| 1 | MTויהי רעב בארץ מלבד הרעב הראשׁון אשׁר היה בימי אברהם וילך יצחק אל אבימלך מלך פלשׁתים גררה |
| SPויהי רעב בארץ מלבד הרעב הראישׁון אשׁר היה בימי אברהם וילך יצחק אל אבימלך מלך פלשׁתים גררה | |
| 2 | MTוירא אליו יהוה ויאמר אל תרד מצרימה שׁכן בארץ אשׁר אמר אליך |
| SPוירא אליו יהוה ויאמר אל תרד מצרימה שׁכן בארץ אשׁר אמר אליך | |
| 3 | MTגור בארץ הזאת ואהיה עמך ואברכך כי לך ולזרעך אתן את כל הארצת האל והקמתי את השׁבעה אשׁר נשׁבעתי לאברהם אביך |
| SPגר בארץ הזאת ואהיה עמך ואברכך כי לך ולזרעך אתן את כל הארצות האלה והקמתי את השׁבועה אשׁר נשׁבעתי לאברהם אביך | |
| 4 | MTוהרביתי את זרעך ככוכבי השׁמים ונתתי לזרעך את כל הארצת האל והתברכו בזרעך כל גויי הארץ |
| SPוהרביתי את זרעך ככוכבי השׁמים ונתתי לזרעך את כל הארצות האלה והתברכו בזרעך כל גוי הארץ | |
| 5 | MTעקב אשׁר שׁמע אברהם בקלי וישׁמר משׁמרתי מצותי חקותי ותורתי |
| SPעקב אשׁר שׁמע אברהם אביך בקולי וישׁמר משׁמרתי מצותי חקותי ותורותי | |
| 6 | MTוישׁב יצחק בגרר |
| SPוישׁב יצחק בגרר | |
| 7 | MTוישׁאלו אנשׁי המקום לאשׁתו ויאמר אחתי הוא כי ירא לאמר אשׁתי פן יהרגני אנשׁי המקום על רבקה כי טובת מראה היא |
| SPוישׁאלו אנשׁי המקום על אשׁתו ויאמר אחותי היא כי ירא לאמר אשׁתי היא פן יהרגוני אנשׁי המקום על רבקה כי טובת מראה היא | |
| 8 | MTויהי כי ארכו לו שׁם הימים וישׁקף אבימלך מלך פלשׁתים בעד החלון וירא והנה יצחק מצחק את רבקה אשׁתו |
| SPויהי כאשׁר הרכו לו שׁם הימים וישׁקף אבימלך מלך פלשׁתים בעד החלון וירא והנה יצחק מצחק את רבקה אשׁתו | |
| 9 | MTויקרא אבימלך ליצחק ויאמר אך הנה אשׁתך הוא ואיך אמרת אחתי הוא ויאמר אליו יצחק כי אמרתי פן אמות עליה |
| SPויקרא אבימלך ליצחק ויאמר אך הנה אשׁתך היא ואיך אמרת אחותי היא ויאמר אליו יצחק כי אמרתי פן אמות עליה | |
| 10 | MTויאמר אבימלך מה זאת עשׂית לנו כמעט שׁכב אחד העם את אשׁתך והבאת עלינו אשׁם |
| SPויאמר אבימלך מה זאת עשׂית לנו כמעט שׁכב אחד העם את אשׁתך והבאת עלינו אשׁם | |
| 11 | MTויצו אבימלך את כל העם לאמר הנגע באישׁ הזה ובאשׁתו מות יומת |
| SPויצו אבימלך את כל עמו לאמר הנגע באישׁ הזה ובאשׁתו מות יומת | |
| 12 | MTויזרע יצחק בארץ ההוא וימצא בשׁנה ההוא מאה שׁערים ויברכהו יהוה |
| SPויזרע יצחק בארץ ההיא וימצא בשׁנה ההיא מאה שׁערים ויברכהו יהוה | |
| 13 | MTויגדל האישׁ וילך הלוך וגדל עד כי גדל מאד |
| SPויגדל האישׁ וילך הלך וגדל עד כי גדל מאד | |
| 14 | MTויהי לו מקנה צאן ומקנה בקר ועבדה רבה ויקנאו אתו פלשׁתים |
| SPויהי לו מקנה צאן ומקנה בקר ועבדה רבה ויקנאו אתו פלשׁתים | |
| 15 | MTוכל הבארת אשׁר חפרו עבדי אביו בימי אברהם אביו סתמום פלשׁתים וימלאום עפר |
| SPוכל הבארות אשׁר חפרו עבדי אביו בימי אברהם אביו סתמום פלשׁתים וימלאום עפר | |
| 16 | MTויאמר אבימלך אל יצחק לך מעמנו כי עצמת ממנו מאד |
| SPויאמר אבימלך אל יצחק לך מעמנו כי עצמת ממנו מאד | |
| 17 | MTוילך משׁם יצחק ויחן בנחל גרר וישׁב שׁם |
| SPוילך משׁם יצחק ויחן בנחל גרר וישׁב שׁם | |
| 18 | MTוישׁב יצחק ויחפר את בארת המים אשׁר חפרו בימי אברהם אביו ויסתמום פלשׁתים אחרי מות אברהם ויקרא להן שׁמות כשׁמת אשׁר קרא להן אביו |
| SPוישׁב יצחק ויחפר את בארות המים אשׁר חפרו עבדי אברהם אביו ויסתמום פלשׁתים אחרי מות אברהם ויקרא להן שׁמות כשׁמות אשׁר קרא להן אביו | |
| 19 | MTויחפרו עבדי יצחק בנחל וימצאו שׁם באר מים חיים |
| SPויחפרו עבדי יצחק בנחל וימצאו שׁם באר מים חיים | |
| 20 | MTויריבו רעי גרר עם רעי יצחק לאמר לנו המים ויקרא שׁם הבאר עשׂק כי התעשׂקו עמו |
| SPויריבו רעי גרר עם רעי יצחק לאמר לנו המים ויקרא שׁם הבאר עשׂק כי התעשׂקו עמו | |
| 21 | MTויחפרו באר אחרת ויריבו גם עליה ויקרא שׁמה שׂטנה |
| SPויחפרו באר אחרת ויריבו גם עליה ויקרא שׁמה שׂטנה | |
| 22 | MTויעתק משׁם ויחפר באר אחרת ולא רבו עליה ויקרא שׁמה רחבות ויאמר כי עתה הרחיב יהוה לנו ופרינו בארץ |
| SPויעתק משׁם ויחפרו באר אחרת ולא רבו עליה ויקרא שׁמה רחבות ויאמר כי עתה הרחיב יהוה לנו ופרינו בארץ | |
| 23 | MTויעל משׁם באר שׁבע |
| SPויעל משׁם באר שׁבע | |
| 24 | MTוירא אליו יהוה בלילה ההוא ויאמר אנכי אלהי אברהם אביך אל תירא כי אתך אנכי וברכתיך והרביתי את זרעך בעבור אברהם עבדי |
| SPוירא אליו יהוה בלילה ההוא ויאמר אנכי אלהי אברהם אביך אל תירא כי אתך אנכי וברכתיך והרביתי את זרעך בעבור אברהם עבדי | |
| 25 | MTויבן שׁם מזבח ויקרא בשׁם יהוה ויט שׁם אהלו ויכרו שׁם עבדי יצחק באר |
| SPויבן שׁם מזבח ויקרא בשׁם יהוה ויט שׁם אהלו ויכרו שׁם עבדי יצחק באר | |
| 26 | MTואבימלך הלך אליו מגרר ואחזת מרעהו ופיכל שׂר צבאו |
| SPואבימלך הלך אליו מגרר ואחזת מרעהו ופיכל שׂר צבאו | |
| 27 | MTויאמר אלהם יצחק מדוע באתם אלי ואתם שׂנאתם אתי ותשׁלחוני מאתכם |
| SPויאמר אליהם יצחק מדוע באתם אלי ואתם שׂנאתם אתי ותשׁלחוני מאתכם | |
| 28 | MTויאמרו ראו ראינו כי היה יהוה עמך ונאמר תהי נא אלה בינותינו בינינו ובינך ונכרתה ברית עמך |
| SPויאמרו ראו ראינו כי היה יהוה עמך ונאמר תהיה נא אלה בינתנו ביננו ובינך ונכרתה ברית עמך | |
| 29 | MTאם תעשׂה עמנו רעה כאשׁר לא נגענוך וכאשׁר עשׂינו עמך רק טוב ונשׁלחך בשׁלום אתה עתה ברוך יהוה |
| SPאם תעשׂה עמנו רע כאשׁר לא נגענוך וכאשׁר עשׂינו עמך רק טוב ונשׁלחך בשׁלום עתה אתה ברוך יהוה | |
| 30 | MTויעשׂ להם משׁתה ויאכלו וישׁתו |
| SPויעשׂ להם משׁתה ויאכלו וישׁתו | |
| 31 | MTוישׁכימו בבקר וישׁבעו אישׁ לאחיו וישׁלחם יצחק וילכו מאתו בשׁלום |
| SPוישׁכמו בבקר וישׁבעו אישׁ לרעהו וישׁלחם יצחק וילכו מאתו בשׁלום | |
| 32 | MTויהי ביום ההוא ויבאו עבדי יצחק ויגדו לו על אדות הבאר אשׁר חפרו ויאמרו לו מצאנו מים |
| SPויהי ביום ההוא ויבאו עבדי יצחק ויגדו לו על אדות הבאר אשׁר חפרו ויאמרו לו מצאנו מים | |
| 33 | MTויקרא אתה שׁבעה על כן שׁם העיר באר שׁבע עד היום הזה |
| SPויקרא אתה שׁבעה על כן שׁם העיר באר שׁבע עד היום הזה | |
| 34 | MTויהי עשׂו בן ארבעים שׁנה ויקח אשׁה את יהודית בת בארי החתי ואת בשׂמת בת אילן החתי |
| SPויהי עשׂו בן ארבעים שׁנה ויקח אשׁה את יהודית בת בארי החתי ואת בשׂמת בת אילון החוי | |
| 35 | MTותהיין מרת רוח ליצחק ולרבקה |
| SPותהיינה מרת רוח ליצחק ולרבקה |