| 1 | MTאחר הדברים האלה היה דבר יהוה אל אברם במחזה לאמר אל תירא אברם אנכי מגן לך שׂכרך הרבה מאד |
| SPאחר הדברים האלה היה דבר יהוה אל אברם במחזה לאמר אל תירא אברם אנכי מגן לך ושׂכרך ארבה מאד | |
| 2 | MTויאמר אברם אדני יהוה מה תתן לי ואנכי הולך ערירי ובן משׁק ביתי הוא דמשׂק אליעזר |
| SPויאמר אברם אדני יהוה מה תתן לי ואנכי הלך עררי ובן משׁק ביתי הוא דמשׂק אליעזר | |
| 3 | MTויאמר אברם הן לי לא נתתה זרע והנה בן ביתי יורשׁ אתי |
| SPויאמר אברם הן לי לא נתתה זרע והנה בן ביתי יירשׁ אתי | |
| 4 | MTוהנה דבר יהוה אליו לאמר לא יירשׁך זה כי אם אשׁר יצא ממעיך הוא יירשׁך |
| SPוהנה דבר יהוה אליו לאמר לא יירשׁך זה כי אם אשׁר יצא ממעיך הוא יירשׁך | |
| 5 | MTויוצא אתו החוצה ויאמר הבט נא השׁמימה וספר הכוכבים אם תוכל לספר אתם ויאמר לו כה יהיה זרעך |
| SPויוצא אתו החוצה ויאמר הבט נא השׁמים וספר הכוכבים אם תוכל לספר אתם ויאמר לו כה יהיה זרעך | |
| 6 | MTוהאמן ביהוה ויחשׁבה לו צדקה |
| SPוהאמן ביהוה ויחשׁבה לו צדקה | |
| 7 | MTויאמר אליו אני יהוה אשׁר הוצאתיך מאור כשׂדים לתת לך את הארץ הזאת לרשׁתה |
| SPויאמר אליו אני יהוה אשׁר הוצאתיך מאור כשׂדים לתת לך את הארץ הזאת לרשׁתה | |
| 8 | MTויאמר אדני יהוה במה אדע כי אירשׁנה |
| SPויאמר אדני יהוה במה אדע כי איירשׁנה | |
| 9 | MTויאמר אליו קחה לי עגלה משׁלשׁת ועז משׁלשׁת ואיל משׁלשׁ ותר וגוזל |
| SPויאמר אליו קח לי עגלה משׁלשׁת ועז משׁלשׁת ואיל משׁלשׁ ותר וגוזל | |
| 10 | MTויקח לו את כל אלה ויבתר אתם בתוך ויתן אישׁ בתרו לקראת רעהו ואת הצפר לא בתר |
| SPויקח לו את כל אלה ויבתר אתם בתור ויתן אישׁ את בתרו לקראת רעהו ואת הצפורים לא בתר | |
| 11 | MTוירד העיט על הפגרים וישׁב אתם אברם |
| SPוירד העיט על הפגרים וישׁב אתם אברם | |
| 12 | MTויהי השׁמשׁ לבוא ותרדמה נפלה על אברם והנה אימה חשׁכה גדלה נפלת עליו |
| SPויהי השׁמשׁ לבוא ותרדמה נפלה על אברם והנה אימה חשׁכה גדלה נפלת עליו | |
| 13 | MTויאמר לאברם ידע תדע כי גר יהיה זרעך בארץ לא להם ועבדום וענו אתם ארבע מאות שׁנה |
| SPויאמר לאברם ידע תדע כי גר יהיה זרעך בארץ לא להם ועבדום וענו אתם ארבע מאות שׁנה | |
| 14 | MTוגם את הגוי אשׁר יעבדו דן אנכי ואחרי כן יצאו ברכשׁ גדול |
| SPוגם את הגוי אשׁר יעבדו דן אנכי ואחרי כן יצאו ברכושׁ גדול | |
| 15 | MTואתה תבוא אל אבתיך בשׁלום תקבר בשׂיבה טובה |
| SPואתה תבוא אל אבתיך בשׁלום תקבר בשׂיבה טובה | |
| 16 | MTודור רביעי ישׁובו הנה כי לא שׁלם עון האמרי עד הנה |
| SPודור הרביעי ישׁוב הנה כי לא שׁלם עון האמרי עד הנה | |
| 17 | MTויהי השׁמשׁ באה ועלטה היה והנה תנור עשׁן ולפיד אשׁ אשׁר עבר בין הגזרים האלה |
| SPויהי השׁמשׁ באה ועלטה היה והנה תנור עשׁן ולפיד אשׁ אשׁר עבר בין הגזרים האלה | |
| 18 | MTביום ההוא כרת יהוה את אברם ברית לאמר לזרעך נתתי את הארץ הזאת מנהר מצרים עד הנהר הגדל נהר פרת |
| SPביום ההוא כרת יהוה את אברם ברית לאמר לזרעך נתתי את הארץ הזאת מנהר מצרים עד הנהר הגדול נהר פרת | |
| 19 | MTאת הקיני ואת הקנזי ואת הקדמני |
| SPאת הקיני ואת הקנזי ואת הקדמוני | |
| 20 | MTואת החתי ואת הפרזי ואת הרפאים |
| SPואת החתי ואת הפרזי ואת הרפאים | |
| 21 | MTואת האמרי ואת הכנעני ואת הגרגשׁי ואת היבוסי |
| SPואת האמרי ואת הכנעני ואת הגרגשׁי ואת החוי ואת היבוסי |