| 1 | MTואלה תלדות עשׂו הוא אדום |
| SPואלה תולדת עשׂו הוא אדום | |
| 2 | MTעשׂו לקח את נשׁיו מבנות כנען את עדה בת אילון החתי ואת אהליבמה בת ענה בת צבעון החוי |
| SPעשׂו לקח את נשׁיו מבנות כנען את עדה בת אילון החתי ואת אהליבמה בת ענה בן צבעון החוי | |
| 3 | MTואת בשׂמת בת ישׁמעאל אחות נביות |
| SPואת מחלת בת ישׁמעאל אחות נבאות | |
| 4 | MTותלד עדה לעשׂו את אליפז ובשׂמת ילדה את רעואל |
| SPותלד עדה לעשׂו את אליפז ומחלת ילדה את רעואל | |
| 5 | MTואהליבמה ילדה את יעישׁ ואת יעלם ואת קרח אלה בני עשׂו אשׁר ילדו לו בארץ כנען |
| SPואהליבמה ילדה את יעושׁ ואת יעלם ואת קרח אלה בני עשׂו אשׁר ילדו לו בארץ כנען | |
| 6 | MTויקח עשׂו את נשׁיו ואת בניו ואת בנתיו ואת כל נפשׁות ביתו ואת מקנהו ואת כל בהמתו ואת כל קנינו אשׁר רכשׁ בארץ כנען וילך אל ארץ מפני יעקב אחיו |
| SPויקח עשׂו את נשׁיו ואת בניו ואת בנתיו ואת כל נפשׁות ביתו ואת מקנהו ואת כל בהמתו ואת כל קנינו אשׁר רכשׁ בארץ כנען וילך מארץ כנען מפני יעקב אחיו | |
| 7 | MTכי היה רכושׁם רב משׁבת יחדו ולא יכלה ארץ מגוריהם לשׂאת אתם מפני מקניהם |
| SPכי היה רכושׁם רב משׁבת יחדו ולא יכלה ארץ מגריהם לשׂאת אתם מפני מקניהם | |
| 8 | MTוישׁב עשׂו בהר שׂעיר עשׂו הוא אדום |
| SPוישׁב עשׂו בהר שׂעיר עשׂו הוא אדום | |
| 9 | MTואלה תלדות עשׂו אבי אדום בהר שׂעיר |
| SPואלה תולדת עשׂו אבי אדום בהר שׂעיר | |
| 10 | MTאלה שׁמות בני עשׂו אליפז בן עדה אשׁת עשׂו רעואל בן בשׂמת אשׁת עשׂו |
| SPואלה שׁמות בני עשׂו אליפז בן עדה אשׁת עשׂו רעואל בן מחלת אשׁת עשׂו | |
| 11 | MTויהיו בני אליפז תימן אומר צפו וגעתם וקנז |
| SPויהיו בני אליפז תימן ואמר וצפו וגעתם וקנז | |
| 12 | MTותמנע היתה פילגשׁ לאליפז בן עשׂו ותלד לאליפז את עמלק אלה בני עדה אשׁת עשׂו |
| SPותמנע היתה פילגשׁ לאליפז בן עשׂו ותלד לאליפז את עמלק אלה בני עדה אשׁת עשׂו | |
| 13 | MTואלה בני רעואל נחת וזרח שׁמה ומזה אלה היו בני בשׂמת אשׁת עשׂו |
| SPואלה בני רעואל נחת וזרח שׁמח ומזה אלה היו בני מחלת אשׁת עשׂו | |
| 14 | MTואלה היו בני אהליבמה בת ענה בת צבעון אשׁת עשׂו ותלד לעשׂו את יעישׁ ואת יעלם ואת קרח |
| SPואלה היו בני אהליבמה בת ענה בן צבעון אשׁת עשׂו ותלד לעשׂו את יעושׁ ואת יעלם ואת קרח | |
| 15 | MTאלה אלופי בני עשׂו בני אליפז בכור עשׂו אלוף תימן אלוף אומר אלוף צפו אלוף קנז |
| SPאלה אלופי בני עשׂו בני אליפז בכור עשׂו אלוף תימן אלוף אמר אלוף צפו אלוף קנז | |
| 16 | MTאלוף קרח אלוף געתם אלוף עמלק אלה אלופי אליפז בארץ אדום אלה בני עדה |
| SPאלוף געתם אלוף עמלק אלה אלופי אליפז בארץ אדום אלה בני עדה | |
| 17 | MTואלה בני רעואל בן עשׂו אלוף נחת אלוף זרח אלוף שׁמה אלוף מזה אלה אלופי רעואל בארץ אדום אלה בני בשׂמת אשׁת עשׂו |
| SPואלה בני רעואל בן עשׂו אלוף נחת אלוף זרח אלוף שׁמח אלוף מזה אלה אלופי רעואל בארץ אדום אלה בני מחלת אשׁת עשׂו | |
| 18 | MTואלה בני אהליבמה אשׁת עשׂו אלוף יעושׁ אלוף יעלם אלוף קרח אלה אלופי אהליבמה בת ענה אשׁת עשׂו |
| SPואלה בני אהליבמה אשׁת עשׂו אלוף יעושׁ אלוף יעלם אלוף קרח אלה אלופי אהליבמה בת ענה אשׁת עשׂו | |
| 19 | MTאלה בני עשׂו ואלה אלופיהם הוא אדום |
| SPאלה בני עשׂו ואלה אלופיהם עשׂו הוא אדום | |
| 20 | MTאלה בני שׂעיר החרי ישׁבי הארץ לוטן ושׁובל וצבעון וענה |
| SPואלה בני שׂעיר החרי ישׁבי הארץ לוטן ושׁובל וצבעון וענה | |
| 21 | MTודשׁון ואצר ודישׁן אלה אלופי החרי בני שׂעיר בארץ אדום |
| SPודישׁון ואצר ודישׁן אלה אלופי החרי בני שׂעיר בארץ אדום | |
| 22 | MTויהיו בני לוטן חרי והימם ואחות לוטן תמנע |
| SPויהיו בני לוטן חרי ואימם ואחות לוטן תמנע | |
| 23 | MTואלה בני שׁובל עלון ומנחת ועיבל שׁפו ואונם |
| SPואלה בני שׁובל עלון ומנחת ועיבל שׁפו ואונם | |
| 24 | MTואלה בני צבעון ואיה וענה הוא ענה אשׁר מצא את הימם במדבר ברעתו את החמרים לצבעון אביו |
| SPואלה בני צבעון איה וענה הוא ענה אשׁר מצא את האימים במדבר ברעתו את החמרים לצבעון אביו | |
| 25 | MTואלה בני ענה דשׁן ואהליבמה בת ענה |
| SPואלה בני ענה דישׁון ואהליבמה בת ענה | |
| 26 | MTואלה בני דישׁן חמדן ואשׁבן ויתרן וכרן |
| SPואלה בני דישׁון חמדן ואשׁבן יתרן וכרן | |
| 27 | MTאלה בני אצר בלהן וזעון ועקן |
| SPואלה בני אצר בלהן וזוען ועקן | |
| 28 | MTאלה בני דישׁן עוץ וארן |
| SPואלה בני דישׁן עוץ ואדן | |
| 29 | MTאלה אלופי החרי אלוף לוטן אלוף שׁובל אלוף צבעון אלוף ענה |
| SPאלה אלופי החרי אלוף לוטן אלוף שׁובל אלוף צבעון אלוף ענה | |
| 30 | MTאלוף דשׁן אלוף אצר אלוף דישׁן אלה אלופי החרי לאלפיהם בארץ שׂעיר |
| SPאלוף דישׁון אלוף אצר אלוף דישׁן אלה אלופי החרי לאלופיהם בארץ שׂעיר | |
| 31 | MTואלה המלכים אשׁר מלכו בארץ אדום לפני מלך מלך לבני ישׂראל |
| SPואלה המלכים אשׁר מלכו בארץ אדום לפני מלך מלך לבני ישׂראל | |
| 32 | MTוימלך באדום בלע בן בעור ושׁם עירו דנהבה |
| SPוימלך באדום בלע בן בעור ושׁם עירו דנהבה | |
| 33 | MTוימת בלע וימלך תחתיו יובב בן זרח מבצרה |
| SPוימת בלע וימלך תחתיו יובב בן זרח מבצרה | |
| 34 | MTוימת יובב וימלך תחתיו חשׁם מארץ התימני |
| SPוימת יובב וימלך תחתיו חשׁם מארץ התימני | |
| 35 | MTוימת חשׁם וימלך תחתיו הדד בן בדד המכה את מדין בשׂדה מואב ושׁם עירו עוית |
| SPוימת חשׁם וימלך תחתיו הדד בן בדד המכה את המדיני בשׂדה מואב ושׁם עירו עוית | |
| 36 | MTוימת הדד וימלך תחתיו שׂמלה ממשׂרקה |
| SPוימת הדד וימלך תחתיו שׂמלה ממשׂרקה | |
| 37 | MTוימת שׂמלה וימלך תחתיו שׁאול מרחבות הנהר |
| SPוימת שׂמלה וימלך תחתיו שׁאול מרחבות הנהר | |
| 38 | MTוימת שׁאול וימלך תחתיו בעל חנן בן עכבור |
| SPוימת שׁאול וימלך תחתיו בעל חנן בן עכבור | |
| 39 | MTוימת בעל חנן בן עכבור וימלך תחתיו הדר ושׁם עירו פעו ושׁם אשׁתו מהיטבאל בת מטרד בת מי זהב |
| SPוימת בעל חנן וימלך תחתיו הדד ושׁם עירו פעו ושׁם אשׁתו מהטבאל בת מטרד בת מי זהב | |
| 40 | MTואלה שׁמות אלופי עשׂו למשׁפחתם למקמתם בשׁמתם אלוף תמנע אלוף עלוה אלוף יתת |
| SPואלה שׁמות אלופי עשׂו למשׁפחותם למקומותם בשׁמותם אלוף תמנע אלוף עלוה אלוף יתת | |
| 41 | MTאלוף אהליבמה אלוף אלה אלוף פינן |
| SPאלוף אהליבמה אלוף אלה אלוף פינן | |
| 42 | MTאלוף קנז אלוף תימן אלוף מבצר |
| SPאלוף קנז אלוף תימן אלוף מבצר | |
| 43 | MTאלוף מגדיאל אלוף עירם אלה אלופי אדום למשׁבתם בארץ אחזתם הוא עשׂו אבי אדום |
| SPאלוף מגדאל אלוף עירם אלה אלופי אדום למשׁפחותם בארץ אחזתם הוא עשׂו אבי אדום |