אבתי בימי מגוריהם |
| SPויאמר יעקב אל פרעה ימי שׁני מגרי שׁלשׁים ומאת שׁנה מעט ורעים היו ימי שׁני חיי ולא השׂיגו את ימי שׁני חיי אבותי בימי מגריהם | |
| 10 | MTויברך יעקב את פרעה ויצא מלפני פרעה |
| SPויברך יעקב את פרעה ויצא מלפני פרעה | |
| 11 | MTויושׁב יוסף את אביו ואת אחיו ויתן להם אחזה בארץ מצרים במיטב הארץ בארץ רעמסס כאשׁר צוה פרעה |
| SPויושׁב יוסף את אביו ואת אחיו ויתן להם אחזה בארץ מצרים במיטב הארץ בארץ רעמסס כאשׁר צוה פרעה | |
| 12 | MTויכלכל יוסף את אביו ואת אחיו ואת כל בית אביו לחם לפי הטף |
| SPויכלכל יוסף את אביו ואת אחיו ואת כל בית אביו לחם לפי הטף | |
| 13 | MTולחם אין בכל הארץ כי כבד הרעב מאד ותלה ארץ מצרים וארץ כנען מפני הרעב |
| SPולחם אין בכל הארץ כי כבד הרעב מאד ותלא ארץ מצרים וארץ כנען מפני הרעב | |
| 14 | MTוילקט יוסף את כל הכסף הנמצא בארץ מצרים ובארץ כנען בשׁבר אשׁר הם שׁברים ויבא יוסף את הכסף ביתה פרעה |
| SPוילקט יוסף את כל הכסף הנמצא בארץ מצרים ובארץ כנען בשׁבר אשׁר הם שׁברים ויבא יוסף את הכסף ביתה פרעה | |
| 15 | MTויתם הכסף מארץ מצרים ומארץ כנען ויבאו כל מצרים אל יוסף לאמר הבה לנו לחם ולמה נמות נגדך כי אפס כסף |
| SPויתם הכסף מארץ מצרים ומארץ כנען ויבאו כל מצרים אל יוסף לאמר הבה לנו לחם ולמה נמות נגדך כי אפס הכסף | |
| 16 | MTויאמר יוסף הבו מקניכם ואתנה לכם במקניכם אם אפס כסף |
| SPויאמר יוסף הבו מקניכם ואתן לכם לחם במקניכם אם אפס הכסף | |
| 17 | MTויביאו את מקניהם אל יוסף ויתן להם יוסף לחם בסוסים ובמקנה הצאן ובמקנה הבקר ובחמרים וינהלם בלחם בכל מקנהם בשׁנה ההוא |
| SPויביאו את מקניהם אל יוסף ויתן להם יוסף לחם בסוסים ובמקנה הצאן ובמקנה הבקר ובחמרים וינחלם בלחם בכל מקניהם בשׁנה ההיא | |
| 18 | MTותתם השׁנה ההוא ויבאו אליו בשׁנה השׁנית ויאמרו לו לא נכחד מאדני כי אם תם הכסף ומקנה הבהמה אל אדני לא נשׁאר לפני אדני בלתי אם גויתנו ואדמתנו |
| SPותתם השׁנה ההיא ויבאו אליו בשׁנה השׁנית ויאמרו לו לא נכחד מאדני כי אם תם הכסף ומקנה הבהמה אל אדני לא נשׁאר לפני אדני בלתי אם גויתינו ואדמתנו | |
| 19 | MTלמה נמות לעיניך גם אנחנו גם אדמתנו קנה אתנו ואת אדמתנו בלחם ונהיה אנחנו ואדמתנו עבדים לפרעה ותן זרע ונחיה ולא נמות והאדמה לא תשׁם |
| SPלמה נמות לעיניך גם אנחנו גם אדמתנו קנה אתנו ואת אדמתנו בלחם ונהיה אנחנו ואדמתנו עבדים לפרעה ותן זרע ונחיה ולא נמות והאדמה לא תשׁם | |
| 20 | MTויקן יוסף את כל אדמת מצרים לפרעה כי מכרו מצרים אישׁ שׂדהו כי חזק עלהם הרעב ותהי הארץ לפרעה |
| SPויקן יוסף את כל אדמת מצרים לפרעה כי מכרו מצרים אישׁ שׂדהו כי חזק עליהם הרעב ותהי הארץ לפרעה | |
| 21 | MTואת העם העביר אתו לערים מקצה גבול מצרים ועד קצהו |
| SPואת העם העביד אתו לעבדים מקצה גבול מצרים עד קצהו | |
| 22 | MTרק אדמת הכהנים לא קנה כי חק לכהנים מאת פרעה ואכלו את חקם אשׁר נתן להם פרעה על כן לא מכרו את אדמתם |
| SPרק אדמת הכהנים לא קנה כי חק לכהנים מאת פרעה ואכלו את חקם אשׁר נתן להם פרעה על כן לא מכרו את אדמתם | |
| 23 | MTויאמר יוסף אל העם הן קניתי אתכם היום ואת אדמתכם לפרעה הא לכם זרע וזרעתם את האדמה |
| SPויאמר יוסף אל העם הן קניתי אתכם היום ואת אדמתיכם לפרעה הא לכם זרע וזרעתם את האדמה | |
| 24 | MTוהיה בתבואת ונתתם חמישׁית לפרעה וארבע הידת יהיה לכם לזרע השׂדה ולאכלכם ולאשׁר בבתיכם ולאכל לטפכם |
| SPוהיה בתבואתה ונתתם חמישׁת לפרעה וארבע הידות יהיה לכם לזרע השׂדה ולאכלכם ולאשׁר בבתיכם ולאכל לטפכם | |
| 25 | MTויאמרו החיתנו נמצא חן בעיני אדני והיינו עבדים לפרעה |
| SPויאמרו החיתנו נמצא חן בעיני אדני והיינו עבדים לפרעה | |
| 26 | MTוישׂם אתה יוסף לחק עד היום הזה על אדמת מצרים לפרעה לחמשׁ רק אדמת הכהנים לבדם לא היתה לפרעה |
| SPוישׂם אתה יוסף לחק עד היום הזה על אדמת מצרים לפרעה לחמושׁ רק אדמת הכהנים לבדה לא היתה לפרעה | |
| 27 | MTוישׁב ישׂראל בארץ מצרים בארץ גשׁן ויאחזו בה ויפרו וירבו מאד |
| SPוישׁב ישׂראל בארץ מצרים בארץ גשׁן ויאחזו בה ויפרו וירבו מאד | |
| 28 | MTויחי יעקב בארץ מצרים שׁבע עשׂרה שׁנה ויהי ימי יעקב שׁני חייו שׁבע שׁנים וארבעים ומאת שׁנה |
| SPויחי יעקב בארץ מצרים שׁבע עשׂרה שׁנה ויהיו ימי יעקב שׁני חייו שׁבע שׁנים וארבעים ומאת שׁנה | |
| 29 | MTויקרבו ימי ישׂראל למות ויקרא לבנו ליוסף ויאמר לו אם נא מצאתי חן בעיניך שׂים נא ידך תחת ירכי ועשׂית עמדי חסד ואמת אל נא תקברני במצרים |
| SPויקרבו ימי ישׂראל למות ויקרא לבנו ליוסף ויאמר לו אם נא מצאתי חן בעיניך שׂים נא ידך תחת ירכי ועשׂית נא עמדי חסד ואמת אל נא תקברני במצרים | |
| 30 | MTושׁכבתי עם אבתי ונשׂאתני ממצרים וקברתני בקברתם ויאמר אנכי אעשׂה כדברך |
| SPושׁכבתי עם אבתי ונשׂאתני ממצרים וקברתני בקברתם ויאמר אנכי אעשׂה כדבריך | |
| 31 | MTויאמר השׁבעה לי וישׁבע לו וישׁתחו ישׂראל על ראשׁ המטה |
| SPויאמר השׁבע לי וישׁבע לו וישׁתחוי ישׂראל על ראשׁ המטה |