| 1 | MTויהי מקץ שׁנתים ימים ופרעה חלם והנה עמד על היאר |
| SPויהי מקץ שׁנתים ימים ופרעה חלם והנה עמד על היאר | |
| 2 | MTוהנה מן היאר עלת שׁבע פרות יפות מראה ובריאת בשׂר ותרעינה באחו |
| SPוהנה מן היאר עלות שׁבע פרות יפות מראה ובריות בשׂר ותריענה באחו | |
| 3 | MTוהנה שׁבע פרות אחרות עלות אחריהן מן היאר רעות מראה ודקות בשׂר ותעמדנה אצל הפרות על שׂפת היאר |
| SPוהנה שׁבע פרות אחרות עלות אחריהן מן היאר רעות מראה ורקות בשׂר ותעמדנה אצל הפרות על שׂפת היאר | |
| 4 | MTותאכלנה הפרות רעות המראה ודקת הבשׂר את שׁבע הפרות יפת המראה והבריאת וייקץ פרעה |
| SPותאכלנה הפרות רעות המראה ורקות הבשׂר את שׁבע הפרות יפות המראה והבריות ויקץ פרעה | |
| 5 | MTויישׁן ויחלם שׁנית והנה שׁבע שׁבלים עלות בקנה אחד בריאות וטבות |
| SPויישׁן ויחלם שׁנית והנה שׁבע שׁבלים עלות בקנה אחד בריות וטובות | |
| 6 | MTוהנה שׁבע שׁבלים דקות ושׁדופת קדים צמחות אחריהן |
| SPוהנה שׁבע שׁבלים דקות ושׁדיפת קדים צמחות אחריהן | |
| 7 | MTותבלענה השׁבלים הדקות את שׁבע השׁבלים הבריאות והמלאות וייקץ פרעה והנה חלום |
| SPותבלענה השׁבלים הדקות את שׁבע השׁבלים הבריות והמליות ויקץ פרעה והנה חלום | |
| 8 | MTויהי בבקר ותפעם רוחו וישׁלח ויקרא את כל חרטמי מצרים ואת כל חכמיה ויספר פרעה להם את חלמו ואין פותר אותם לפרעה |
| SPויהי בבקר ותפעם רוחו וישׁלח ויקרא את כל חרטמי מצרים ואת כל חכמיה ויספר פרעה להם את חלמיו ואין פתר אתם לפרעה | |
| 9 | MTוידבר שׂר המשׁקים את פרעה לאמר את חטאי אני מזכיר היום |
| SPוידבר שׂר המשׁקים אל פרעה לאמר את חטאי אני מזכיר היום | |
| 10 | MTפרעה קצף על עבדיו ויתן אתי במשׁמר בית שׂר הטבחים אתי ואת שׂר האפים |
| SPפרעה קצף על עבדיו ויתן אתי במשׁמר בית שׂר הטבחים אתי ואת שׂר האפים | |
| 11 | MTונחלמה חלום בלילה אחד אני והוא אישׁ כפתרון חלמו חלמנו |
| SPונחלם חלום בלילה אחד אני והוא אישׁ כפתרון חלמו חלמנו | |
| 12 | MTושׁם אתנו נער עברי עבד לשׂר הטבחים ונספר לו ויפתר לנו את חלמתינו אישׁ כחלמו פתר |
| SPושׁם אתנו נער עברי עבד לשׂר הטבחים ונספר לו ויפתר לנו את חלמתינו אישׁ כחלמו פתר | |
| 13 | MTויהי כאשׁר פתר לנו כן היה אתי השׁיב על כני ואתו תלה |
| SPויהי כאשׁר פתר לנו כן היה אתי השׁיב על כני ואתו תלא | |
| 14 | MTוישׁלח פרעה ויקרא את יוסף ויריצהו מן הבור ויגלח ויחלף שׂמלתיו ויבא אל פרעה |
| SPוישׁלח פרעה ויקרא את יוסף ויריצהו מן הבור ויגלח ויחלף שׂמלתיו ויבא אל פרעה | |
| 15 | MTויאמר פרעה אל יוסף חלום חלמתי ופתר אין אתו ואני שׁמעתי עליך לאמר תשׁמע חלום לפתר אתו |
| SPויאמר פרעה אל יוסף חלום חלמתי ופתר אין אתו ואני שׁמעתי עליך לאמר התשׁמע חלום לפתר אתו | |
| 16 | MTויען יוסף את פרעה לאמר בלעדי אלהים יענה את שׁלום פרעה |
| SPויען יוסף את פרעה לאמר בלעדי אלהים לא יענה את שׁלום פרעה | |
| 17 | MTוידבר פרעה אל יוסף בחלמי הנני עמד על שׂפת היאר |
| SPוידבר פרעה את יוסף בחלמי והנני עמד על שׂפת היאר | |
| 18 | MTוהנה מן היאר עלת שׁבע פרות בריאות בשׂר ויפת תאר ותרעינה באחו |
| SPוהנה מן היאר עלות שׁבע פרות בריות בשׂר ויפות תאר ותריענה באחו | |
| 19 | MTוהנה שׁבע פרות אחרות עלות אחריהן דלות ורעות תאר מאד ורקות בשׂר לא ראיתי כהנה בכל ארץ מצרים לרע |
| SPוהנה שׁבע פרות אחרות עלות אחריהן דלות ורעות תאר מאד ורקות בשׂר לא ראיתי כהן בכל ארץ מצרים לרע | |
| 20 | MTותאכלנה הפרות הרקות והרעות את שׁבע הפרות הראשׁנות הבריאת |
| SPותאכלנה הפרות הרקות והרעות את שׁבע הפרות הראישׁונות והבריות | |
| 21 | MTותבאנה אל קרבנה ולא נודע כי באו אל קרבנה ומראיהן רע כאשׁר בתחלה ואיקץ |
| SPותבאנה אל קרבהן ולא נודע כי באו אל קרבהן ומראהן רע כאשׁר בתחלה ואקץ | |
| 22 | MTוארא בחלמי והנה שׁבע שׁבלים עלת בקנה אחד מלאת וטבות |
| SPואראה בחלמי והנה שׁבע שׁבלים עלות בקנה אחד מליות וטובות | |
| 23 | MTוהנה שׁבע שׁבלים צנמות דקות שׁדפות קדים צמחות אחריהם |
| SPוהנה שׁבע שׁבלים צנמות דקות ושׁדיפות קדים צמחות אחריהן | |
| 24 | MTותבלען השׁבלים הדקת את שׁבע השׁבלים הטבות ואמר אל החרטמים ואין מגיד לי |
| SPותבלענה השׁבלים הדקות את שׁבע השׁבלים הטובות ואמר אל החרטמים ואין מגיד לי | |
| 25 | MTויאמר יוסף אל פרעה חלום פרעה אחד הוא את אשׁר האלהים עשׂה הגיד לפרעה |
| SPויאמר יוסף אל פרעה חלום פרעה אחד הוא את אשׁר האלהים עשׂה אגיד לפרעה | |
| 26 | MTשׁבע פרת הטבת שׁבע שׁנים הנה ושׁבע השׁבלים הטבת שׁבע שׁנים הנה חלום אחד הוא |
| SPשׁבע הפרות הטובות שׁבע שׁנים הנה ושׁבע השׁבלים הטובות שׁבע שׁנים הנה חלום אחד הוא | |
| 27 | MTושׁבע הפרות הרקות והרעת העלת אחריהן שׁבע שׁנים הנה ושׁבע השׁבלים הרקות שׁדפות הקדים יהיו שׁבע שׁני רעב |
| SPושׁבע הפרות הרקות והרעות העלות אחריהן שׁבע שׁנים הנה ושׁבע השׁבלים הדקות ושׁדיפת הקדים יהיו שׁבע שׁני רעב | |
| 28 | MTהוא הדבר אשׁר דברתי אל פרעה אשׁר האלהים עשׂה הראה את פרעה |
| SPהוא הדבר אשׁר דברתי אל פרעה את אשׁר האלהים עשׂה הראה את פרעה | |
| 29 | MTהנה שׁבע שׁנים באות שׂבע גדול בכל ארץ מצרים |
| SPהנה שׁבע שׁנים באות שׂבע גדול בכל ארץ מצרים | |
| 30 | MTוקמו שׁבע שׁני רעב אחריהן ונשׁכח כל השׂבע בארץ מצרים וכלה הרעב את הארץ |
| SPוקמו שׁבע שׁני רעב אחריהן ונשׁכח כל השׂבע בארץ מצרים וכלה הרעב את הארץ | |
| 31 | MTולא יודע השׂבע בארץ מפני הרעב ההוא אחרי כן כי כבד הוא מאד |
| SPולא יודע השׂבע בארץ מפני הרעב ההוא ואחרי כן כי כבד הוא מאד | |
| 32 | MTועל השׁנות החלום אל פרעה פעמים כי נכון הדבר מעם האלהים וממהר האלהים לעשׂתו |
| SPועלה שׁנית החלום אל פרעה פעמים כי נכון הדבר מעם האלהים וממהר האלהים לעשׂותו | |
| 33 | MTועתה ירא פרעה אישׁ נבון וחכם וישׁיתהו על ארץ מצרים |
| SPועתה יראה לו פרעה אישׁ נבון וחכום וישׁתהו על ארץ מצרים | |
| 34 | MTיעשׂה פרעה ויפקד פקדים על הארץ וחמשׁ את ארץ מצרים בשׁבע שׁני השׂבע |
| SPויעשׂ פרעה ויפקד פקדים על הארץ ויחמשׁ את ארץ מצרים בשׁבע שׁני השׂבע | |
| 35 | MTויקבצו את כל אכל השׁנים הטבת הבאת האלה ויצברו בר תחת יד פרעה אכל בערים ושׁמרו |
| SPויקבץ את כל האכל שׁבע השׁנים הטובות הבאות האלה ויצברו בר תחת יד פרעה אכל בערים וישׁמרו | |
| 36 | MTוהיה האכל לפקדון לארץ לשׁבע שׁני הרעב אשׁר תהיין בארץ מצרים ולא תכרת הארץ ברעב |
| SPוהיה האכל לפקדון לארץ לשׁבע שׁני הרעב אשׁר תהינה בארץ מצרים ולא תכרת הארץ ברעב | |
| 37 | MTוייטב הדבר בעיני פרעה ובעיני כל עבדיו |
| SPוייטב הדבר בעיני פרעה ובעיני כל עבדיו | |
| 38 | MTויאמר פרעה אל עבדיו הנמצא כזה אישׁ אשׁר רוח אלהים בו |
| SPויאמר פרעה אל עבדיו הנמצא כזה אישׁ אשׁר רוח אלהים בו | |
| 39 | MTויאמר פרעה אל יוסף אחרי הודיע אלהים אותך את כל זאת אין נבון וחכם כמוך |
| SPויאמר פרעה אל יוסף אחרי הודיע אלהים אתך את כל זאת אין נבון וחכום כמוך | |
| 40 | MTאתה תהיה על ביתי ועל פיך ישׁק כל עמי רק הכסא אגדל ממך |
| SPאתה תהיה על ביתי ועל פיך ישׁק כל עמי רק הכסא אגדל ממך | |
| 41 | MTויאמר פרעה אל יוסף ראה נתתי אתך על כל ארץ מצרים |
| SPויאמר פרעה אל יוסף ראה נתתי אתך על כל ארץ מצרים | |
| 42 | MTויסר פרעה את טבעתו מעל ידו ויתן אתה על יד יוסף וילבשׁ אתו בגדי שׁשׁ וישׂם רבד הזהב על צוארו |
| SPויסר פרעה את טבעתו מעל ידו ויתן אתה על יד יוסף וילבשׁ אתו בגדי שׁשׁ וישׂם רביד זהב על צוארו | |
| 43 | MTוירכב אתו במרכבת המשׁנה אשׁר לו ויקראו לפניו אברך ונתון אתו על כל ארץ מצרים |
| SPוירכב אתו במרכבת המשׁנה אשׁר לו ויקרא לפניו אברך ונתן אתו על כל ארץ מצרים | |
| 44 | MTויאמר פרעה אל יוסף אני פרעה ובלעדיך לא ירים אישׁ את ידו ואת רגלו בכל ארץ מצרים |
| SPויאמר פרעה אל יוסף אני פרעה ובלעדיך לא ירים אישׁ את ידו ואת רגלו בכל ארץ מצרים | |
| 45 | MTויקרא פרעה שׁם יוסף צפנת פענח ויתן לו את אסנת בת פוטי פרע כהן אן לאשׁה ויצא יוסף על ארץ מצרים |
| SPויקרא פרעה שׁם יוסף צפינתי פענה ויתן לו את אסנת בת פוטיפרע כהן אן לאשׁה ויצא יוסף על ארץ מצרים | |
| 46 | MTויוסף בן שׁלשׁים שׁנה בעמדו לפני פרעה מלך מצרים ויצא יוסף מלפני פרעה ויעבר בכל ארץ מצרים |
| SPויוסף בן שׁלשׁים שׁנה בעמדו לפני פרעה מלך מצרים ויצא יוסף מלפני פרעה ויעבר בכל ארץ מצרים | |
| 47 | MTותעשׂ הארץ בשׁבע שׁני השׂבע לקמצים |
| SPותעשׂ הארץ בשׁבע שׁני השׂבע לקמצים | |
| 48 | MTויקבץ את כל אכל שׁבע שׁנים אשׁר היו בארץ מצרים ויתן אכל בערים אכל שׂדה העיר אשׁר סביבתיה נתן בתוכה |
| SPויקבץ את כל האכל שׁבע השׁנים אשׁר היה השׁבע בארץ מצרים ויתן אכל בערים אכל שׂדה העיר אשׁר סביבתיה נתן בתוכה | |
| 49 | MTויצבר יוסף בר כחול הים הרבה מאד עד כי חדל לספר כי אין מספר |
| SPויצבר יוסף בר כחול הים הרבה מאד עד כי חדל לספר כי אין מספר | |
| 50 | MTוליוסף ילד שׁני בנים בטרם תבוא שׁנת הרעב אשׁר ילדה לו אסנת בת פוטי פרע כהן און |
| SPוליוסף ילדו שׁני בנים בטרם תבוא שׁנת הרעב אשׁר ילדה לו אסנת בת פוטיפרע כהנאן | |
| 51 | MTויקרא יוסף את שׁם הבכור מנשׁה כי נשׁני אלהים את כל עמלי ואת כל בית אבי |
| SPויקרא יוסף שׁם הבכור מנשׁה כי נשׁני אלהים את עמלי ואת כל בית אבי | |
| 52 | MTואת שׁם השׁני קרא אפרים כי הפרני אלהים בארץ עניי |
| SPואת שׁם השׁני קרא אפרים כי הפרני אלהים בארץ עניי | |
| 53 | MTותכלינה שׁבע שׁני השׂבע אשׁר היה בארץ מצרים |
| SPותכלנה שׁבע שׁני השׂבע אשׁר היו בארץ מצרים | |
| 54 | MTותחלינה שׁבע שׁני הרעב לבוא כאשׁר אמר יוסף ויהי רעב בכל הארצות ובכל ארץ מצרים היה לחם |
| SPותחלנה שׁבע שׁני הרעב לבוא כאשׁר אמר יוסף ויהי הרעב בכל הארצות ובכל ארץ מצרים היה לחם | |
| 55 | MTותרעב כל ארץ מצרים ויצעק העם אל פרעה ללחם ויאמר פרעה לכל מצרים לכו אל יוסף אשׁר יאמר לכם תעשׂו |
| SPותרעב כל ארץ מצרים ויצעק העם אל פרעה ללחם ויאמר פרעה לכל מצרים לכו אל יוסף ואשׁר יאמר לכם תעשׂון | |
| 56 | MTוהרעב היה על כל פני הארץ ויפתח יוסף את כל אשׁר בהם וישׁבר למצרים ויחזק הרעב בארץ מצרים |
| SPוהרעב היה על פני כל הארץ ויפתח יוסף את כל אשׁר בהם בר וישׁבר למצרים ויחזק הרעב בארץ מצרים | |
| 57 | MTוכל הארץ באו מצרימה לשׁבר אל יוסף כי חזק הרעב בכל הארץ |
| SPוכל הארצות באו מצרימה לשׁבר אל יוסף כי חזק הרעב בכל הארץ |