| 1 | MTוישׁמע את דברי בני לבן לאמר לקח יעקב את כל אשׁר לאבינו ומאשׁר לאבינו עשׂה את כל הכבד הזה |
| SPוישׁמע את דברי בני לבן לאמר לקח יעקב את כל אשׁר לאבינו ומאשׁר לאבינו עשׂה את כל הכבוד הזה | |
| 2 | MTוירא יעקב את פני לבן והנה איננו עמו כתמול שׁלשׁום |
| SPוירא יעקב את פני לבן והנה אינם עמו כתמול שׁלשׁום | |
| 3 | MTויאמר יהוה אל יעקב שׁוב אל ארץ אבותיך ולמולדתך ואהיה עמך |
| SPויאמר יהוה אל יעקב שׁוב אל ארץ אבתיך ואל מולדתך ואהיה עמך | |
| 4 | MTוישׁלח יעקב ויקרא לרחל וללאה השׂדה אל צאנו |
| SPוישׁלח יעקב ויקרא לרחל וללאה השׂדה אל צאנו | |
| 5 | MTויאמר להן ראה אנכי את פני אביכן כי איננו אלי כתמל שׁלשׁם ואלהי אבי היה עמדי |
| SPויאמר להן ראה אנכי את פני אביכן כי אינם אלי כתמול שׁלשׁום ואלהי אבי היה עמדי | |
| 6 | MTואתנה ידעתן כי בכל כחי עבדתי את אביכן |
| SPואתין ידעתן כי בכל כחי עבדתי את אביכן | |
| 7 | MTואביכן התל בי והחלף את משׂכרתי עשׂרת מנים ולא נתנו אלהים להרע עמדי |
| SPואביכן התל בי ויחלף את משׂכרתי עשׂרת מנים ולא נתנו יהוה להריע עמדי | |
| 8 | MTאם כה יאמר נקדים יהיה שׂכרך וילדו כל הצאן נקדים ואם כה יאמר עקדים יהיה שׂכרך וילדו כל הצאן עקדים |
| SPאם כה יאמר נקודים יהיה שׂכרך וילדו כל הצאן נקודים ואם כה יאמר עקודים יהיה שׂכרך וילדו כל הצאן עקודים | |
| 9 | MTויצל אלהים את מקנה אביכם ויתן לי |
| SPויצל יהוה את מקנה אביכן ויתן לי | |
| 10 | MTויהי בעת יחם הצאן ואשׂא עיני וארא בחלום והנה העתדים העלים על הצאן עקדים נקדים וברדים |
| SPויהי בעת יחם הצאן ואשׂא עיני ואראה בחלום והנה העתודים העלים על הצאן עקודים נקודים וברודים | |
| 11 | MTויאמר אלי מלאך האלהים בחלום יעקב ואמר הנני |
| SPויאמר אלי מלאך האלהים בחלום יעקב ואמר הנני | |
| 12 | MTויאמר שׂא נא עיניך וראה כל העתדים העלים על הצאן עקדים נקדים וברדים כי ראיתי את כל אשׁר לבן עשׂה לך |
| SPויאמר שׂא נא עיניך וראה את כל העתודים העלים על הצאן עקודים נקודים וברודים כי ראיתי את כל אשׁר לבן עשׂה לך | |
| 13 | MTאנכי האל בית אל אשׁר משׁחת שׁם מצבה אשׁר נדרת לי שׁם נדר עתה קום צא מן הארץ הזאת ושׁוב אל ארץ מולדתך |
| SPאנכי האל בית אל אשׁר משׁחת שׁם מצבה ואשׁר נדרת לי שׁם נדר ועתה קום צא מן הארץ הזאת ושׁוב אל ארץ מולדתך | |
| 14 | MTותען רחל ולאה ותאמרנה לו העוד לנו חלק ונחלה בבית אבינו |
| SPותען רחל ולאה ותאמרנה לו העוד לנו חלק ונחלה בבית אבינו | |
| 15 | MTהלוא נכריות נחשׁבנו לו כי מכרנו ויאכל גם אכול את כספנו |
| SPהלוא כנכריות נחשׁבנו לו כי מכרנו ויאכל גם אכל את כספנו | |
| 16 | MTכי כל העשׁר אשׁר הציל אלהים מאבינו לנו הוא ולבנינו ועתה כל אשׁר אמר אלהים אליך עשׂה |
| SPכי כל העשׁר אשׁר הציל יהוה מאבינו לנו הוא ולבנינו ועתה כל אשׁר אמר אליך אלהים עשׂה | |
| 17 | MTויקם יעקב וישׂא את בניו ואת נשׁיו על הגמלים |
| SPויקם יעקב וישׂא את נשׁיו ואת בניו על הגמלים | |
| 18 | MTוינהג את כל מקנהו ואת כל רכשׁו אשׁר רכשׁ מקנה קנינו אשׁר רכשׁ בפדן ארם לבוא אל יצחק אביו ארצה כנען |
| SPוינהג את כל מקנהו ואת כל רכושׁו אשׁר רכשׁ מקנה קנינו אשׁר רכשׁ בפדן ארם לבוא אל יצחק אביו ארצה כנען | |
| 19 | MTולבן הלך לגזז את צאנו ותגנב רחל את התרפים אשׁר לאביה |
| SPולבן הלך לגוז את צאנו ותגנב רחל את התרפים אשׁר לאביה | |
| 20 | MTויגנב יעקב את לב לבן הארמי על בלי הגיד לו כי ברח הוא |
| SPויגנב יעקב את לב לבן הארמי עד בלתי הגיד לו כי ברח הוא | |
| 21 | MTויברח הוא וכל אשׁר לו ויקם ויעבר את הנהר וישׂם את פניו הר הגלעד |
| SPויברח הוא וכל אשׁר לו ויקם ויעבר את הנהר וישׂם את פניו הר הגלעד | |
| 22 | MTויגד ללבן ביום השׁלישׁי כי ברח יעקב |
| SPויגד ללבן ביום השׁלישׁי כי ברח יעקב | |
| 23 | MTויקח את אחיו עמו וירדף אחריו דרך שׁבעת ימים וידבק אתו בהר הגלעד |
| SPויקח את אחיו עמו וירדף אחריו דרך שׁבעת ימים וידבק אתו בהר הגלעד | |
| 24 | MTויבא אלהים אל לבן הארמי בחלם הלילה ויאמר לו השׁמר לך פן תדבר עם יעקב מטוב עד רע |
| SPויבא אלהים אל לבן הארמי בחלום הלילה ויאמר לו השׁמר לך פן תדבר עם יעקב מטוב עד רע | |
| 25 | MTוישׂג לבן את יעקב ויעקב תקע את אהלו בהר ולבן תקע את אחיו בהר הגלעד |
| SPוישׂג לבן את יעקב ויעקב תקע את אהלו בהר ולבן תקע את אחיו בהר הגלעד | |
| 26 | MTויאמר לבן ליעקב מה עשׂית ותגנב את לבבי ותנהג את בנתי כשׁביות חרב |
| SPויאמר לבן ליעקב מה עשׂית ותגנב את לבבי ותנהג את בנותי כשׁביות חרב | |
| 27 | MTלמה נחבאת לברח ותגנב אתי ולא הגדת לי ואשׁלחך בשׂמחה ובשׁרים בתף ובכנור |
| SPלמה נחבת לברח ותגנב אתי ולא הגדת לי ואשׁלחך בשׂמחה בשׁרים בתף ובכנר | |
| 28 | MTולא נטשׁתני לנשׁק לבני ולבנתי עתה הסכלת עשׂו |
| SPולא נטשׁתני לנשׁק לבני ולבנותי עתה הסכלת עשׂות | |
| 29 | MTישׁ לאל ידי לעשׂות עמכם רע ואלהי אביכם אמשׁ אמר אלי לאמר השׁמר לך מדבר עם יעקב מטוב עד רע |
| SPישׁ לאל ידי לעשׂות עמך רע ואלהי אביך אמשׁ אמר אלי לאמר השׁמר לך מדבר עם יעקב מטוב עד רע | |
| 30 | MTועתה הלך הלכת כי נכסף נכספתה לבית אביך למה גנבת את אלהי |
| SPועתה הלך הלכת כי נכסף נכספת לבית אביך למה גנבת את אלהי | |
| 31 | MTויען יעקב ויאמר ללבן כי יראתי כי אמרתי פן תגזל את בנותיך מעמי |
| SPויען יעקב ויאמר ללבן כי יראתי כי אמרתי פן תגזל את בנותך מעמי | |
| 32 | MTעם אשׁר תמצא את אלהיך לא יחיה נגד אחינו הכר לך מה עמדי וקח לך ולא ידע יעקב כי רחל גנבתם |
| SPעם אשׁר תמצא את אלהיך לא יחיה נגד אחינו הכר לך מה עמדי וקח לך ולא ידע יעקב כי רחל גנבתם | |
| 33 | MTויבא לבן באהל יעקב ובאהל לאה ובאהל שׁתי האמהת ולא מצא ויצא מאהל לאה ויבא באהל רחל |
| SPויבא לבן ויחפשׂ באהל יעקב ובאהל לאה ובאהל שׁתי השׁפחות ולא מצא ויצא מאהל לאה ויבא באהל רחל | |
| 34 | MTורחל לקחה את התרפים ותשׂמם בכר הגמל ותשׁב עליהם וימשׁשׁ לבן את כל האהל ולא מצא |
| SPורחל לקחה את התרפים ותשׂימם בכר הגמל ותשׁב עליהם וימשׁשׁ לבן את כל האהל ולא מצא | |
| 35 | MTותאמר אל אביה אל יחר בעיני אדני כי לוא אוכל לקום מפניך כי דרך נשׁים לי ויחפשׂ ולא מצא את התרפים |
| SPותאמר אל אביה אל יחר בעיני אדני כי לא אוכל לקום מפניך כי דרך הנשׁים לי ויחפשׂ ולא מצא את התרפים | |
| 36 | MTויחר ליעקב וירב בלבן ויען יעקב ויאמר ללבן מה פשׁעי מה חטאתי כי דלקת אחרי |
| SPויחר ליעקב וירב בלבן ויען יעקב ויאמר ללבן מה פשׁעי ומה חטאתי כי דלקת אחרי | |
| 37 | MTכי משׁשׁת את כל כלי מה מצאת מכל כלי ביתך שׂים כה נגד אחי ואחיך ויוכיחו בין שׁנינו |
| SPוכי משׁשׁת את כל כלי מה מצאת מכל כלי ביתך שׂים כה נגד אחי ואחיך ויוכיחו בין שׁנינו | |
| 38 | MTזה עשׂרים שׁנה אנכי עמך רחליך ועזיך לא שׁכלו ואילי צאנך לא אכלתי |
| SPזה עשׂרים שׁנה אנכי עמך רחליך ועזיך לא שׁכלו אילי צאנך לא אכלתי | |
| 39 | MTטרפה לא הבאתי אליך אנכי אחטנה מידי תבקשׁנה גנבתי יום וגנבתי לילה |
| SPטרפה לא הבאתי אליך אנכי אחטנה מידי גנובת יום וגנובת לילה | |
| 40 | MTהייתי ביום אכלני חרב וקרח בלילה ותדד שׁנתי מעיני |
| SPהייתי ביום אכלני חרף וקרח בלילה ותדד שׁנתי מעיני | |
| 41 | MTזה לי עשׂרים שׁנה בביתך עבדתיך ארבע עשׂרה שׁנה בשׁתי בנתיך ושׁשׁ שׁנים בצאנך ותחלף את משׂכרתי עשׂרת מנים |
| SPזה לי עשׂרים שׁנה בביתך עבדתיך ארבע עשׂרה שׁנה בשׁתי בנותך ושׁשׁ שׁנים בצאנך ותחלף את משׂכרתי עשׂרת מנים | |
| 42 | MTלולי אלהי אבי אלהי אברהם ופחד יצחק היה לי כי עתה ריקם שׁלחתני את עניי ואת יגיע כפי ראה אלהים ויוכח אמשׁ |
| SPלו לא אלהי אבי אלהי אברהם ופחד יצחק היה לי כי עתה ריקם שׁלחתני את עניי ואת יגע כפי ראה אלהים והוכיח אמשׁ | |
| 43 | MTויען לבן ויאמר אל יעקב הבנות בנתי והבנים בני והצאן צאני וכל אשׁר אתה ראה לי הוא ולבנתי מה אעשׂה לאלה היום או לבניהן אשׁר ילדו |
| SPויען לבן ויאמר אל יעקב הבנות בנותי והבנים בני והצאן צאני וכל אשׁר אתה ראה לי הוא ולבנותי מה אעשׂה לאלה היום או לבניהם אשׁר ילדו | |
| 44 | MTועתה לכה נכרתה ברית אני ואתה והיה לעד ביני ובינך |
| SPועתה לכה נכרתה ברית אני ואתה והיה לעד ביני ובינך | |
| 45 | MTויקח יעקב אבן וירימה מצבה |
| SPויקח יעקב אבן וירמה מצבה | |
| 46 | MTויאמר יעקב לאחיו לקטו אבנים ויקחו אבנים ויעשׂו גל ויאכלו שׁם על הגל |
| SPויאמר יעקב לאחיו לקטו אבנים ויקחו אבנים ויעשׂו גל ויאכלו שׁם על הגל | |
| 47 | MTויקרא לו לבן יגר שׂהדותא ויעקב קרא לו גלעד |
| SPויקרא לו לבן יגר שׂהדותה ויעקב קרא לו גל עד | |
| 48 | MTויאמר לבן הגל הזה עד ביני ובינך היום על כן קרא שׁמו גלעד |
| SPויאמר לבן הגל הזה עד ביני ובינך היום על כן קרא שׁמו גל עד | |
| 49 | MTוהמצפה אשׁר אמר יצף יהוה ביני ובינך כי נסתר אישׁ מרעהו |
| SPוהמצבה אשׁר אמר יצף יהוה ביני ובינך כי נסתר אישׁ מרעהו | |
| 50 | MTאם תענה את בנתי ואם תקח נשׁים על בנתי אין אישׁ עמנו ראה אלהים עד ביני ובינך |
| SPאם תענה את בנותי ואם תקח נשׁים על בנותי אין אישׁ עמנו ראה אלהים עד ביני ובינך | |
| 51 | MTויאמר לבן ליעקב הנה הגל הזה והנה המצבה אשׁר יריתי ביני ובינך |
| SPויאמר לבן ליעקב הנה הגל הזה והנה המצבה אשׁר יראת ביני ובינך | |
| 52 | MTעד הגל הזה ועדה המצבה אם אני לא אעבר אליך את הגל הזה ואם אתה לא תעבר אלי את הגל הזה ואת המצבה הזאת לרעה |
| SPעד הגל הזה ועדה המצבה אם אני לא אעבר אליך את הגל הזה ואם אתה לא תעבר אלי את הגל הזה ואת המצבה הזאת לרעה | |
| 53 | MTאלהי אברהם ואלהי נחור ישׁפטו בינינו אלהי אביהם וישׁבע יעקב בפחד אביו יצחק |
| SPאלהי אברהם ואלהי נחור ישׁפט ביננו אלהי אברהם וישׁבע יעקב בפחד אביו יצחק | |
| 54 | MTויזבח יעקב זבח בהר ויקרא לאחיו לאכל לחם ויאכלו לחם וילינו בהר |
| SPויזבח יעקב זבח בהר ויקרא לאחיו לאכל לחם ויאכלו לחם וילינו בהר |