| 1 | MTושׂרי אשׁת אברם לא ילדה לו ולה שׁפחה מצרית ושׁמה הגר |
| SPושׂרי אשׁת אברם לא ילדה לו ולה שׁפחה מצרית ושׁמה הגר | |
| 2 | MTותאמר שׂרי אל אברם הנה נא עצרני יהוה מלדת בא נא אל שׁפחתי אולי אבנה ממנה וישׁמע אברם לקול שׂרי |
| SPותאמר שׂרי אל אברם הנה נא עצרני יהוה מלדת בא נא אל שׁפחתי אולי אבנה ממנה וישׁמע אברם לקול שׂרי | |
| 3 | MTותקח שׂרי אשׁת אברם את הגר המצרית שׁפחתה מקץ עשׂר שׁנים לשׁבת אברם בארץ כנען ותתן אתה לאברם אישׁה לו לאשׁה |
| SPותקח שׂרי אשׁת אברם את הגר המצרית שׁפחתה מקץ עשׂר שׁנים לשׁבת אברם בארץ כנען ותתן אתה לאברם אישׁה לו לאשׁה | |
| 4 | MTויבא אל הגר ותהר ותרא כי הרתה ותקל גברתה בעיניה |
| SPויבא אל הגר ותהר ותרא כי הרתה ותקל גברתה בעיניה | |
| 5 | MTותאמר שׂרי אל אברם חמסי עליך אנכי נתתי שׁפחתי בחיקך ותרא כי הרתה ואקל בעיניה ישׁפט יהוה ביני וביניך |
| SPותאמר שׂרי אל אברם חמסי עליך אנכי נתתי שׁפחתי בחיקך ותרא כי הרתה ואקל בעיניה ישׁפט יהוה ביני ובינך | |
| 6 | MTויאמר אברם אל שׂרי הנה שׁפחתך בידך עשׂי לה הטוב בעיניך ותענה שׂרי ותברח מפניה |
| SPויאמר אברם אל שׂרי הנה שׁפחתיך בידיך עשׂה לה הטוב בעיניך ותענה שׂרי ותברח מפניה | |
| 7 | MTוימצאה מלאך יהוה על עין המים במדבר על העין בדרך שׁור |
| SPוימצאה מלאך יהוה על עין המים במדבר על העין בדרך שׁור | |
| 8 | MTויאמר הגר שׁפחת שׂרי אי מזה באת ואנה תלכי ותאמר מפני שׂרי גברתי אנכי ברחת |
| SPויאמר הגר שׁפחת שׂרי אוי מזה באתי ואנה תלכי ותאמר מפני שׂרי גברתי אנכי ברחת | |
| 9 | MTויאמר לה מלאך יהוה שׁובי אל גברתך והתעני תחת ידיה |
| SPויאמר לה מלאך יהוה שׁובי אל גברתיך והתעני תחת ידה | |
| 10 | MTויאמר לה מלאך יהוה הרבה ארבה את זרעך ולא יספר מרב |
| SPויאמר לה מלאך יהוה הרבה ארבה את זרעיך ולא יספר מרב | |
| 11 | MTויאמר לה מלאך יהוה הנך הרה וילדת בן וקראת שׁמו ישׁמעאל כי שׁמע יהוה אל עניך |
| SPויאמר לה מלאך יהוה הנך הרה וילדת בן וקראת את שׁמו ישׁמעאל כי שׁמע יהוה אל עניך | |
| 12 | MTוהוא יהיה פרא אדם ידו בכל ויד כל בו ועל פני כל אחיו ישׁכן |
| SPוהוא יהיה פרה אדם ידו בכל ויד כל בו ועל פני כל אחיו ישׁכן | |
| 13 | MTותקרא שׁם יהוה הדבר אליה אתה אל ראי כי אמרה הגם הלם ראיתי אחרי ראי |
| SPותקרא שׁם יהוה הדבר אליה אתה אל ראה כי אמרה הגם הלם ראיתי אחרי ראה | |
| 14 | MTעל כן קרא לבאר באר לחי ראי הנה בין קדשׁ ובין ברד |
| SPעל כן קראה לבאר באר לחי ראה הנה בין קדשׁ ובין ברד | |
| 15 | MTותלד הגר לאברם בן ויקרא אברם שׁם בנו אשׁר ילדה הגר ישׁמעאל |
| SPותלד הגר לאברם בן ויקרא אברם את שׁם בנו אשׁר ילדה הגר ישׁמעאל | |
| 16 | MTואברם בן שׁמנים שׁנה ושׁשׁ שׁנים בלדת הגר את ישׁמעאל לאברם |
| SPואברם בן שׁמנים שׁנה ושׁשׁ שׁנים בלדת הגר את ישׁמעאל לאברם |