| 1 | MTויזכר אלהים את נח ואת כל החיה ואת כל הבהמה אשׁר אתו בתבה ויעבר אלהים רוח על הארץ וישׁכו המים |
| SPויזכר אלהים את נח ואת כל החיה ואת כל הבהמה אשׁר אתו בתבה ויעבר אלהים רוח על הארץ וישׁכו המים | |
| 2 | MTויסכרו מעינת תהום וארבת השׁמים ויכלא הגשׁם מן השׁמים |
| SPויסכרו מעינות תהום וארבות השׁמים ויכל הגשׁם מן השׁמים | |
| 3 | MTוישׁבו המים מעל הארץ הלוך ושׁוב ויחסרו המים מקצה חמשׁים ומאת יום |
| SPוישׁבו המים מעל הארץ הלכו ושׁבו ויחסרו המים מקץ חמשׁים ומאת יום | |
| 4 | MTותנח התבה בחדשׁ השׁביעי בשׁבעה עשׂר יום לחדשׁ על הרי אררט |
| SPותנח התבה בחדשׁ השׁביעי בשׁבעה עשׂר יום לחדשׁ על הרי הררט | |
| 5 | MTוהמים היו הלוך וחסור עד החדשׁ העשׂירי בעשׂירי באחד לחדשׁ נראו ראשׁי ההרים |
| SPוהמים היו הלכו וחסרו עד חדשׁ העשׂירי בעשׂירי באחד לחדשׁ נראו ראשׁי ההרים | |
| 6 | MTויהי מקץ ארבעים יום ויפתח נח את חלון התבה אשׁר עשׂה |
| SPויהי מקץ ארבעים יום ויפתח נח את חלון התבה אשׁר עשׂה | |
| 7 | MTוישׁלח את הערב ויצא יצוא ושׁוב עד יבשׁת המים מעל הארץ |
| SPוישׁלח את הערב ויצא יצא ושׁב עד יבשׁת המים מעל הארץ | |
| 8 | MTוישׁלח את היונה מאתו לראות הקלו המים מעל פני האדמה |
| SPוישׁלח את היונה מאתו לראות הקלו המים מעל פני האדמה | |
| 9 | MTולא מצאה היונה מנוח לכף רגלה ותשׁב אליו אל התבה כי מים על פני כל הארץ וישׁלח ידו ויקחה ויבא אתה אליו אל התבה |
| SPולא מצא היונה מנוח לכף רגלה ותשׁב אליו אל התבה כי מים על פני כל הארץ וישׁלח את ידו ויקחה ויבא אתה אליו אל התבה | |
| 10 | MTויחל עוד שׁבעת ימים אחרים ויסף שׁלח את היונה מן התבה |
| SPויחל עוד שׁבעת ימים אחרים ויסף שׁלח את היונה מן התבה | |
| 11 | MTותבא אליו היונה לעת ערב והנה עלה זית טרף בפיה וידע נח כי קלו המים מעל הארץ |
| SPותבא אליו היונה לעת ערב והנה עלי זית טרף בפיה וידע נח כי קלו המים מעל הארץ | |
| 12 | MTוייחל עוד שׁבעת ימים אחרים וישׁלח את היונה ולא יספה שׁוב אליו עוד |
| SPויחל עוד שׁבעת ימים אחרים וישׁלח את היונה ולא יספה שׁובה אליו עוד | |
| 13 | MTויהי באחת ושׁשׁ מאות שׁנה בראשׁון באחד לחדשׁ חרבו המים מעל הארץ ויסר נח את מכסה התבה וירא והנה חרבו פני האדמה |
| SPויהי באחת ושׁשׁ מאות שׁנה בראישׁון באחד לחדשׁ חרבו המים מעל הארץ ויסר נח את מכסה התבה וירא והנה חרבו פני האדמה | |
| 14 | MTובחדשׁ השׁני בשׁבעה ועשׂרים יום לחדשׁ יבשׁה הארץ |
| SPובחדשׁ השׁני בשׁבעה ועשׂרים יום לחדשׁ יבשׁה הארץ | |
| 15 | MTוידבר אלהים אל נח לאמר |
| SPוידבר אלהים אל נח לאמר | |
| 16 | MTצא מן התבה אתה ואשׁתך ובניך ונשׁי בניך אתך |
| SPצא מן התבה אתה ואשׁתך ובניך ונשׁי בניך אתך | |
| 17 | MTכל החיה אשׁר אתך מכל בשׂר בעוף ובבהמה ובכל הרמשׂ הרמשׂ על הארץ הוצא אתך ושׁרצו בארץ ופרו ורבו על הארץ |
| SPוכל החיה אשׁר אתך מכל בשׂר בעוף ובבהמה ובכל הרמשׂ הרמשׂ על הארץ הוציא אתך ושׁרצו בארץ ופרו ורבו על הארץ | |
| 18 | MTויצא נח ובניו ואשׁתו ונשׁי בניו אתו |
| SPויצא נח ובניו ואשׁתו ונשׁי בניו אתו | |
| 19 | MTכל החיה כל הרמשׂ וכל העוף כל רומשׂ על הארץ למשׁפחתיהם יצאו מן התבה |
| SPוכל החיה וכל העוף וכל הרמשׂ הרמשׂ על הארץ למשׁפחותיהם יצאו מן התבה | |
| 20 | MTויבן נח מזבח ליהוה ויקח מכל הבהמה הטהורה ומכל העוף הטהר ויעל עלת במזבח |
| SPויבן נח מזבח ליהוה ויקח מכל הבהמה הטהרה ומכל העוף הטהור ויעל עלות במזבח | |
| 21 | MTוירח יהוה את ריח הניחח ויאמר יהוה אל לבו לא אסף לקלל עוד את האדמה בעבור האדם כי יצר לב האדם רע מנעריו ולא אסף עוד להכות את כל חי כאשׁר עשׂיתי |
| SPוירח יהוה את ריח הניחח ויאמר יהוה אל לבו לא אוסיף עוד לקלל את האדמה בעבור האדם כי יצר לב האדם רע מנעריו ולא אוסיף עוד להכות את כל חי כאשׁר עשׂיתי | |
| 22 | MTעד כל ימי הארץ זרע וקציר וקר וחם וקיץ וחרף ויום ולילה לא ישׁבתו |
| SPעד כל ימי הארץ זרע וקציר קור וחם קיץ וחרף יומם ולילה לא ישׁבתו |