| 1 | MTותצא דינה בת לאה אשׁר ילדה ליעקב לראות בבנות הארץ |
| SPותצא דינה בת לאה אשׁר ילדה ליעקב להראות בבנות הארץ | |
| 2 | MTוירא אתה שׁכם בן חמור החוי נשׂיא הארץ ויקח אתה וישׁכב אתה ויענה |
| SPוירא אתה שׁכם בן חמור החוי נשׂיא הארץ ויקח אתה וישׁכב אתה ויענה | |
| 3 | MTותדבק נפשׁו בדינה בת יעקב ויאהב את הנער וידבר על לב הנער |
| SPותדבק נפשׁו בדינה בת יעקב ויאהב את הנערה וידבר אל לב הנערה | |
| 4 | MTויאמר שׁכם אל חמור אביו לאמר קח לי את הילדה הזאת לאשׁה |
| SPויאמר שׁכם אל אביו לאמר קח לי את הילדה הזאת לאשׁה | |
| 5 | MTויעקב שׁמע כי טמא את דינה בתו ובניו היו את מקנהו בשׂדה והחרשׁ יעקב עד באם |
| SPויעקב שׁמע כי טמא את דינה בתו ובניו היו את מקנהו בשׂדה וחרישׁ יעקב עד באם | |
| 6 | MTויצא חמור אבי שׁכם אל יעקב לדבר אתו |
| SPויצא חמור אבי שׁכם אל יעקב לדבר אתו | |
| 7 | MTובני יעקב באו מן השׂדה כשׁמעם ויתעצבו האנשׁים ויחר להם מאד כי נבלה עשׂה בישׂראל לשׁכב את בת יעקב וכן לא יעשׂה |
| SPובני יעקב באו מן השׂדה כשׁמעם ויתעצבו האנשׁים ויחר להם מאד כי נבלה עשׂה בישׂראל לשׁכב את בת יעקב וכן לא יעשׂה | |
| 8 | MTוידבר חמור אתם לאמר שׁכם בני חשׁקה נפשׁו בבתכם תנו נא אתה לו לאשׁה |
| SPוידבר חמור אתם לאמר שׁכם בני חשׁקה נפשׁו בבתכם תנו נא אתה לו לאשׁה | |
| 9 | MTוהתחתנו אתנו בנתיכם תתנו לנו ואת בנתינו תקחו לכם |
| SPוהתחתנו אתנו בנתיכם תתנו לנו ואת בנתינו תקחו לכם | |
| 10 | MTואתנו תשׁבו והארץ תהיה לפניכם שׁבו וסחרוה והאחזו בה |
| SPואתנו תשׁבו והארץ תהיה לפניכם שׁבו סחרו ואחזו בה | |
| 11 | MTויאמר שׁכם אל אביה ואל אחיה אמצא חן בעיניכם ואשׁר תאמרו אלי אתן |
| SPויאמר שׁכם אל אביה ואל אחיה אמצא חן בעיניכם ואשׁר תאמרו אלי אתן | |
| 12 | MTהרבו עלי מאד מהר ומתן ואתנה כאשׁר תאמרו אלי ותנו לי את הנער לאשׁה |
| SPהרבו עלי מהר מאד ומתנה ואתן כאשׁר תאמרו אלי ותנו לי את הנערה לאשׁה | |
| 13 | MTויענו בני יעקב את שׁכם ואת חמור אביו במרמה וידברו אשׁר טמא את דינה אחתם |
| SPויענו בני יעקב את שׁכם ואת חמור אביו במרמה וידברו אשׁר טמאו את דינה אחותם | |
| 14 | MTויאמרו אליהם לא נוכל לעשׂות הדבר הזה לתת את אחתנו לאישׁ אשׁר לו ערלה כי חרפה הוא לנו |
| SPויאמרו אליהם לא נוכל לעשׂות את הדבר הזה לתת את אחותנו לאישׁ אשׁר לו ערלה כי חרפה היא לנו | |
| 15 | MTאך בזאת נאות לכם אם תהיו כמנו להמל לכם כל זכר |
| SPאך בזאת נאות לכם אם תהיו כמונו להמול לכם כל זכר | |
| 16 | MTונתנו את בנתינו לכם ואת בנתיכם נקח לנו וישׁבנו אתכם והיינו לעם אחד |
| SPונתנו את בנתינו לכם ואת בנתיכם נקח לנו וישׁבנו אתכם והיינו כעם אחד | |
| 17 | MTואם לא תשׁמעו אלינו להמול ולקחנו את בתנו והלכנו |
| SPואם לא תשׁמעו אלינו להמול ולקחנו את בתנו והלכנו | |
| 18 | MTוייטבו דבריהם בעיני חמור ובעיני שׁכם בן חמור |
| SPוייטבו דבריהם בעיני חמור ובעיני שׁכם בנו | |
| 19 | MTולא אחר הנער לעשׂות הדבר כי חפץ בבת יעקב והוא נכבד מכל בית אביו |
| SPולא אחר הנער לעשׂות הדבר כי חפץ בבת יעקב והוא נכבד מכל בית אביו | |
| 20 | MTויבא חמור ושׁכם בנו אל שׁער עירם וידברו אל אנשׁי עירם לאמר |
| SPויבא חמור ושׁכם בנו אל שׁער עירם וידברו אל אנשׁי עירם לאמר | |
| 21 | MTהאנשׁים האלה שׁלמים הם אתנו וישׁבו בארץ ויסחרו אתה והארץ הנה רחבת ידים לפניהם את בנתם נקח לנו לנשׁים ואת בנתינו נתן להם |
| SPהאנשׁים האלה שׁלמים הם אתנו ישׁבו בארץ ויסחרו אתה והארץ הנה רחבות ידים לפניהם את בנותם נקח לנו לנשׁים ואת בנתינו נתן להם | |
| 22 | MTאך בזאת יאתו לנו האנשׁים לשׁבת אתנו להיות לעם אחד בהמול לנו כל זכר כאשׁר הם נמלים |
| SPאך בזאת יאותו לנו האנשׁים לשׁבת אתנו להיות לעם אחד בהמול לנו כל זכר כאשׁר הם נמלים | |
| 23 | MTמקנהם וקנינם וכל בהמתם הלוא לנו הם אך נאותה להם וישׁבו אתנו |
| SPמקניהם וקנינם וכל בהמתם הלוא לנו הם אך נאות להם וישׁבו אתנו | |
| 24 | MTוישׁמעו אל חמור ואל שׁכם בנו כל יצאי שׁער עירו וימלו כל זכר כל יצאי שׁער עירו |
| SPוישׁמעו אל חמור ואל שׁכם בנו כל יצאי שׁער עירו וימלו כל זכר כל יצאי שׁער עירו | |
| 25 | MTויהי ביום השׁלישׁי בהיותם כאבים ויקחו שׁני בני יעקב שׁמעון ולוי אחי דינה אישׁ חרבו ויבאו על העיר בטח ויהרגו כל זכר |
| SPויהי ביום השׁלישׁי בהיותם כאבים ויקחו שׁני בני יעקב שׁמעון ולוי אחי דינה אישׁ חרבו ויבאו על העיר בטח ויהרגו כל זכר | |
| 26 | MTואת חמור ואת שׁכם בנו הרגו לפי חרב ויקחו את דינה מבית שׁכם ויצאו |
| SPואת חמור ואת שׁכם בנו הרגו לפי חרב ויקחו את דינה מבית שׁכם ויצאו | |
| 27 | MTבני יעקב באו על החללים ויבזו העיר אשׁר טמאו אחותם |
| SPובני יעקב באו על החללים ויבזו העיר אשׁר טמאו אחותם | |
| 28 | MTאת צאנם ואת בקרם ואת חמריהם ואת אשׁר בעיר ואת אשׁר בשׂדה לקחו |
| SPאת צאנם ואת בקרם ואת חמריהם ואת אשׁר בעיר ואת אשׁר בשׂדה לקחו | |
| 29 | MTואת כל חילם ואת כל טפם ואת נשׁיהם שׁבו ויבזו ואת כל אשׁר בבית |
| SPואת כל חילם ואת טפם ואת נשׁיהם שׁבו ויבזו את כל אשׁר בבית | |
| 30 | MTויאמר יעקב אל שׁמעון ואל לוי עכרתם אתי להבאישׁני בישׁב הארץ בכנעני ובפרזי ואני מתי מספר ונאספו עלי והכוני ונשׁמדתי אני וביתי |
| SPויאמר יעקב אל שׁמעון ואל לוי עכרתם אתי להבאשׁני ביושׁב הארץ בכנעני ובפרזי ואני מתי מספר ונאספו עלי והכוני ונשׁמדתי אני וביתי | |
| 31 | MTויאמרו הכזונה יעשׂה את אחותנו |
| SPויאמרו הך זונה יעשׂו את אחותנו |