| 1 | MTויהי כי זקן יצחק ותכהין עיניו מראת ויקרא את עשׂו בנו הגדל ויאמר אליו בני ויאמר אליו הנני |
| SPויהי כי זקן יצחק ותכהנה עיניו מראות ויקרא את עשׂו בנו הגדול ויאמר אליו בני ויאמר אליו הנני | |
| 2 | MTויאמר הנה נא זקנתי לא ידעתי יום מותי |
| SPויאמר הנה נא זקנתי לא ידעתי יום מותי | |
| 3 | MTועתה שׂא נא כליך תליך וקשׁתך וצא השׂדה וצודה לי צידה |
| SPועתה שׂא נא כליך תליתך וקשׁתך וצא השׂדה וצוד לי ציד | |
| 4 | MTועשׂה לי מטעמים כאשׁר אהבתי והביאה לי ואכלה בעבור תברכך נפשׁי בטרם אמות |
| SPועשׂה לי מטעמים כאשׁר אהבתי והבאת לי ואכל בעבור תברכך נפשׁי בטרם אמות | |
| 5 | MTורבקה שׁמעת בדבר יצחק אל עשׂו בנו וילך עשׂו השׂדה לצוד ציד להביא |
| SPורבקה שׁמעת בדבר יצחק אל עשׂו בנו וילך עשׂו השׂדה לצוד ציד להביא | |
| 6 | MTורבקה אמרה אל יעקב בנה לאמר הנה שׁמעתי את אביך מדבר אל עשׂו אחיך לאמר |
| SPורבקה אמרה אל יעקב בנה לאמר הנה שׁמעתי את אביך מדבר אל עשׂו אחיך לאמר | |
| 7 | MTהביאה לי ציד ועשׂה לי מטעמים ואכלה ואברככה לפני יהוה לפני מותי |
| SPהבא לי ציד ועשׂה לי מטעמים ואכלה ואברכך לפני יהוה לפני מותי | |
| 8 | MTועתה בני שׁמע בקלי לאשׁר אני מצוה אתך |
| SPועתה בני שׁמע בקולי לאשׁר אני מצויה אתך | |
| 9 | MTלך נא אל הצאן וקח לי משׁם שׁני גדיי עזים טבים ואעשׂה אתם מטעמים לאביך כאשׁר אהב |
| SPלך נא אל הצאן וקח לי משׁם שׁני גדיי עזים טובים ואעשׂה אתם מטעמים לאביך כאשׁר אהב | |
| 10 | MTוהבאת לאביך ואכל בעבר אשׁר יברכך לפני מותו |
| SPוהבאת לאביך ואכל בעבור אשׁר יברכך לפני מותו | |
| 11 | MTויאמר יעקב אל רבקה אמו הן עשׂו אחי אישׁ שׂער ואנכי אישׁ חלק |
| SPויאמר יעקב אל רבקה אמו הנה עשׂו אחי אישׁ שׂעיר ואנכי אישׁ חלק | |
| 12 | MTאולי ימשׁני אבי והייתי בעיניו כמתעתע והבאתי עלי קללה ולא ברכה |
| SPאולי ימשׁני אבי והייתי בעיניו כמתעתע והבאת עלי קללה ולא ברכה | |
| 13 | MTותאמר לו אמו עלי קללתך בני אך שׁמע בקלי ולך קח לי |
| SPותאמר לו אמו עלי קללתך בני אך שׁמע בקולי ולך קח לי | |
| 14 | MTוילך ויקח ויבא לאמו ותעשׂ אמו מטעמים כאשׁר אהב אביו |
| SPוילך ויקח ויבא לאמו ותעשׂ אמו מטעמים כאשׁר אהב אביו | |
| 15 | MTותקח רבקה את בגדי עשׂו בנה הגדל החמדת אשׁר אתה בבית ותלבשׁ את יעקב בנה הקטן |
| SPותקח רבקה את בגדי עשׂו בנה הגדול החמדות אשׁר אתה בבית ותלבישׁ את יעקב בנה הקטן | |
| 16 | MTואת ערת גדיי העזים הלבישׁה על ידיו ועל חלקת צואריו |
| SPואת עורות גדיי העזים הלבישׁה על ידו ועל חלקת צוארו | |
| 17 | MTותתן את המטעמים ואת הלחם אשׁר עשׂתה ביד יעקב בנה |
| SPותתן את המטעמים ואת הלחם אשׁר עשׂתה ביד יעקב בנה | |
| 18 | MTויבא אל אביו ויאמר אבי ויאמר הנני מי אתה בני |
| SPויבא אל אביו ויאמר אבי ויאמר הנני מי אתה בני | |
| 19 | MTויאמר יעקב אל אביו אנכי עשׂו בכרך עשׂיתי כאשׁר דברת אלי קום נא שׁבה ואכלה מצידי בעבור תברכני נפשׁך |
| SPויאמר יעקב אל אביו אנכי עשׂו בכרך עשׂיתי כאשׁר דברת אלי קום נא שׁבה ואכלה מצידי בעבור תברכני נפשׁך | |
| 20 | MTויאמר יצחק אל בנו מה זה מהרת למצא בני ויאמר כי הקרה יהוה אלהיך לפני |
| SPויאמר יצחק אל בנו מה זה מהרת למצא בני ויאמר כי הקרא יהוה אלהיך לפני | |
| 21 | MTויאמר יצחק אל יעקב גשׁה נא ואמשׁך בני האתה זה בני עשׂו אם לא |
| SPויאמר יצחק אל יעקב גשׁה נא ואמושׁך בני האתה זה בני עשׂו אם לא | |
| 22 | MTויגשׁ יעקב אל יצחק אביו וימשׁהו ויאמר הקל קול יעקב והידים ידי עשׂו |
| SPויגשׁ יעקב אל יצחק אביו וימשׁהו ויאמר הקול קול יעקב והידים ידי עשׂו | |
| 23 | MTולא הכירו כי היו ידיו כידי עשׂו אחיו שׂערת ויברכהו |
| SPולא הכירו כי היו ידיו כידי עשׂו אחיו שׂעירות ויברכהו | |
| 24 | MTויאמר אתה זה בני עשׂו ויאמר אני |
| SPויאמר האתה זה בני עשׂו ויאמר אני | |
| 25 | MTויאמר הגשׁה לי ואכלה מציד בני למען תברכך נפשׁי ויגשׁ לו ויאכל ויבא לו יין וישׁת |
| SPויאמר הגישׁה לי ואכל מציד בני למען תברכך נפשׁי ויגשׁ לו ויאכל ויבא לו יין וישׁת | |
| 26 | MTויאמר אליו יצחק אביו גשׁה נא ושׁקה לי בני |
| SPויאמר אליו יצחק אביו גשׁה נא ושׁקה לי בני | |
| 27 | MTויגשׁ וישׁק לו וירח את ריח בגדיו ויברכהו ויאמר ראה ריח בני כריח שׂדה אשׁר ברכו יהוה |
| SPויגשׁ וישׁק לו וירח את ריח בגדיו ויברכהו ויאמר ראו ריח בני כריח השׂדה מלא אשׁר ברכהו יהוה | |
| 28 | MTויתן לך האלהים מטל השׁמים ומשׁמני הארץ ורב דגן ותירשׁ |
| SPיתן לך האלהים מטל השׁמים ומשׁמני הארץ ורב דגן ותירשׁ | |
| 29 | MTיעבדוך עמים וישׁתחו לך לאמים הוה גביר לאחיך וישׁתחוו לך בני אמך ארריך ארור ומברכיך ברוך |
| SPיעבדוך עמים וישׁתחוו לך לאמים הוי גביר לאחיך וישׁתחוו לך בני אמך ארריך ארור ומברכיך ברוך | |
| 30 | MTויהי כאשׁר כלה יצחק לברך את יעקב ויהי אך יצא יצא יעקב מאת פני יצחק אביו ועשׂו אחיו בא מצידו |
| SPויהי כאשׁר כלה יצחק לברך את יעקב ויהי אך יצא יצא יעקב מאת פני יצחק אביו ועשׂו אחיו בא מצידו | |
| 31 | MTויעשׂ גם הוא מטעמים ויבא לאביו ויאמר לאביו יקם אבי ויאכל מציד בנו בעבור תברכני נפשׁך |
| SPויעשׂ גם הוא מטעמים ויבא לאביו ויאמר לאביו יקום אבי ויאכל מציד בנו בעבור תברכני נפשׁך | |
| 32 | MTויאמר לו יצחק אביו מי אתה ויאמר אני בנך בכרך עשׂו |
| SPויאמר אליו יצחק אביו מי אתה ויאמר אני בנך בכרך עשׂו | |
| 33 | MTויחרד יצחק חרדה גדלה עד מאד ויאמר מי אפוא הוא הצד ציד ויבא לי ואכל מכל בטרם תבוא ואברכהו גם ברוך יהיה |
| SPויחרד יצחק חרדה גדלה עד מאד ויאמר מי אפו הצד ציד ויבא לי ואכל מכל בטרם תבוא ואברכהו וגם ברוך יהיה | |
| 34 | MTכשׁמע עשׂו את דברי אביו ויצעק צעקה גדלה ומרה עד מאד ויאמר לאביו ברכני גם אני אבי |
| SPויהי כשׁמע עשׂו את דברי אביו ויצעק צעקה גדלה ומרה עד מאד ויאמר לאביו ברכני גם אני אבי | |
| 35 | MTויאמר בא אחיך במרמה ויקח ברכתך |
| SPויאמר בא אחיך במרמה ויקח את ברכתך | |
| 36 | MTויאמר הכי קרא שׁמו יעקב ויעקבני זה פעמים את בכרתי לקח והנה עתה לקח ברכתי ויאמר הלא אצלת לי ברכה |
| SPויאמר הכו קרא שׁמו יעקב ויעקבני זה פעמים את בכרתי לקח והנה עתה לקח ברכתי ויאמר הלא הצלת לי ברכה | |
| 37 | MTויען יצחק ויאמר לעשׂו הן גביר שׂמתיו לך ואת כל אחיו נתתי לו לעבדים ודגן ותירשׁ סמכתיו ולכה אפוא מה אעשׂה בני |
| SPויען יצחק ויאמר לעשׂו הן גביר שׂמתיו לך ואת כל אחיו נתתי לו לעבדים ודגן ותירשׁ סמכתיו ולך אפוא מה אעשׂה בני | |
| 38 | MTויאמר עשׂו אל אביו הברכה אחת הוא לך אבי ברכני גם אני אבי וישׂא עשׂו קלו ויבך |
| SPויאמר עשׂו אל אביו הברכה אחת היא לך אבי ברכני גם אני אבי וישׂא עשׂו קולו ויבך | |
| 39 | MTויען יצחק אביו ויאמר אליו הנה משׁמני הארץ יהיה מושׁבך ומטל השׁמים מעל |
| SPויען יצחק אביו ויאמר אליו הן משׁמני הארץ יהיה מושׁבך מטל השׁמים ממעל | |
| 40 | MTועל חרבך תחיה ואת אחיך תעבד והיה כאשׁר תריד ופרקת עלו מעל צוארך |
| SPועל חרבך תחיה ואת אחיך תעבד והיה כאשׁר תהדר ופרקת עולו מעל צוארך | |
| 41 | MTוישׂטם עשׂו את יעקב על הברכה אשׁר ברכו אביו ויאמר עשׂו בלבו יקרבו ימי אבל אבי ואהרגה את יעקב אחי |
| SPוישׂטם עשׂו את יעקב על הברכה אשׁר ברכו אביו ויאמר עשׂו בלבו יקרבו ימי אבל אבי ואהרגה את יעקב אחי | |
| 42 | MTויגד לרבקה את דברי עשׂו בנה הגדל ותשׁלח ותקרא ליעקב בנה הקטן ותאמר אליו הנה עשׂו אחיך מתנחם לך להרגך |
| SPויגד לרבקה את דברי עשׂו בנה הגדול ותשׁלח ותקרא ליעקב בנה הקטן ותאמר אליו הנה עשׂו אחיך מתנחם לך להרגך | |
| 43 | MTועתה בני שׁמע בקלי וקום ברח לך אל לבן אחי חרנה |
| SPועתה בני שׁמע בקולי וקום ברח לך אל לבן אחי חרנה | |
| 44 | MTוישׁבת עמו ימים אחדים עד אשׁר תשׁוב חמת אחיך |
| SPוישׁבת עמו ימים אחדים עד אשׁר תשׁוב חמת אחיך | |
| 45 | MTעד שׁוב אף אחיך ממך ושׁכח את אשׁר עשׂית לו ושׁלחתי ולקחתיך משׁם למה אשׁכל גם שׁניכם יום אחד |
| SPעד שׁוב אף אחיך ממך ושׁכח את אשׁר עשׂית לו ושׁלחתי ולקחתיך משׁם למה אשׁכל גם שׁניכם יום אחד | |
| 46 | MTותאמר רבקה אל יצחק קצתי בחיי מפני בנות חת אם לקח יעקב אשׁה מבנות חת כאלה מבנות הארץ למה לי חיים |
| SPותאמר רבקה אל יצחק קצתי בחיי מפני בנות חת אם לקח יעקב אשׁה מבנות חת כאלה מבנות הארץ למה לי חיים |