| 1 | MTואברהם זקן בא בימים ויהוה ברך את אברהם בכל |
| SPואברהם זקן בא בימים ויהוה ברך את אברהם בכל | |
| 2 | MTויאמר אברהם אל עבדו זקן ביתו המשׁל בכל אשׁר לו שׂים נא ידך תחת ירכי |
| SPויאמר אברהם אל עבדו זקן ביתו המשׁל בכל אשׁר לו שׂים נא ידך תחת ירכי | |
| 3 | MTואשׁביעך ביהוה אלהי השׁמים ואלהי הארץ אשׁר לא תקח אשׁה לבני מבנות הכנעני אשׁר אנכי יושׁב בקרבו |
| SPואשׁביעך ביהוה אלהי השׁמים ואלהי הארץ אשׁר לא תקח אשׁה לבני מבנות הכנעני אשׁר אנכי ישׁב בקרבו | |
| 4 | MTכי אל ארצי ואל מולדתי תלך ולקחת אשׁה לבני ליצחק |
| SPכי אם אל ארצי ואל מולדתי תלך ולקחת אשׁה לבני ליצחק | |
| 5 | MTויאמר אליו העבד אולי לא תאבה האשׁה ללכת אחרי אל הארץ הזאת ההשׁב אשׁיב את בנך אל הארץ אשׁר יצאת משׁם |
| SPויאמר אליו העבד אולי לא תאבה האשׁה ללכת אחרי אל הארץ הזאת ההשׁב אשׁיב את בנך אל הארץ אשׁר יצאת משׁם | |
| 6 | MTויאמר אליו אברהם השׁמר לך פן תשׁיב את בני שׁמה |
| SPויאמר אליו אברהם השׁמר לך פן תשׁיב את בני שׁמה | |
| 7 | MTיהוה אלהי השׁמים אשׁר לקחני מבית אבי ומארץ מולדתי ואשׁר דבר לי ואשׁר נשׁבע לי לאמר לזרעך אתן את הארץ הזאת הוא ישׁלח מלאכו לפניך ולקחת אשׁה לבני משׁם |
| SPיהוה אלהי השׁמים אשׁר לקחני מבית אבי ומארץ מולדתי ואשׁר דבר לי ואשׁר נשׁבע לי לאמר לזרעך אתן את הארץ הזאת הוא ישׁלח מלאכו לפניך ולקחת אשׁה לבני משׁם | |
| 8 | MTואם לא תאבה האשׁה ללכת אחריך ונקית משׁבעתי זאת רק את בני לא תשׁב שׁמה |
| SPואם לא תאבה האשׁה ללכת אחריך ונקית משׁבועתי זאת רק את בני לא תשׁיב שׁמה | |
| 9 | MTוישׂם העבד את ידו תחת ירך אברהם אדניו וישׁבע לו על הדבר הזה |
| SPוישׂם העבד את ידו תחת ירך אברהם אדניו וישׁבע לו על הדבר הזה | |
| 10 | MTויקח העבד עשׂרה גמלים מגמלי אדניו וילך וכל טוב אדניו בידו ויקם וילך אל ארם נהרים אל עיר נחור |
| SPויקח העבד עשׂרה גמלים מגמלי אדניו וילך וכל טוב אדניו בידו ויקם וילך אל ארם נהרים אל עיר נחור | |
| 11 | MTויברך הגמלים מחוץ לעיר אל באר המים לעת ערב לעת צאת השׁאבת |
| SPויברך הגמלים מחוץ לעיר על באר המים לעת ערב לעת צאת השׁאבות | |
| 12 | MTויאמר יהוה אלהי אדני אברהם הקרה נא לפני היום ועשׂה חסד עם אדני אברהם |
| SPויאמר יהוה אלהי אדני אברהם הקרא נא לפני היום ועשׂה חסד עם אדני אברהם | |
| 13 | MTהנה אנכי נצב על עין המים ובנות אנשׁי העיר יצאת לשׁאב מים |
| SPהנה אנכי נצב על עין המים ובנות אנשׁי העיר יצאת לשׁאב מים | |
| 14 | MTוהיה הנער אשׁר אמר אליה הטי נא כדך ואשׁתה ואמרה שׁתה וגם גמליך אשׁקה אתה הכחת לעבדך ליצחק ובה אדע כי עשׂית חסד עם אדני |
| SPוהיה הנערה אשׁר אמר אליה הטני כדך ואשׁתה ואמרה שׁתה וגם גמליך אשׁקה אתה הוכחת לעבדך ליצחק ובה אדע כי עשׂית חסד עם אדני אברהם | |
| 15 | MTויהי הוא טרם כלה לדבר והנה רבקה יצאת אשׁר ילדה לבתואל בן מלכה אשׁת נחור אחי אברהם וכדה על שׁכמה |
| SPויהי הוא טרם כלה לדבר אל לבו והנה רבקה יצאת אשׁר ילדה לבתואל בן מלכה אשׁת נחור אחי אברהם וכדה על שׁכמה | |
| 16 | MTוהנער טבת מראה מאד בתולה ואישׁ לא ידעה ותרד העינה ותמלא כדה ותעל |
| SPוהנערה טובת מראה מאד בתולה ואישׁ לא ידעה ותרד העין ותמלא כדה ותעל | |
| 17 | MTוירץ העבד לקראתה ויאמר הגמיאיני נא מעט מים מכדך |
| SPוירץ העבד לקראתה ויאמר הגמיני נא מעט מים מכדך | |
| 18 | MTותאמר שׁתה אדני ותמהר ותרד כדה על ידה ותשׁקהו |
| SPותאמר שׁתה אדני ותמהר ותורד כדה על ידה ותשׁקהו | |
| 19 | MTותכל להשׁקתו ותאמר גם לגמליך אשׁאב עד אם כלו לשׁתת |
| SPותכל להשׁקותו ותאמר גם לגמליך אשׁאב עד אם כלו לשׁתות | |
| 20 | MTותמהר ותער כדה אל השׁקת ותרץ עוד אל הבאר לשׁאב ותשׁאב לכל גמליו |
| SPותמהר ותורד כדה על השׁקות ותרץ עוד אל הבאר לשׁאב ותשׁאב לכל גמליו | |
| 21 | MTוהאישׁ משׁתאה לה מחרישׁ לדעת ההצליח יהוה דרכו אם לא |
| SPוהאישׁ משׁתה לה ומחרישׁ לדעת הצליח יהוה דרכו אם לא | |
| 22 | MTויהי כאשׁר כלו הגמלים לשׁתות ויקח האישׁ נזם זהב בקע משׁקלו ושׁני צמידים על ידיה עשׂרה זהב משׁקלם |
| SPויהי כאשׁר כלו הגמלים לשׁתות ויקח האישׁ נזם זהב בקע משׁקלו וישׂם על אפה ושׁני צמידים על ידיה עשׂרה זהב משׁקלם | |
| 23 | MTויאמר בת מי את הגידי נא לי הישׁ בית אביך מקום לנו ללין |
| SPויאמר בת מי אתי הגידי נא לי הישׁ בבית אביך מקום לנו ללין | |
| 24 | MTותאמר אליו בת בתואל אנכי בן מלכה אשׁר ילדה לנחור |
| SPותאמר אליו בת בתואל אנכי בן מלכה אשׁר ילדה לנחור | |
| 25 | MTותאמר אליו גם תבן גם מספוא רב עמנו גם מקום ללון |
| SPותאמר אליו גם תבן גם מספה רב עמנו וגם מקום ללין | |
| 26 | MTויקד האישׁ וישׁתחו ליהוה |
| SPויקד האישׁ וישׁתחוי ליהוה | |
| 27 | MTויאמר ברוך יהוה אלהי אדני אברהם אשׁר לא עזב חסדו ואמתו מעם אדני אנכי בדרך נחני יהוה בית אחי אדני |
| SPויאמר ברוך יהוה אלהי אדני אברהם אשׁר לא עזב חסדו ואמתו מעם אדני אברהם אנכי בדרך נחני יהוה בית אחי אדני | |
| 28 | MTותרץ הנער ותגד לבית אמה כדברים האלה |
| SPותרץ הנערה ותגד לבית אמה כדברים האלה | |
| 29 | MTולרבקה אח ושׁמו לבן וירץ לבן אל האישׁ החוצה אל העין |
| SPולרבקה אח ושׁמו לבן וירץ לבן אל האישׁ החוצה אל העין | |
| 30 | MTויהי כראת את הנזם ואת הצמדים על ידי אחתו וכשׁמעו את דברי רבקה אחתו לאמר כה דבר אלי האישׁ ויבא אל האישׁ והנה עמד על הגמלים על העין |
| SPויהי כראותו את הנזם ואת הצמידים על ידי אחותו וכשׁמעו את דברי רבקה אחותו לאמר כה דבר אלי האישׁ ויבא אל האישׁ והנה עמד על הגמלים על העין | |
| 31 | MTויאמר בוא ברוך יהוה למה תעמד בחוץ ואנכי פניתי הבית ומקום לגמלים |
| SPויאמר בא ברוך יהוה למה תעמד בחוץ ואנכי פניתי הבית ומקום לגמלים | |
| 32 | MTויבא האישׁ הביתה ויפתח הגמלים ויתן תבן ומספוא לגמלים ומים לרחץ רגליו ורגלי האנשׁים אשׁר אתו |
| SPויבא האישׁ הביתה ויפתח הגמלים ויתן תבן ומספה לגמלים ומים לרחץ רגליו ורגלי האנשׁים אשׁר אתו | |
| 33 | MTויישׂם לפניו לאכל ויאמר לא אכל עד אם דברתי דברי ויאמר דבר |
| SPויושׂם לפניו לאכל ויאמר לא אכל עד אם דברתי דברי ויאמרו דבר | |
| 34 | MTויאמר עבד אברהם אנכי |
| SPויאמר עבד אברהם אנכי | |
| 35 | MTויהוה ברך את אדני מאד ויגדל ויתן לו צאן ובקר וכסף וזהב ועבדם ושׁפחת וגמלים וחמרים |
| SPויהוה ברך את אדני מאד ויגדל ויתן לו צאן ובקר כסף וזהב עבדים ושׁפחות וגמלים וחמרים | |
| 36 | MTותלד שׂרה אשׁת אדני בן לאדני אחרי זקנתה ויתן לו את כל אשׁר לו |
| SPותלד שׂרה אשׁת אדני בן לאדני אחרי זקנתו ויתן לו את כל אשׁר לו | |
| 37 | MTוישׁבעני אדני לאמר לא תקח אשׁה לבני מבנות הכנעני אשׁר אנכי ישׁב בארצו |
| SPוישׁבעני אדני לאמר לא תקח אשׁה לבני מבנות הכנעני אשׁר אנכי ישׁב בארצו | |
| 38 | MTאם לא אל בית אבי תלך ואל משׁפחתי ולקחת אשׁה לבני |
| SPכי אם אל בית אבי תלך ואל משׁפחתי ולקחת אשׁה לבני | |
| 39 | MTואמר אל אדני אלי לא תלך האשׁה אחרי |
| SPואמר אל אדני אולי לא תלך האשׁה אחרי | |
| 40 | MTויאמר אלי יהוה אשׁר התהלכתי לפניו ישׁלח מלאכו אתך והצליח דרכך ולקחת אשׁה לבני ממשׁפחתי ומבית אבי |
| SPויאמר אלי יהוה אשׁר התהלכתי לפניו ישׁלח מלאכו אתך והצליח דרכך ולקחת אשׁה לבני ממשׁפחתי ומבית אבי | |
| 41 | MTאז תנקה מאלתי כי תבוא אל משׁפחתי ואם לא יתנו לך והיית נקי מאלתי |
| SPאז תנקיא מאלתי כי תבוא אל משׁפחתי ואם לא יתנו לך והיית נקיא מאלתי | |
| 42 | MTואבא היום אל העין ואמר יהוה אלהי אדני אברהם אם ישׁך נא מצליח דרכי אשׁר אנכי הלך עליה |
| SPואבוא היום אל העין ואמר יהוה אלהי אדני אברהם אם ישׁך נא מצליח דרכי אשׁר אני הלך עליה | |
| 43 | MTהנה אנכי נצב על עין המים והיה העלמה היצאת לשׁאב ואמרתי אליה השׁקיני נא מעט מים מכדך |
| SPהנה אנכי נצב על עין המים והיה העלמה היצאת לשׁאב ואמרתי אליה השׁקיני נא מעט מים מכדך | |
| 44 | MTואמרה אלי גם אתה שׁתה וגם לגמליך אשׁאב הוא האשׁה אשׁר הכיח יהוה לבן אדני |
| SPואמרה אלי גם אתה שׁתה וגם לגמליך אשׁאב היא האשׁה אשׁר הוכיח יהוה לבן אדני | |
| 45 | MTאני טרם אכלה לדבר אל לבי והנה רבקה יצאת וכדה על שׁכמה ותרד העינה ותשׁאב ואמר אליה השׁקיני נא |
| SPאני טרם אכלה לדבר אל לבי והנה רבקה יצאת וכדה על שׁכמה ותרד העין ותשׁאב ואמר אליה השׁקיני נא מעט מים מכדך | |
| 46 | MTותמהר ותורד כדה מעליה ותאמר שׁתה וגם גמליך אשׁקה ואשׁת וגם הגמלים השׁקתה |
| SPותמהר ותורד כדה מעליה ותאמר שׁתה וגם גמליך אשׁקה ואשׁתה וגם הגמלים השׁקתה | |
| 47 | MTואשׁאל אתה ואמר בת מי את ותאמר בת בתואל בן נחור אשׁר ילדה לו מלכה ואשׂם הנזם על אפה והצמידים על ידיה |
| SPואשׁאל אתה ואמר בת מי אתי ותאמר בת בתואל בן נחור אשׁר ילדה לו מלכה ואשׁים הנזם על אפה והצמידים על ידיה | |
| 48 | MTואקד ואשׁתחוה ליהוה ואברך את יהוה אלהי אדני אברהם אשׁר הנחני בדרך אמת לקחת את בת אחי אדני לבנו |
| SPואקד ואשׁתחוי ליהוה ואברך את יהוה אלהי אדני אברהם אשׁר הנחני בדרך אמת לקחת את בת אחי אדני לבנו | |
| 49 | MTועתה אם ישׁכם עשׂים חסד ואמת את אדני הגידו לי ואם לא הגידו לי ואפנה על ימין או על שׂמאל |
| SPועתה אם ישׁכם עשׂים חסד ואמת את אדני הגידו לי ואם לא הגידו לי ואפנה על הימין או על השׂמאל | |
| 50 | MTויען לבן ובתואל ויאמרו מיהוה יצא הדבר לא נוכל דבר אליך רע או טוב |
| SPויען לבן ובתואל ויאמרו מיהוה יצא הדבר לא נוכל דבר אליך רע וטוב | |
| 51 | MTהנה רבקה לפניך קח ולך ותהי אשׁה לבן אדניך כאשׁר דבר יהוה |
| SPהנה רבקה לפניך קח ולך ותהי אשׁה לבן אדניך כאשׁר דבר יהוה | |
| 52 | MTויהי כאשׁר שׁמע עבד אברהם את דבריהם וישׁתחו ארצה ליהוה |
| SPויהי כאשׁר שׁמע עבד אברהם את דבריהם וישׁתחוי ארצה ליהוה | |
| 53 | MTויוצא העבד כלי כסף וכלי זהב ובגדים ויתן לרבקה ומגדנת נתן לאחיה ולאמה |
| SPויוצא העבד כלי כסף וכלי זהב ובגדים ויתן לרבקה ומגדנות נתן לאחיה ולאמה | |
| 54 | MTויאכלו וישׁתו הוא והאנשׁים אשׁר עמו וילינו ויקומו בבקר ויאמר שׁלחני לאדני |
| SPויאכלו וישׁתו הוא והאנשׁים אשׁר עמו וילינו ויקמו בבקר ויאמר שׁלחוני לאדני | |
| 55 | MTויאמר אחיה ואמה תשׁב הנער אתנו ימים או עשׂור אחר תלך |
| SPויאמרו אחיה ואמה תשׁב הנערה אתנו ימים או חדשׁ ואחר תלך | |
| 56 | MTויאמר אלהם אל תאחרו אתי ויהוה הצליח דרכי שׁלחוני ואלכה לאדני |
| SPויאמר אליהם אל תאחרו אתי ויהוה הצליח את דרכי שׁלחוני ואלכה אל אדני | |
| 57 | MTויאמרו נקרא לנער ונשׁאלה את פיה |
| SPויאמרו נקרא לנערה ונשׁאל את פיה | |
| 58 | MTויקראו לרבקה ויאמרו אליה התלכי עם האישׁ הזה ותאמר אלך |
| SPויקראו לרבקה ויאמרו לה התלכי עם האישׁ הזה ותאמר אלך | |
| 59 | MTוישׁלחו את רבקה אחתם ואת מנקתה ואת עבד אברהם ואת אנשׁיו |
| SPוישׁלחו את רבקה אחותם ואת מינקתה ואת עבד אברהם ואת אנשׁיו | |
| 60 | MTויברכו את רבקה ויאמרו לה אחתנו את היי לאלפי רבבה ויירשׁ זרעך את שׁער שׂנאיו |
| SPויברכו את רבקה ויאמרו לה אחותנו אתי הוי לאלפי רבבה ויירשׁ זרעיך את שׁער איביו | |
| 61 | MTותקם רבקה ונערתיה ותרכבנה על הגמלים ותלכנה אחרי האישׁ ויקח העבד את רבקה וילך |
| SPותקם רבקה ונערתיה ותרכבנה על הגמלים ותלכנה אחרי האישׁ ויקח העבד את רבקה וילך | |
| 62 | MTויצחק בא מבוא באר לחי ראי והוא יושׁב בארץ הנגב |
| SPויצחק בא במדבר באר לחי ראה והוא ישׁב בארץ הנגב | |
| 63 | MTויצא יצחק לשׂוח בשׂדה לפנות ערב וישׂא עיניו וירא והנה גמלים באים |
| SPויצא יצחק לשׂוח בשׂדה לפנות ערב וישׂא עיניו וירא והנה הגמלים באים | |
| 64 | MTותשׂא רבקה את עיניה ותרא את יצחק ותפל מעל הגמל |
| SPותשׂא רבקה את עיניה ותרא את יצחק ותפל מעל הגמל | |
| 65 | MTותאמר אל העבד מי האישׁ הלזה ההלך בשׂדה לקראתנו ויאמר העבד הוא אדני ותקח הצעיף ותתכס |
| SPותאמר אל העבד מי האישׁ הלז ההלך בשׂדה לקראתנו ויאמר העבד הוא אדני ותקח הצעיף ותתכס | |
| 66 | MTויספר העבד ליצחק את כל הדברים אשׁר עשׂה |
| SPויספר העבד ליצחק את כל הדברים אשׁר עשׂה | |
| 67 | MTויבאה יצחק האהלה שׂרה אמו ויקח את רבקה ותהי לו לאשׁה ויאהבה וינחם יצחק אחרי אמו |
| SPויביאה יצחק האהלה שׂרה אמו ויקח את רבקה ותהי לו לאשׁה ויאהבה וינחם יצחק אחרי אמו |