| 1 | MTויאמר אלהים אל יעקב קום עלה בית אל ושׁב שׁם ועשׂה שׁם מזבח לאל הנראה אליך בברחך מפני עשׂו אחיך |
| SPויאמר אלהים אל יעקב קום עלה בית אל ושׁב שׁם ועשׂה שׁם מזבח לאל הנראה אליך בברחך מפני עשׂו אחיך | |
| 2 | MTויאמר יעקב אל ביתו ואל כל אשׁר עמו הסרו את אלהי הנכר אשׁר בתככם והטהרו והחליפו שׂמלתיכם |
| SPויאמר יעקב אל ביתו ואל כל אשׁר עמו הסירו את אלהי הנכר אשׁר בתוככם והטהרו והחליפו שׂמלתיכם | |
| 3 | MTונקומה ונעלה בית אל ואעשׂה שׁם מזבח לאל הענה אתי ביום צרתי ויהי עמדי בדרך אשׁר הלכתי |
| SPונקומה ונעלה בית אל ואעשׂה שׁם מזבח לאל הענה אתי ביום צרתי ויהי עמדי בדרך אשׁר הלכתי | |
| 4 | MTויתנו אל יעקב את כל אלהי הנכר אשׁר בידם ואת הנזמים אשׁר באזניהם ויטמן אתם יעקב תחת האלה אשׁר עם שׁכם |
| SPויתנו אל יעקב את כל אלהי הנכר אשׁר בידם ואת הנזמים אשׁר באזניהם ויטמן אתם יעקב תחת האילה אשׁר עם שׁכם | |
| 5 | MTויסעו ויהי חתת אלהים על הערים אשׁר סביבתיהם ולא רדפו אחרי בני יעקב |
| SPויסעו ויהי חתת אלהים על הערים אשׁר סביבתיהם ולא רדפו אחרי בני יעקב | |
| 6 | MTויבא יעקב לוזה אשׁר בארץ כנען הוא בית אל הוא וכל העם אשׁר עמו |
| SPויבא יעקב לוזה אשׁר בארץ כנען הוא בית אל הוא וכל העם אשׁר עמו | |
| 7 | MTויבן שׁם מזבח ויקרא למקום אל בית אל כי שׁם נגלו אליו האלהים בברחו מפני אחיו |
| SPויבן שׁם מזבח ויקרא למקום אל בית אל כי שׁם נגלה אליו האלהים בברחו מפני אחיו | |
| 8 | MTותמת דברה מינקת רבקה ותקבר מתחת לבית אל תחת האלון ויקרא שׁמו אלון בכות |
| SPותמת דבורה מינקת רבקה ותקבר מתחת לבית אל תחת האלון ויקרא שׁמו אלון בכית | |
| 9 | MTוירא אלהים אל יעקב עוד בבאו מפדן ארם ויברך אתו |
| SPוירא אלהים אל יעקב עוד בבאו מפדן ארם ויברך אתו אלהים | |
| 10 | MTויאמר לו אלהים שׁמך יעקב לא יקרא שׁמך עוד יעקב כי אם ישׂראל יהיה שׁמך ויקרא את שׁמו ישׂראל |
| SPויאמר לו אלהים שׁמך יעקב לא יקרא עוד שׁמך יעקב כי אם ישׂראל יהיה שׁמך ויקרא את שׁמו ישׂראל | |
| 11 | MTויאמר לו אלהים אני אל שׁדי פרה ורבה גוי וקהל גוים יהיה ממך ומלכים מחלציך יצאו |
| SPויאמר לו אלהים אני אל שׁדי פרה ורבה גוי וקהל גוים יהיה ממך ומלכים מחלציך יצאו | |
| 12 | MTואת הארץ אשׁר נתתי לאברהם וליצחק לך אתננה ולזרעך אחריך אתן את הארץ |
| SPואת הארץ אשׁר נתתי לאברהם וליצחק לך אתננה ולזרעך אחריך אתן את הארץ | |
| 13 | MTויעל מעליו אלהים במקום אשׁר דבר אתו |
| SPויעל מעליו אלהים במקום אשׁר דבר אתו | |
| 14 | MTויצב יעקב מצבה במקום אשׁר דבר אתו מצבת אבן ויסך עליה נסך ויצק עליה שׁמן |
| SPויצב יעקב מצבה במקום אשׁר דבר אתו מצבת אבן ויסך עליה נסך ויצק עליה שׁמן | |
| 15 | MTויקרא יעקב את שׁם המקום אשׁר דבר אתו שׁם אלהים בית אל |
| SPויקרא יעקב את שׁם המקום אשׁר דבר אתו שׁם אלהים בית אל | |
| 16 | MTויסעו מבית אל ויהי עוד כברת הארץ לבוא אפרתה ותלד רחל ותקשׁ בלדתה |
| SPויסעו מבית אל ויהי עוד כברת הארץ לבוא אפרתה ותלד רחל ותקשׁ בלדתה | |
| 17 | MTויהי בהקשׁתה בלדתה ותאמר לה המילדת אל תיראי כי גם זה לך בן |
| SPויהי בהקשׁותה בלדתה ותאמר לה המילדת אל תיראי כי גם זה ליך בן | |
| 18 | MTויהי בצאת נפשׁה כי מתה ותקרא שׁמו בן אוני ואביו קרא לו בנימין |
| SPויהי בצאת נפשׁה כי מתה ותקרא את שׁמו בנ אוני ואביו קרא לו בנימים | |
| 19 | MTותמת רחל ותקבר בדרך אפרתה הוא בית לחם |
| SPותמת רחל ותקבר בדרך אפרתה היא בית לחם | |
| 20 | MTויצב יעקב מצבה על קברתה הוא מצבת קברת רחל עד היום |
| SPויצב יעקב מצבה על קברתה היא מצבת קברת רחל עד היום | |
| 21 | MTויסע ישׂראל ויט אהלה מהלאה למגדל עדר |
| SPויסע ישׂראל ויט אהלו מהלאה למגדל עדר | |
| 22 | MTויהי בשׁכן ישׂראל בארץ ההוא וילך ראובן וישׁכב את בלהה פילגשׁ אביו וישׁמע ישׂראל ויהיו בני יעקב שׁנים עשׂר |
| SPויהי בשׁכן ישׂראל בארץ ההיא וילך ראובן וישׁכב את בלהה פילגשׁ אביו וישׁמע ישׂראל ויהיו בני יעקב שׁנים עשׂר | |
| 23 | MTבני לאה בכור יעקב ראובן ושׁמעון ולוי ויהודה וישׂשׂכר וזבולן |
| SPבני לאה בכור יעקב ראובן ושׁמעון ולוי ויהודה וישׂשׂכר וזבולן | |
| 24 | MTבני רחל יוסף ובנימן |
| SPובני רחל יוסף ובנימים | |
| 25 | MTובני בלהה שׁפחת רחל דן ונפתלי |
| SPובני בלהה שׁפחת רחל דן ונפתלי | |
| 26 | MTובני זלפה שׁפחת לאה גד ואשׁר אלה בני יעקב אשׁר ילד לו בפדן ארם |
| SPובני זלפה שׁפחת לאה גד ואשׁר אלה בני יעקב אשׁר ילדו לו בפדן ארם | |
| 27 | MTויבא יעקב אל יצחק אביו ממרא קרית הארבע הוא חברון אשׁר גר שׁם אברהם ויצחק |
| SPויבא יעקב אל יצחק אביו ממרא קרית הארבע היא חברון אשׁר גר שׁם אברהם ויצחק | |
| 28 | MTויהיו ימי יצחק מאת שׁנה ושׁמנים שׁנה |
| SPויהיו ימי יצחק מאת שׁנה ושׁמנים שׁנה | |
| 29 | MTויגוע יצחק וימת ויאסף אל עמיו זקן ושׂבע ימים ויקברו אתו עשׂו ויעקב בניו |
| SPויגוע יצחק וימת ויאסף אל עמו זקן ושׂבע ימים ויקברו אתו עשׂו ויעקב בניו |