| 1 | MTויעל אברם ממצרים הוא ואשׁתו וכל אשׁר לו ולוט עמו הנגבה |
| SPויעל אברם ממצרים הוא ואשׁתו וכל אשׁר לו ולוט עמו הנגבה | |
| 2 | MTואברם כבד מאד במקנה בכסף ובזהב |
| SPואברם כבד מאד במקנה בכסף ובזהב | |
| 3 | MTוילך למסעיו מנגב ועד בית אל עד המקום אשׁר היה שׁם אהלה בתחלה בין בית אל ובין העי |
| SPוילך למסעיו מנגב ועד בית אל עד המקום אשׁר היה שׁם אהלו בתחלה בין בית אל ובין העי | |
| 4 | MTאל מקום המזבח אשׁר עשׂה שׁם בראשׁנה ויקרא שׁם אברם בשׁם יהוה |
| SPאל מקום המזבח אשׁר עשׂה שׁם בראישׁונה ויקרא שׁם אברם בשׁם יהוה | |
| 5 | MTוגם ללוט ההלך את אברם היה צאן ובקר ואהלים |
| SPוגם ללוט ההלך את אברם היה צאן ובקר ואהלים | |
| 6 | MTולא נשׂא אתם הארץ לשׁבת יחדו כי היה רכושׁם רב ולא יכלו לשׁבת יחדו |
| SPולא נשׂאה אתם הארץ לשׁבת יחדו כי היה רכושׁם רב ולא יכלו לשׁבת יחדו | |
| 7 | MTויהי ריב בין רעי מקנה אברם ובין רעי מקנה לוט והכנעני והפרזי אז ישׁב בארץ |
| SPויהי ריב בין רעי מקנה אברם ובין רעי מקנה לוט והכנעני והפרזי אז ישׁבים בארץ | |
| 8 | MTויאמר אברם אל לוט אל נא תהי מריבה ביני וביניך ובין רעי ובין רעיך כי אנשׁים אחים אנחנו |
| SPויאמר אברם אל לוט אל נא תהיה מריבה ביני ובינך ובין רעי ובין רעיך כי אנשׁים אחים אנחנו | |
| 9 | MTהלא כל הארץ לפניך הפרד נא מעלי אם השׂמאל ואימנה ואם הימין ואשׂמאילה |
| SPהלוא כל הארץ לפניך הפרד נא מעלי אם השׂמאלה והימינה ואם הימינה והשׂמאלה | |
| 10 | MTוישׂא לוט את עיניו וירא את כל ככר הירדן כי כלה משׁקה לפני שׁחת יהוה את סדם ואת עמרה כגן יהוה כארץ מצרים באכה צער |
| SPוישׂא לוט את עיניו וירא את כל ככר הירדן כי כלו משׁקה לפני שׁחת יהוה את סדם ואת עמרה כגן יהוה כארץ מצרים באכה צערה | |
| 11 | MTויבחר לו לוט את כל ככר הירדן ויסע לוט מקדם ויפרדו אישׁ מעל אחיו |
| SPויבחר לו לוט את כל ככר הירדן ויסע לוט מקדם ויפרדו אישׁ מעל אחיו | |
| 12 | MTאברם ישׁב בארץ כנען ולוט ישׁב בערי הככר ויאהל עד סדם |
| SPאברם ישׁב בארץ כנען ולוט ישׁב בערי הככר ויאהל עד סדם | |
| 13 | MTואנשׁי סדם רעים וחטאים ליהוה מאד |
| SPואנשׁי סדם רעים וחטאים ליהוה מאד | |
| 14 | MTויהוה אמר אל אברם אחרי הפרד לוט מעמו שׂא נא עיניך וראה מן המקום אשׁר אתה שׁם צפנה ונגבה וקדמה וימה |
| SPויהוה אמר אל אברם אחרי הפרד לוט מעמו שׂא נא עיניך וראה מן המקום אשׁר אתה שׁם צפונה ונגבה וקדמה וימה | |
| 15 | MTכי את כל הארץ אשׁר אתה ראה לך אתננה ולזרעך עד עולם |
| SPכי את כל הארץ אשׁר אתה ראה לך אתננה ולזרעך עד עולם | |
| 16 | MTושׂמתי את זרעך כעפר הארץ אשׁר אם יוכל אישׁ למנות את עפר הארץ גם זרעך ימנה |
| SPושׂמתי את זרעך כעפר הארץ אשׁר אם יוכל אישׁ למנות את עפר הארץ גם זרעך ימנה | |
| 17 | MTקום התהלך בארץ לארכה ולרחבה כי לך אתננה |
| SPקום התהלך בארץ לארכה ולרחבה כי לך אתננה | |
| 18 | MTויאהל אברם ויבא וישׁב באלני ממרא אשׁר בחברון ויבן שׁם מזבח ליהוה |
| SPויאל אברם ויבא וישׁב באלוני ממרא אשׁר בחברון ויבן שׁם מזבח ליהוה |