| 1 | MTויוסף הורד מצרימה ויקנהו פוטיפר סריס פרעה שׂר הטבחים אישׁ מצרי מיד הישׁמעאלים אשׁר הורדהו שׁמה |
| SPויוסף הורד מצרימה ויקנהו פוטיפר סריס פרעה שׂר הטבחים אישׁ מצרי מיד הישׁמעאלים אשׁר הורידהו שׁמה | |
| 2 | MTויהי יהוה את יוסף ויהי אישׁ מצליח ויהי בבית אדניו המצרי |
| SPויהי יהוה את יוסף ויהי אישׁ מצליח ויהי בית אדניו המצרי | |
| 3 | MTוירא אדניו כי יהוה אתו וכל אשׁר הוא עשׂה יהוה מצליח בידו |
| SPוירא אדניו כי יהוה אתו וכל אשׁר הוא עשׂה יהוה מצליח בידו | |
| 4 | MTוימצא יוסף חן בעיניו וישׁרת אתו ויפקדהו על ביתו וכל ישׁ לו נתן בידו |
| SPוימצא יוסף חן בעיני אדניו וישׁרת אתו ויפקדהו על ביתו וכל אשׁר ישׁ לו נתן בידו | |
| 5 | MTויהי מאז הפקיד אתו בביתו ועל כל אשׁר ישׁ לו ויברך יהוה את בית המצרי בגלל יוסף ויהי ברכת יהוה בכל אשׁר ישׁ לו בבית ובשׂדה |
| SPויהי מאז הפקיד אתו בביתו ועל כל אשׁר ישׁ לו ויברך יהוה את בית המצרי בגלל יוסף ויהי ברכת יהוה בכל אשׁר ישׁ לו בבית ובשׂדה | |
| 6 | MTויעזב כל אשׁר לו ביד יוסף ולא ידע אתו מאומה כי אם הלחם אשׁר הוא אוכל ויהי יוסף יפה תאר ויפה מראה |
| SPויעזב כל אשׁר לו ביד יוסף ולא ידע אתו מאומה כי אם הלחם אשׁר הוא אכל ויהי יוסף יפה תאר ויפה מראה | |
| 7 | MTויהי אחר הדברים האלה ותשׂא אשׁת אדניו את עיניה אל יוסף ותאמר שׁכבה עמי |
| SPויהי אחר הדברים האלה ותשׂא אשׁת אדניו את עיניה אל יוסף ותאמר שׁכבה עמי | |
| 8 | MTוימאן ויאמר אל אשׁת אדניו הן אדני לא ידע אתי מה בבית וכל אשׁר ישׁ לו נתן בידי |
| SPוימאן ויאמר אל אשׁת אדניו הן אדני לא ידע אתי מאומה בביתו וכל אשׁר ישׁ לו נתן בידי | |
| 9 | MTאיננו גדול בבית הזה ממני ולא חשׂך ממני מאומה כי אם אותך באשׁר את אשׁתו ואיך אעשׂה הרעה הגדלה הזאת וחטאתי לאלהים |
| SPאיננו גדול בבית הזה ממני ולא חשׂך ממני מאומה כי אם אתיך באשׁר אתי אשׁתו ואיך אעשׂה הרעה הגדלה הזאת וחטאתי לאלהים | |
| 10 | MTויהי כדברה אל יוסף יום יום ולא שׁמע אליה לשׁכב אצלה להיות עמה |
| SPויהי כדברה אל יוסף יום ויום ולא שׁמע אליה לשׁכב אצלה להיות עמה | |
| 11 | MTויהי כהיום הזה ויבא הביתה לעשׂות מלאכתו ואין אישׁ מאנשׁי הבית שׁם בבית |
| SPויהי כיום הזה ויבא יוסף הביתה לעשׂות מלאכתו בבית ואין אישׁ מאנשׁי הבית שׁם בבית | |
| 12 | MTותתפשׂהו בבגדו לאמר שׁכבה עמי ויעזב בגדו בידה וינס ויצא החוצה |
| SPותתפשׂהו בבגדיו לאמר שׁכבה עמי ויעזב בגדיו בידה וינס ויצא החוצה | |
| 13 | MTויהי כראותה כי עזב בגדו בידה וינס החוצה |
| SPויהי כראותה כי עזב בגדיו בידה וינס ויצא החוצה | |
| 14 | MTותקרא לאנשׁי ביתה ותאמר להם לאמר ראו הביא לנו אישׁ עברי לצחק בנו בא אלי לשׁכב עמי ואקרא בקול גדול |
| SPותקרא לאנשׁי ביתה ותאמר להם לאמר ראו הביא לנו אישׁ עברי לצחק בנו בא אלי לשׁכב עמי ואקרא בקול גדול | |
| 15 | MTויהי כשׁמעו כי הרימתי קולי ואקרא ויעזב בגדו אצלי וינס ויצא החוצה |
| SPויהי כשׁמעו כי הרמי קולי ואקרא ויעזב בגדיו בידי וינס ויצא החוצה | |
| 16 | MTותנח בגדו אצלה עד בוא אדניו אל ביתו |
| SPותנח בגדיו אצלה עד בא אדניו אל ביתו | |
| 17 | MTותדבר אליו כדברים האלה לאמר בא אלי העבד העברי אשׁר הבאת לנו לצחק בי |
| SPותדבר אליו כדברים האלה לאמר בא אלי העבד העברי אשׁר הבאת לנו לצחק בי | |
| 18 | MTויהי כהרימי קולי ואקרא ויעזב בגדו אצלי וינס החוצה |
| SPויהי כהרמי קולי ואקרא ויעזב בגדיו אצלי וינס החוצה | |
| 19 | MTויהי כשׁמע אדניו את דברי אשׁתו אשׁר דברה אליו לאמר כדברים האלה עשׂה לי עבדך ויחר אפו |
| SPויהי כשׁמע אדניו את דברי אשׁתו אשׁר דברה אליו לאמר כדברים האלה עשׂה לי עבדך ויחר אפו | |
| 20 | MTויקח אדני יוסף אתו ויתנהו אל בית הסהר מקום אשׁר אסורי המלך אסורים ויהי שׁם בבית הסהר |
| SPויקח אדני יוסף אתו ויתנהו אל בית הסחר מקום אשׁר אסורי המלך אסורים ויהי שׁם בבית הסחר | |
| 21 | MTויהי יהוה את יוסף ויט אליו חסד ויתן חנו בעיני שׂר בית הסהר |
| SPויהי יהוה את יוסף ויט אליו חסד ויתן חנו בעיני שׂר בית הסחר | |
| 22 | MTויתן שׂר בית הסהר ביד יוסף את כל האסירם אשׁר בבית הסהר ואת כל אשׁר עשׂים שׁם הוא היה עשׂה |
| SPויתן שׂר בית הסחר ביד יוסף את כל האסורים אשׁר בבית הסחר ואת כל אשׁר עשׂים שׁם הוא היה עשׂה | |
| 23 | MTאין שׂר בית הסהר ראה את כל מאומה בידו באשׁר יהוה אתו ואשׁר הוא עשׂה יהוה מצליח |
| SPאין שׂר בית הסחר ראה את כל מאומה בידו באשׁר יהוה אתו וכל אשׁר הוא עשׂה יהוה מצליח |