| 1 | MTויהי אחר הדברים האלה והאלהים נסה את אברהם ויאמר אליו אברהם ויאמר הנני |
| SPויהי אחר הדברים האלה והאלהים נסה את אברהם ויאמר אליו אברהם ויאמר הנני | |
| 2 | MTויאמר קח נא את בנך את יחידך אשׁר אהבת את יצחק ולך לך אל ארץ המריה והעלהו שׁם לעלה על אחד ההרים אשׁר אמר אליך |
| SPויאמר קח נא את בנך את יחידך אשׁר אהבת את יצחק ולך לך אל ארץ המוראה והעלהו שׁם עלה על אחד ההרים אשׁר אמר אליך | |
| 3 | MTוישׁכם אברהם בבקר ויחבשׁ את חמרו ויקח את שׁני נעריו אתו ואת יצחק בנו ויבקע עצי עלה ויקם וילך אל המקום אשׁר אמר לו האלהים |
| SPוישׁכם אברהם בבקר ויחבשׁ את חמורו ויקח את שׁני נעריו אתו ואת יצחק בנו ויבקע עצי העלה ויקם וילך אל המקום אשׁר אמר לו האלהים | |
| 4 | MTביום השׁלישׁי וישׂא אברהם את עיניו וירא את המקום מרחק |
| SPביום השׁלישׁי וישׂא אברהם את עיניו וירא את המקום מרחק | |
| 5 | MTויאמר אברהם אל נעריו שׁבו לכם פה עם החמור ואני והנער נלכה עד כה ונשׁתחוה ונשׁובה אליכם |
| SPויאמר אברהם אל נעריו שׁבו לכם פה עם החמור ואני והנער נלכה עד כה ונשׁתחוי ונשׁוב אליכם | |
| 6 | MTויקח אברהם את עצי העלה וישׂם על יצחק בנו ויקח בידו את האשׁ ואת המאכלת וילכו שׁניהם יחדו |
| SPויקח אברהם את עצי העלה וישׂם על יצחק בנו ויקח בידו את האשׁ ואת המאכלת וילכו שׁניהם יחדו | |
| 7 | MTויאמר יצחק אל אברהם אביו ויאמר אבי ויאמר הנני בני ויאמר הנה האשׁ והעצים ואיה השׂה לעלה |
| SPויאמר יצחק אל אברהם אביו ויאמר אבי ויאמר הנני בני ויאמר הנה האשׁ והעצים ואיה השׂה לעלה | |
| 8 | MTויאמר אברהם אלהים יראה לו השׂה לעלה בני וילכו שׁניהם יחדו |
| SPויאמר אברהם אלהים יראה לו שׂה לעלה בני וילכו שׁניהם יחדו | |
| 9 | MTויבאו אל המקום אשׁר אמר לו האלהים ויבן שׁם אברהם את המזבח ויערך את העצים ויעקד את יצחק בנו וישׂם אתו על המזבח ממעל לעצים |
| SPויבאו אל המקום אשׁר אמר לו האלהים ויבן שׁם אברהם את המזבח ויערך את העצים ויעקד את יצחק בנו וישׂם אתו על המזבח ממעל לעצים | |
| 10 | MTוישׁלח אברהם את ידו ויקח את המאכלת לשׁחט את בנו |
| SPוישׁלח אברהם את ידו ויקח את המאכלת לשׁחט את בנו | |
| 11 | MTויקרא אליו מלאך יהוה מן השׁמים ויאמר אברהם אברהם ויאמר הנני |
| SPויקרא אליו מלאך יהוה מן השׁמים ויאמר אברהם אברהם ויאמר הנני | |
| 12 | MTויאמר אל תשׁלח ידך אל הנער ואל תעשׂ לו מאומה כי עתה ידעתי כי ירא אלהים אתה ולא חשׂכת את בנך את יחידך ממני |
| SPויאמר אל תשׁלח ידך על הנער ואל תעשׂה לו מאומה כי עתה ידעתי כי ירא אלהים אתה ולא חשׂכת את בנך את יחידך ממני | |
| 13 | MTוישׂא אברהם את עיניו וירא והנה איל אחר נאחז בסבך בקרניו וילך אברהם ויקח את האיל ויעלהו לעלה תחת בנו |
| SPוישׂא אברהם את עיניו וירא והנה איל אחד נאחז בסבך בקרניו וילך אברהם ויקח את האיל ויעלהו עלה תחת בנו | |
| 14 | MTויקרא אברהם שׁם המקום ההוא יהוה יראה אשׁר יאמר היום בהר יהוה יראה |
| SPויקרא אברהם את שׁם המקום ההוא יהוה יראה אשׁר יאמר היום בהר יהוה יראה | |
| 15 | MTויקרא מלאך יהוה אל אברהם שׁנית מן השׁמים |
| SPויקרא מלאך יהוה אל אברהם שׁנית מן השׁמים | |
| 16 | MTויאמר בי נשׁבעתי נאם יהוה כי יען אשׁר עשׂית את הדבר הזה ולא חשׂכת את בנך את יחידך |
| SPויאמר בי נשׁבעתי נאם יהוה כי יען אשׁר עשׂית את הדבר הזה ולא חשׂכת את בנך את יחידך ממני | |
| 17 | MTכי ברך אברכך והרבה ארבה את זרעך ככוכבי השׁמים וכחול אשׁר על שׂפת הים וירשׁ זרעך את שׁער איביו |
| SPכי ברוך אברכך והרבה ארבה את זרעך ככוכבי השׁמים וכחול אשׁר על שׂפת הים ויירשׁ זרעך את שׁער איביו | |
| 18 | MTוהתברכו בזרעך כל גויי הארץ עקב אשׁר שׁמעת בקלי |
| SPוהתברכו בזרעך כל גוי הארץ עקב אשׁר שׁמעת בקולי | |
| 19 | MTוישׁב אברהם אל נעריו ויקמו וילכו יחדו אל באר שׁבע וישׁב אברהם בבאר שׁבע |
| SPוישׁב אברהם אל נעריו ויקמו וילכו יחדו אל באר שׁבע וישׁב אברהם בבאר שׁבע | |
| 20 | MTויהי אחרי הדברים האלה ויגד לאברהם לאמר הנה ילדה מלכה גם הוא בנים לנחור אחיך |
| SPויהי אחר הדברים האלה ויגד לאברהם לאמר הנה ילדה מלכה גם היא בנים לנחור אחיך | |
| 21 | MTאת עוץ בכרו ואת בוז אחיו ואת קמואל אבי ארם |
| SPאת עוץ בכורו ואת בוז אחיו ואת קמואל אבי ארם | |
| 22 | MTואת כשׂד ואת חזו ואת פלדשׁ ואת ידלף ואת בתואל |
| SPואת כשׂד ואת חזו ואת פילדשׁ ואת ידלף ואת בתואל | |
| 23 | MTובתואל ילד את רבקה שׁמנה אלה ילדה מלכה לנחור אחי אברהם |
| SPובתואל הוליד את רבקה שׁמנה אלה ילדה מלכה לנחור אחי אברהם | |
| 24 | MTופילגשׁו ושׁמה ראומה ותלד גם הוא את טבח ואת גחם ואת תחשׁ ואת מעכה |
| SPופילגשׁו ושׁמה רומה ותלד גם היא את טבח ואת גחם ואת תחשׁ ואת מעכה |