| 1 | MTוישׂא יעקב עיניו וירא והנה עשׂו בא ועמו ארבע מאות אישׁ ויחץ את הילדים על לאה ועל רחל ועל שׁתי השׁפחות |
| SPוישׂא יעקב עיניו וירא והנה עשׂו בא ועמו ארבע מאות אישׁ ויחץ את הילדים על לאה ועל רחל ועל שׁתי השׁפחות | |
| 2 | MTוישׂם את השׁפחות ואת ילדיהן ראשׁנה ואת לאה וילדיה אחרנים ואת רחל ואת יוסף אחרנים |
| SPוישׂם את השׁפחות ואת ילדיהן ראישׁונה ואת לאה וילדיה אחרנים ואת רחל ואת יוסף אחרנים | |
| 3 | MTוהוא עבר לפניהם וישׁתחו ארצה שׁבע פעמים עד גשׁתו עד אחיו |
| SPוהוא עבר לפניהם וישׁתחוי ארצה שׁבע פעמים עד גשׁתו עד אחיו | |
| 4 | MTוירץ עשׂו לקראתו ויחבקהו ויפל על צוארו וישׁקהו ויבכו |
| SPוירץ עשׂו לקראתו ויחבקהו ויפל על צוארו וישׁקהו ויבכו | |
| 5 | MTוישׂא את עיניו וירא את הנשׁים ואת הילדים ויאמר מי אלה לך ויאמר הילדים אשׁר חנן אלהים את עבדך |
| SPוישׂא עיניו וירא את הנשׁים ואת הילדים ויאמר מי אלה לך ויאמר הילדים אשׁר חנן אלהים את עבדך | |
| 6 | MTותגשׁן השׁפחות הנה וילדיהן ותשׁתחוין |
| SPותגשׁנה השׁפחות הנה וילדיהן ותשׁתחוינה | |
| 7 | MTותגשׁ גם לאה וילדיה וישׁתחוו ואחר נגשׁ יוסף ורחל וישׁתחוו |
| SPותגשׁ גם לאה וילדיה וישׁתחוו ואחר נגשׁ יוסף ורחל וישׁתחוו | |
| 8 | MTויאמר מי לך כל המחנה הזה אשׁר פגשׁתי ויאמר למצא חן בעיני אדני |
| SPויאמר מי לך כל המחנה הזה אשׁר פגשׁתי ויאמר למצא חן בעיני אדני | |
| 9 | MTויאמר עשׂו ישׁ לי רב אחי יהי לך אשׁר לך |
| SPויאמר עשׂו ישׁ לי רב אחי ויהי לך אשׁר לך | |
| 10 | MTויאמר יעקב אל נא אם נא מצאתי חן בעיניך ולקחת מנחתי מידי כי על כן ראיתי פניך כראת פני אלהים ותרצני |
| SPויאמר יעקב אל נא אם נא מצאתי חן בעיניך ולקחת מנחתי מידי כי על כן ראיתי פניך כראות פני אלהים ותרצני | |
| 11 | MTקח נא את ברכתי אשׁר הבאת לך כי חנני אלהים וכי ישׁ לי כל ויפצר בו ויקח |
| SPקח נא את ברכתי אשׁר הבאתי לך כי חנני אלהים וכי ישׁ לי כל ויפצר בו ויקח | |
| 12 | MTויאמר נסעה ונלכה ואלכה לנגדך |
| SPויאמר נסעה ונלכה ואלכה לנגדך | |
| 13 | MTויאמר אליו אדני ידע כי הילדים רכים והצאן והבקר עלות עלי ודפקום יום אחד ומתו כל הצאן |
| SPויאמר אליו אדני ידע כי הילדים רכים והצאן והבקר אעלת עלי ודפקתים יום אחד ומתו כל הצאן | |
| 14 | MTיעבר נא אדני לפני עבדו ואני אתנהלה לאטי לרגל המלאכה אשׁר לפני ולרגל הילדים עד אשׁר אבא אל אדני שׂעירה |
| SPיעבר נא אדני לפני עבדו ואני אתנהלה לאטי לרגל המלאכה אשׁר לפני ולרגל הילדים עד אשׁר אבוא אל אדני שׂעירה | |
| 15 | MTויאמר עשׂו אציגה נא עמך מן העם אשׁר אתי ויאמר למה זה אמצא חן בעיני אדני |
| SPויאמר עשׂו אציגה נא עמך מן העם אשׁר אתי ויאמר למה זה אמצא חן בעיני אדני | |
| 16 | MTוישׁב ביום ההוא עשׂו לדרכו שׂעירה |
| SPוישׁב ביום ההוא עשׂו לדרכו שׂעירה | |
| 17 | MTויעקב נסע סכתה ויבן לו בית ולמקנהו עשׂה סכת על כן קרא שׁם המקום סכות |
| SPויעקב נסע סכותה ויבן לו בית ולמקנהו עשׂה סכות על כן קרא שׁם המקום סכות | |
| 18 | MTויבא יעקב שׁלם עיר שׁכם אשׁר בארץ כנען בבאו מפדן ארם ויחן את פני העיר |
| SPויבא יעקב שׁלום עיר שׁכם אשׁר בארץ כנען בבאו מפדן ארם ויחן את פני העיר | |
| 19 | MTויקן את חלקת השׂדה אשׁר נטה שׁם אהלו מיד בני חמור אבי שׁכם במאה קשׂיטה |
| SPויקן את חלקת השׂדה אשׁר נטה שׁם אהלו מיד בני חמור אבי שׁכם במאה קשׂיטה | |
| 20 | MTויצב שׁם מזבח ויקרא לו אל אלהי ישׂראל |
| SPויצב שׁם מזבח ויקרא לו אל אלהי ישׂראל |