| 1 | MTויקרא יצחק אל יעקב ויברך אתו ויצוהו ויאמר לו לא תקח אשׁה מבנות כנען |
| SPויקרא יצחק אל יעקב ויברך אתו ויצוהו ויאמר לו לא תקח אשׁה מבנות כנען | |
| 2 | MTקום לך פדנה ארם ביתה בתואל אבי אמך וקח לך משׁם אשׁה מבנות לבן אחי אמך |
| SPקום לך פדנה ארם בית בתואל אבי אמך וקח לך משׁם אשׁה מבנות לבן אחי אמך | |
| 3 | MTואל שׁדי יברך אתך ויפרך וירבך והיית לקהל עמים |
| SPואל שׁדי יברך אתך ויפרך וירבך והיית לקהל עמים | |
| 4 | MTויתן לך את ברכת אברהם לך ולזרעך אתך לרשׁתך את ארץ מגריך אשׁר נתן אלהים לאברהם |
| SPויתן לך את ברכת אברהם אביך לך ולזרעך אתך לרשׁת את ארץ מגריך אשׁר נתן יהוה לאברהם | |
| 5 | MTוישׁלח יצחק את יעקב וילך פדנה ארם אל לבן בן בתואל הארמי אחי רבקה אם יעקב ועשׂו |
| SPוישׁלח יצחק את יעקב וילך פדנה ארם אל לבן בן בתואל הארמי אחי רבקה אם יעקב ועשׂו | |
| 6 | MTוירא עשׂו כי ברך יצחק את יעקב ושׁלח אתו פדנה ארם לקחת לו משׁם אשׁה בברכו אתו ויצו עליו לאמר לא תקח אשׁה מבנות כנען |
| SPוירא עשׂו כי ברך יצחק את יעקב ושׁלח אתו פדנה ארם לקחת לו משׁם אשׁה בברכו אתו ויצוו עליו לאמר לא תקח אשׁה מבנות כנען | |
| 7 | MTוישׁמע יעקב אל אביו ואל אמו וילך פדנה ארם |
| SPוישׁמע יעקב אל אביו ואל אמו וילך פדנה ארם | |
| 8 | MTוירא עשׂו כי רעות בנות כנען בעיני יצחק אביו |
| SPוירא עשׂו כי רעות בנות כנען בעיני יצחק אביו | |
| 9 | MTוילך עשׂו אל ישׁמעאל ויקח את מחלת בת ישׁמעאל בן אברהם אחות נביות על נשׁיו לו לאשׁה |
| SPוילך עשׂו ויקח את מחלת בת ישׁמעאל בן אברהם אחות נבאות על נשׁיו לו לאשׁה | |
| 10 | MTויצא יעקב מבאר שׁבע וילך חרנה |
| SPויצא יעקב מבאר שׁבע ללכת חרנה | |
| 11 | MTויפגע במקום וילן שׁם כי בא השׁמשׁ ויקח מאבני המקום וישׂם מראשׁתיו וישׁכב במקום ההוא |
| SPויפגע במקום וילן שׁם כי בא השׁמשׁ ויקח מאבני המקום וישׂם מראשׁיתו וישׁכב במקום ההוא | |
| 12 | MTויחלם והנה סלם מצב ארצה וראשׁו מגיע השׁמימה והנה מלאכי אלהים עלים וירדים בו |
| SPויחלם והנה סלם מצב ארצה וראשׁו מגיע השׁמים והנה מלאכי אלהים עלים וירדים בו | |
| 13 | MTוהנה יהוה נצב עליו ויאמר אני יהוה אלהי אברהם אביך ואלהי יצחק הארץ אשׁר אתה שׁכב עליה לך אתננה ולזרעך |
| SPוהנה יהוה נצב עליו ויאמר אני יהוה אלהי אברהם אביך ואלהי יצחק הארץ אשׁר אתה שׁכב עליה לך אתננה ולזרעך | |
| 14 | MTוהיה זרעך כעפר הארץ ופרצת ימה וקדמה וצפנה ונגבה ונברכו בך כל משׁפחת האדמה ובזרעך |
| SPוהיה זרעך כעפר הארץ ופרצת ימה וקדמה וצפונה ונגבה ונברכו בך כל משׁפחות האדמה ובזרעך | |
| 15 | MTוהנה אנכי עמך ושׁמרתיך בכל אשׁר תלך והשׁבתיך אל האדמה הזאת כי לא אעזבך עד אשׁר אם עשׂיתי את אשׁר דברתי לך |
| SPוהנה אנכי עמך ושׁמרתיך בכל אשׁר תלך והשׁבתיך אל האדמה הזאת כי לא אעזבך עד אשׁר אם עשׂיתי את אשׁר דברתי לך | |
| 16 | MTוייקץ יעקב משׁנתו ויאמר אכן ישׁ יהוה במקום הזה ואנכי לא ידעתי |
| SPויקץ יעקב משׁנתו ויאמר אכן ישׁ יהוה במקום הזה ואנכי לא ידעתי | |
| 17 | MTויירא ויאמר מה נורא המקום הזה אין זה כי אם בית אלהים וזה שׁער השׁמים |
| SPויירא ויאמר מה נורא המקום הזה אין זה כי אם בית אלהים וזה שׁער השׁמים | |
| 18 | MTוישׁכם יעקב בבקר ויקח את האבן אשׁר שׂם מראשׁתיו וישׂם אתה מצבה ויצק שׁמן על ראשׁה |
| SPוישׁכם יעקב בבקר ויקח את האבן אשׁר שׂם מראשׁיתו וישׂם אתה מצבה ויצק שׁמן על ראשׁה | |
| 19 | MTויקרא את שׁם המקום ההוא בית אל ואולם לוז שׁם העיר לראשׁנה |
| SPויקרא את שׁם המקום ההוא בית אל ואולם לוזה שׁם העיר לראישׁונה | |
| 20 | MTוידר יעקב נדר לאמר אם יהיה אלהים עמדי ושׁמרני בדרך הזה אשׁר אנכי הולך ונתן לי לחם לאכל ובגד ללבשׁ |
| SPוידר יעקב נדר לאמר אם יהיה אלהים עמדי ושׁמרני בדרך הזה אשׁר אני הלך ונתן לי לחם לאכל ובגד ללבשׁ | |
| 21 | MTושׁבתי בשׁלום אל בית אבי והיה יהוה לי לאלהים |
| SPושׁבתי בשׁלום אל בית אבי והיה יהוה לי לאלהים | |
| 22 | MTוהאבן הזאת אשׁר שׂמתי מצבה יהיה בית אלהים וכל אשׁר תתן לי עשׂר אעשׂרנו לך |
| SPוהאבן הזאת אשׁר שׂמתי מצבה יהיה בית אלהים וכל אשׁר תתן לי אעשׂר אעשׂרנו לך |