| 1 | MTוישׁכם לבן בבקר וינשׁק לבניו ולבנותיו ויברך אתהם וילך וישׁב לבן למקמו |
| SPוישׁכם לבן בבקר וינשׁק לבניו ולבנתיו ויברך אתם וילך וישׁב לבן למקומו | |
| 2 | MTויעקב הלך לדרכו ויפגעו בו מלאכי אלהים |
| SPויעקב הלך לדרכו ויפגעו בו מלאכי אלהים | |
| 3 | MTויאמר יעקב כאשׁר ראם מחנה אלהים זה ויקרא שׁם המקום ההוא מחנים |
| SPויאמר יעקב כאשׁר ראם מחנה אלהים זה ויקרא שׁם המקום ההוא מחנים | |
| 4 | MTוישׁלח יעקב מלאכים לפניו אל עשׂו אחיו ארצה שׂעיר שׂדה אדום |
| SPוישׁלח יעקב מלאכים לפניו אל עשׂו אחיו ארץ שׂעיר שׂדה אדום | |
| 5 | MTויצו אתם לאמר כה תאמרון לאדני לעשׂו כה אמר עבדך יעקב עם לבן גרתי ואחר עד עתה |
| SPויצו אתם לאמר כה תאמרון לאדני לעשׂו כה אמר עבדך יעקב עם לבן גרתי ואחר עד עתה | |
| 6 | MTויהי לי שׁור וחמור צאן ועבד ושׁפחה ואשׁלחה להגיד לאדני למצא חן בעיניך |
| SPויהי לי שׁור וחמור וצאן ועבד ושׁפחה ואשׁלחה להגיד לאדני למצא חן בעיניך | |
| 7 | MTוישׁבו המלאכים אל יעקב לאמר באנו אל אחיך אל עשׂו וגם הלך לקראתך וארבע מאות אישׁ עמו |
| SPוישׁבו המלאכים אל יעקב לאמר באנו אל אחיך אל עשׂו וגם הלך לקראתך וארבע מאות אישׁ עמו | |
| 8 | MTויירא יעקב מאד ויצר לו ויחץ את העם אשׁר אתו ואת הצאן ואת הבקר והגמלים לשׁני מחנות |
| SPויירא יעקב מאד ויצר לו ויחץ את העם אשׁר אתו ואת הצאן ואת הבקר והגמלים לשׁני מחנות | |
| 9 | MTויאמר אם יבוא עשׂו אל המחנה האחת והכהו והיה המחנה הנשׁאר לפליטה |
| SPויאמר אם יבוא עשׂו אל המחנה האחד והכהו והיה המחנה הנשׁאר לפלטה | |
| 10 | MTויאמר יעקב אלהי אבי אברהם ואלהי אבי יצחק יהוה האמר אלי שׁוב לארצך ולמולדתך ואיטיבה עמך |
| SPויאמר יעקב אלהי אבי אברהם ואלהי אבי יצחק יהוה אמר אלי שׁוב אל ארצך ואל מולדתך ואטיב עמך | |
| 11 | MTקטנתי מכל החסדים ומכל האמת אשׁר עשׂית את עבדך כי במקלי עברתי את הירדן הזה ועתה הייתי לשׁני מחנות |
| SPקטנתי מכל החסדים ומכל האמת אשׁר עשׂית את עבדך כי במקלי עברתי את הירדן הזה ועתה הייתי לשׁני מחנות | |
| 12 | MTהצילני נא מיד אחי מיד עשׂו כי ירא אנכי אתו פן יבוא והכני אם על בנים |
| SPהצלני נא מיד אחי מיד עשׂו כי ירא אנכי אתו פן יבוא והכני האם על הבנים | |
| 13 | MTואתה אמרת היטב איטיב עמך ושׂמתי את זרעך כחול הים אשׁר לא יספר מרב |
| SPואתה אמרת הטיב אטיב עמך ושׂמתי את זרעך כחול הים אשׁר לא יספר מרב | |
| 14 | MTוילן שׁם בלילה ההוא ויקח מן הבא בידו מנחה לעשׂו אחיו |
| SPוילן שׁם בלילה ההוא ויקח מן הבא בידו מנחה לעשׂו אחיו | |
| 15 | MTעזים מאתים ותישׁים עשׂרים רחלים מאתים ואילים עשׂרים |
| SPעזים מאתים ותישׁים עשׂרים רחלים מאתים ואילים עשׂרים | |
| 16 | MTגמלים מיניקות ובניהם שׁלשׁים פרות ארבעים ופרים עשׂרה אתנת עשׂרים ועירם עשׂרה |
| SPגמלים מינקות ובניהם שׁלשׁים פרות ארבעים ופרים עשׂרה אתנות עשׂרים ועירים עשׂרה | |
| 17 | MTויתן ביד עבדיו עדר עדר לבדו ויאמר אל עבדיו עברו לפני ורוח תשׂימו בין עדר ובין עדר |
| SPויתן ביד עבדיו עדר עדר לבדו ויאמר אל עבדיו עברו לפני ורוח תשׂימו בין עדר ובין עדר | |
| 18 | MTויצו את הראשׁון לאמר כי יפגשׁך עשׂו אחי ושׁאלך לאמר למי אתה ואנה תלך ולמי אלה לפניך |
| SPויצו את הראישׁון לאמר כי יפגשׁך עשׂו אחי ושׁאלך לאמר למי אתה ואנה תלך ולמי אלה לפניך | |
| 19 | MTואמרת לעבדך ליעקב מנחה הוא שׁלוחה לאדני לעשׂו והנה גם הוא אחרינו |
| SPואמרת לעבדך ליעקב מנחה היא שׁלוחה לאדני לעשׂו והנה גם הוא אחרינו | |
| 20 | MTויצו גם את השׁני גם את השׁלישׁי גם את כל ההלכים אחרי העדרים לאמר כדבר הזה תדברון אל עשׂו במצאכם אתו |
| SPויצו גם את השׁני וגם את השׁלישׁי וגם את כל ההלכים אחרי העדרים לאמר כדבר הזה תדברון אל עשׂו במצאכם אתו | |
| 21 | MTואמרתם גם הנה עבדך יעקב אחרינו כי אמר אכפרה פניו במנחה ההלכת לפני ואחרי כן אראה פניו אולי ישׂא פני |
| SPואמרתם גם הנה עבדך יעקב בא אחרינו כי אמר אכפרה פניו במנחה ההלכת לפני ואחרי כן אראה פניו אולי ישׂא פני | |
| 22 | MTותעבר המנחה על פניו והוא לן בלילה ההוא במחנה |
| SPותעבר המנחה על פניו והוא לן בלילה ההוא במחנה | |
| 23 | MTויקם בלילה הוא ויקח את שׁתי נשׁיו ואת שׁתי שׁפחתיו ואת אחד עשׂר ילדיו ויעבר את מעבר יבק |
| SPויקם בלילה ההוא ויקח את שׁתי נשׁיו ואת שׁתי שׁפחתיו ואת אחד עשׂר ילידיו ויעבר את מעבר היבק | |
| 24 | MTויקחם ויעברם את הנחל ויעבר את אשׁר לו |
| SPויקחם ויעברם את הנחל ויעבר את כל אשׁר לו | |
| 25 | MTויותר יעקב לבדו ויאבק אישׁ עמו עד עלות השׁחר |
| SPויותר יעקב לבדו ויאבק אישׁ עמו עד עלות השׁחר | |
| 26 | MTוירא כי לא יכל לו ויגע בכף ירכו ותקע כף ירך יעקב בהאבקו עמו |
| SPוירא כי לא יכל לו ויגע בכף ירכו ותקע כף ירך יעקב בהאבקו עמו | |
| 27 | MTויאמר שׁלחני כי עלה השׁחר ויאמר לא אשׁלחך כי אם ברכתני |
| SPויאמר שׁלחני כי עלה השׁחר ויאמר לא אשׁלחך כי אם ברכתני | |
| 28 | MTויאמר אליו מה שׁמך ויאמר יעקב |
| SPויאמר אליו מה שׁמך ויאמר יעקב | |
| 29 | MTויאמר לא יעקב יאמר עוד שׁמך כי אם ישׂראל כי שׂרית עם אלהים ועם אנשׁים ותוכל |
| SPויאמר לא יעקב יאמר עוד שׁמך כי אם ישׂראל כי שׂרית עם אלהים ועם אנשׁים ותוכל | |
| 30 | MTוישׁאל יעקב ויאמר הגידה נא שׁמך ויאמר למה זה תשׁאל לשׁמי ויברך אתו שׁם |
| SPוישׁאל יעקב ויאמר הגידה נא שׁמך ויאמר למה זה תשׁאל לשׁמי ויברך אתו שׁם | |
| 31 | MTויקרא יעקב שׁם המקום פניאל כי ראיתי אלהים פנים אל פנים ותנצל נפשׁי |
| SPויקרא יעקב שׁם המקום פנואל כי ראיתי אלהים פנים אל פנים ותנצל נפשׁי | |
| 32 | MTויזרח לו השׁמשׁ כאשׁר עבר את פנואל והוא צלע על ירכו |
| SPויזרח לו השׁמשׁ כאשׁר עבר את פנואל והוא צלוע על ירכו | |
| 33 | MTעל כן לא יאכלו בני ישׂראל את גיד הנשׁה אשׁר על כף הירך עד היום הזה כי נגע בכף ירך יעקב בגיד הנשׁה |
| SPעל כן לא יאכלו בני ישׂראל את גיד הנשׁא אשׁר על כף הירך עד היום הזה כי נגע בכף ירך יעקב בגיד הנשׁא |