| 1 | MTואלה תולדת בני נח שׁם חם ויפת ויולדו להם בנים אחר המבול |
| SPואלה תולדת בני נח שׁם חם ויפת ויולידו להם בנים אחרי המבול | |
| 2 | MTבני יפת גמר ומגוג ומדי ויון ותבל ומשׁך ותירס |
| SPבני יפת גמר ומגוג מדי ויון תובל מושׁך ותירס | |
| 3 | MTובני גמר אשׁכנז וריפת ותגרמה |
| SPובני גמר אשׁכנז ריפת ותגרמה | |
| 4 | MTובני יון אלישׁה ותרשׁישׁ כתים ודדנים |
| SPובני יון אלישׁ תרשׁישׁ כתים ורודנים | |
| 5 | MTמאלה נפרדו איי הגוים בארצתם אישׁ ללשׁנו למשׁפחתם בגויהם |
| SPמאלה נפרדו איי הגוים בארצותם אישׁ ללשׁנו למשׁפחותם בגויהם | |
| 6 | MTובני חם כושׁ ומצרים ופוט וכנען |
| SPובני חם כושׁ ומצרים פוט וכנען | |
| 7 | MTובני כושׁ סבא וחוילה וסבתה ורעמה וסבתכא ובני רעמה שׁבא ודדן |
| SPובני כושׁ סבה וחוילה סבתה ורעמה וסבתכה ובני רעמה שׁבא ודדן | |
| 8 | MTוכושׁ ילד את נמרד הוא החל להיות גבר בארץ |
| SPוכושׁ הוליד את נמרוד הוא החל להיות גבור בארץ | |
| 9 | MTהוא היה גבר ציד לפני יהוה על כן יאמר כנמרד גבור ציד לפני יהוה |
| SPהוא היה גבור ציד לפני יהוה על כן יאמר כנמרוד גבור ציד לפני יהוה | |
| 10 | MTותהי ראשׁית ממלכתו בבל וארך ואכד וכלנה בארץ שׁנער |
| SPותהי ראשׁית ממלכתו בבל וארך ואכד וכלנה בארץ שׁנער | |
| 11 | MTמן הארץ ההוא יצא אשׁור ויבן את נינוה ואת רחבת עיר ואת כלח |
| SPמן הארץ ההיא יצא אשׁור ויבן את נינוה ואת רחבות עיר ואת כלח | |
| 12 | MTואת רסן בין נינוה ובין כלח הוא העיר הגדלה |
| SPואת רסן בין נינוה ובין כלח היא העיר הגדלה | |
| 13 | MTומצרים ילד את לודים ואת ענמים ואת להבים ואת נפתחים |
| SPומצרים ילד את לדים ואת עינמים ואת להבים ואת נפתחים | |
| 14 | MTואת פתרסים ואת כסלחים אשׁר יצאו משׁם פלשׁתים ואת כפתרים |
| SPואת פתרסים ואת כסלחים אשׁר יצאו משׁם פלשׁתים ואת כפתרים | |
| 15 | MTוכנען ילד את צידן בכרו ואת חת |
| SPוכנען ילד את צידון בכורו ואת החת | |
| 16 | MTואת היבוסי ואת האמרי ואת הגרגשׁי |
| SPואת היבוסי ואת האמרי ואת הגרגשׁי | |
| 17 | MTואת החוי ואת הערקי ואת הסיני |
| SPואת החוי ואת הערוקי ואת הסיני | |
| 18 | MTואת הארודי ואת הצמרי ואת החמתי ואחר נפצו משׁפחות הכנעני |
| SPואת הארודי ואת הצמרי ואת החמתי ואחר נפצה משׁפחת הכנעני | |
| 19 | MTויהי גבול הכנעני מצידן באכה גררה עד עזה באכה סדמה ועמרה ואדמה וצבים עד לשׁע |
| SPויהי גבול הכנעני מנהר מצרים עד הנהר הגדול נהר פרת ועד הים האחרון | |
| 20 | MTאלה בני חם למשׁפחתם ללשׁנתם בארצתם בגויהם |
| SPאלה בני חם למשׁפחותם ללשׁנותם בארצותם לגויהם | |
| 21 | MTולשׁם ילד גם הוא אבי כל בני עבר אחי יפת הגדול |
| SPולשׁם ילד גם הוא אבי כל בני עבר אחי יפת הגדול | |
| 22 | MTבני שׁם עילם ואשׁור וארפכשׁד ולוד וארם |
| SPבני שׁם עילם ואשׁור וארפכשׁד ולד וארם | |
| 23 | MTובני ארם עוץ וחול וגתר ומשׁ |
| SPובני ארם עוץ וחויל גתר ומשׁא | |
| 24 | MTוארפכשׁד ילד את שׁלח ושׁלח ילד את עבר |
| SPוארפכשׁד ילד את שׁלח ושׁלח ילד את עבר | |
| 25 | MTולעבר ילד שׁני בנים שׁם האחד פלג כי בימיו נפלגה הארץ ושׁם אחיו יקטן |
| SPולעבר ילדו שׁני בנים שׁם האחד פלג כי בימיו נפלגה הארץ ושׁם אחיו יקטן | |
| 26 | MTויקטן ילד את אלמודד ואת שׁלף ואת חצרמות ואת ירח |
| SPויקטן ילד את אלמודד ואת שׁלף ואת חצרמות ואת ירח | |
| 27 | MTואת הדורם ואת אוזל ואת דקלה |
| SPואת אדורם ואת עיזל ואת דקלה | |
| 28 | MTואת עובל ואת אבימאל ואת שׁבא |
| SPואת עיבל ואת אבימאל ואת שׁבא | |
| 29 | MTואת אופר ואת חוילה ואת יובב כל אלה בני יקטן |
| SPואת אפר ואת חוילה ואת יובב כל אלה בני יקטן | |
| 30 | MTויהי מושׁבם ממשׁא באכה ספרה הר הקדם |
| SPויהי מושׁבם ממשׁא באכה ספרה הר הקדם | |
| 31 | MTאלה בני שׁם למשׁפחתם ללשׁנתם בארצתם לגויהם |
| SPאלה בני שׁם למשׁפחותם ללשׁנותם בארצותם לגויהם | |
| 32 | MTאלה משׁפחת בני נח לתולדתם בגויהם ומאלה נפרדו הגוים בארץ אחר המבול |
| SPאלה משׁפחות בני נח לתולדתם בגויהם מאלה נפרדו איי הגוים בארץ אחרי המבול |