| 1 | MTויסף אברהם ויקח אשׁה ושׁמה קטורה |
| SPויסף אברהם ויקח אשׁה ושׁמה קטורה | |
| 2 | MTותלד לו את זמרן ואת יקשׁן ואת מדן ואת מדין ואת ישׁבק ואת שׁוח |
| SPותלד לו את זמרון ואת יקשׁן ואת מדן ואת מדין ואת ישׁבק ואת שׁוח | |
| 3 | MTויקשׁן ילד את שׁבא ואת דדן ובני דדן היו אשׁורם ולטושׁים ולאמים |
| SPויקשׁן ילד את שׁבא ואת דדן ובני דדן היו אשׁורים ולטשׁים ולאמים | |
| 4 | MTובני מדין עיפה ועפר וחנך ואבידע ואלדעה כל אלה בני קטורה |
| SPובני מדין עיפה ואפר חנוך ואבידע ואלדעה כל אלה בני קטורה | |
| 5 | MTויתן אברהם את כל אשׁר לו ליצחק |
| SPויתן אברהם את כל אשׁר לו ליצחק בנו | |
| 6 | MTולבני הפילגשׁים אשׁר לאברהם נתן אברהם מתנת וישׁלחם מעל יצחק בנו בעודנו חי קדמה אל ארץ קדם |
| SPולבני הפילגשׁים אשׁר לאברהם נתן אברהם מתנות וישׁלחם מעל יצחק בנו בעודנו חי קדמה אל ארץ קדמה | |
| 7 | MTואלה ימי שׁני חיי אברהם אשׁר חי מאת שׁנה ושׁבעים שׁנה וחמשׁ שׁנים |
| SPואלה ימי שׁני חיי אברהם אשׁר חי מאת שׁנה ושׁבעים שׁנה וחמשׁ שׁנים | |
| 8 | MTויגוע וימת אברהם בשׂיבה טובה זקן ושׂבע ויאסף אל עמיו |
| SPויגוע וימת אברהם בשׂיבה טובה זקן ושׂבע ימים ויאסף אל עמו | |
| 9 | MTויקברו אתו יצחק וישׁמעאל בניו אל מערת המכפלה אל שׂדה עפרן בן צחר החתי אשׁר על פני ממרא |
| SPויקברו אתו יצחק וישׁמעאל בניו אל מערת המכפלה אל שׂדה עפרון בן צהר החתי אשׁר על פני ממרא | |
| 10 | MTהשׂדה אשׁר קנה אברהם מאת בני חת שׁמה קבר אברהם ושׂרה אשׁתו |
| SPהשׂדה אשׁר קנה אברהם מאת בני חת שׁם קבור אברהם ושׂרה אשׁתו | |
| 11 | MTויהי אחרי מות אברהם ויברך אלהים את יצחק בנו וישׁב יצחק עם באר לחי ראי |
| SPויהי אחרי מות אברהם ויברך אלהים את יצחק בנו וישׁב יצחק עם באר לחי ראי | |
| 12 | MTואלה תלדת ישׁמעאל בן אברהם אשׁר ילדה הגר המצרית שׁפחת שׂרה לאברהם |
| SPואלה תולדת ישׁמעאל בן אברהם אשׁר ילדה הגר המצרית שׁפחת שׂרה לאברהם | |
| 13 | MTואלה שׁמות בני ישׁמעאל בשׁמתם לתולדתם בכר ישׁמעאל נבית וקדר ואדבאל ומבשׂם |
| SPואלה שׁמות בני ישׁמעאל בשׁמותם לתולדתם בכור ישׁמעאל נבאות וקדד ואדבל ומבשׂם | |
| 14 | MTומשׁמע ודומה ומשׂא |
| SPומשׁמע ודומה ומשׂא | |
| 15 | MTחדד ותימא יטור נפישׁ וקדמה |
| SPהדד ותימה יטור נפישׁ וקדמה | |
| 16 | MTאלה הם בני ישׁמעאל ואלה שׁמתם בחצריהם ובטירתם שׁנים עשׂר נשׂיאם לאמתם |
| SPאלה הם בני ישׁמעאל ואלה שׁמותם בחצרותם ובטירתם שׁנים עשׂר נשׂיאים לאמתם | |
| 17 | MTואלה שׁני חיי ישׁמעאל מאת שׁנה ושׁלשׁים שׁנה ושׁבע שׁנים ויגוע וימת ויאסף אל עמיו |
| SPואלה שׁני חיי ישׁמעאל מאת שׁנה ושׁלשׁים שׁנה ושׁבע שׁנים ויגוע וימת ויאסף אל עמו | |
| 18 | MTוישׁכנו מחוילה עד שׁור אשׁר על פני מצרים באכה אשׁורה על פני כל אחיו נפל |
| SPוישׁכנו מחוילה עד שׁור אשׁר על פני מצרים באכה אשׁורה על פני כל אחיו נפל | |
| 19 | MTואלה תולדת יצחק בן אברהם אברהם הוליד את יצחק |
| SPואלה תולדת יצחק בן אברהם אברהם הוליד את יצחק | |
| 20 | MTויהי יצחק בן ארבעים שׁנה בקחתו את רבקה בת בתואל הארמי מפדן ארם אחות לבן הארמי לו לאשׁה |
| SPויהי יצחק בן ארבעים שׁנה בקחתו את רבקה בת בתואל הארמי מפדן ארם אחות לבן הארמי לו לאשׁה | |
| 21 | MTויעתר יצחק ליהוה לנכח אשׁתו כי עקרה הוא ויעתר לו יהוה ותהר רבקה אשׁתו |
| SPויעתר יצחק אל יהוה לנכח אשׁתו כי עקרה היא ויעתר לו יהוה ותהר רבקה אשׁתו | |
| 22 | MTויתרצצו הבנים בקרבה ותאמר אם כן למה זה אנכי ותלך לדרשׁ את יהוה |
| SPויתרצצו הבנים בקרבה ותאמר אם כן למה זה אנכי ותלך לדרשׁ את יהוה | |
| 23 | MTויאמר יהוה לה שׁני גיים בבטנך ושׁני לאמים ממעיך יפרדו ולאם מלאם יאמץ ורב יעבד צעיר |
| SPויאמר יהוה לה שׁני גוים בבטנך ושׁני לאמים ממעיך יפרדו ולאם מלאם יאמץ ורב יעבד צעיר | |
| 24 | MTוימלאו ימיה ללדת והנה תומם בבטנה |
| SPוימלאו ימיה ללדת והנה תאמים בבטנה | |
| 25 | MTויצא הראשׁון אדמוני כלו כאדרת שׂער ויקראו שׁמו עשׂו |
| SPויצא הראישׁון אדמוני כלו כאדרת שׂער ויקראו שׁמו עשׂו | |
| 26 | MTואחרי כן יצא אחיו וידו אחזת בעקב עשׂו ויקרא שׁמו יעקב ויצחק בן שׁשׁים שׁנה בלדת אתם |
| SPואחרי כן יצא אחיו וידו אחזת בעקב עשׂו ויקראו שׁמו יעקב ויצחק בן שׁשׁים שׁנה בלדת אתם | |
| 27 | MTויגדלו הנערים ויהי עשׂו אישׁ ידע ציד אישׁ שׂדה ויעקב אישׁ תם ישׁב אהלים |
| SPויגדלו הנערים ויהי עשׂו אישׁ ידע ציד אישׁ שׂדה ויעקב אישׁ תם ישׁב אהלים | |
| 28 | MTויאהב יצחק את עשׂו כי ציד בפיו ורבקה אהבת את יעקב |
| SPויאהב יצחק את עשׂו כי צידו בפיו ורבקה אהבת את יעקב | |
| 29 | MTויזד יעקב נזיד ויבא עשׂו מן השׂדה והוא עיף |
| SPויזד יעקב נזיד ויבא עשׂו מן השׂדה והוא עיף | |
| 30 | MTויאמר עשׂו אל יעקב הלעיטני נא מן האדם האדם הזה כי עיף אנכי על כן קרא שׁמו אדום |
| SPויאמר עשׂו אל יעקב הלעטני נא מן האדום האדם הזה כי עיף אנכי על כן קרא שׁמו אדום | |
| 31 | MTויאמר יעקב מכרה כיום את בכרתך לי |
| SPויאמר יעקב מכרה כיום את בכרתך לי | |
| 32 | MTויאמר עשׂו הנה אנכי הולך למות ולמה זה לי בכרה |
| SPויאמר עשׂו הנה אנכי הלך למות ולמה זה לי בכורה | |
| 33 | MTויאמר יעקב השׁבעה לי כיום וישׁבע לו וימכר את בכרתו ליעקב |
| SPויאמר יעקב השׁבע לי כיום וישׁבע לו וימכר את בכורתו ליעקב | |
| 34 | MTויעקב נתן לעשׂו לחם ונזיד עדשׁים ויאכל וישׁת ויקם וילך ויבז עשׂו את הבכרה |
| SPויעקב נתן לעשׂו לחם ונזיד עד שׂים ויאכל וישׁת ויקם וילך ויבז עשׂו את הבכורה |