| 1 | MTויהי כל הארץ שׂפה אחת ודברים אחדים |
| SPויהי כל הארץ שׂפה אחת ודברים אחדים | |
| 2 | MTויהי בנסעם מקדם וימצאו בקעה בארץ שׁנער וישׁבו שׁם |
| SPויהי בנסעם מקדם וימצאו בקעה בארץ שׁנער וישׁבו שׁם | |
| 3 | MTויאמרו אישׁ אל רעהו הבה נלבנה לבנים ונשׂרפה לשׂרפה ותהי להם הלבנה לאבן והחמר היה להם לחמר |
| SPויאמרו אישׁ אל רעהו הבה נלבנה לבנים ונשׂרפה לשׂרפה ותהי להם הלבנה לאבן והחימר היה להם לחימר | |
| 4 | MTויאמרו הבה נבנה לנו עיר ומגדל וראשׁו בשׁמים ונעשׂה לנו שׁם פן נפוץ על פני כל הארץ |
| SPויאמרו הבה נבנה לנו עיר ומגדל וראשׁו בשׁמים ונעשׂה לנו שׁם פן נפוץ על פני כל הארץ | |
| 5 | MTוירד יהוה לראת את העיר ואת המגדל אשׁר בנו בני האדם |
| SPוירד יהוה לראות את העיר ואת המגדל אשׁר בנו בני האדם | |
| 6 | MTויאמר יהוה הן עם אחד ושׂפה אחת לכלם וזה החלם לעשׂות ועתה לא יבצר מהם כל אשׁר יזמו לעשׂות |
| SPויאמר יהוה הן עם אחד ושׂפה אחת לכלם וזה החלם לעשׂות ועתה לא יבצר מהם כל אשׁר יזמנו לעשׂות | |
| 7 | MTהבה נרדה ונבלה שׁם שׂפתם אשׁר לא ישׁמעו אישׁ שׂפת רעהו |
| SPהבה נרדה ונבלה שׁם שׂפתים אשׁר לא ישׁמע אישׁ את שׂפת רעהו | |
| 8 | MTויפץ יהוה אתם משׁם על פני כל הארץ ויחדלו לבנת העיר |
| SPויפץ יהוה אתם משׁם על פני כל הארץ ויחדלו לבנות את העיר ואת המגדל | |
| 9 | MTעל כן קרא שׁמה בבל כי שׁם בלל יהוה שׂפת כל הארץ ומשׁם הפיצם יהוה על פני כל הארץ |
| SPעל כן קרא שׁמה בבל כי שׁם בלל יהוה את שׂפת כל הארץ ומשׁם הפיצם יהוה על פני כל הארץ | |
| 10 | MTאלה תולדת שׁם שׁם בן מאת שׁנה ויולד את ארפכשׁד שׁנתים אחר המבול |
| SPאלה תולדת שׁם שׁם בן מאת שׁנה ויוליד את ארפכשׁד שׁנתים אחרי המבול | |
| 11 | MTויחי שׁם אחרי הולידו את ארפכשׁד חמשׁ מאות שׁנה ויולד בנים ובנות |
| SPויחי שׁם אחרי הולידו את ארפכשׁד חמשׁ מאות שׁנה ויוליד בנים ובנות ויהיו כל ימי שׁם שׁשׁ מאות שׁנה וימת | |
| 12 | MTוארפכשׁד חי חמשׁ ושׁלשׁים שׁנה ויולד את שׁלח |
| SPוארפכשׁד חי חמשׁ ושׁלשׁים ומאת שׁנה ויוליד את שׁלח | |
| 13 | MTויחי ארפכשׁד אחרי הולידו את שׁלח שׁלשׁ שׁנים וארבע מאות שׁנה ויולד בנים ובנות |
| SPויחי ארפכשׁד אחרי הולידו את שׁלח שׁלשׁ שׁנים ושׁלשׁ מאות שׁנה ויוליד בנים ובנות ויהיו כל ימי ארפכשׁד שׁמנה ושׁלשׁים שׁנה וארבע מאות שׁנה וימת | |
| 14 | MTושׁלח חי שׁלשׁים שׁנה ויולד את עבר |
| SPויחי שׁלח שׁלשׁים שׁנה ומאת שׁנה ויוליד את עבר | |
| 15 | MTויחי שׁלח אחרי הולידו את עבר שׁלשׁ שׁנים וארבע מאות שׁנה ויולד בנים ובנות |
| SPויחי שׁלח אחרי הולידו את עבר שׁלשׁ שׁנים ושׁלשׁ מאות שׁנה ויוליד בנים ובנות ויהיו כל ימי שׁלח שׁלשׁ ושׁלשׁים שׁנה וארבע מאות שׁנה וימת | |
| 16 | MTויחי עבר ארבע ושׁלשׁים שׁנה ויולד את פלג |
| SPויחי עבר ארבע ושׁלשׁים ומאת שׁנה ויוליד את פלג | |
| 17 | MTויחי עבר אחרי הולידו את פלג שׁלשׁים שׁנה וארבע מאות שׁנה ויולד בנים ובנות |
| SPויחי עבר אחרי הולידו את פלג שׁבעים שׁנה ומאתים שׁנה ויוליד בנים ובנות ויהיו כל ימי עבר ארבע שׁנים וארבע מאות שׁנה וימת | |
| 18 | MTויחי פלג שׁלשׁים שׁנה ויולד את רעו |
| SPויחי פלג שׁלשׁים שׁנה ומאת שׁנה ויוליד את רעו | |
| 19 | MTויחי פלג אחרי הולידו את רעו תשׁע שׁנים ומאתים שׁנה ויולד בנים ובנות |
| SPויחי פלג אחרי הולידו את רעו תשׁע שׁנים ומאת שׁנה ויוליד בנים ובנות ויהיו כל ימי פלג תשׁע ושׁלשׁים ומאתים שׁנה וימת | |
| 20 | MTויחי רעו שׁתים ושׁלשׁים שׁנה ויולד את שׂרוג |
| SPויחי רעו שׁתים ושׁלשׁים ומאת שׁנה ויוליד את שׂרוג | |
| 21 | MTויחי רעו אחרי הולידו את שׂרוג שׁבע שׁנים ומאתים שׁנה ויולד בנים ובנות |
| SPויחי רעו אחרי הולידו את שׂרוג שׁבע שׁנים ומאת שׁנה ויוליד בנים ובנות ויהיו כל ימי רעו תשׁע ושׁלשׁים ומאתים שׁנה וימת | |
| 22 | MTויחי שׂרוג שׁלשׁים שׁנה ויולד את נחור |
| SPויחי שׂרוג שׁלשׁים שׁנה ומאת שׁנה ויוליד את נחור | |
| 23 | MTויחי שׂרוג אחרי הולידו את נחור מאתים שׁנה ויולד בנים ובנות |
| SPויחי שׂרוג אחרי הולידו את נחור מאת שׁנה ויוליד בנים ובנות ויהיו כל ימי שׂרוג שׁלשׁים שׁנה ומאתים שׁנה וימת | |
| 24 | MTויחי נחור תשׁע ועשׂרים שׁנה ויולד את תרח |
| SPויחי נחור תשׁע ושׁבעים שׁנה ויוליד את תרח | |
| 25 | MTויחי נחור אחרי הולידו את תרח תשׁע עשׂרה שׁנה ומאת שׁנה ויולד בנים ובנות |
| SPויחי נחור אחרי הולידו את תרח תשׁע שׁנים ושׁשׁים שׁנה ויוליד בנים ובנות ויהיו כל ימי נחור שׁמנה וארבעים שׁנה ומאת שׁנה וימת | |
| 26 | MTויחי תרח שׁבעים שׁנה ויולד את אברם את נחור ואת הרן |
| SPויחי תרח שׁבעים שׁנה ויוליד את אברם ואת נחור ואת הרן | |
| 27 | MTואלה תולדת תרח תרח הוליד את אברם את נחור ואת הרן והרן הוליד את לוט |
| SPאלה תולדת תרח תרח הוליד את אברם ואת נחור ואת הרן והרן הוליד את לוט | |
| 28 | MTוימת הרן על פני תרח אביו בארץ מולדתו באור כשׂדים |
| SPוימת הרן על פני תרח אביו בארץ מולדתו באור כשׂדים | |
| 29 | MTויקח אברם ונחור להם נשׁים שׁם אשׁת אברם שׂרי ושׁם אשׁת נחור מלכה בת הרן אבי מלכה ואבי יסכה |
| SPויקח אברם ונחור להם נשׁים שׁם אשׁת אברם שׂרי ושׁם אשׁת נחור מלכה בת הרן אבי מלכה ואבי יסכה | |
| 30 | MTותהי שׂרי עקרה אין לה ולד |
| SPותהי שׂרי עקרה אין לה ילד | |
| 31 | MTויקח תרח את אברם בנו ואת לוט בן הרן בן בנו ואת שׂרי כלתו אשׁת אברם בנו ויצאו אתם מאור כשׂדים ללכת ארצה כנען ויבאו עד חרן וישׁבו שׁם |
| SPויקח תרח את אברם בנו ואת לוט בן הרן בן בנו ואת שׂרי ואת מלכה כלותו אשׁת אברם ונחור בניו ויוצא אתם מאור כשׂדים ללכת ארצה כנען ויבאו עד חרן וישׁבו שׁם | |
| 32 | MTויהיו ימי תרח חמשׁ שׁנים ומאתים שׁנה וימת תרח בחרן |
| SPויהיו ימי תרח חמשׁ שׁנים וארבעים ומאת שׁנה וימת תרח בחרן |