| 1 | MTוירא אליו יהוה באלני ממרא והוא ישׁב פתח האהל כחם היום |
| SPוירא אליו יהוה באלוני ממרא והוא ישׁב פתח האהל כחם היום | |
| 2 | MTוישׂא עיניו וירא והנה שׁלשׁה אנשׁים נצבים עליו וירא וירץ לקראתם מפתח האהל וישׁתחו ארצה |
| SPוישׂא עיניו וירא והנה שׁלשׁה אנושׁים נצבים עליו וירא וירץ לקראתם מפתח האהל וישׁתחוי ארצה | |
| 3 | MTויאמר אדני אם נא מצאתי חן בעיניך אל נא תעבר מעל עבדך |
| SPויאמר אדני אם נא מצאתי חן בעיניכם אל נא תעברו מעל עבדכם | |
| 4 | MTיקח נא מעט מים ורחצו רגליכם והשׁענו תחת העץ |
| SPיקח נא מעט מים ורחצו רגליכם והשׁעינו תחת העץ | |
| 5 | MTואקחה פת לחם וסעדו לבכם אחר תעברו כי על כן עברתם על עבדכם ויאמרו כן תעשׂה כאשׁר דברת |
| SPואקח פת לחם וסעדו לבבכם ואחר תעברו כי על כן עברתם על עבדכם ויאמרו כן תעשׂה כאשׁר דברת | |
| 6 | MTוימהר אברהם האהלה אל שׂרה ויאמר מהרי שׁלשׁ סאים קמח סלת לושׁי ועשׂי עגות |
| SPוימהר אברהם האהלה אל שׂרה ויאמר מהרי שׁלשׁ סים קמח סלת לושׁי ועשׂה עגות | |
| 7 | MTואל הבקר רץ אברהם ויקח בן בקר רך וטוב ויתן אל הנער וימהר לעשׂות אתו |
| SPואל הבקר רץ אברהם ויקח בן בקר רך וטוב ויתן אל הנער וימהר לעשׂותו | |
| 8 | MTויקח חמאה וחלב ובן הבקר אשׁר עשׂה ויתן לפניהם והוא עמד עליהם תחת העץ ויאכלו |
| SPויקח חמאה וחלב ואת בן הבקר אשׁר עשׂה ויתן לפניהם והוא עמד עליהם תחת העץ ויאכלו | |
| 9 | MTויאמרו אליו איה שׂרה אשׁתך ויאמר הנה באהל |
| SPויאמרו אליו איה שׂרה אשׁתך ויאמר הנה באהל | |
| 10 | MTויאמר שׁוב אשׁוב אליך כעת חיה והנה בן לשׂרה אשׁתך ושׂרה שׁמעת פתח האהל והוא אחריו |
| SPויאמר שׁוב אשׁוב אליך כעת חיה והנה בן לשׂרה אשׁתך ושׂרה שׁמעת פתח האהל והיא אחריו | |
| 11 | MTואברהם ושׂרה זקנים באים בימים חדל להיות לשׂרה ארח כנשׁים |
| SPואברהם ושׂרה זקנים באים בימים חדל להיות לשׂרה ארח כנשׁים | |
| 12 | MTותצחק שׂרה בקרבה לאמר אחרי בלתי היתה לי עדנה ואדני זקן |
| SPותצחק שׂרה בקרבה לאמר אחרי בלתי היתה לי עדנה ואדני זקן | |
| 13 | MTויאמר יהוה אל אברהם למה זה צחקה שׂרה לאמר האף אמנם אלד ואני זקנתי |
| SPויאמר יהוה אל אברהם למה זה צחקה שׂרה לאמר האף אמנם אלד ואני זקנתי | |
| 14 | MTהיפלא מיהוה דבר למועד אשׁוב אליך כעת חיה ולשׂרה בן |
| SPהיפלא מיהוה דבר למועד אשׁוב אליך כעת חיה ולשׂרה בן | |
| 15 | MTותכחשׁ שׂרה לאמר לא צחקתי כי יראה ויאמר לא כי צחקת |
| SPותכחשׁ שׂרה לאמר לא צחקתי כי יראה ויאמר לה כי צחקת | |
| 16 | MTויקמו משׁם האנשׁים וישׁקפו על פני סדם ואברהם הלך עמם לשׁלחם |
| SPויקמו משׁם האנושׁים וישׁקפו על פני סדם ואברהם הלך עמם לשׁלחם | |
| 17 | MTויהוה אמר המכסה אני מאברהם אשׁר אני עשׂה |
| SPויהוה אמר המכסה אני מאברהם את אשׁר אני עשׂה | |
| 18 | MTואברהם היו יהיה לגוי גדול ועצום ונברכו בו כל גויי הארץ |
| SPואברהם היו יהיה לגוי גדול ועצום ונברכו בו כל גוי הארץ | |
| 19 | MTכי ידעתיו למען אשׁר יצוה את בניו ואת ביתו אחריו ושׁמרו דרך יהוה לעשׂות צדקה ומשׁפט למען הביא יהוה על אברהם את אשׁר דבר עליו |
| SPכי ידעתי למען אשׁר יצוה אברהם את בניו ואת ביתו אחריו ושׁמרו דרך יהוה לעשׂות צדקה ומשׁפט למען הביא יהוה על אברהם את אשׁר דבר עליו | |
| 20 | MTויאמר יהוה זעקת סדם ועמרה כי רבה וחטאתם כי כבדה מאד |
| SPויאמר יהוה צעקת סדם ועמרה כי רבה וחטאתם כי כבדה מאד | |
| 21 | MTארדה נא ואראה הכצעקתה הבאה אלי עשׂו כלה ואם לא אדעה |
| SPארדה נא ואראה הך צעקתה הבאה אלי עשׂו כלה ואם לא אדעה | |
| 22 | MTויפנו משׁם האנשׁים וילכו סדמה ואברהם עודנו עמד לפני יהוה |
| SPויפנו משׁם האנושׁים וילכו סדמה ואברהם עודנו עמד לפני יהוה | |
| 23 | MTויגשׁ אברהם ויאמר האף תספה צדיק עם רשׁע |
| SPויגשׁ אברהם ויאמר האף תספה צדיק עם רשׁע | |
| 24 | MTאולי ישׁ חמשׁים צדיקם בתוך העיר האף תספה ולא תשׂא למקום למען חמשׁים הצדיקם אשׁר בקרבה |
| SPאולי ישׁ חמשׁים צדיקים בתוך העיר האף תספה ולא תשׂא למקום למען חמשׁים הצדקים אשׁר בקרבה | |
| 25 | MTחללה לך מעשׂת כדבר הזה להמית צדיק עם רשׁע והיה כצדיק כרשׁע חללה לך השׁפט כל הארץ לא יעשׂה משׁפט |
| SPחלילה לך מעשׂות כדבר הזה להמית צדיק עם רשׁע והיה כצדיק כרשׁע חלילה לך השׁפט כל הארץ לא יעשׂה משׁפט | |
| 26 | MTויאמר יהוה אם אמצא בסדם חמשׁים צדיקם בתוך העיר ונשׂאתי לכל המקום בעבורם |
| SPויאמר יהוה אם אמצא בסדם חמשׁים צדקים בתוך העיר ונשׂאתי לכל המקום בעבורם | |
| 27 | MTויען אברהם ויאמר הנה נא הואלתי לדבר אל אדני ואנכי עפר ואפר |
| SPויען אברהם ויאמר הנה נא הואלתי לדבר אל אדני ואנכי עפר ואפר | |
| 28 | MTאולי יחסרון חמשׁים הצדיקם חמשׁה התשׁחית בחמשׁה את כל העיר ויאמר לא אשׁחית אם אמצא שׁם ארבעים וחמשׁה |
| SPאולי יחסרון חמשׁים הצדקים חמשׁה התשׁחית בחמשׁה את כל העיר ויאמר לא אשׁחית אם אמצא שׁם ארבעים וחמשׁה | |
| 29 | MTויסף עוד לדבר אליו ויאמר אולי ימצאון שׁם ארבעים ויאמר לא אעשׂה בעבור הארבעים |
| SPויסף עוד לדבר אליו ויאמר אליו אולי ימצאון שׁם ארבעים ויאמר לא אשׁחית בעבור הארבעים | |
| 30 | MTויאמר אל נא יחר לאדני ואדברה אולי ימצאון שׁם שׁלשׁים ויאמר לא אעשׂה אם אמצא שׁם שׁלשׁים |
| SPויאמר אל נא יחר לאדני ואדברה אולי ימצאון שׁם שׁלשׁים ויאמר לא אשׁחית אם אמצא שׁם שׁלשׁים | |
| 31 | MTויאמר הנה נא הואלתי לדבר אל אדני אולי ימצאון שׁם עשׂרים ויאמר לא אשׁחית בעבור העשׂרים |
| SPויאמר הנה נא הואלתי לדבר אל אדני אולי ימצאון שׁם עשׂרים ויאמר לא אשׁחית בעבור העשׂרים | |
| 32 | MTויאמר אל נא יחר לאדני ואדברה אך הפעם אולי ימצאון שׁם עשׂרה ויאמר לא אשׁחית בעבור העשׂרה |
| SPויאמר אל נא יחר לאדני ואדברה אך הפעם אולי ימצאון שׁם עשׂרה ויאמר לא אשׁחית בעבור העשׂרה | |
| 33 | MTוילך יהוה כאשׁר כלה לדבר אל אברהם ואברהם שׁב למקמו |
| SPוילך יהוה כאשׁר כלה לדבר אל אברהם ואברהם שׁב למקומו |