| 1 | MTויאמר יהוה לנח בא אתה וכל ביתך אל התבה כי אתך ראיתי צדיק לפני בדור הזה |
| SPויאמר אלהים אל נח בא אתה וכל ביתך אל התבה כי אתך ראיתי צדיק לפני בדור הזה | |
| 2 | MTמכל הבהמה הטהורה תקח לך שׁבעה שׁבעה אישׁ ואשׁתו ומן הבהמה אשׁר לא טהרה הוא שׁנים אישׁ ואשׁתו |
| SPמכל הבהמה הטהרה תקח לך שׁבעה שׁבעה זכר ונקבה ומן הבהמה אשׁר לא טהרה היא שׁנים שׁנים זכר ונקבה | |
| 3 | MTגם מעוף השׁמים שׁבעה שׁבעה זכר ונקבה לחיות זרע על פני כל הארץ |
| SPוגם מעוף השׁמים הטהור שׁבעה שׁבעה זכר ונקבה להחיות זרע על פני כל הארץ | |
| 4 | MTכי לימים עוד שׁבעה אנכי ממטיר על הארץ ארבעים יום וארבעים לילה ומחיתי את כל היקום אשׁר עשׂיתי מעל פני האדמה |
| SPכי לימים עוד שׁבעה אנכי ממטיר על הארץ ארבעים יום וארבעים לילה ומחיתי את כל היקום אשׁר עשׂיתי מעל פני האדמה | |
| 5 | MTויעשׂ נח ככל אשׁר צוהו יהוה |
| SPויעשׂ נח ככל אשׁר צוהו יהוה | |
| 6 | MTונח בן שׁשׁ מאות שׁנה והמבול היה מים על הארץ |
| SPונח בן שׁשׁ מאות שׁנה והמבול היה מים על הארץ | |
| 7 | MTויבא נח ובניו ואשׁתו ונשׁי בניו אתו אל התבה מפני מי המבול |
| SPויבא נח ובניו ואשׁתו ונשׁי בניו אתו אל התבה מפני מי המבול | |
| 8 | MTמן הבהמה הטהורה ומן הבהמה אשׁר איננה טהרה ומן העוף וכל אשׁר רמשׂ על האדמה |
| SPמן הבהמה הטהרה ומן הבהמה אשׁר איננה טהרה ומן העוף ומכל אשׁר רמשׂ על האדמה | |
| 9 | MTשׁנים שׁנים באו אל נח אל התבה זכר ונקבה כאשׁר צוה אלהים את נח |
| SPשׁנים שׁנים באו אל נח אל התבה זכר ונקבה כאשׁר צוה יהוה את נח | |
| 10 | MTויהי לשׁבעת הימים ומי המבול היו על הארץ |
| SPויהי לשׁבעת הימים ומי המבול היו על הארץ | |
| 11 | MTבשׁנת שׁשׁ מאות שׁנה לחיי נח בחדשׁ השׁני בשׁבעה עשׂר יום לחדשׁ ביום הזה נבקעו כל מעינת תהום רבה וארבת השׁמים נפתחו |
| SPבשׁנת השׁשׁ מאות שׁנה לחיי נח בחדשׁ השׁני בשׁבעה עשׂר יום לחדשׁ ביום הזה נבקעו כל מעינות תהום רבה וארבות השׁמים נפתחו | |
| 12 | MTויהי הגשׁם על הארץ ארבעים יום וארבעים לילה |
| SPויהי הגשׁם על הארץ ארבעים יום וארבעים לילה | |
| 13 | MTבעצם היום הזה בא נח ושׁם וחם ויפת בני נח ואשׁת נח ושׁלשׁת נשׁי בניו אתם אל התבה |
| SPבעצם היום הזה בא נח שׁם חם ויפת בני נח ואשׁת נח ושׁלשׁת נשׁי בניו אתם אל התבה | |
| 14 | MTהמה וכל החיה למינה וכל הבהמה למינה וכל הרמשׂ הרמשׂ על הארץ למינהו וכל העוף למינהו כל צפור כל כנף |
| SPהם וכל החיה למינה וכל הבהמה למינה וכל הרמשׂ הרמשׂ על הארץ למינהו וכל העוף למינהו כל צפור כל כנף | |
| 15 | MTויבאו אל נח אל התבה שׁנים שׁנים מכל הבשׂר אשׁר בו רוח חיים |
| SPויבאו אל נח אל התבה שׁנים שׁנים מכל בשׂר אשׁר בו רוח חיים | |
| 16 | MTוהבאים זכר ונקבה מכל בשׂר באו כאשׁר צוה אתו אלהים ויסגר יהוה בעדו |
| SPוהבאים זכר ונקבה זכר ונקבה מכל בשׂר באו כאשׁר צוה אתו אלהים ויסגר יהוה בעדו | |
| 17 | MTויהי המבול ארבעים יום על הארץ וירבו המים וישׂאו את התבה ותרם מעל הארץ |
| SPויהי המבול ארבעים יום על הארץ וירבו המים וישׂאו את התבה ותרם מעל הארץ | |
| 18 | MTויגברו המים וירבו מאד על הארץ ותלך התבה על פני המים |
| SPויגברו המים וירבו מאד על הארץ ותלך התבה על פני המים | |
| 19 | MTוהמים גברו מאד מאד על הארץ ויכסו כל ההרים הגבהים אשׁר תחת כל השׁמים |
| SPוהמים גברו מאד מאד על הארץ ויכסו כל ההרים הגבחים אשׁר תחת כל השׁמים | |
| 20 | MTחמשׁ עשׂרה אמה מלמעלה גברו המים ויכסו ההרים |
| SPחמשׁ עשׂרה אמה מלמעלה גברו המים ויכסו ההרים | |
| 21 | MTויגוע כל בשׂר הרמשׂ על הארץ בעוף ובבהמה ובחיה ובכל השׁרץ השׁרץ על הארץ וכל האדם |
| SPויגוע כל בשׂר הרמשׂ על הארץ בעוף ובבהמה ובחיה ובכל השׁרץ השׁרץ על הארץ וכל האדם | |
| 22 | MTכל אשׁר נשׁמת רוח חיים באפיו מכל אשׁר בחרבה מתו |
| SPכל אשׁר נשׁמת רוח חיים באפיו מכל אשׁר בחרבה מתו | |
| 23 | MTוימח את כל היקום אשׁר על פני האדמה מאדם עד בהמה עד רמשׂ ועד עוף השׁמים וימחו מן הארץ וישׁאר אך נח ואשׁר אתו בתבה |
| SPוימח את כל היקום אשׁר על פני האדמה מאדם עד בהמה עד רמשׂ עד עוף השׁמים וימחו מן הארץ וישׁאר אך נח ואשׁר אתו בתבה | |
| 24 | MTויגברו המים על הארץ חמשׁים ומאת יום |
| SPויגברו המים על הארץ חמשׁים ומאת יום |