| 1 | MTוישׁב יעקב בארץ מגורי אביו בארץ כנען |
| SPוישׁב יעקב בארץ מגרי אביו בארץ כנען | |
| 2 | MTאלה תלדות יעקב יוסף בן שׁבע עשׂרה שׁנה היה רעה את אחיו בצאן והוא נער את בני בלהה ואת בני זלפה נשׁי אביו ויבא יוסף את דבתם רעה אל אביהם |
| SPאלה תולדת יעקב יוסף בן שׁבע עשׂרה שׁנה היה רעה את אחיו בצאן והוא נער את בני בלהה ואת בני זלפה נשׁי אביו ויבא יוסף את דבתם רעה אל אביהם | |
| 3 | MTוישׂראל אהב את יוסף מכל בניו כי בן זקנים הוא לו ועשׂה לו כתנת פסים |
| SPוישׂראל אהב את יוסף מכל בניו כי בן זקנים הוא לו ויעשׂ לו כיתנת פסים | |
| 4 | MTויראו אחיו כי אתו אהב אביהם מכל אחיו וישׂנאו אתו ולא יכלו דברו לשׁלם |
| SPויראו אחיו כי אתו אהב אביהם מכל בניו וישׂנאו אתו ולא יכלו דבריו לשׁלום | |
| 5 | MTויחלם יוסף חלום ויגד לאחיו ויוספו עוד שׂנא אתו |
| SPויחלם יוסף חלום ויגד לאחיו ויוסיפו עוד שׂנא אתו | |
| 6 | MTויאמר אליהם שׁמעו נא החלום הזה אשׁר חלמתי |
| SPויאמר אליהם שׁמעו נא החלום הזה אשׁר חלמתי | |
| 7 | MTוהנה אנחנו מאלמים אלמים בתוך השׂדה והנה קמה אלמתי וגם נצבה והנה תסבינה אלמתיכם ותשׁתחוין לאלמתי |
| SPוהנה אנחנו מאלמים אלמים בתוך השׂדה והנה קמה אלמתי וגם נצבה והנה תסבנה אלמתיכם ותשׁתחוינה לאלמתי | |
| 8 | MTויאמרו לו אחיו המלך תמלך עלינו אם משׁול תמשׁל בנו ויוספו עוד שׂנא אתו על חלמתיו ועל דבריו |
| SPויאמרו לו אחיו המלוך תמלך עלינו אם משׁל תמשׁל בנו ויוסיפו עוד שׂנא אתו על חלמיו ועל דבריו | |
| 9 | MTויחלם עוד חלום אחר ויספר אתו לאחיו ויאמר הנה חלמתי חלום עוד והנה השׁמשׁ והירח ואחד עשׂר כוכבים משׁתחוים לי |
| SPויחלם עוד חלום אחר ויספר אתו לאחיו ויאמר הנה חלמתי חלום עוד והנה השׁמשׁ והירח ואחד עשׂר כוכבים משׁתחוים לי | |
| 10 | MTויספר אל אביו ואל אחיו ויגער בו אביו ויאמר לו מה החלום הזה אשׁר חלמת הבוא נבוא אני ואמך ואחיך להשׁתחות לך ארצה |
| SPויספר לאביו ולאחיו ויגער בו אביו ויאמר לו מה החלום הזה אשׁר חלמת הבא נבוא אני ואמך ואחיך להשׁתחות לך ארצה | |
| 11 | MTויקנאו בו אחיו ואביו שׁמר את הדבר |
| SPויקנאו בו אחיו ואביו שׁמר את הדבר | |
| 12 | MTוילכו אחיו לרעות את צאן אביהם בשׁכם |
| SPוילכו אחיו לרעות את צאן אביהם בשׁכם | |
| 13 | MTויאמר ישׂראל אל יוסף הלוא אחיך רעים בשׁכם לכה ואשׁלחך אליהם ויאמר לו הנני |
| SPויאמר ישׂראל אל יוסף הלוא אחיך רעים בשׁכם לך ואשׁלחך אליהם ויאמר לו הנני | |
| 14 | MTויאמר לו לך נא ראה את שׁלום אחיך ואת שׁלום הצאן והשׁבני דבר וישׁלחהו מעמק חברון ויבא שׁכמה |
| SPויאמר לו לך נא וראה את שׁלום אחיך ואת שׁלום הצאן והשׁבני דבר וישׁלחהו מעמק חברון ויבא שׁכמה | |
| 15 | MTוימצאהו אישׁ והנה תעה בשׂדה וישׁאלהו האישׁ לאמר מה תבקשׁ |
| SPוימצאהו האישׁ והנה תעה בשׂדה וישׁאלהו האישׁ לאמר מה תבקשׁ | |
| 16 | MTויאמר את אחי אנכי מבקשׁ הגידה נא לי איפה הם רעים |
| SPויאמר את אחי אני מבקשׁ הגידה נא לי איפה הם רעים | |
| 17 | MTויאמר האישׁ נסעו מזה כי שׁמעתי אמרים נלכה דתינה וילך יוסף אחר אחיו וימצאם בדתן |
| SPויאמר האישׁ נסעו מזה כי שׁמעתים אמרים נלכה דותינה וילך יוסף אחרי אחיו וימצאם בדותין | |
| 18 | MTויראו אתו מרחק ובטרם יקרב אליהם ויתנכלו אתו להמיתו |
| SPויראו אתו מרחק בטרם יקרב אליהם ויתנכלו אתו להמיתו | |
| 19 | MTויאמרו אישׁ אל אחיו הנה בעל החלמות הלזה בא |
| SPויאמרו אישׁ אל אחיו הנה בעל החלמות הלז בא | |
| 20 | MTועתה לכו ונהרגהו ונשׁלכהו באחד הברות ואמרנו חיה רעה אכלתהו ונראה מה יהיו חלמתיו |
| SPועתה לכו ונהרגהו ונשׁליכהו באחד הבורות ואמרנו חיה רעה אכלתו ונראה מה יהיה חלמתיו | |
| 21 | MTוישׁמע ראובן ויצלהו מידם ויאמר לא נכנו נפשׁ |
| SPוישׁמע ראובן ויצלו מידם ויאמר לא נכנו נפשׁ | |
| 22 | MTויאמר אלהם ראובן אל תשׁפכו דם השׁליכו אתו אל הבור הזה אשׁר במדבר ויד אל תשׁלחו בו למען הציל אתו מידם להשׁיבו אל אביו |
| SPויאמר אליהם ראובן אל תשׁפכו דם השׁליכו אתו אל הבור הזה אשׁר במדבר ויד אל תשׁלחו בו למען הציל אתו מידם להשׁיבו אל אביו | |
| 23 | MTויהי כאשׁר בא יוסף אל אחיו ויפשׁיטו את יוסף את כתנתו את כתנת הפסים אשׁר עליו |
| SPויהי כאשׁר בא יוסף אל אחיו ויפשׁטו את יוסף את כיתנתו את כיתנת הפסים אשׁר עליו | |
| 24 | MTויקחהו וישׁלכו אתו הברה והבור רק אין בו מים |
| SPויקחו וישׁלכו אתו הבור והבור ריק אין בו מים | |
| 25 | MTוישׁבו לאכל לחם וישׂאו עיניהם ויראו והנה ארחת ישׁמעאלים באה מגלעד וגמליהם נשׂאים נכאת וצרי ולט הולכים להוריד מצרימה |
| SPוישׁבו לאכל לחם וישׂאו עיניהם ויראו והנה ארחת ישׁמעאלים באה מגלעד וגמליהם נשׂאים נכאת וצרי ולוט הלכים להוריד מצרימה | |
| 26 | MTויאמר יהודה אל אחיו מה בצע כי נהרג את אחינו וכסינו את דמו |
| SPויאמר יהודה אל אחיו מה בצע כי נהרג את אחינו וכסינו את דמו | |
| 27 | MTלכו ונמכרנו לישׁמעאלים וידנו אל תהי בו כי אחינו בשׂרנו הוא וישׁמעו אחיו |
| SPלכו נמכרנו לישׁמעאלים וידנו אל תהיה בו כי אחינו ובשׂרנו הוא וישׁמעו אחיו | |
| 28 | MTויעברו אנשׁים מדינים סחרים וימשׁכו ויעלו את יוסף מן הבור וימכרו את יוסף לישׁמעאלים בעשׂרים כסף ויביאו את יוסף מצרימה |
| SPויעברו אנשׁים מדינים סחרים וימשׁכו ויעלו את יוסף מן הבור וימכרו את יוסף לישׁמעאלים בעשׂרים כסף ויביאו את יוסף מצרימה | |
| 29 | MTוישׁב ראובן אל הבור והנה אין יוסף בבור ויקרע את בגדיו |
| SPוישׁב ראובן אל הבור והנה אין יוסף בבור ויקרע את בגדיו | |
| 30 | MTוישׁב אל אחיו ויאמר הילד איננו ואני אנה אני בא |
| SPוישׁב אל אחיו ויאמר הילד איננו ואני הנה אני בא | |
| 31 | MTויקחו את כתנת יוסף וישׁחטו שׂעיר עזים ויטבלו את הכתנת בדם |
| SPויקחו את כיתנת יוסף וישׁחטו שׂעיר עזים ויטבלו את הכיתנת בדם | |
| 32 | MTוישׁלחו את כתנת הפסים ויביאו אל אביהם ויאמרו זאת מצאנו הכר נא הכתנת בנך הוא אם לא |
| SPוישׁלחו את כיתנת הפסים ויביאו אל אביהם ויאמרו זאת מצאנו הכר נא הכיתנת בנך היא אם לא | |
| 33 | MTויכירה ויאמר כתנת בני חיה רעה אכלתהו טרף טרף יוסף |
| SPויכרה ויאמר כיתנת בני היא חיה רעה אכלתו טרף טרף יוסף | |
| 34 | MTויקרע יעקב שׂמלתיו וישׂם שׂק במתניו ויתאבל על בנו ימים רבים |
| SPויקרע יעקב שׂמלתיו וישׂם שׂק במתניו ויתאבל על בנו ימים רבים | |
| 35 | MTויקמו כל בניו וכל בנתיו לנחמו וימאן להתנחם ויאמר כי ארד אל בני אבל שׁאלה ויבך אתו אביו |
| SPויקמו כל בניו וכל בנתיו לנחמו וימאן להתנחם ויאמר כי ארד על בני אבל שׁאלה ויבך אתו אביו | |
| 36 | MTוהמדנים מכרו אתו אל מצרים לפוטיפר סריס פרעה שׂר הטבחים |
| SPוהמדינים מכרו את יוסף מצרימה לפוטיפר סריס פרעה שׂר הטבחים |