| 1 | MTוהרעב כבד בארץ |
| SPוהרעב כבד בארץ | |
| 2 | MTויהי כאשׁר כלו לאכל את השׁבר אשׁר הביאו ממצרים ויאמר אליהם אביהם שׁבו שׁברו לנו מעט אכל |
| SPויהי כאשׁר כלו לאכל את השׁבר אשׁר הביאו ממצרים ויאמר אליהם אביהם שׁובו ושׁברו לנו מעט אכל | |
| 3 | MTויאמר אליו יהודה לאמר העד העד בנו האישׁ לאמר לא תראו פני בלתי אחיכם אתכם |
| SPויאמר אליו יהודה לאמר העד העד בנו האישׁ לאמר לא תראו פני בלתי אחיכם אתכם | |
| 4 | MTאם ישׁך משׁלח את אחינו אתנו נרדה ונשׁברה לך אכל |
| SPאם ישׁך משׁלח את אחינו אתנו נרדה ונשׁברה לך אכל | |
| 5 | MTואם אינך משׁלח לא נרד כי האישׁ אמר אלינו לא תראו פני בלתי אחיכם אתכם |
| SPואם אינך משׁלח לא נרד כי האישׁ אמר אלינו לא תראו פני בלתי אחיכם אתכם | |
| 6 | MTויאמר ישׂראל למה הרעתם לי להגיד לאישׁ העוד לכם אח |
| SPויאמר ישׂראל למה הרעתם לי להגיד לאישׁ העוד לכם אח | |
| 7 | MTויאמרו שׁאול שׁאל האישׁ לנו ולמולדתנו לאמר העוד אביכם חי הישׁ לכם אח ונגד לו על פי הדברים האלה הידוע נדע כי יאמר הורידו את אחיכם |
| SPויאמרו שׁאל שׁאל האישׁ לנו ולמולדתנו לאמר העוד אביכם חי הישׁ לכם אח ונגיד לו על פי הדברים האלה היודע נדע כי יאמר הורידו את אחיכם | |
| 8 | MTויאמר יהודה אל ישׂראל אביו שׁלחה הנער אתי ונקומה ונלכה ונחיה ולא נמות גם אנחנו גם אתה גם טפנו |
| SPויאמר יהודה אל ישׂראל אביו שׁלח הנער אתי ונקומה ונלכה ונחיה ולא נמות גם אנחנו גם אתה גם טפנו | |
| 9 | MTאנכי אערבנו מידי תבקשׁנו אם לא הביאתיו אליך והצגתיו לפניך וחטאתי לך כל הימים |
| SPאנכי אערבנו מידי תבקשׁנו אם לא הבאתיו אליך והצגתיו לפניך וחטאתי לך כל הימים | |
| 10 | MTכי לולא התמהמהנו כי עתה שׁבנו זה פעמים |
| SPכי לו לא התמהמנו כי עתה שׁבנו זה פעמים | |
| 11 | MTויאמר אלהם ישׂראל אביהם אם כן אפוא זאת עשׂו קחו מזמרת הארץ בכליכם והורידו לאישׁ מנחה מעט צרי ומעט דבשׁ נכאת ולט בטנים ושׁקדים |
| SPויאמר אליהם ישׂראל אביהם אם כן אפוא זאת עשׂו קחו מזמרת הארץ בכליכם והורידו לאישׁ מנחה מעט צרי ומעט דבשׁ נכאת ולוט בטנים ושׁקידים | |
| 12 | MTוכסף משׁנה קחו בידכם ואת הכסף המושׁב בפי אמתחתיכם תשׁיבו בידכם אולי משׁגה הוא |
| SPוכסף משׁנה קחו בידכם ואת הכסף המושׁב בפי אמתחתיכם תשׁיבו בידיכם אולי משׁגה היא | |
| 13 | MTואת אחיכם קחו וקומו שׁובו אל האישׁ |
| SPואת אחיכם קחו וקומו ושׁובו אל האישׁ | |
| 14 | MTואל שׁדי יתן לכם רחמים לפני האישׁ ושׁלח לכם את אחיכם אחר ואת בנימין ואני כאשׁר שׁכלתי שׁכלתי |
| SPואל שׁדי יתן לכם רחמים לפני האישׁ ושׁלח לכם את אחיכם האחד ואת בנימים ואני כאשׁר שׁכלתי שׁכלתי | |
| 15 | MTויקחו האנשׁים את המנחה הזאת ומשׁנה כסף לקחו בידם ואת בנימן ויקמו וירדו מצרים ויעמדו לפני יוסף |
| SPויקחו האנשׁים את המנחה הזאת ומשׁנה כסף לקחו בידם ואת בנימים ויקמו וירדו מצרימה ויעמדו לפני יוסף | |
| 16 | MTוירא יוסף אתם את בנימין ויאמר לאשׁר על ביתו הבא את האנשׁים הביתה וטבח טבח והכן כי אתי יאכלו האנשׁים בצהרים |
| SPוירא יוסף אתם ואת בנימים ויאמר לאשׁר על ביתו הבא את האנשׁים הביתה וטבח טבח והכן כי אתי יאכלו האנשׁים בצהרים | |
| 17 | MTויעשׂ האישׁ כאשׁר אמר יוסף ויבא האישׁ את האנשׁים ביתה יוסף |
| SPויעשׂ האישׁ כאשׁר אמר יוסף ויבא האישׁ את האנשׁים ביתה יוסף | |
| 18 | MTוייראו האנשׁים כי הובאו בית יוסף ויאמרו על דבר הכסף השׁב באמתחתינו בתחלה אנחנו מובאים להתגלל עלינו ולהתנפל עלינו ולקחת אתנו לעבדים ואת חמרינו |
| SPוייראו האנשׁים כי הובאו ביתה יוסף ויאמרו על דבר הכסף המושׁב באמתחתינו בתחלה אנחנו מובאים להתגלל עלינו ולהתנפל עלינו לקחת אתנו לעבדים ואת חמרינו | |
| 19 | MTויגשׁו אל האישׁ אשׁר על בית יוסף וידברו אליו פתח הבית |
| SPויגשׁו אל האישׁ אשׁר על בית יוסף וידברו אליו פתח הבית | |
| 20 | MTויאמרו בי אדני ירד ירדנו בתחלה לשׁבר אכל |
| SPויאמרו בי אדני ירד ירדנו בתחלה לשׁבר אכל | |
| 21 | MTויהי כי באנו אל המלון ונפתחה את אמתחתינו והנה כסף אישׁ בפי אמתחתו כספנו במשׁקלו ונשׁב אתו בידנו |
| SPויהי כי באנו אל המלון ונפתח את אמתחתינו והנה כסף אישׁ בפי אמתחתו כספנו במשׁקלו ונשׁיב אתו בידנו | |
| 22 | MTוכסף אחר הורדנו בידנו לשׁבר אכל לא ידענו מי שׂם כספנו באמתחתינו |
| SPוכסף אחר לקחנו בידנו לשׁבר אכל לא ידענו מי שׂם כספנו באמתחתינו | |
| 23 | MTויאמר שׁלום לכם אל תיראו אלהיכם ואלהי אביכם נתן לכם מטמון באמתחתיכם כספכם בא אלי ויוצא אלהם את שׁמעון |
| SPויאמר שׁלום לכם אל תיראו אלהיכם ואלהי אבתיכם נתן לכם מטמון באמתחתיכם כספכם בא אלי ויוצא אליהם את שׁמעון | |
| 24 | MTויבא האישׁ את האנשׁים ביתה יוסף ויתן מים וירחצו רגליהם ויתן מספוא לחמריהם |
| SPויבא האישׁ את האנשׁים ביתה יוסף ויתן מים וירחצו רגליהם ויתן מספה לחמריהם | |
| 25 | MTויכינו את המנחה עד בוא יוסף בצהרים כי שׁמעו כי שׁם יאכלו לחם |
| SPויכינו את המנחה עד בא יוסף בצהרים כי שׁמעו כי שׁם יאכלו לחם | |
| 26 | MTויבא יוסף הביתה ויביאו לו את המנחה אשׁר בידם הביתה וישׁתחוו לו ארצה |
| SPויבא יוסף הביתה ויביאו לו את המנחה אשׁר בידם הביתה וישׁתחוו לו ארצה | |
| 27 | MTוישׁאל להם לשׁלום ויאמר השׁלום אביכם הזקן אשׁר אמרתם העודנו חי |
| SPוישׁאל להם לשׁלום ויאמר השׁלום אביכם הזקן אשׁר אמרתם עודנו חי | |
| 28 | MTויאמרו שׁלום לעבדך לאבינו עודנו חי ויקדו וישׁתחו |
| SPויאמרו שׁלום לעבדך לאבינו עודנו חי ויאמר ברוך האישׁ ההוא לאלהים ויקדו וישׁתחוו | |
| 29 | MTוישׂא עיניו וירא את בנימין אחיו בן אמו ויאמר הזה אחיכם הקטן אשׁר אמרתם אלי ויאמר אלהים יחנך בני |
| SPוישׂא עיניו וירא את בנימים אחיו בן אמו ויאמר הזה אחיכם הקטן אשׁר אמרתם אלי ויאמר אלהים יחנך בני | |
| 30 | MTוימהר יוסף כי נכמרו רחמיו אל אחיו ויבקשׁ לבכות ויבא החדרה ויבך שׁמה |
| SPוימהר יוסף כי נכמרו רחמיו על אחיו ויבקשׁ לבכות ויבא החדרה ויבך שׁם | |
| 31 | MTוירחץ פניו ויצא ויתאפק ויאמר שׂימו לחם |
| SPוירחץ פניו ויצא ויתאפק ויאמר שׂימו לחם | |
| 32 | MTוישׂימו לו לבדו ולהם לבדם ולמצרים האכלים אתו לבדם כי לא יוכלון המצרים לאכל את העברים לחם כי תועבה הוא למצרים |
| SPוישׂמו לו לבדו ולהם לבדם ולמצרים האכלים אתו לבדם כי לא יוכלון המצרים לאכל את העברים לחם כי תועבה היא למצרים | |
| 33 | MTוישׁבו לפניו הבכר כבכרתו והצעיר כצערתו ויתמהו האנשׁים אישׁ אל רעהו |
| SPוישׁבו לפניו הבכור כבכירתו והצעיר כצעירתו ויתמהו האנשׁים אישׁ על רעהו | |
| 34 | MTוישׂא משׂאת מאת פניו אלהם ותרב משׂאת בנימן ממשׂאת כלם חמשׁ ידות וישׁתו וישׁכרו עמו |
| SPוישׂא משׂאת מאת פניו אליהם ותרב משׂאת בנימים ממשׂאת כלם חמשׁ ידות וישׁתו וישׁכרו עמו |