| 1 | MTויהי בימי אמרפל מלך שׁנער אריוך מלך אלסר כדרלעמר מלך עילם ותדעל מלך גוים |
| SPויהי בימי אמרפל מלך שׁנער ואריוך מלך אלסר כדר לעמר מלך עילם ותדעל מלך גוים | |
| 2 | MTעשׂו מלחמה את ברע מלך סדם ואת ברשׁע מלך עמרה שׁנאב מלך אדמה ושׁמאבר מלך צביים ומלך בלע היא צער |
| SPעשׂו מלחמה את ברע מלך סדם ואת ברשׁע מלך עמרה ושׁנאב מלך אדמה ושׁמ אבד מלך צבואים ומלך בלע היא צער | |
| 3 | MTכל אלה חברו אל עמק השׂדים הוא ים המלח |
| SPכל אלה חברו אל עמק השׂדים הוא ים המלח | |
| 4 | MTשׁתים עשׂרה שׁנה עבדו את כדרלעמר ושׁלשׁ עשׂרה שׁנה מרדו |
| SPשׁתים עשׂרה שׁנה עבדו את כדר לעמר ובשׁלשׁ עשׂרה שׁנה מרדו | |
| 5 | MTובארבע עשׂרה שׁנה בא כדרלעמר והמלכים אשׁר אתו ויכו את רפאים בעשׁתרת קרנים ואת הזוזים בהם ואת האימים בשׁוה קריתים |
| SPובארבע עשׂרה שׁנה בא כדר לעמר והמלכים אשׁר אתו ויכו את הרפאים בעשׁתרות קרנים ואת הזוזים בחם ואת האימים בשׁבי קריתים | |
| 6 | MTואת החרי בהררם שׂעיר עד איל פארן אשׁר על המדבר |
| SPואת החרי בהררי שׂעיר עד איל פראן אשׁר על המדבר | |
| 7 | MTוישׁבו ויבאו אל עין משׁפט הוא קדשׁ ויכו את כל שׂדה העמלקי וגם את האמרי הישׁב בחצצן תמר |
| SPוישׁבו ויבאו אל עינ משׁפט היא קדשׁ ויכו את כל שׂדה העמלקי וגם את האמרי הישׁב בחצצונ תמר | |
| 8 | MTויצא מלך סדם ומלך עמרה ומלך אדמה ומלך צביים ומלך בלע הוא צער ויערכו אתם מלחמה בעמק השׂדים |
| SPויצא מלך סדם ומלך עמרה ומלך אדמה ומלך צבואים ומלך בלע הוא צער ויערכו אתם מלחמה בעמק השׂדים | |
| 9 | MTאת כדרלעמר מלך עילם ותדעל מלך גוים ואמרפל מלך שׁנער ואריוך מלך אלסר ארבעה מלכים את החמשׁה |
| SPאת כדר לעמר מלך עילם ותדעל מלך גוים אמרפל מלך שׁנער ואריוך מלך אלסר ארבעה מלכים את החמשׁה | |
| 10 | MTועמק השׂדים בארת בארת חמר וינסו מלך סדם ועמרה ויפלו שׁמה והנשׁארים הרה נסו |
| SPועמק השׂדים בארות בארות חימר וינסו מלך סדם ומלך עמרה ויפלו שׁם והנשׁארים ההרה נסו | |
| 11 | MTויקחו את כל רכשׁ סדם ועמרה ואת כל אכלם וילכו |
| SPויקחו את כל רכושׁ סדם ועמרה ואת כל אכלם וילכו | |
| 12 | MTויקחו את לוט ואת רכשׁו בן אחי אברם וילכו והוא ישׁב בסדם |
| SPויקחו את לוט ואת כל רכושׁו בן אחי אברם וילך והוא ישׁב בסדם | |
| 13 | MTויבא הפליט ויגד לאברם העברי והוא שׁכן באלני ממרא האמרי אחי אשׁכל ואחי ענר והם בעלי ברית אברם |
| SPויבא הפליט ויגד לאברם העברי והוא שׁכן באלוני ממרא האמרי אחי אשׁכול ואחי ענרם והם בעלי ברית אברם | |
| 14 | MTוישׁמע אברם כי נשׁבה אחיו וירק את חניכיו ילידי ביתו שׁמנה עשׂר ושׁלשׁ מאות וירדף עד דן |
| SPוישׁמע אברם כי נשׁבא אחיו וידק את חניכיו ילידי ביתו שׁמנה עשׂר ושׁלשׁ מאות וירדף עד דן | |
| 15 | MTויחלק עליהם לילה הוא ועבדיו ויכם וירדפם עד חובה אשׁר משׂמאל לדמשׂק |
| SPויחלק עליהם לילה הוא ועבדיו ויכם וירדפם עד חובה אשׁר משׂמאל לדמשׂק | |
| 16 | MTוישׁב את כל הרכשׁ וגם את לוט אחיו ורכשׁו השׁיב וגם את הנשׁים ואת העם |
| SPוישׁב את כל הרכושׁ וגם את לוט אחיו ורכושׁו השׁיב וגם את הנשׁים ואת העם | |
| 17 | MTויצא מלך סדם לקראתו אחרי שׁובו מהכות את כדר לעמר ואת המלכים אשׁר אתו אל עמק שׁוה הוא עמק המלך |
| SPויצא מלך סדם לקראתו אחרי שׁובו מהכות את כדר לעמר ואת המלכים אשׁר אתו אל עמק השׁוי הוא עמק המלך | |
| 18 | MTומלכי צדק מלך שׁלם הוציא לחם ויין והוא כהן לאל עליון |
| SPומלכי צדק מלך שׁלם הוציא לחם ויין והוא כהן לאל עליון | |
| 19 | MTויברכהו ויאמר ברוך אברם לאל עליון קנה שׁמים וארץ |
| SPויברך את אברם ויאמר ברוך אברם לאל עליון קנה שׁמים וארץ | |
| 20 | MTוברוך אל עליון אשׁר מגן צריך בידך ויתן לו מעשׂר מכל |
| SPוברוך אל עליון אשׁר מגן צריך בידך ויתן לו מעשׂר מכל | |
| 21 | MTויאמר מלך סדם אל אברם תן לי הנפשׁ והרכשׁ קח לך |
| SPויאמר מלך סדם אל אברם תנה לי הנפשׁ והרכושׁ קח לך | |
| 22 | MTויאמר אברם אל מלך סדם הרימתי ידי אל יהוה אל עליון קנה שׁמים וארץ |
| SPויאמר אברם אל מלך סדם הרמתי את ידי אל האלהים אל עליון קנה שׁמים וארץ | |
| 23 | MTאם מחוט ועד שׂרוך נעל ואם אקח מכל אשׁר לך ולא תאמר אני העשׁרתי את אברם |
| SPאם מחוט ועד שׂרוג נעל אם אקח מכל אשׁר לך ולא תאמר אנכי אעשׁרתי את אברם | |
| 24 | MTבלעדי רק אשׁר אכלו הנערים וחלק האנשׁים אשׁר הלכו אתי ענר אשׁכל וממרא הם יקחו חלקם |
| SPבלעדי רק אשׁר אכלו הנערים וחלק האנשׁים אשׁר הלכו אתי ענרם ואשׁכול וממרא הם יקחו חלקם |