| 1 | MTויבאו שׁני המלאכים סדמה בערב ולוט ישׁב בשׁער סדם וירא לוט ויקם לקראתם וישׁתחו אפים ארצה |
| SPויבאו שׁני המלאכים סדמה בערב ולוט ישׁב בשׁער סדם וירא לוט ויקם לקראתם וישׁתחוי אפים ארצה | |
| 2 | MTויאמר הנה נא אדני סורו נא אל בית עבדכם ולינו ורחצו רגליכם והשׁכמתם והלכתם לדרככם ויאמרו לא כי ברחוב נלין |
| SPויאמר הנה נא אדני סורו נא אל בית עבדכם ולינו ורחצו רגליכם והשׁכמתם והלכתם לדרככם ויאמרו לא כי ברחב נלין | |
| 3 | MTויפצר בם מאד ויסרו אליו ויבאו אל ביתו ויעשׂ להם משׁתה ומצות אפה ויאכלו |
| SPויפצר בם מאד ויסרו אליו ויבאו אל ביתו ויעשׂ להם משׁתה ומצות אפה ויאכלו | |
| 4 | MTטרם ישׁכבו ואנשׁי העיר אנשׁי סדם נסבו על הבית מנער ועד זקן כל העם מקצה |
| SPטרם ישׁכבו אנשׁי העיר אנשׁי סדם נסבו על הבית מנער ועד זקן כל העם מקצה | |
| 5 | MTויקראו אל לוט ויאמרו לו איה האנשׁים אשׁר באו אליך הלילה הוציאם אלינו ונדעה אתם |
| SPויקראו אל לוט ויאמרו אליו איה האנושׁים אשׁר באו אליך הלילה הוציאם אלינו ונדע אתם | |
| 6 | MTויצא אלהם לוט הפתחה והדלת סגר אחריו |
| SPויצא אליהם לוט הפתח והדלת סגרו אחריו | |
| 7 | MTויאמר אל נא אחי תרעו |
| SPויאמר אל נא אחי תריעו | |
| 8 | MTהנה נא לי שׁתי בנות אשׁר לא ידעו אישׁ אוציאה נא אתהן אליכם ועשׂו להן כטוב בעיניכם רק לאנשׁים האל אל תעשׂו דבר כי על כן באו בצל קרתי |
| SPהנה נא לי שׁתי בנות אשׁר לא ידעו אישׁ הוציא נא אתהן אליכם ועשׂו להן כטוב בעיניכם רק לאנשׁים האלה אל תעשׂו דבר כי על כן באו בצל קורתי | |
| 9 | MTויאמרו גשׁ הלאה ויאמרו האחד בא לגור וישׁפט שׁפוט עתה נרע לך מהם ויפצרו באישׁ בלוט מאד ויגשׁו לשׁבר הדלת |
| SPויאמרו גשׁה הלאה ויאמרו אחד בא לגור וישׁפט גם שׁפט עתה נריע לך מהם ויפצרו באישׁ בלוט מאד ויגשׁו לשׁבר הדלת | |
| 10 | MTוישׁלחו האנשׁים את ידם ויביאו את לוט אליהם הביתה ואת הדלת סגרו |
| SPוישׁלחו האנושׁים את ידם ויביאו את לוט אליהם הביתה ואת הדלת סגרו | |
| 11 | MTואת האנשׁים אשׁר פתח הבית הכו בסנורים מקטן ועד גדול וילאו למצא הפתח |
| SPואת האנשׁים אשׁר פתח הבית הכו בסנורים מקטן ועד גדול וילאו למצא הפתח | |
| 12 | MTויאמרו האנשׁים אל לוט עד מי לך פה חתן ובניך ובנתיך וכל אשׁר לך בעיר הוצא מן המקום |
| SPויאמרו המלאכים אל לוט עוד מי לך פה חתן בניך ובנתיך וכל אשׁר לך בעיר הוציא מן המקום הזה | |
| 13 | MTכי משׁחתים אנחנו את המקום הזה כי גדלה צעקתם את פני יהוה וישׁלחנו יהוה לשׁחתה |
| SPכי משׁחיתים אנחנו את המקום הזה כי גדלה צעקתם את פני יהוה וישׁלחנו יהוה להשׁחיתה | |
| 14 | MTויצא לוט וידבר אל חתניו לקחי בנתיו ויאמר קומו צאו מן המקום הזה כי משׁחית יהוה את העיר ויהי כמצחק בעיני חתניו |
| SPויצא לוט וידבר אל חתניו לקחי בנתיו ויאמר קומו צאו מן המקום הזה כי משׁחית יהוה את העיר ויהי כמצחק בעיני חתניו | |
| 15 | MTוכמו השׁחר עלה ויאיצו המלאכים בלוט לאמר קום קח את אשׁתך ואת שׁתי בנתיך הנמצאת פן תספה בעון העיר |
| SPוכמו השׁחר עלה ויאיצו המלאכים בלוט לאמר קום קח את אשׁתך ואת שׁתי בנתיך הנמצאות פן תספה בעון העיר | |
| 16 | MTויתמהמה ויחזקו האנשׁים בידו וביד אשׁתו וביד שׁתי בנתיו בחמלת יהוה עליו ויצאהו וינחהו מחוץ לעיר |
| SPויתמהמה ויחזקו האנושׁים בידו וביד אשׁתו וביד שׁתי בנתיו בחמלת יהוה עליו ויוציאהו ויניחהו מחוץ לעיר | |
| 17 | MTויהי כהוציאם אתם החוצה ויאמר המלט על נפשׁך אל תביט אחריך ואל תעמד בכל הככר ההרה המלט פן תספה |
| SPויהי כהוציאם אתם החוצה ויאמר המלט על נפשׁך אל תבט אחריך ואל תעמד בכל הככר ההרה המלט פן תספה | |
| 18 | MTויאמר לוט אלהם אל נא אדני |
| SPויאמר לוט אליהם אל נא אדני | |
| 19 | MTהנה נא מצא עבדך חן בעיניך ותגדל חסדך אשׁר עשׂית עמדי להחיות את נפשׁי ואנכי לא אוכל להמלט ההרה פן תדבקני הרעה ומתי |
| SPהנה נא מצא עבדך חן בעיניך ותגדל חסדך אשׁר עשׂית עמדי להחיות את נפשׁי ואנכי לא אוכל להמלט ההרה פן תדבקני הרעה ומתי | |
| 20 | MTהנה נא העיר הזאת קרבה לנוס שׁמה והיא מצער אמלטה נא שׁמה הלא מצער הוא ותחי נפשׁי |
| SPהנה נא העיר הזאת קרובה לנוס שׁמה והיא מצער אמלט נא שׁמה הלוא מצער היא ותחיה נפשׁי | |
| 21 | MTויאמר אליו הנה נשׂאתי פניך גם לדבר הזה לבלתי הפכי את העיר אשׁר דברת |
| SPויאמר אליו הנה נשׂאתי פניך גם לדבר הזה לבלתי הפכי את העיר אשׁר דברת | |
| 22 | MTמהר המלט שׁמה כי לא אוכל לעשׂות דבר עד באך שׁמה על כן קרא שׁם העיר צוער |
| SPמהר המלט שׁמה כי לא אוכל לעשׂות דבר עד באכה שׁמה על כן קרא שׁם העיר צער | |
| 23 | MTהשׁמשׁ יצא על הארץ ולוט בא צערה |
| SPהשׁמשׁ יצא על הארץ ולוט בא צערה | |
| 24 | MTויהוה המטיר על סדם ועל עמרה גפרית ואשׁ מאת יהוה מן השׁמים |
| SPויהוה המטיר על סדם ועל עמרה גפרית ואשׁ מאת יהוה מן השׁמים | |
| 25 | MTויהפך את הערים האל ואת כל הככר ואת כל ישׁבי הערים וצמח האדמה |
| SPויהפך את הערים האלה ואת כל הככר ואת כל ישׁבי הערים וצמח האדמה | |
| 26 | MTותבט אשׁתו מאחריו ותהי נציב מלח |
| SPותבט אשׁתו מאחריו ותהי נצב מלח | |
| 27 | MTוישׁכם אברהם בבקר אל המקום אשׁר עמד שׁם את פני יהוה |
| SPוישׁכם אברהם בבקר אל המקום אשׁר עמד שׁם את פני יהוה | |
| 28 | MTוישׁקף על פני סדם ועמרה ועל כל פני ארץ הככר וירא והנה עלה קיטר הארץ כקיטר הכבשׁן |
| SPוישׁקף על פני סדם ועמרה ועל פני כל הארץ הככר וירא והנה עלה קיטור הארץ כקיטור הכבשׁן | |
| 29 | MTויהי בשׁחת אלהים את ערי הככר ויזכר אלהים את אברהם וישׁלח את לוט מתוך ההפכה בהפך את הערים אשׁר ישׁב בהן לוט |
| SPויהי בהשׁחית אלהים את ערי הככר ויזכר אלהים את אברהם וישׁלח את לוט מתוך האפכה בהפכו את הערים אשׁר ישׁב בהן לוט | |
| 30 | MTויעל לוט מצוער וישׁב בהר ושׁתי בנתיו עמו כי ירא לשׁבת בצוער וישׁב במערה הוא ושׁתי בנתיו |
| SPויעל לוט מצער וישׁב בהר ושׁתי בנתיו עמו כי ירא לשׁבת בצער וישׁב במערה הוא ושׁתי בנתיו עמו | |
| 31 | MTותאמר הבכירה אל הצעירה אבינו זקן ואישׁ אין בארץ לבוא עלינו כדרך כל הארץ |
| SPותאמר הבכירה אל הצעירה אבינו זקן ואישׁ אין בארץ לבוא עלינו כדרך כל הארץ | |
| 32 | MTלכה נשׁקה את אבינו יין ונשׁכבה עמו ונחיה מאבינו זרע |
| SPלכי נשׁקה את אבינו יין ונשׁכבה עמו ונחיה מאבינו זרע | |
| 33 | MTותשׁקין את אביהן יין בלילה הוא ותבא הבכירה ותשׁכב את אביה ולא ידע בשׁכבה ובקומה |
| SPותשׁקיהן את אביהן יין בלילה ההוא ותבא הבכירה ותשׁכב את אביה ולא ידע בשׁכבה ובקומה | |
| 34 | MTויהי ממחרת ותאמר הבכירה אל הצעירה הן שׁכבתי אמשׁ את אבי נשׁקנו יין גם הלילה ובאי שׁכבי עמו ונחיה מאבינו זרע |
| SPויהי ממחרת ותאמר הבכירה אל הצעירה הנה שׁכבתי אמשׁ את אבי נשׁקינו יין גם הלילה ובאי שׁכבי עמו ונחיה מאבינו זרע | |
| 35 | MTותשׁקין גם בלילה ההוא את אביהן יין ותקם הצעירה ותשׁכב עמו ולא ידע בשׁכבה ובקמה |
| SPותשׁקיהן גם בלילה ההוא את אביהן יין ותקם הצעירה ותשׁכב עמו ולא ידע בשׁכבה ובקומה | |
| 36 | MTותהרין שׁתי בנות לוט מאביהן |
| SPותהרנה שׁתי בנות לוט מאביהן | |
| 37 | MTותלד הבכירה בן ותקרא שׁמו מואב הוא אבי מואב עד היום |
| SPותלד הבכירה בן ותקרא את שׁמו מואב הוא אבי מואב עד היום | |
| 38 | MTוהצעירה גם הוא ילדה בן ותקרא שׁמו בן עמי הוא אבי בני עמון עד היום |
| SPוהצעירה גם היא ילדה בן ותקרא את שׁמו בנ עמי הוא אבי בני עמון עד היום |