| 1 | MTותרא רחל כי לא ילדה ליעקב ותקנא רחל באחתה ותאמר אל יעקב הבה לי בנים ואם אין מתה אנכי |
| SPותרא רחל כי לא ילדה ליעקב ותקנא רחל באחותה ותאמר אל יעקב הבה לי בנים ואם אין מתה אנכי | |
| 2 | MTויחר אף יעקב ברחל ויאמר התחת אלהים אנכי אשׁר מנע ממך פרי בטן |
| SPויחר אף יעקב ברחל ויאמר התחת אלהים אנכי אשׁר מנע ממעיך פרי בטן | |
| 3 | MTותאמר הנה אמתי בלהה בא אליה ותלד על ברכי ואבנה גם אנכי ממנה |
| SPותאמר הנה אמתי בלהה בא אליה ותלד על ברכי ואבנה גם אנכי ממנה | |
| 4 | MTותתן לו את בלהה שׁפחתה לאשׁה ויבא אליה יעקב |
| SPותתן לו את בלהה שׁפחתה לאשׁה ויבא אליה יעקב | |
| 5 | MTותהר בלהה ותלד ליעקב בן |
| SPותהר בלהה ותלד ליעקב בן | |
| 6 | MTותאמר רחל דנני אלהים וגם שׁמע בקלי ויתן לי בן על כן קראה שׁמו דן |
| SPותאמר רחל דנני אלהים וגם שׁמע בקולי ויתן לי בן על כן קראה שׁמו דן | |
| 7 | MTותהר עוד ותלד בלהה שׁפחת רחל בן שׁני ליעקב |
| SPותהר עוד ותלד בלהה שׁפחת רחל בן שׁני ליעקב | |
| 8 | MTותאמר רחל נפתולי אלהים נפתלתי עם אחתי גם יכלתי ותקרא שׁמו נפתלי |
| SPותאמר רחל נפתלי אלהים נפתלתי עם אחותי וגם יכלתי ותקרא את שׁמו נפתלי | |
| 9 | MTותרא לאה כי עמדה מלדת ותקח את זלפה שׁפחתה ותתן אתה ליעקב לאשׁה |
| SPותרא לאה כי עמדה מלדת ותקח את זלפה שׁפחתה ותתן אתה ליעקב לאשׁה | |
| 10 | MTותלד זלפה שׁפחת לאה ליעקב בן |
| SPותלד זלפה שׁפחת לאה ליעקב בן | |
| 11 | MTותאמר לאה בגד ותקרא את שׁמו גד |
| SPותאמר לאה בגד ותקרא את שׁמו גד | |
| 12 | MTותלד זלפה שׁפחת לאה בן שׁני ליעקב |
| SPותלד זלפה שׁפחת לאה בן שׁני ליעקב | |
| 13 | MTותאמר לאה באשׁרי כי אשׁרוני בנות ותקרא את שׁמו אשׁר |
| SPותאמר לאה באשׁרי כי אשׁרוני בנות ותקרא את שׁמו אשׁר | |
| 14 | MTוילך ראובן בימי קציר חטים וימצא דודאים בשׂדה ויבא אתם אל לאה אמו ותאמר רחל אל לאה תני נא לי מדודאי בנך |
| SPוילך ראובן בימי קציר חטים וימצא דודים בשׂדה ויבא אתם אל לאה אמו ותאמר רחל אל לאה תני נא לי מדודי בניך | |
| 15 | MTותאמר לה המעט קחתך את אישׁי ולקחת גם את דודאי בני ותאמר רחל לכן ישׁכב עמך הלילה תחת דודאי בנך |
| SPותאמר לה המעט קחתיך את אישׁי ולקחתי גם את דודי בני ותאמר רחל לכן ישׁכב עמיך הלילה תחת דודי בניך | |
| 16 | MTויבא יעקב מן השׂדה בערב ותצא לאה לקראתו ותאמר אלי תבוא כי שׂכר שׂכרתיך בדודאי בני וישׁכב עמה בלילה הוא |
| SPויבא יעקב מן השׂדה בערב ותצא לאה לקראתו ותאמר אלי תבוא הלילה כי שׂכר שׂכרתיך בדודי בני וישׁכב עמה בלילה ההוא | |
| 17 | MTוישׁמע אלהים אל לאה ותהר ותלד ליעקב בן חמישׁי |
| SPוישׁמע אלהים אל לאה ותהר ותלד ליעקב בן חמישׁי | |
| 18 | MTותאמר לאה נתן אלהים שׂכרי אשׁר נתתי שׁפחתי לאישׁי ותקרא שׁמו ישׂשׂכר |
| SPותאמר לאה נתן אלהים שׂכרי אשׁר נתתי שׁפחתי לאישׁי ותקרא את שׁמו ישׂשׂכר | |
| 19 | MTותהר עוד לאה ותלד בן שׁשׁי ליעקב |
| SPותהר עוד לאה ותלד בן שׁשׁי ליעקב | |
| 20 | MTותאמר לאה זבדני אלהים אתי זבד טוב הפעם יזבלני אישׁי כי ילדתי לו שׁשׁה בנים ותקרא את שׁמו זבלון |
| SPותאמר לאה זבדני אלהים אתי זבד טוב הפעם יזבלני אישׁי כי ילדתי לו שׁשׁה בנים ותקרא את שׁמו זבולן | |
| 21 | MTואחר ילדה בת ותקרא את שׁמה דינה |
| SPואחר ילדה בת ותקרא את שׁמה דינה | |
| 22 | MTויזכר אלהים את רחל וישׁמע אליה אלהים ויפתח את רחמה |
| SPויזכר אלהים את רחל וישׁמע אליה אלהים ויפתח את רחמה | |
| 23 | MTותהר ותלד בן ותאמר אסף אלהים את חרפתי |
| SPותהר ותלד בן ותאמר אסף אלהים את חרפתי | |
| 24 | MTותקרא את שׁמו יוסף לאמר יסף יהוה לי בן אחר |
| SPותקרא את שׁמו יוסף לאמר יסף יהוה לי בן אחר | |
| 25 | MTויהי כאשׁר ילדה רחל את יוסף ויאמר יעקב אל לבן שׁלחני ואלכה אל מקומי ולארצי |
| SPויהי כאשׁר ילדה רחל את יוסף ויאמר יעקב אל לבן שׁלחני ואלכה אל מקומי ואל ארצי | |
| 26 | MTתנה את נשׁי ואת ילדי אשׁר עבדתי אתך בהן ואלכה כי אתה ידעת את עבדתי אשׁר עבדתיך |
| SPתנה את נשׁי ואת ילדי אשׁר עבדתי אתך בהן ואלכה כי אתה ידעת את עבדתי אשׁר עבדתיך | |
| 27 | MTויאמר אליו לבן אם נא מצאתי חן בעיניך נחשׁתי ויברכני יהוה בגללך |
| SPויאמר אליו לבן אם נא מצאתי חן בעיניך נחשׁתי ויברכני יהוה בגללך | |
| 28 | MTויאמר נקבה שׂכרך עלי ואתנה |
| SPויאמר נקבה שׂכרך עלי ואתנה | |
| 29 | MTויאמר אליו אתה ידעת את אשׁר עבדתיך ואת אשׁר היה מקנך אתי |
| SPויאמר אליו אתה ידעת את אשׁר עבדתיך ואת אשׁר היה מקניך אתי | |
| 30 | MTכי מעט אשׁר היה לך לפני ויפרץ לרב ויברך יהוה אתך לרגלי ועתה מתי אעשׂה גם אנכי לביתי |
| SPכי מעט אשׁר היה לך לפני ויפרץ לרב ויברך יהוה אתך לרגלי ועתה מתי אעשׂה גם אנכי לביתי | |
| 31 | MTויאמר מה אתן לך ויאמר יעקב לא תתן לי מאומה אם תעשׂה לי הדבר הזה אשׁובה ארעה צאנך אשׁמר |
| SPויאמר מה אתן לך ויאמר יעקב לא תתן לי מאומה אם תעשׂה לי את הדבר הזה אשׁובה ארעה צאנך אשׁמר | |
| 32 | MTאעבר בכל צאנך היום הסר משׁם כל שׂה נקד וטלוא וכל שׂה חום בכשׂבים וטלוא ונקד בעזים והיה שׂכרי |
| SPאעבר בכל צאנך היום הסיר משׁם כל שׂה נקוד וטלוא וכל שׂה חום בכשׂבים וטלוא ונקוד בעזים והיה שׂכרי | |
| 33 | MTוענתה בי צדקתי ביום מחר כי תבוא על שׂכרי לפניך כל אשׁר איננו נקד וטלוא בעזים וחום בכשׂבים גנוב הוא אתי |
| SPוענתה בי צדקתי ביום מחר כי יבוא על שׂכרי לפניך כל אשׁר איננו נקוד וטלוא בעזים וחום בכשׂבים גנוב הוא אתי | |
| 34 | MTויאמר לבן הן לו יהי כדברך |
| SPויאמר לבן והן לא יהיה כדבריך | |
| 35 | MTויסר ביום ההוא את התישׁים העקדים והטלאים ואת כל העזים הנקדות והטלאת כל אשׁר לבן בו וכל חום בכשׂבים ויתן ביד בניו |
| SPויסר ביום ההוא את התישׁים העקודים והטלואים ואת כל העזים הנקודות והטלואת כל אשׁר לבן בו וכל חום בכשׂבים ויתן ביד בניו | |
| 36 | MTוישׂם דרך שׁלשׁת ימים בינו ובין יעקב ויעקב רעה את צאן לבן הנותרת |
| SPוישׂם דרך שׁלשׁת ימים בינם ובין יעקב ויעקב רעה את צאן לבן הנותרת ויאמר מלאך אלהים אל יעקב בחלום ויאמר יעקב ויאמר הנני ויאמר שׂא נא עיניך וראה את כל העתודים העלים על הצאן עקודים נקודים וברודים כי ראיתי את כל אשׁר לבן עשׂה לך אנכי האל בית אל אשׁר משׁחת שׁם מצבה ואשׁר נדרת לי שׁם נדר ועתה קום צא מן הארץ הזאת ושׁוב אל ארץ אביך ואטיב עמך | |
| 37 | MTויקח לו יעקב מקל לבנה לח ולוז וערמון ויפצל בהן פצלות לבנות מחשׂף הלבן אשׁר על המקלות |
| SPויקח לו יעקב מקל לבנה לח ולוז וערמון ויפצל בהם פצלות לבנות מחשׂף הלבן אשׁר על המקלות | |
| 38 | MTויצג את המקלות אשׁר פצל ברהטים בשׁקתות המים אשׁר תבאן הצאן לשׁתות לנכח הצאן ויחמנה בבאן לשׁתות |
| SPויצג את המקלות אשׁר פצל ברחטים בהשׁקות המים אשׁר תבאנה הצאן לשׁתות לנכח הצאן ויחמנה בבאנה לשׁתות | |
| 39 | MTויחמו הצאן אל המקלות ותלדן הצאן עקדים נקדים וטלאים |
| SPויחמנה הצאן על המקלות ותלדנה הצאן עקודים נקודים וטלאים | |
| 40 | MTוהכשׂבים הפריד יעקב ויתן פני הצאן אל עקד וכל חום בצאן לבן וישׁת לו עדרים לבדו ולא שׁתם על צאן לבן |
| SPוהכשׂבים הפריד יעקב ויתן פני הצאן איל עקוד וכל חום בצאן לבן וישׁת לו עדרים לבדו ולא שׁתם על צאן לבן | |
| 41 | MTוהיה בכל יחם הצאן המקשׁרות ושׂם יעקב את המקלות לעיני הצאן ברהטים ליחמנה במקלות |
| SPויהי בכל יחם הצאן המקשׁרות ישׂים יעקב את המקלות לעיני הצאן ברחטים ליחמנה במקלות | |
| 42 | MTובהעטיף הצאן לא ישׂים והיה העטפים ללבן והקשׁרים ליעקב |
| SPובהעטיף הצאן לא ישׂים והיו העטופים ללבן והקשׁורים ליעקב | |
| 43 | MTויפרץ האישׁ מאד מאד ויהי לו צאן רבות ושׁפחות ועבדים וגמלים וחמרים |
| SPויפרץ האישׁ מאד מאד ויהי לו צאן רבות ושׁפחות עבדים וגמלים וחמרים |