| 1 | MTויברך אלהים את נח ואת בניו ויאמר להם פרו ורבו ומלאו את הארץ |
| SPויברך אלהים את נח ואת בניו ויאמר להם פרו ורבו ומלאו את הארץ | |
| 2 | MTומוראכם וחתכם יהיה על כל חית הארץ ועל כל עוף השׁמים בכל אשׁר תרמשׂ האדמה ובכל דגי הים בידכם נתנו |
| SPומראכם וחתתכם יהיה על כל חית הארץ ועל כל עוף השׁמים ובכל אשׁר תרמשׂ האדמה ובכל דגי הים בידכם נתתיו | |
| 3 | MTכל רמשׂ אשׁר הוא חי לכם יהיה לאכלה כירק עשׂב נתתי לכם את כל |
| SPכל רמשׂ אשׁר הוא חי לכם יהיה לאכלה כירק עשׂב נתתי לכם את הכל | |
| 4 | MTאך בשׂר בנפשׁו דמו לא תאכלו |
| SPאך בשׂר בנפשׁו דמו לא תאכלו | |
| 5 | MTואך את דמכם לנפשׁתיכם אדרשׁ מיד כל חיה אדרשׁנו ומיד האדם מיד אישׁ אחיו אדרשׁ את נפשׁ האדם |
| SPואת דמכם לנפשׁתיכם אדרשׁ מיד כל חי אדרשׁנו מיד האדם מיד אישׁ ואחיו אדרשׁ את נפשׁ האדם | |
| 6 | MTשׁפך דם האדם באדם דמו ישׁפך כי בצלם אלהים עשׂה את האדם |
| SPשׁפך דם האדם באדם דמו ישׁפך כי בצלם אלהים עשׂה את האדם | |
| 7 | MTואתם פרו ורבו שׁרצו בארץ ורבו בה |
| SPואתם פרו ורבו ושׁרצו בארץ ורבו בה | |
| 8 | MTויאמר אלהים אל נח ואל בניו אתו לאמר |
| SPויאמר אלהים אל נח ואל בניו אתו לאמר | |
| 9 | MTואני הנני מקים את בריתי אתכם ואת זרעכם אחריכם |
| SPואני הנני מקים את בריתי אתכם ואת זרעכם אחריכם | |
| 10 | MTואת כל נפשׁ החיה אשׁר אתכם בעוף בבהמה ובכל חית הארץ אתכם מכל יצאי התבה לכל חית הארץ |
| SPואת כל נפשׁ החיה אשׁר אתכם בעוף ובבהמה ובכל חית הארץ אתכם מכל יצאי התבה לכל חית הארץ | |
| 11 | MTוהקמתי את בריתי אתכם ולא יכרת כל בשׂר עוד ממי המבול ולא יהיה עוד מבול לשׁחת הארץ |
| SPוהקמתי את בריתי אתכם ולא יכרת עוד כל בשׂר ממי המבול ולא יהיה עוד המבול להשׁחית הארץ | |
| 12 | MTויאמר אלהים זאת אות הברית אשׁר אני נתן ביני וביניכם ובין כל נפשׁ חיה אשׁר אתכם לדרת עולם |
| SPויאמר אלהים זאת אות הברית אשׁר אני נתן ביני ובינכם ובין כל נפשׁ החיה אשׁר אתכם לדרות עולם | |
| 13 | MTאת קשׁתי נתתי בענן והיתה לאות ברית ביני ובין הארץ |
| SPאת קשׁתי נתתי בענן והיתה לאות ברית ביני ובין הארץ | |
| 14 | MTוהיה בענני ענן על הארץ ונראתה הקשׁת בענן |
| SPוהיה בענני ענן על הארץ ונראתה הקשׁת בענן | |
| 15 | MTוזכרתי את בריתי אשׁר ביני וביניכם ובין כל נפשׁ חיה בכל בשׂר ולא יהיה עוד המים למבול לשׁחת כל בשׂר |
| SPוזכרתי את בריתי אשׁר ביני ובינכם ובין כל נפשׁ החיה אשׁר אתכם בכל בשׂר ולא יהיה עוד המים למבול להשׁחית כל בשׂר | |
| 16 | MTוהיתה הקשׁת בענן וראיתיה לזכר ברית עולם בין אלהים ובין כל נפשׁ חיה בכל בשׂר אשׁר על הארץ |
| SPוהיתה הקשׁת בענן וראיתה לאזכרה ברית עולם בין אלהים ובין כל נפשׁ החיה בכל בשׂר אשׁר על הארץ | |
| 17 | MTויאמר אלהים אל נח זאת אות הברית אשׁר הקמתי ביני ובין כל בשׂר אשׁר על הארץ |
| SPויאמר אלהים אל נח זאת אות הברית אשׁר הקמתי ביני ובין כל בשׂר אשׁר על הארץ | |
| 18 | MTויהיו בני נח היצאים מן התבה שׁם וחם ויפת וחם הוא אבי כנען |
| SPויהיו בני נח היוצאים מן התבה שׁם חם ויפת וחם הוא אבי כנען | |
| 19 | MTשׁלשׁה אלה בני נח ומאלה נפצה כל הארץ |
| SPשׁלשׁה אלה בני נח מאלה נפצה כל הארץ | |
| 20 | MTויחל נח אישׁ האדמה ויטע כרם |
| SPויחל נח אישׁ האדמה ויטע כרם | |
| 21 | MTוישׁת מן היין וישׁכר ויתגל בתוך אהלה |
| SPוישׁת מן היין וישׁכר ויתגל בתוך אהלו | |
| 22 | MTוירא חם אבי כנען את ערות אביו ויגד לשׁני אחיו בחוץ |
| SPוירא חם אבי כנען את ערות אביו ויגד לשׁני אחיו בחוץ | |
| 23 | MTויקח שׁם ויפת את השׂמלה וישׂימו על שׁכם שׁניהם וילכו אחרנית ויכסו את ערות אביהם ופניהם אחרנית וערות אביהם לא ראו |
| SPויקח שׁם ויפת את השׂמלה וישׂמו על שׁכם שׁניהם וילכו אחרנית ויכסו את ערות אביהם ופניהם אחרנית וערות אביהם לא ראו | |
| 24 | MTוייקץ נח מיינו וידע את אשׁר עשׂה לו בנו הקטן |
| SPויקץ נח מיינו וידע את אשׁר עשׂה לו בנו הקטן | |
| 25 | MTויאמר ארור כנען עבד עבדים יהיה לאחיו |
| SPויאמר ארור כנען עבד עבדים יהיה לאחיו | |
| 26 | MTויאמר ברוך יהוה אלהי שׁם ויהי כנען עבד למו |
| SPויאמר ברוך יהוה אלהי שׁם ויהי כנען עבד למו | |
| 27 | MTיפת אלהים ליפת וישׁכן באהלי שׁם ויהי כנען עבד למו |
| SPיפת אלהים ליפת וישׁכן באהלי שׁם ויהי כנען עבד למו | |
| 28 | MTויחי נח אחר המבול שׁלשׁ מאות שׁנה וחמשׁים שׁנה |
| SPויחי נח אחרי המבול שׁלשׁ מאות שׁנה וחמשׁים שׁנה | |
| 29 | MTויהיו כל ימי נח תשׁע מאות שׁנה וחמשׁים שׁנה וימת |
| SPויהיו כל ימי נח תשׁע מאות שׁנה וחמשׁים שׁנה וימת |