| 1 | MTויהי אברם בן תשׁעים שׁנה ותשׁע שׁנים וירא יהוה אל אברם ויאמר אליו אני אל שׁדי התהלך לפני והיה תמים |
| SPויהי אברם בן תשׁעים ותשׁע שׁנים וירא יהוה אל אברם ויאמר אליו אני אל שׁדי התהלך לפני והוי תמים | |
| 2 | MTואתנה בריתי ביני ובינך וארבה אותך במאד מאד |
| SPואתנה בריתי ביני ובינך וארבה אתך במאד מאד | |
| 3 | MTויפל אברם על פניו וידבר אתו אלהים לאמר |
| SPויפל אברם על פניו וידבר אתו אלהים לאמר | |
| 4 | MTאני הנה בריתי אתך והיית לאב המון גוים |
| SPואני הנה בריתי אתך והיית לאב המון גוים | |
| 5 | MTולא יקרא עוד את שׁמך אברם והיה שׁמך אברהם כי אב המון גוים נתתיך |
| SPולא יקרא עוד שׁמך אברם והיה שׁמך אברהם כי אב המון גוים נתתיך | |
| 6 | MTוהפרתי אתך במאד מאד ונתתיך לגוים ומלכים ממך יצאו |
| SPוהפריתי אתך במאד מאד ונתתיך לגוים ומלכים ממך יצאו | |
| 7 | MTוהקמתי את בריתי ביני ובינך ובין זרעך אחריך לדרתם לברית עולם להיות לך לאלהים ולזרעך אחריך |
| SPוהקמתי את בריתי ביני ובינך ובין זרעך אחריך לדרתם לברית עולם להיות לך לאלהים ולזרעך אחריך | |
| 8 | MTונתתי לך ולזרעך אחריך את ארץ מגריך את כל ארץ כנען לאחזת עולם והייתי להם לאלהים |
| SPונתתי לך ולזרעך אחריך את ארץ מגריך את כל ארץ כנען לאחזת עולם והייתי להם לאלהים | |
| 9 | MTויאמר אלהים אל אברהם ואתה את בריתי תשׁמר אתה וזרעך אחריך לדרתם |
| SPויאמר אלהים אל אברהם ואתה את בריתי תשׁמר אתה וזרעך אחריך לדרותם | |
| 10 | MTזאת בריתי אשׁר תשׁמרו ביני וביניכם ובין זרעך אחריך המול לכם כל זכר |
| SPזאת בריתי אשׁר תשׁמרו ביני ובינכם ובין זרעך אחריך המול לכם כל זכר | |
| 11 | MTונמלתם את בשׂר ערלתכם והיה לאות ברית ביני וביניכם |
| SPונמלתם את בשׂר ערלתכם והיתה לאות ברית ביני ובינכם | |
| 12 | MTובן שׁמנת ימים ימול לכם כל זכר לדרתיכם יליד בית ומקנת כסף מכל בן נכר אשׁר לא מזרעך הוא |
| SPובן שׁמנת ימים ימול לכם כל זכר לדרתיכם יליד בית ומקנת כסף מכל בן נכר אשׁר לא מזרעך הוא | |
| 13 | MTהמול ימול יליד ביתך ומקנת כספך והיתה בריתי בבשׂרכם לברית עולם |
| SPהמול ימול ילידי ביתך ומקנת כספך והיתה בריתי בבשׂרכם לברית עולם | |
| 14 | MTוערל זכר אשׁר לא ימול את בשׂר ערלתו ונכרתה הנפשׁ ההוא מעמיה את בריתי הפר |
| SPוערל זכר אשׁר לא ימול את בשׂר ערלתו ביום השׁמיני ונכרתה הנפשׁ ההיא מעמיה את בריתי הפר | |
| 15 | MTויאמר אלהים אל אברהם שׂרי אשׁתך לא תקרא את שׁמה שׂרי כי שׂרה שׁמה |
| SPויאמר אלהים אל אברהם שׂרי אשׁתך לא תקרא את שׁמה שׂרי כי שׂרה שׁמה | |
| 16 | MTוברכתי אתה וגם נתתי ממנה לך בן וברכתיה והיתה לגוים מלכי עמים ממנה יהיו |
| SPוברכתי אתה וגם נתתי ממנה לך בן וברכתיו והיתה לגוים ומלכי עמים ממנה יהיו | |
| 17 | MTויפל אברהם על פניו ויצחק ויאמר בלבו הלבן מאה שׁנה יולד ואם שׂרה הבת תשׁעים שׁנה תלד |
| SPויפל אברהם על פניו ויצחק ויאמר בלבו הלבן מאת שׁנה אוליד ואם שׂרה הבת תשׁעים שׁנה תלד | |
| 18 | MTויאמר אברהם אל האלהים לו ישׁמעאל יחיה לפניך |
| SPויאמר אברהם אל האלהים לוי ישׁמעאל יחיה לפניך | |
| 19 | MTויאמר אלהים אבל שׂרה אשׁתך ילדת לך בן וקראת את שׁמו יצחק והקמתי את בריתי אתו לברית עולם לזרעו אחריו |
| SPויאמר אלהים אבל הנה שׂרה אשׁתך ילדת לך בן וקראת את שׁמו יצחק והקמתי את בריתי אתו לברית עולם ולזרעו אחריו | |
| 20 | MTולישׁמעאל שׁמעתיך הנה ברכתי אתו והפריתי אתו והרביתי אתו במאד מאד שׁנים עשׂר נשׂיאם יוליד ונתתיו לגוי גדול |
| SPולישׁמעאל שׁמעתיך הנה ברכתי אתו והפריתי אתו והרביתי אתו במאד מאד שׁנים עשׂר נשׂיאים יוליד ונתתיו לגוי גדול | |
| 21 | MTואת בריתי אקים את יצחק אשׁר תלד לך שׂרה למועד הזה בשׁנה האחרת |
| SPואת בריתי אקים את יצחק אשׁר תלד לך שׂרה למועד הזה בשׁנה האחרת | |
| 22 | MTויכל לדבר אתו ויעל אלהים מעל אברהם |
| SPויכל לדבר אתו ויעל אלהים מעל אברהם | |
| 23 | MTויקח אברהם את ישׁמעאל בנו ואת כל ילידי ביתו ואת כל מקנת כספו כל זכר באנשׁי בית אברהם וימל את בשׂר ערלתם בעצם היום הזה כאשׁר דבר אתו אלהים |
| SPויקח אברהם את ישׁמעאל בנו ואת כל ילידי ביתו ואת כל מקנת כספו כל זכר באנשׁי בית אברהם וימל את בשׂר ערלתם בעצם היום הזה כאשׁר דבר אתו אלהים | |
| 24 | MTואברהם בן תשׁעים ותשׁע שׁנה בהמלו בשׂר ערלתו |
| SPואברהם בן תשׁעים ותשׁע שׁנים בהמלו את בשׂר ערלתו | |
| 25 | MTוישׁמעאל בנו בן שׁלשׁ עשׂרה שׁנה בהמלו את בשׂר ערלתו |
| SPוישׁמעאל בנו בן שׁלשׁ עשׂרה שׁנה בהמלו את בשׂר ערלתו | |
| 26 | MTבעצם היום הזה נמול אברהם וישׁמעאל בנו |
| SPבעצם היום הזה נמל אברהם וישׁמעאל בנו | |
| 27 | MTוכל אנשׁי ביתו יליד בית ומקנת כסף מאת בן נכר נמלו אתו |
| SPוכל אנשׁי ביתו יליד בית ומקנת כסף מאת בן נכר נמלו אתו |