| 1 | MTויאמר יהוה אל אברם לך לך מארצך וממולדתך ומבית אביך אל הארץ אשׁר אראך |
| SPויאמר יהוה אל אברם לך לך מארצך וממולדתך ומבית אביך אל הארץ אשׁר אראך | |
| 2 | MTואעשׂך לגוי גדול ואברכך ואגדלה שׁמך והיה ברכה |
| SPואעשׂך לגוי גדול ואברכך ואגדלה שׁמך והוי ברכה | |
| 3 | MTואברכה מברכיך ומקללך אאר ונברכו בך כל משׁפחת האדמה |
| SPואברך מברכיך ומקלליך אאר ונברכו בך כל משׁפחות האדמה | |
| 4 | MTוילך אברם כאשׁר דבר אליו יהוה וילך אתו לוט ואברם בן חמשׁ שׁנים ושׁבעים שׁנה בצאתו מחרן |
| SPוילך אברם כאשׁר דבר אליו יהוה וילך אתו לוט ואברם בן חמשׁ שׁנים ושׁבעים שׁנה בצאתו מחרן | |
| 5 | MTויקח אברם את שׂרי אשׁתו ואת לוט בן אחיו ואת כל רכושׁם אשׁר רכשׁו ואת הנפשׁ אשׁר עשׂו בחרן ויצאו ללכת ארצה כנען ויבאו ארצה כנען |
| SPויקח אברם את שׂרי אשׁתו ואת לוט בן אחיו ואת כל רכושׁם אשׁר רכשׁו ואת הנפשׁ אשׁר עשׂו בחרן ויצאו ללכת ארצה כנען ויבאו ארצה כנען | |
| 6 | MTויעבר אברם בארץ עד מקום שׁכם עד אלון מורה והכנעני אז בארץ |
| SPויעבר אברם בארץ עד מקום שׁכם עד אלון מורא והכנעני אז בארץ | |
| 7 | MTוירא יהוה אל אברם ויאמר לזרעך אתן את הארץ הזאת ויבן שׁם מזבח ליהוה הנראה אליו |
| SPוירא יהוה אל אברם ויאמר לו לזרעך אתן את הארץ הזאת ויבן שׁם מזבח ליהוה הנראה אליו | |
| 8 | MTויעתק משׁם ההרה מקדם לבית אל ויט אהלה בית אל מים והעי מקדם ויבן שׁם מזבח ליהוה ויקרא בשׁם יהוה |
| SPויעתק משׁם ההרה מקדם לבית אל ויט אהלו בית אל מים והעי מקדם ויבן שׁם מזבח ליהוה ויקרא בשׁם יהוה | |
| 9 | MTויסע אברם הלוך ונסוע הנגבה |
| SPויסע אברם הלוך ונסע הנגבה | |
| 10 | MTויהי רעב בארץ וירד אברם מצרימה לגור שׁם כי כבד הרעב בארץ |
| SPויהי רעב בארץ וירד אברם מצרימה לגור שׁם כי כבד הרעב בארץ | |
| 11 | MTויהי כאשׁר הקריב לבוא מצרימה ויאמר אל שׂרי אשׁתו הנה נא ידעתי כי אשׁה יפת מראה את |
| SPויהי כאשׁר הקריב לבוא מצרימה ויאמר אל שׂרי אשׁתו הנה נא ידעתי כי אשׁה יפת מראה אתי | |
| 12 | MTוהיה כי יראו אתך המצרים ואמרו אשׁתו זאת והרגו אתי ואתך יחיו |
| SPוהיה כי יראו אתיך המצרים ואמרו אשׁתו זאת והרגו אתי ואתיך יחיו | |
| 13 | MTאמרי נא אחתי את למען ייטב לי בעבורך וחיתה נפשׁי בגללך |
| SPאמרי נא אחותי אתי למען ייטב לי בעבוריך וחיתה נפשׁי בגלליך | |
| 14 | MTויהי כבוא אברם מצרימה ויראו המצרים את האשׁה כי יפה הוא מאד |
| SPויהי כבוא אברם מצרימה ויראו המצרים את האשׁה כי יפה היא מאד | |
| 15 | MTויראו אתה שׂרי פרעה ויהללו אתה אל פרעה ותקח האשׁה בית פרעה |
| SPויראו אתה שׂרי פרעה ויהללו אתה אל פרעה ותקח האשׁה ביתה פרעה | |
| 16 | MTולאברם היטיב בעבורה ויהי לו צאן ובקר וחמרים ועבדים ושׁפחת ואתנת וגמלים |
| SPולאברם הייטב בעבורה ויהי לו צאן ובקר מקנה כבד מאד עבדים ושׁפחות וחמרים ואתנות וגמלים | |
| 17 | MTוינגע יהוה את פרעה נגעים גדלים ואת ביתו על דבר שׂרי אשׁת אברם |
| SPוינגע יהוה את פרעה נגעים גדלים ואת ביתו על דבר שׂרי אשׁת אברם | |
| 18 | MTויקרא פרעה לאברם ויאמר מה זאת עשׂית לי למה לא הגדת לי כי אשׁתך הוא |
| SPויקרא פרעה לאברם ויאמר מה זאת עשׂית לי למה לא הגדת לי כי אשׁתך היא | |
| 19 | MTלמה אמרת אחתי הוא ואקח אתה לי לאשׁה ועתה הנה אשׁתך קח ולך |
| SPולמה אמרת אחותי היא ואקח אתה לי לאשׁה ועתה הנה אשׁתך קח ולך | |
| 20 | MTויצו עליו פרעה אנשׁים וישׁלחו אתו ואת אשׁתו ואת כל אשׁר לו |
| SPויצו עליו פרעה אנשׁים וישׁלחו אתו ואת אשׁתו ואת כל אשׁר לו ולוט עמו |