| 1 | MTויהיו חיי שׂרה מאה שׁנה ועשׂרים שׁנה ושׁבע שׁנים שׁני חיי שׂרה |
| SPויהיו חיי שׂרה מאת שׁנה ועשׂרים שׁנה ושׁבע שׁנים שׁני חיי שׂרה | |
| 2 | MTותמת שׂרה בקרית ארבע הוא חברון בארץ כנען ויבא אברהם לספד לשׂרה ולבכתה |
| SPותמת שׂרה בקרית הארבע אל עמק היא חברון בארץ כנען ויבא אברהם לספד לשׂרה ולבכותה | |
| 3 | MTויקם אברהם מעל פני מתו וידבר אל בני חת לאמר |
| SPויקם אברהם מעל פני מיתו וידבר אל בני חת לאמר | |
| 4 | MTגר ותושׁב אנכי עמכם תנו לי אחזת קבר עמכם ואקברה מתי מלפני |
| SPגר ותושׁב אנכי עמכם תנו לי אחזת קבר עמכם ואקברה את מיתי מלפני | |
| 5 | MTויענו בני חת את אברהם לאמר לו |
| SPויענו בני חת את אברהם לאמר לא | |
| 6 | MTשׁמענו אדני נשׂיא אלהים אתה בתוכנו במבחר קברינו קבר את מתך אישׁ ממנו את קברו לא יכלה ממך מקבר מתך |
| SPשׁמענו אדני נשׂיא אלהים אתה בתוכנו במבחר קברינו קבר את מיתך אישׁ ממנו את קברו לא יכלה ממך מקבר מיתך | |
| 7 | MTויקם אברהם וישׁתחו לעם הארץ לבני חת |
| SPויקם אברהם וישׁתחוי לעם הארץ לבני חת | |
| 8 | MTוידבר אתם לאמר אם ישׁ את נפשׁכם לקבר את מתי מלפני שׁמעוני ופגעו לי בעפרון בן צחר |
| SPוידבר אתם לאמר אם ישׁת נפשׁכם לקבר את מיתי מלפני שׁמעוני ופגעו לי בעפרון בן צהר החתי | |
| 9 | MTויתן לי את מערת המכפלה אשׁר לו אשׁר בקצה שׂדהו בכסף מלא יתננה לי בתוככם לאחזת קבר |
| SPויתן לי את מערת המכפלה אשׁר לו אשׁר בקצה שׂדהו בכסף מלא יתננה לי בתוככם לאחזת קבר | |
| 10 | MTועפרון ישׁב בתוך בני חת ויען עפרון החתי את אברהם באזני בני חת לכל באי שׁער עירו לאמר |
| SPועפרון ישׁב בתוך בני חת ויען עפרון החתי את אברהם באזני בני חת לכל באי שׁער עירו לאמר | |
| 11 | MTלא אדני שׁמעני השׂדה נתתי לך והמערה אשׁר בו לך נתתיה לעיני בני עמי נתתיה לך קבר מתך |
| SPלא אדני שׁמעני השׂדה נתתי לך והמערה אשׁר בו לך נתתיה לעיני בני עמי נתתיה לך קבר מיתך | |
| 12 | MTוישׁתחו אברהם לפני עם הארץ |
| SPוישׁתחוי אברהם לפני עם הארץ | |
| 13 | MTוידבר אל עפרון באזני עם הארץ לאמר אך אם אתה לו שׁמעני נתתי כסף השׂדה קח ממני ואקברה את מתי שׁמה |
| SPוידבר אל עפרון באזני עם הארץ לאמר אך אם אתה לי שׁמעני נתתי כסף השׂדה קח ממני ואקברה את מיתי שׁם | |
| 14 | MTויען עפרון את אברהם לאמר לו |
| SPויען עפרון את אברהם לאמר לא | |
| 15 | MTאדני שׁמעני ארץ ארבע מאת שׁקל כסף ביני ובינך מה הוא ואת מתך קבר |
| SPאדני שׁמעני ארץ ארבע מאות שׁקל כסף ביני ובינך מה הוא ואת מיתך קבר | |
| 16 | MTוישׁמע אברהם אל עפרון וישׁקל אברהם לעפרן את הכסף אשׁר דבר באזני בני חת ארבע מאות שׁקל כסף עבר לסחר |
| SPוישׁמע אברהם אל עפרון וישׁקל אברהם לעפרון את הכסף אשׁר דבר באזני בני חת ארבע מאות שׁקל כסף עבר לסחר | |
| 17 | MTויקם שׂדה עפרון אשׁר במכפלה אשׁר לפני ממרא השׂדה והמערה אשׁר בו וכל העץ אשׁר בשׂדה אשׁר בכל גבלו סביב |
| SPויקם שׂדה עפרון אשׁר במכפלה אשׁר על פני ממרא השׂדה והמערה אשׁר בו וכל העץ אשׁר בשׂדה אשׁר בכל גבולו סביב | |
| 18 | MTלאברהם למקנה לעיני בני חת בכל באי שׁער עירו |
| SPלאברהם למקנה לעיני בני חת בכל באי שׁער עירו | |
| 19 | MTואחרי כן קבר אברהם את שׂרה אשׁתו אל מערת שׂדה המכפלה על פני ממרא הוא חברון בארץ כנען |
| SPואחרי כן קבר אברהם את שׂרה אשׁתו אל מערת שׂדה המכפלה על פני ממרא היא חברון בארץ כנען | |
| 20 | MTויקם השׂדה והמערה אשׁר בו לאברהם לאחזת קבר מאת בני חת |
| SPויקם השׂדה והמערה אשׁר בו לאברהם לאחזת קבר מאת בני חת |