| 1 | MTוישׂא יעקב רגליו וילך ארצה בני קדם |
| SPוישׂא יעקב רגליו וילך ארץ בני קדם | |
| 2 | MTוירא והנה באר בשׂדה והנה שׁם שׁלשׁה עדרי צאן רבצים עליה כי מן הבאר ההוא ישׁקו העדרים והאבן גדלה על פי הבאר |
| SPוירא והנה באר בשׂדה והנה שׁם שׁלשׁה עדרי צאן רבצים עליה כי מן הבאר ההיא ישׁקו העדרים ואבן גדלה על פי הבאר | |
| 3 | MTונאספו שׁמה כל העדרים וגללו את האבן מעל פי הבאר והשׁקו את הצאן והשׁיבו את האבן על פי הבאר למקמה |
| SPונאספו שׁם כל הרעים וגללו את האבן מעל פי הבאר והשׁקו את הצאן והשׁיבו את האבן על פי הבאר למקומה | |
| 4 | MTויאמר להם יעקב אחי מאין אתם ויאמרו מחרן אנחנו |
| SPויאמר להם יעקב אחי מאין אתם ויאמרו מחרן אנחנו | |
| 5 | MTויאמר להם הידעתם את לבן בן נחור ויאמרו ידענו |
| SPויאמר להם הידעתם את לבן בן נחור ויאמרו ידענו | |
| 6 | MTויאמר להם השׁלום לו ויאמרו שׁלום והנה רחל בתו באה עם הצאן |
| SPויאמר להם השׁלום לו ויאמרו שׁלום והנה רחל בתו באה עם הצאן | |
| 7 | MTויאמר הן עוד היום גדול לא עת האסף המקנה השׁקו הצאן ולכו רעו |
| SPויאמר להם הן עוד היום גדול לא עת האסף המקנה השׁקו הצאן ולכו רעו | |
| 8 | MTויאמרו לא נוכל עד אשׁר יאספו כל העדרים וגללו את האבן מעל פי הבאר והשׁקינו הצאן |
| SPויאמרו לא נוכל עד אשׁר יאספו כל הרעים וגללו את האבן מעל פי הבאר והשׁקינו הצאן | |
| 9 | MTעודנו מדבר עמם ורחל באה עם הצאן אשׁר לאביה כי רעה הוא |
| SPעודנו מדבר עמם ורחל באה עם הצאן אשׁר לאביה כי רעה היא | |
| 10 | MTויהי כאשׁר ראה יעקב את רחל בת לבן אחי אמו ואת צאן לבן אחי אמו ויגשׁ יעקב ויגל את האבן מעל פי הבאר וישׁק את צאן לבן אחי אמו |
| SPויהי כאשׁר ראה יעקב את רחל בת לבן אחי אמו ואת צאן לבן אחי אמו ויגשׁ יעקב ויגל את האבן מעל פי הבאר וישׁק את צאן לבן אחי אמו | |
| 11 | MTוישׁק יעקב לרחל וישׂא את קלו ויבך |
| SPוישׁק יעקב לרחל וישׂא את קולו ויבך | |
| 12 | MTויגד יעקב לרחל כי אחי אביה הוא וכי בן רבקה הוא ותרץ ותגד לאביה |
| SPויגד יעקב לרחל כי אחי אביה הוא וכי בן רבקה הוא ותרץ ותגד לאביה | |
| 13 | MTויהי כשׁמע לבן את שׁמע יעקב בן אחתו וירץ לקראתו ויחבק לו וינשׁק לו ויביאהו אל ביתו ויספר ללבן את כל הדברים האלה |
| SPויהי כשׁמע לבן את שׁמע יעקב בן אחותו וירץ לקראתו ויחבק לו וינשׁק לו ויביאהו אל ביתו ויספר ללבן את כל הדברים האלה | |
| 14 | MTויאמר לו לבן אך עצמי ובשׂרי אתה וישׁב עמו חדשׁ ימים |
| SPויאמר לו לבן אך עצמי ובשׂרי אתה וישׁב עמו חדשׁ ימים | |
| 15 | MTויאמר לבן ליעקב הכי אחי אתה ועבדתני חנם הגידה לי מה משׂכרתך |
| SPויאמר לבן ליעקב הכי אחי אתה ועבדתני חנם הגידה לי מה משׂכרתך | |
| 16 | MTוללבן שׁתי בנות שׁם הגדלה לאה ושׁם הקטנה רחל |
| SPוללבן שׁתי בנות שׁם הגדלה לאה ושׁם הקטנה רחל | |
| 17 | MTועיני לאה רכות ורחל היתה יפת תאר ויפת מראה |
| SPועיני לאה רכות ורחל היתה יפת תאר ויפת מראה | |
| 18 | MTויאהב יעקב את רחל ויאמר אעבדך שׁבע שׁנים ברחל בתך הקטנה |
| SPויאהב יעקב את רחל ויאמר אעבדך שׁבע שׁנים ברחל בתך הקטנה | |
| 19 | MTויאמר לבן טוב תתי אתה לך מתתי אתה לאישׁ אחר שׁבה עמדי |
| SPויאמר לבן טוב תתי אתה לך מתתי אתה לאישׁ אחר שׁב עמדי | |
| 20 | MTויעבד יעקב ברחל שׁבע שׁנים ויהיו בעיניו כימים אחדים באהבתו אתה |
| SPויעבד יעקב ברחל שׁבע שׁנים ויהיו בעיניו כימים אחדים באהבתו אתה | |
| 21 | MTויאמר יעקב אל לבן הבה את אשׁתי כי מלאו ימי ואבואה אליה |
| SPויאמר יעקב אל לבן הבה את אשׁתי כי מלאו ימי ואבוא אליה | |
| 22 | MTויאסף לבן את כל אנשׁי המקום ויעשׂ משׁתה |
| SPויאסף לבן את כל אנשׁי המקום ויעשׂ משׁתה | |
| 23 | MTויהי בערב ויקח את לאה בתו ויבא אתה אליו ויבא אליה |
| SPויהי בערב ויקח את לאה בתו ויבא אתה אליו ויבא אליה יעקב | |
| 24 | MTויתן לבן לה את זלפה שׁפחתו ללאה בתו שׁפחה |
| SPויתן לבן את זלפה שׁפחתו ללאה בתו לשׁפחה | |
| 25 | MTויהי בבקר והנה הוא לאה ויאמר אל לבן מה זאת עשׂית לי הלא ברחל עבדתי עמך ולמה רמיתני |
| SPויהי בבקר והנה היא לאה ויאמר אל לבן מה זאת עשׂית לי הלוא ברחל עבדתי עמך ולמה רמיתני | |
| 26 | MTויאמר לבן לא יעשׂה כן במקומנו לתת הצעירה לפני הבכירה |
| SPויאמר לבן לא יעשׂה כן במקומינו לתת הצעירה לפני הבכירה | |
| 27 | MTמלא שׁבע זאת ונתנה לך גם את זאת בעבדה אשׁר תעבד עמדי עוד שׁבע שׁנים אחרות |
| SPמלא שׁבע זאת ואתן לך גם את זאת בעבדה אשׁר תעבד עמדי עוד שׁבע שׁנים אחרות | |
| 28 | MTויעשׂ יעקב כן וימלא שׁבע זאת ויתן לו את רחל בתו לו לאשׁה |
| SPויעשׂ יעקב כן וימלא שׁבע זאת ויתן לו את רחל בתו לו לאשׁה | |
| 29 | MTויתן לבן לרחל בתו את בלהה שׁפחתו לה לשׁפחה |
| SPויתן לבן לרחל בתו את בלהה שׁפחתו לה לשׁפחה | |
| 30 | MTויבא גם אל רחל ויאהב גם את רחל מלאה ויעבד עמו עוד שׁבע שׁנים אחרות |
| SPויבא גם אל רחל ויאהב גם את רחל מלאה ויעבד עמו עוד שׁבע שׁנים אחרות | |
| 31 | MTוירא יהוה כי שׂנואה לאה ויפתח את רחמה ורחל עקרה |
| SPוירא יהוה כי שׂנואה לאה ויפתח את רחמה ורחל עקרה | |
| 32 | MTותהר לאה ותלד בן ותקרא שׁמו ראובן כי אמרה כי ראה יהוה בעניי כי עתה יאהבני אישׁי |
| SPותהר לאה ותלד בן ותקרא את שׁמו ראובן כי אמרה כי ראה יהוה בעניי כי עתה יאהבני אישׁי | |
| 33 | MTותהר עוד ותלד בן ותאמר כי שׁמע יהוה כי שׂנואה אנכי ויתן לי גם את זה ותקרא שׁמו שׁמעון |
| SPותהר עוד ותלד בן ותאמר כי שׁמע יהוה כי שׂנואה אנכי ויתן לי גם את זה ותקרא את שׁמו שׁמעון | |
| 34 | MTותהר עוד ותלד בן ותאמר עתה הפעם ילוה אישׁי אלי כי ילדתי לו שׁלשׁה בנים על כן קרא שׁמו לוי |
| SPותהר עוד ותלד בן ותאמר עתה הפעם ילוה אישׁי אלי כי ילדתי לו שׁלשׁה בנים על כן קראה שׁמו לוי | |
| 35 | MTותהר עוד ותלד בן ותאמר הפעם אודה את יהוה על כן קראה שׁמו יהודה ותעמד מלדת |
| SPותהר עוד ותלד בן ותאמר הפעם אודה את יהוה על כן קראה שׁמו יהודה ותעמד מלדת |