| 1 | MTויהוה פקד את שׂרה כאשׁר אמר ויעשׂ יהוה לשׂרה כאשׁר דבר |
| SPויהוה פקד את שׂרה כאשׁר אמר ויעשׂ יהוה לשׂרה כאשׁר דבר | |
| 2 | MTותהר ותלד שׂרה לאברהם בן לזקניו למועד אשׁר דבר אתו אלהים |
| SPותהר ותלד שׂרה לאברהם בן לזקניו למועד אשׁר דבר אתו אלהים | |
| 3 | MTויקרא אברהם את שׁם בנו הנולד לו אשׁר ילדה לו שׂרה יצחק |
| SPויקרא אברהם את שׁם בנו הנולד לו אשׁר ילדה לו שׂרה יצחק | |
| 4 | MTוימל אברהם את יצחק בנו בן שׁמנת ימים כאשׁר צוה אתו אלהים |
| SPוימל אברהם את יצחק בנו בן שׁמנת ימים כאשׁר צוה אתו אלהים | |
| 5 | MTואברהם בן מאת שׁנה בהולד לו את יצחק בנו |
| SPואברהם בן מאת שׁנה בהולד לו את יצחק בנו | |
| 6 | MTותאמר שׂרה צחק עשׂה לי אלהים כל השׁמע יצחק לי |
| SPותאמר שׂרה צחק עשׂה לי אלהים כל השׁמע יצחק לי | |
| 7 | MTותאמר מי מלל לאברהם היניקה בנים שׂרה כי ילדתי בן לזקניו |
| SPותאמר מי מלל לאברהם היניקה בנים שׂרה כי ילדתי לו בן לזקניו | |
| 8 | MTויגדל הילד ויגמל ויעשׂ אברהם משׁתה גדול ביום הגמל את יצחק |
| SPויגדל הילד ויגמל ויעשׂ אברהם משׁתה גדול ביום הגמל את יצחק בנו | |
| 9 | MTותרא שׂרה את בן הגר המצרית אשׁר ילדה לאברהם מצחק |
| SPותרא שׂרה את בן הגר המצרית אשׁר ילדה לאברהם מצחק | |
| 10 | MTותאמר לאברהם גרשׁ האמה הזאת ואת בנה כי לא יירשׁ בן האמה הזאת עם בני עם יצחק |
| SPותאמר לאברהם גרשׁ את האמה הזאת ואת בנה כי לא יירשׁ בן האמה הזאת עם בני עם יצחק | |
| 11 | MTוירע הדבר מאד בעיני אברהם על אודת בנו |
| SPוירע הדבר מאד בעיני אברהם על אדות בנו | |
| 12 | MTויאמר אלהים אל אברהם אל ירע בעיניך על הנער ועל אמתך כל אשׁר תאמר אליך שׂרה שׁמע בקלה כי ביצחק יקרא לך זרע |
| SPויאמר אלהים אל אברהם אל ירע בעיניך על הנער ועל אמתך כל אשׁר תאמר אליך שׂרה שׁמע בקולה כי ביצחק יקרא לך זרע | |
| 13 | MTוגם את בן האמה לגוי אשׂימנו כי זרעך הוא |
| SPוגם את בן האמה הזאת לגוי גדול אשׂימנו כי זרעך הוא | |
| 14 | MTוישׁכם אברהם בבקר ויקח לחם וחמת מים ויתן אל הגר שׂם על שׁכמה ואת הילד וישׁלחה ותלך ותתע במדבר באר שׁבע |
| SPוישׁכם אברהם בבקר ויקח לחם וחמת מים ויתן אל הגר שׂם על שׁכמה ואת הילד וישׁלחה ותלך ותתע במדבר באר שׁבע | |
| 15 | MTויכלו המים מן החמת ותשׁלך את הילד תחת אחד השׂיחם |
| SPויכלו המים מן החמת ותשׁליך את הילד תחת אחד השׂחים | |
| 16 | MTותלך ותשׁב לה מנגד הרחק כמטחוי קשׁת כי אמרה אל אראה במות הילד ותשׁב מנגד ותשׂא את קלה ותבך |
| SPותלך ותשׁב לה מנגד הרחקה כמטוי קשׁת כי אמרה אל אראה במות הילד ותשׁב מנגד ותשׂא את קולה ותבך | |
| 17 | MTוישׁמע אלהים את קול הנער ויקרא מלאך אלהים אל הגר מן השׁמים ויאמר לה מה לך הגר אל תיראי כי שׁמע אלהים אל קול הנער באשׁר הוא שׁם |
| SPוישׁמע אלהים את קול הנער ויקרא מלאך אלהים אל הגר מן השׁמים ויאמר לה מלכי הגר אל תיראי כי שׁמע אלהים את קול הנער באשׁר הוא שׁם | |
| 18 | MTקומי שׂאי את הנער והחזיקי את ידך בו כי לגוי גדול אשׂימנו |
| SPקומי שׂאי את הנער וחזקי את ידך בו כי לגוי גדול אשׂימנו | |
| 19 | MTויפקח אלהים את עיניה ותרא באר מים ותלך ותמלא את החמת מים ותשׁק את הנער |
| SPויפקח אלהים את עיניה ותרא באר מים ותלך ותמלא את החמת מים ותשׁק את הנער | |
| 20 | MTויהי אלהים את הנער ויגדל וישׁב במדבר ויהי רבה קשׁת |
| SPויהי אלהים את הנער ויגדל וישׁב במדבר ויהי רבי קשׁת | |
| 21 | MTוישׁב במדבר פארן ותקח לו אמו אשׁה מארץ מצרים |
| SPוישׁב במדבר פראן ותקח לו אמו אשׁה מארץ מצרים | |
| 22 | MTויהי בעת ההוא ויאמר אבימלך ופיכל שׂר צבאו אל אברהם לאמר אלהים עמך בכל אשׁר אתה עשׂה |
| SPויהי בעת ההיא ויאמר אבימלך ופי כל שׂר צבאו אל אברהם לאמר אלהים עמך בכל אשׁר אתה עשׂה | |
| 23 | MTועתה השׁבעה לי באלהים הנה אם תשׁקר לי ולניני ולנכדי כחסד אשׁר עשׂיתי עמך תעשׂה עמדי ועם הארץ אשׁר גרתה בה |
| SPועתה השׁבע לי באלהים הנה אם תשׁקר לי ולניני ולנגדי וכחסד אשׁר עשׂיתי עמך תעשׂה עמדי ועם הארץ אשׁר גרת בה | |
| 24 | MTויאמר אברהם אנכי אשׁבע |
| SPויאמר אברהם אנכי השׁבע | |
| 25 | MTוהוכח אברהם את אבימלך על אדות באר המים אשׁר גזלו עבדי אבימלך |
| SPוהוכיח אברהם את אבימלך על אדות באר המים אשׁר גזלו עבדי אבימלך | |
| 26 | MTויאמר אבימלך לא ידעתי מי עשׂה את הדבר הזה וגם אתה לא הגדת לי וגם אנכי לא שׁמעתי בלתי היום |
| SPויאמר אבימלך לא ידעתי מי עשׂה את הדבר הזה וגם אתה לא הגדת לי וגם אנכי לא שׁמעתי בלתי היום | |
| 27 | MTויקח אברהם צאן ובקר ויתן לאבימלך ויכרתו שׁניהם ברית |
| SPויקח אברהם צאן ובקר ויתן לאבימלך ויכרתו שׁניהם ברית | |
| 28 | MTויצב אברהם את שׁבע כבשׂת הצאן לבדהן |
| SPויצב אברהם שׁבע כבשׂות צאן לבדהן | |
| 29 | MTויאמר אבימלך אל אברהם מה הנה שׁבע כבשׂת האלה אשׁר הצבת לבדנה |
| SPויאמר אבימלך אל אברהם מה הנה שׁבע הכבשׂות האלה אשׁר הצבת לבדהן | |
| 30 | MTויאמר כי את שׁבע כבשׂת תקח מידי בעבור תהיה לי לעדה כי חפרתי את הבאר הזאת |
| SPויאמר אברהם כי את שׁבע הכבשׂות תקח מידי בעבור תהיה לי לעדה כי חפרתי את הבאר הזאת | |
| 31 | MTעל כן קרא למקום ההוא באר שׁבע כי שׁם נשׁבעו שׁניהם |
| SPעל כן קרא למקום ההוא באר שׁבע כי שׁם נשׁבעו שׁניהם | |
| 32 | MTויכרתו ברית בבאר שׁבע ויקם אבימלך ופיכל שׂר צבאו וישׁבו אל ארץ פלשׁתים |
| SPויכרתו ברית בבאר שׁבע ויקם אבימלך ופי כל שׂר צבאו וישׁבו אל ארץ פלשׁתים | |
| 33 | MTויטע אשׁל בבאר שׁבע ויקרא שׁם בשׁם יהוה אל עולם |
| SPויטע אברהם אשׁל בבאר שׁבע ויקרא שׁם בשׁם יהוה אל עולם | |
| 34 | MTויגר אברהם בארץ פלשׁתים ימים רבים |
| SPויגר אברהם בארץ פלשׁתים ימים רבים |