| 1 | MTויסע ישׂראל וכל אשׁר לו ויבא בארה שׁבע ויזבח זבחים לאלהי אביו יצחק |
| SPויסע ישׂראל וכל אשׁר לו ויבא באר שׁבע ויזבח זבחים לאלהי אביו יצחק | |
| 2 | MTויאמר אלהים לישׂראל במראת הלילה ויאמר יעקב יעקב ויאמר הנני |
| SPויאמר אלהים לישׂראל במראות הלילה ויאמר יעקב יעקב ויאמר הנני | |
| 3 | MTויאמר אנכי האל אלהי אביך אל תירא מרדה מצרימה כי לגוי גדול אשׂימך שׁם |
| SPויאמר אנכי האל אלהי אביך אל תירא מרדת מצרימה כי לגוי גדול אשׂימך שׁם | |
| 4 | MTאנכי ארד עמך מצרימה ואנכי אעלך גם עלה ויוסף ישׁית ידו על עיניך |
| SPאנכי ארד עמך מצרימה ואנכי אעלך גם עלה ויוסף ישׁית ידיו על עיניך | |
| 5 | MTויקם יעקב מבאר שׁבע וישׂאו בני ישׂראל את יעקב אביהם ואת טפם ואת נשׁיהם בעגלות אשׁר שׁלח פרעה לשׂאת אתו |
| SPויקם יעקב מבאר שׁבע וישׂאו בני ישׂראל את יעקב אביהם ואת טפם ואת נשׁיהם בעגלות אשׁר שׁלח פרעה לשׂאת אתו | |
| 6 | MTויקחו את מקניהם ואת רכושׁם אשׁר רכשׁו בארץ כנען ויבאו מצרימה יעקב וכל זרעו אתו |
| SPויקחו את מקניהם ואת רכושׁם אשׁר רכשׁו בארץ כנען ויבאו מצרימה יעקב וכל זרעו אתו | |
| 7 | MTבניו ובני בניו אתו בנתיו ובנות בניו וכל זרעו הביא אתו מצרימה |
| SPבניו ובני בניו אתו בנתיו ובנות בניו וכל זרעו הביא אתו מצרימה | |
| 8 | MTואלה שׁמות בני ישׂראל הבאים מצרימה יעקב ובניו בכר יעקב ראובן |
| SPואלה שׁמות בני ישׂראל הבאים מצרימה יעקב ובניו בכור יעקב ראובן | |
| 9 | MTובני ראובן חנוך ופלוא וחצרון וכרמי |
| SPובני ראובן חנוך ופלוא חצרון וכרמי | |
| 10 | MTובני שׁמעון ימואל וימין ואהד ויכין וצחר ושׁאול בן הכנענית |
| SPובני שׁמעון ימואל וימין ואחד ויכין וצהר ושׁאול בן הכנענית | |
| 11 | MTובני לוי גרשׁון קהת ומררי |
| SPובני לוי גרשׁון קהת ומררי | |
| 12 | MTובני יהודה ער ואונן ושׁלה ופרץ וזרח וימת ער ואונן בארץ כנען ויהיו בני פרץ חצרון וחמול |
| SPובני יהודה ער ואונן שׁלה פרץ וזרח וימת ער ואונן בארץ כנען ויהיו בני פרץ חצרון וחמואל | |
| 13 | MTובני ישׂשׂכר תולע ופוה ויוב ושׁמרון |
| SPובני ישׂשׂכר תולע ופואה ישׁוב ושׁמרון | |
| 14 | MTובני זבולן סרד ואלון ויחלאל |
| SPובני זבולן סרד ואלון ויחלאל | |
| 15 | MTאלה בני לאה אשׁר ילדה ליעקב בפדן ארם ואת דינה בתו כל נפשׁ בניו ובנותיו שׁלשׁים ושׁלשׁ |
| SPאלה בני לאה אשׁר ילדה ליעקב בפדן ארם ואת דינה בתו כל נפשׁ בניו ובנתיו שׁלשׁים ושׁלשׁ | |
| 16 | MTובני גד צפיון וחגי שׁוני ואצבן ערי וארודי ואראלי |
| SPובני גד צפון וחגי ושׁוני ואצבעון עדי וארודי וארולי | |
| 17 | MTובני אשׁר ימנה וישׁוה וישׁוי ובריעה ושׂרח אחתם ובני בריעה חבר ומלכיאל |
| SPובני אשׁר ימנה וישׁוה וישׁוי ובריעה ושׂרח אחותם ובני בריעה חבר ומלכיאל | |
| 18 | MTאלה בני זלפה אשׁר נתן לבן ללאה בתו ותלד את אלה ליעקב שׁשׁ עשׂרה נפשׁ |
| SPאלה בני זלפה אשׁר נתן לבן ללאה בתו ותלד את אלה ליעקב שׁשׁ עשׂרה נפשׁ | |
| 19 | MTבני רחל אשׁת יעקב יוסף ובנימן |
| SPבני רחל אשׁת יעקב יוסף ובנימים | |
| 20 | MTויולד ליוסף בארץ מצרים אשׁר ילדה לו אסנת בת פוטי פרע כהן אן את מנשׁה ואת אפרים |
| SPויולד ליוסף בארץ מצרים אשׁר ילדה לו אסנת בת פוטיפרע כהנאן את מנשׁה ואת אפרים | |
| 21 | MTובני בנימן בלע ובכר ואשׁבל גרא ונעמן אחי וראשׁ מפים וחפים וארד |
| SPובני בנימים בלע ובכר ואשׁבאל גרה ונעמן אחים וראשׁ מאפים ואפים וארד | |
| 22 | MTאלה בני רחל אשׁר ילד ליעקב כל נפשׁ ארבעה עשׂר |
| SPאלה בני רחל אשׁר ילדה ליעקב כל נפשׁ ארבע עשׂרה | |
| 23 | MTובני דן חשׁים |
| SPובני דן חשׁים | |
| 24 | MTובני נפתלי יחצאל וגוני ויצר ושׁלם |
| SPובני נפתלי יחצאל וגוני יצר ושׁלום | |
| 25 | MTאלה בני בלהה אשׁר נתן לבן לרחל בתו ותלד את אלה ליעקב כל נפשׁ שׁבעה |
| SPאלה בני בלהה אשׁר נתן לבן לרחל בתו ותלד את אלה ליעקב כל נפשׁ שׁבע | |
| 26 | MTכל הנפשׁ הבאה ליעקב מצרימה יצאי ירכו מלבד נשׁי בני יעקב כל נפשׁ שׁשׁים ושׁשׁ |
| SPכל הנפשׁ הבאה ליעקב מצרימה יצאי ירכו מלבד נשׁי בני יעקב כל נפשׁ שׁשׁים ושׁשׁ | |
| 27 | MTובני יוסף אשׁר ילד לו במצרים נפשׁ שׁנים כל הנפשׁ לבית יעקב הבאה מצרימה שׁבעים |
| SPובני יוסף אשׁר ילדו לו במצרים נפשׁ שׁנים כל הנפשׁ לבית יעקב הבאה מצרימה שׁבעים | |
| 28 | MTואת יהודה שׁלח לפניו אל יוסף להורת לפניו גשׁנה ויבאו ארצה גשׁן |
| SPואת יהודה שׁלח לפניו אל יוסף להראות לפניו גשׁנה ויבא ארץ גשׁן | |
| 29 | MTויאסר יוסף מרכבתו ויעל לקראת ישׂראל אביו גשׁנה וירא אליו ויפל על צואריו ויבך על צואריו עוד |
| SPויאסר יוסף מרכבתו ויעל לקראת ישׂראל אביו גשׁנה וירא אליו ויפל על צוארו ויבך על צוארו עוד | |
| 30 | MTויאמר ישׂראל אל יוסף אמותה הפעם אחרי ראותי את פניך כי עודך חי |
| SPויאמר ישׂראל אל יוסף אמותה הפעם אחרי ראיתי פניך כי עודך חי | |
| 31 | MTויאמר יוסף אל אחיו ואל בית אביו אעלה ואגידה לפרעה ואמרה אליו אחי ובית אבי אשׁר בארץ כנען באו אלי |
| SPויאמר יוסף אל אחיו ואל בית אביו אעלה ואגידה לפרעה ואמר אליו אחי ובית אבי אשׁר בארץ כנען באו אלי | |
| 32 | MTוהאנשׁים רעי צאן כי אנשׁי מקנה היו וצאנם ובקרם וכל אשׁר להם הביאו |
| SPוהאנשׁים רעי צאן כי אנשׁי מקנה היו וצאנם ובקרם וכל אשׁר להם הביאו | |
| 33 | MTוהיה כי יקרא לכם פרעה ואמר מה מעשׂיכם |
| SPוהיה כי יקרא לכם פרעה ואמר מה מעשׂיכם | |
| 34 | MTואמרתם אנשׁי מקנה היו עבדיך מנעורינו ועד עתה גם אנחנו גם אבתינו בעבור תשׁבו בארץ גשׁן כי תועבת מצרים כל רעה צאן |
| SPואמרתם אנשׁי מקנה היו עבדיך מנערינו ועד עתה גם אנחנו גם אבתינו בעבור תשׁבו בארץ גשׁן כי תועבת מצרים כל רעי צאן |