| 1 | MTויצו את אשׁר על ביתו לאמר מלא את אמתחת האנשׁים אכל כאשׁר יוכלון שׂאת ושׂים כסף אישׁ בפי אמתחתו |
| SPויצו את אשׁר על ביתו לאמר מלא את אמתחת האנשׁים אכל כאשׁר יוכלון שׂאת ושׂים כסף אישׁ בפי אמתחתו | |
| 2 | MTואת גביעי גביע הכסף תשׂים בפי אמתחת הקטן ואת כסף שׁברו ויעשׂ כדבר יוסף אשׁר דבר |
| SPואת גביע גביע הכסף תשׂים בפי אמתחת הקטן ואת כסף שׁברו ויעשׂ כדבר יוסף אשׁר דבר | |
| 3 | MTהבקר אור והאנשׁים שׁלחו המה וחמריהם |
| SPהבקר אור והאנשׁים שׁלחו הם וחמריהם | |
| 4 | MTהם יצאו את העיר לא הרחיקו ויוסף אמר לאשׁר על ביתו קום רדף אחרי האנשׁים והשׂגתם ואמרת אלהם למה שׁלמתם רעה תחת טובה |
| SPהם יצאו את העיר לא הרחיקו ויוסף אמר לאשׁר על ביתו קום רדף אחרי האנשׁים והשׂגתם ואמרת אליהם למה שׁלמתם רעה תחת טובה | |
| 5 | MTהלוא זה אשׁר ישׁתה אדני בו והוא נחשׁ ינחשׁ בו הרעתם אשׁר עשׂיתם |
| SPהלוא זה אשׁר ישׁתה אדני בו והוא נחשׁ ינחשׁ בו הרעתם אשׁר עשׂיתם | |
| 6 | MTוישׂגם וידבר אלהם את הדברים האלה |
| SPוישׂגם וידבר אליהם את הדברים האלה | |
| 7 | MTויאמרו אליו למה ידבר אדני כדברים האלה חלילה לעבדיך מעשׂות כדבר הזה |
| SPויאמרו למה ידבר אדני כדברים האלה חלילה לעבדיך מעשׂות כדבר הזה | |
| 8 | MTהן כסף אשׁר מצאנו בפי אמתחתינו השׁיבנו אליך מארץ כנען ואיך נגנב מבית אדניך כסף או זהב |
| SPהן הכסף אשׁר מצאנו בפי אמתחתינו הושׁבנו אליך מארץ כנען ואיך נגנב מבית אדניך כסף או זהב | |
| 9 | MTאשׁר ימצא אתו מעבדיך ומת וגם אנחנו נהיה לאדני לעבדים |
| SPאשׁר ימצא אתו מעבדיך יומת וגם אנחנו נהיה לאדני לעבדים | |
| 10 | MTויאמר גם עתה כדבריכם כן הוא אשׁר ימצא אתו יהיה לי עבד ואתם תהיו נקים |
| SPויאמר גם עתה כדבריכם כן הוא אשׁר ימצא אתו יהיה לי עבד ואתם תהיו נקואים | |
| 11 | MTוימהרו ויורדו אישׁ את אמתחתו ארצה ויפתחו אישׁ אמתחתו |
| SPוימהרו ויורידו אישׁ אמתחתו ארצה ויפתחו אישׁ אמתחתו | |
| 12 | MTויחפשׂ בגדול החל ובקטן כלה וימצא הגביע באמתחת בנימן |
| SPויחפשׂ בגדול החל ובקטן כלה וימצא הגביע באמתחת בנימים | |
| 13 | MTויקרעו שׂמלתם ויעמס אישׁ על חמרו וישׁבו העירה |
| SPויקרעו שׂמלותם ויעמסו אישׁ על חמורו וישׁבו העירה | |
| 14 | MTויבא יהודה ואחיו ביתה יוסף והוא עודנו שׁם ויפלו לפניו ארצה |
| SPויבא יהודה ואחיו ביתה יוסף והוא עודנו שׁם ויפלו לפניו ארצה | |
| 15 | MTויאמר להם יוסף מה המעשׂה הזה אשׁר עשׂיתם הלוא ידעתם כי נחשׁ ינחשׁ אישׁ אשׁר כמני |
| SPויאמר להם יוסף מה המעשׂה הזה אשׁר עשׂיתם הלוא ידעתם כי נחשׁ ינחשׁ אישׁ אשׁר כמוני | |
| 16 | MTויאמר יהודה מה נאמר לאדני מה נדבר ומה נצטדק האלהים מצא את עון עבדיך הננו עבדים לאדני גם אנחנו גם אשׁר נמצא הגביע בידו |
| SPויאמר יהודה מה נאמר לאדני ומה נדבר ומה נצטדק והאלהים מצא את עון עבדיך הננו עבדים לאדני גם אנחנו גם אשׁר נמצא הגביע בידו | |
| 17 | MTויאמר חלילה לי מעשׂות זאת האישׁ אשׁר נמצא הגביע בידו הוא יהיה לי עבד ואתם עלו לשׁלום אל אביכם |
| SPויאמר חלילה לי מעשׂות זאת האישׁ אשׁר נמצא הגביע בידו הוא יהיה לי עבד ואתם עלו לשׁלום אל אביכם | |
| 18 | MTויגשׁ אליו יהודה ויאמר בי אדני ידבר נא עבדך דבר באזני אדני ואל יחר אפך בעבדך כי כמוך כפרעה |
| SPויגשׁ אליו יהודה ויאמר בי אדני ידבר נא עבדך דבר באזני אדני ואל יחר אפך בעבדך כי כמוך כפרעה | |
| 19 | MTאדני שׁאל את עבדיו לאמר הישׁ לכם אב או אח |
| SPאדני שׁאל את עבדיו לאמר הישׁ לכם אב או אח | |
| 20 | MTונאמר אל אדני ישׁ לנו אב זקן וילד זקנים קטן ואחיו מת ויותר הוא לבדו לאמו ואביו אהבו |
| SPונאמר אל אדני ישׁ לנו אב זקן ויולד זקנים קטן אחיו מת ויותר הוא לבדו לאמו ואביו אהבו | |
| 21 | MTותאמר אל עבדיך הורדהו אלי ואשׂימה עיני עליו |
| SPותאמר אל עבדיך הורידהו אלי ואשׂימה עיני עליו | |
| 22 | MTונאמר אל אדני לא יוכל הנער לעזב את אביו ועזב את אביו ומת |
| SPונאמר אל אדני לא יוכל הנער לעזב את אביו ועזב את אביו ומת | |
| 23 | MTותאמר אל עבדיך אם לא ירד אחיכם הקטן אתכם לא תספון לראות פני |
| SPותאמר אל עבדיך אם לא ירד אחיכם הקטן אתכם לא תוסיפון לראות פני | |
| 24 | MTויהי כי עלינו אל עבדך אבי ונגד לו את דברי אדני |
| SPויהי כי עלינו אל עבדך אבינו ונגיד לו את דברי אדני | |
| 25 | MTויאמר אבינו שׁבו שׁברו לנו מעט אכל |
| SPויאמר אבינו שׁובו ושׁברו לנו מעט אכל | |
| 26 | MTונאמר לא נוכל לרדת אם ישׁ אחינו הקטן אתנו וירדנו כי לא נוכל לראות פני האישׁ ואחינו הקטן איננו אתנו |
| SPונאמר לא נוכל לרדת אם ישׁ אחינו הקטן אתנו וירדנו כי לא נוכל לראות את פני האישׁ ואחינו הקטן איננו אתנו | |
| 27 | MTויאמר עבדך אבי אלינו אתם ידעתם כי שׁנים ילדה לי אשׁתי |
| SPויאמר עבדך אבי אלינו אתם ידעתם כי שׁנים ילדה לי אשׁתי | |
| 28 | MTויצא האחד מאתי ואמר אך טרף טרף ולא ראיתיו עד הנה |
| SPויצא האחד מאתי ואמר הך טרף טרף ולא ראיתיו עד הנה | |
| 29 | MTולקחתם גם את זה מעם פני וקרהו אסון והורדתם את שׂיבתי ברעה שׁאלה |
| SPולקחתם גם את זה מעם פני וקראהו אסון והורדתם את שׂיבתי ברעה שׁאלה | |
| 30 | MTועתה כבאי אל עבדך אבי והנער איננו אתנו ונפשׁו קשׁורה בנפשׁו |
| SPועתה כבאי אל עבדך אבי והנער איננו אתי ונפשׁו קשׁורה בנפשׁו | |
| 31 | MTוהיה כראותו כי אין הנער ומת והורידו עבדיך את שׂיבת עבדך אבינו ביגון שׁאלה |
| SPוהיה כראותו כי אין הנער אתנו ומת והורידו עבדיך את שׂיבת עבדך אבינו ביגון שׁאלה | |
| 32 | MTכי עבדך ערב את הנער מעם אבי לאמר אם לא אביאנו אליך וחטאתי לאבי כל הימים |
| SPכי עבדך ערב את הנער מעם אביו לאמר אם לא אביאנו אליך וחטאתי לאבי כל הימים | |
| 33 | MTועתה ישׁב נא עבדך תחת הנער עבד לאדני והנער יעל עם אחיו |
| SPועתה ישׁב נא עבדך תחת הנער עבד לאדני והנער יעלה עם אחיו | |
| 34 | MTכי איך אעלה אל אבי והנער איננו אתי פן אראה ברע אשׁר ימצא את אבי |
| SPכי איך אעלה אל אבי והנער איננו אתי פן אראה ברעה אשׁר ימצא את אבי |