| 1 | MTולא יכל יוסף להתאפק לכל הנצבים עליו ויקרא הוציאו כל אישׁ מעלי ולא עמד אישׁ אתו בהתודע יוסף אל אחיו |
| SPולא יכל יוסף להתאפק לכל הנצבים עליו ויקרא והוציאו כל אישׁ מעליו ולא עמד אישׁ אתו בהתודע יוסף אל אחיו | |
| 2 | MTויתן את קלו בבכי וישׁמעו מצרים וישׁמע בית פרעה |
| SPויתן את קולו בבכי וישׁמעו מצרים וישׁמעו בית פרעה | |
| 3 | MTויאמר יוסף אל אחיו אני יוסף העוד אבי חי ולא יכלו אחיו לענות אתו כי נבהלו מפניו |
| SPויאמר יוסף אל אחיו אני יוסף העוד אבי חי ולא יכלו אחיו לענות אתו כי נבהלו מפניו | |
| 4 | MTויאמר יוסף אל אחיו גשׁו נא אלי ויגשׁו ויאמר אני יוסף אחיכם אשׁר מכרתם אתי מצרימה |
| SPויאמר יוסף אל אחיו גשׁו נא אלי ויגשׁו ויאמר אני יוסף אחיכם אשׁר מכרתם אתי מצרימה | |
| 5 | MTועתה אל תעצבו ואל יחר בעיניכם כי מכרתם אתי הנה כי למחיה שׁלחני אלהים לפניכם |
| SPועתה אל תעצבו ואל יחר בעיניכם כי מכרתם אתי הנה כי למחיה שׁלחני אלהים לפניכם | |
| 6 | MTכי זה שׁנתים הרעב בקרב הארץ ועוד חמשׁ שׁנים אשׁר אין חרישׁ וקציר |
| SPכי זה שׁנתים רעב בקרב הארץ ועוד חמשׁ שׁנים אשׁר אין חרישׁ וקציר | |
| 7 | MTוישׁלחני אלהים לפניכם לשׂום לכם שׁארית בארץ ולהחיות לכם לפליטה גדלה |
| SPוישׁלחני אלהים לפניכם לשׂים לכם שׁארות בארץ ולהחיות לכם פלטה גדלה | |
| 8 | MTועתה לא אתם שׁלחתם אתי הנה כי האלהים וישׂימני לאב לפרעה ולאדון לכל ביתו ומשׁל בכל ארץ מצרים |
| SPועתה לא אתם שׁלחתם אתי הנה כי האלהים וישׂמני לאב לפרעה ולאדון לכל ביתו ומשׁל בכל ארץ מצרים | |
| 9 | MTמהרו ועלו אל אבי ואמרתם אליו כה אמר בנך יוסף שׂמני אלהים לאדון לכל מצרים רדה אלי אל תעמד |
| SPמהרו ועלו אל אבי ואמרתם אליו כה אמר בנך יוסף שׁמני אלהים לאדון לכל מצרים רדה אלי אל תעמד | |
| 10 | MTוישׁבת בארץ גשׁן והיית קרוב אלי אתה ובניך ובני בניך וצאנך ובקרך וכל אשׁר לך |
| SPוישׁבת בארץ גשׁן והיית קרוב אלי אתה ובניך ובני בניך צאנך ובקרך וכל אשׁר לך | |
| 11 | MTוכלכלתי אתך שׁם כי עוד חמשׁ שׁנים רעב פן תורשׁ אתה וביתך וכל אשׁר לך |
| SPוכלכלתי אתך שׁם כי עוד חמשׁ שׁנים רעב פן תורשׁ אתה וביתך וכל אשׁר לך | |
| 12 | MTוהנה עיניכם ראות ועיני אחי בנימין כי פי המדבר אליכם |
| SPוהנה עיניכם ראות ועיני אחי בנימים כי פיי המדבר אליכם | |
| 13 | MTוהגדתם לאבי את כל כבודי במצרים ואת כל אשׁר ראיתם ומהרתם והורדתם את אבי הנה |
| SPוהגדתם לאבי את כל כבודי במצרים ואת כל אשׁר ראיתם ומהרתם והורדתם את אבי הנה | |
| 14 | MTויפל על צוארי בנימן אחיו ויבך ובנימן בכה על צואריו |
| SPויפל על צואר בנימים אחיו ויבך ובנימים בכה על צוארו | |
| 15 | MTוינשׁק לכל אחיו ויבך עליהם ואחרי כן דברו אחיו אתו |
| SPוינשׁק לכל אחיו ויבך עליהם ואחרי כן דברו אחיו אתו | |
| 16 | MTוהקל נשׁמע בית פרעה לאמר באו אחי יוסף וייטב בעיני פרעה ובעיני עבדיו |
| SPוהקול נשׁמע בית פרעה לאמר באו אחי יוסף וייטב בעיני פרעה ובעיני עבדיו | |
| 17 | MTויאמר פרעה אל יוסף אמר אל אחיך זאת עשׂו טענו את בעירכם ולכו באו ארצה כנען |
| SPויאמר פרעה אל יוסף אמר אל אחיך זאת עשׂו טענו את בעירכם ולכו ובאו ארצה כנען | |
| 18 | MTוקחו את אביכם ואת בתיכם ובאו אלי ואתנה לכם את טוב ארץ מצרים ואכלו את חלב הארץ |
| SPוקחו את אביכם ואת בתיכם ובאו אלי ואתן לכם את טוב ארץ מצרים ואכלו את חלב הארץ | |
| 19 | MTואתה צויתה זאת עשׂו קחו לכם מארץ מצרים עגלות לטפכם ולנשׁיכם ונשׂאתם את אביכם ובאתם |
| SPואתה צויתי זאת עשׂו קחו לכם מארץ מצרים עגלות לטפכם ולנשׁיכם ונשׂאתם את אביכם ובאתם | |
| 20 | MTועינכם אל תחס על כליכם כי טוב כל ארץ מצרים לכם הוא |
| SPועיניכם אל תחוס על כליכם כי טוב כל ארץ מצרים לכם הוא | |
| 21 | MTויעשׂו כן בני ישׂראל ויתן להם יוסף עגלות על פי פרעה ויתן להם צדה לדרך |
| SPויעשׂו כן בני ישׂראל ויתן להם יוסף עגלות על פי פרעה ויתן להם צדה לדרך | |
| 22 | MTלכלם נתן לאישׁ חלפות שׂמלת ולבנימן נתן שׁלשׁ מאות כסף וחמשׁ חלפת שׂמלת |
| SPלכלם נתן לאישׁ חליפות שׂמלות ולבנימים נתן שׁלשׁ מאות כסף וחמשׁ חליפות שׂמלות | |
| 23 | MTולאביו שׁלח כזאת עשׂרה חמרים נשׂאים מטוב מצרים ועשׂר אתנת נשׂאת בר ולחם ומזון לאביו לדרך |
| SPולאביו שׁלח כזאת עשׂרה חמרים נשׂאים מטוב ארץ מצרים ועשׂר אתנות נשׂאות בר ולחם ומזון לאביו לדרך | |
| 24 | MTוישׁלח את אחיו וילכו ויאמר אלהם אל תרגזו בדרך |
| SPוישׁלח את אחיו וילכו ויאמר אליהם אל תתרגזו בדרך | |
| 25 | MTויעלו ממצרים ויבאו ארץ כנען אל יעקב אביהם |
| SPויעלו ממצרים ויבאו ארצה כנען אל יעקב אביהם | |
| 26 | MTויגדו לו לאמר עוד יוסף חי וכי הוא משׁל בכל ארץ מצרים ויפג לבו כי לא האמין להם |
| SPויגדו לו לאמר עוד יוסף חי וכי הוא משׁל בכל ארץ מצרים ויפג לבו כי לא האמן להם | |
| 27 | MTוידברו אליו את כל דברי יוסף אשׁר דבר אלהם וירא את העגלות אשׁר שׁלח יוסף לשׂאת אתו ותחי רוח יעקב אביהם |
| SPוידברו אליו את כל דברי יוסף אשׁר דבר אליהם וירא את העגלות אשׁר שׁלח יוסף לשׂאת אתו ותחי רוח יעקב אביהם | |
| 28 | MTויאמר ישׂראל רב עוד יוסף בני חי אלכה ואראנו בטרם אמות |
| SPויאמר ישׂראל רב עוד יוסף בני חי אלכה ואראנו בטרם אמות |