| 1 | MTויהי בעת ההוא וירד יהודה מאת אחיו ויט עד אישׁ עדלמי ושׁמו חירה |
| SPויהי בעת ההיא וירד יהודה מאת אחיו ויט עד אישׁ עדלמי ושׁמו חירה | |
| 2 | MTוירא שׁם יהודה בת אישׁ כנעני ושׁמו שׁוע ויקחה ויבא אליה |
| SPוירא שׁם יהודה בת אישׁ כנעני ושׁמו שׁוע ויקחה ויבא אליה | |
| 3 | MTותהר ותלד בן ויקרא את שׁמו ער |
| SPותהר ותלד בן ותקרא את שׁמו ער | |
| 4 | MTותהר עוד ותלד בן ותקרא את שׁמו אונן |
| SPותהר עוד ותלד בן ותקרא את שׁמו אונן | |
| 5 | MTותסף עוד ותלד בן ותקרא את שׁמו שׁלה והיה בכזיב בלדתה אתו |
| SPותסף עוד ותלד בן ותקרא את שׁמו שׁלה ויהי בכזבה בלדתה אתו | |
| 6 | MTויקח יהודה אשׁה לער בכורו ושׁמה תמר |
| SPויקח יהודה אשׁה לער בכורו ושׁמה תמר | |
| 7 | MTויהי ער בכור יהודה רע בעיני יהוה וימתהו יהוה |
| SPויהי ער בכור יהודה רע בעיני יהוה וימתהו יהוה | |
| 8 | MTויאמר יהודה לאונן בא אל אשׁת אחיך ויבם אתה והקם זרע לאחיך |
| SPויאמר יהודה לאונן בא אל אשׁת אחיך ויבם אתה והקם זרע לאחיך | |
| 9 | MTוידע אונן כי לא לו יהיה הזרע והיה אם בא אל אשׁת אחיו ושׁחת ארצה לבלתי נתן זרע לאחיו |
| SPוידע אונן כי לא לו יהיה הזרע והיה אם בא אל אשׁת אחיו ושׁחת ארצה לבלתי נתן זרע לאחיו | |
| 10 | MTוירע בעיני יהוה אשׁר עשׂה וימת גם אתו |
| SPוירע בעיני יהוה את אשׁר עשׂה וימת גם אתו | |
| 11 | MTויאמר יהודה לתמר כלתו שׁבי אלמנה בית אביך עד יגדל שׁלה בני כי אמר פן ימות גם הוא כאחיו ותלך תמר ותשׁב בית אביה |
| SPויאמר יהודה לתמר כלתו שׁבי אלמנה בית אביך עד יגדל שׁלה בני כי אמר פן ימות גם הוא כאחיו ותלך תמר ותשׁב בית אביה | |
| 12 | MTוירבו הימים ותמת בת שׁוע אשׁת יהודה וינחם יהודה ויעל על גזזי צאנו הוא וחירה רעהו העדלמי תמנתה |
| SPוירבו הימים ותמת בת שׁוע אשׁת יהודה וינחם יהודה ויעל אל גזזי צאנו הוא וחירה רעהו העדלמי תמנתה | |
| 13 | MTויגד לתמר לאמר הנה חמיך עלה תמנתה לגז צאנו |
| SPויגד לתמר כלתו לאמר הנה חמיך עלה תמנתה לגוז צאנו | |
| 14 | MTותסר בגדי אלמנותה מעליה ותכס בצעיף ותתעלף ותשׁב בפתח עינים אשׁר על דרך תמנתה כי ראתה כי גדל שׁלה והוא לא נתנה לו לאשׁה |
| SPותסר בגדי אלמנותה מעליה ותתכס בצעיף ותתעלף ותשׁב בפתע עינים אשׁר על דרך תמנתה כי ראתה כי גדל שׁלה והיא לא נתנה לו לאשׁה | |
| 15 | MTויראה יהודה ויחשׁבה לזונה כי כסתה פניה |
| SPויראה יהודה ויחשׁבה לזונה כי כסתה פניה | |
| 16 | MTויט אליה אל הדרך ויאמר הבה נא אבוא אליך כי לא ידע כי כלתו הוא ותאמר מה תתן לי כי תבוא אלי |
| SPויט אליה אל הדרך ויאמר הבא נא אבוא אליך כי לא ידע כי כלתו היא ותאמר מה תתן לי כי תבוא אלי | |
| 17 | MTויאמר אנכי אשׁלח גדי עזים מן הצאן ותאמר אם תתן ערבון עד שׁלחך |
| SPויאמר אנכי אשׁלח גדי עזים מן הצאן ותאמר אם תתן ערבון עד שׁלחך | |
| 18 | MTויאמר מה הערבון אשׁר אתן לך ותאמר חתמך ופתילך ומטך אשׁר בידך ויתן לה ויבא אליה ותהר לו |
| SPויאמר מה הערבון אשׁר אתן ליך ותאמר חתימך ופתילך ומטך אשׁר בידך ויתן לה ויבא אליה ותהר לו | |
| 19 | MTותקם ותלך ותסר צעיפה מעליה ותלבשׁ בגדי אלמנותה |
| SPותקם ותלך ותסר צעיפה מעליה ותלבשׁ בגדי אלמנותה | |
| 20 | MTוישׁלח יהודה את גדי העזים ביד רעהו העדלמי לקחת הערבון מיד האשׁה ולא מצאה |
| SPוישׁלח יהודה את גדי העזים ביד רעהו העדלמי לקחת הערבון מיד האשׁה ולא מצאה | |
| 21 | MTוישׁאל את אנשׁי מקמה לאמר איה הקדשׁה הוא בעינים על הדרך ויאמרו לא היתה בזה קדשׁה |
| SPוישׁאל את אנשׁי המקום לאמר איה הקדשׁה ההיא בעינים על הדרך ויאמרו לא היתה בזה קדשׁה | |
| 22 | MTוישׁב אל יהודה ויאמר לא מצאתיה וגם אנשׁי המקום אמרו לא היתה בזה קדשׁה |
| SPוישׁב אל יהודה ויאמר לא מצאתיה וגם אנשׁי המקום אמרו לא היתה בזה קדשׁה | |
| 23 | MTויאמר יהודה תקח לה פן נהיה לבוז הנה שׁלחתי הגדי הזה ואתה לא מצאתה |
| SPויאמר יהודה תקח לה פן נהיה לבוז הנה שׁלחתי את הגדי הזה ואתה לא מצאתה | |
| 24 | MTויהי כמשׁלשׁ חדשׁים ויגד ליהודה לאמר זנתה תמר כלתך וגם הנה הרה לזנונים ויאמר יהודה הוציאוה ותשׂרף |
| SPויהי כמשׁלשׁת חדשׁים ויגד ליהודה לאמר זנתה תמר כלתך וגם הנה הרה לזנים ויאמר יהודה הוציאה ותשׂרף | |
| 25 | MTהוא מוצאת והיא שׁלחה אל חמיה לאמר לאישׁ אשׁר אלה לו אנכי הרה ותאמר הכר נא למי החתמת והפתילים והמטה האלה |
| SPהיא מוצאת והיא שׁלחה אל חמיה לאמר לאישׁ אשׁר אלה לו אנכי הרה ותאמר הכר נא למי החתים והפתיל והמטה האלה | |
| 26 | MTויכר יהודה ויאמר צדקה ממני כי על כן לא נתתיה לשׁלה בני ולא יסף עוד לדעתה |
| SPויכר יהודה ויאמר צדקה ממני כי על כן לא נתתיה לשׁלה בני ולא יסף עוד לדעתה | |
| 27 | MTויהי בעת לדתה והנה תאומים בבטנה |
| SPויהי בעת לדתה והנה תאמים בבטנה | |
| 28 | MTויהי בלדתה ויתן יד ותקח המילדת ותקשׁר על ידו שׁני לאמר זה יצא ראשׁנה |
| SPויהי בלדתה ויתן יד ותקח המילדת ותקשׁר על ידו שׁני לאמר זה יצא ראישׁון | |
| 29 | MTויהי כמשׁיב ידו והנה יצא אחיו ותאמר מה פרצת עליך פרץ ויקרא שׁמו פרץ |
| SPויהי כמשׁיב ידו והנה יצא אחיו ותאמר מה פרצת עלינו פרץ ותקרא את שׁמו פרץ | |
| 30 | MTואחר יצא אחיו אשׁר על ידו השׁני ויקרא שׁמו זרח |
| SPואחרי כן יצא אחיו אשׁר על ידו השׁני ותקרא שׁמו זרח |