| 1 | MTויהי כי החל האדם לרב על פני האדמה ובנות ילדו להם |
| SPויהי כי החל האדם לרב על פני האדמה ובנות ילדו להם | |
| 2 | MTויראו בני האלהים את בנות האדם כי טבת הנה ויקחו להם נשׁים מכל אשׁר בחרו |
| SPויראו בני האלהים את בנות האדם כי טובות הנה ויקחו להם נשׁים מכל אשׁר בחרו | |
| 3 | MTויאמר יהוה לא ידון רוחי באדם לעלם בשׁגם הוא בשׂר והיו ימיו מאה ועשׂרים שׁנה |
| SPויאמר יהוה לא ידון רוחי באדם לעולם בשׁגם הוא בשׂר והיו ימיו מאה ועשׂרים שׁנה | |
| 4 | MTהנפלים היו בארץ בימים ההם וגם אחרי כן אשׁר יבאו בני האלהים אל בנות האדם וילדו להם המה הגברים אשׁר מעולם אנשׁי השׁם |
| SPוהנפלים היו בארץ בימים ההם וגם אחרי כן אשׁר יבאו בני האלהים אל בנות האדם ויולידו להם הם הגבורים אשׁר מעולם אנשׁי השׁם | |
| 5 | MTוירא יהוה כי רבה רעת האדם בארץ וכל יצר מחשׁבת לבו רק רע כל היום |
| SPוירא יהוה כי רבה רעת האדם בארץ וכל יצר מחשׁבות לבו רק רע כל היום | |
| 6 | MTוינחם יהוה כי עשׂה את האדם בארץ ויתעצב אל לבו |
| SPוינחם יהוה כי עשׂה את האדם בארץ ויתעצב אל לבו | |
| 7 | MTויאמר יהוה אמחה את האדם אשׁר בראתי מעל פני האדמה מאדם עד בהמה עד רמשׂ ועד עוף השׁמים כי נחמתי כי עשׂיתם |
| SPויאמר יהוה אמחה את האדם אשׁר בראתי מעל פני האדמה מאדם עד בהמה עד רמשׂ עד עוף השׁמים כי נחמתי כי עשׂיתים | |
| 8 | MTונח מצא חן בעיני יהוה |
| SPונח מצא חן בעיני יהוה | |
| 9 | MTאלה תולדת נח נח אישׁ צדיק תמים היה בדרתיו את האלהים התהלך נח |
| SPאלה תולדת נח נח אישׁ צדיק ותמים היה בדרתיו את האלהים התהלך נח | |
| 10 | MTויולד נח שׁלשׁה בנים את שׁם את חם ואת יפת |
| SPויוליד נח שׁלשׁה בנים את שׁם ואת חם ואת יפת | |
| 11 | MTותשׁחת הארץ לפני האלהים ותמלא הארץ חמס |
| SPותשׁחת הארץ לפני האלהים ותמלא הארץ חמס | |
| 12 | MTוירא אלהים את הארץ והנה נשׁחתה כי השׁחית כל בשׂר את דרכו על הארץ |
| SPוירא אלהים את הארץ והנה נשׁחתה כי השׁחית כל בשׂר את דרכו על הארץ | |
| 13 | MTויאמר אלהים לנח קץ כל בשׂר בא לפני כי מלאה הארץ חמס מפניהם והנני משׁחיתם את הארץ |
| SPויאמר אלהים לנח קץ כל בשׂר בא לפני כי מלאה הארץ חמס מפניהם והנני משׁחיתים את הארץ | |
| 14 | MTעשׂה לך תבת עצי גפר קנים תעשׂה את התבה וכפרת אתה מבית ומחוץ בכפר |
| SPעשׂה לך תבת עצי גפר קנים תעשׂה את התבה וכפרת אתה מבית ומחוץ בכפר | |
| 15 | MTוזה אשׁר תעשׂה אתה שׁלשׁ מאות אמה ארך התבה חמשׁים אמה רחבה ושׁלשׁים אמה קומתה |
| SPוזה אשׁר תעשׂה אתה שׁלשׁ מאות אמה ארך התבה וחמשׁים אמה רחבה ושׁלשׁים אמה קומתה | |
| 16 | MTצהר תעשׂה לתבה ואל אמה תכלנה מלמעלה ופתח התבה בצדה תשׂים תחתים שׁנים ושׁלשׁים תעשׂה |
| SPצהר תעשׂה לתבה ועל אמה תכלנה מלמעלה ופתח התבה בצדה תשׂים תחתים שׁנים ושׁלישׁים תעשׂה | |
| 17 | MTואני הנני מביא את המבול מים על הארץ לשׁחת כל בשׂר אשׁר בו רוח חיים מתחת השׁמים כל אשׁר בארץ יגוע |
| SPואני הנני מביא את המבול מים על הארץ להשׁחית כל בשׂר אשׁר בו רוח חיים מתחת השׁמים כל אשׁר בארץ יגוע | |
| 18 | MTוהקמתי את בריתי אתך ובאת אל התבה אתה ובניך ואשׁתך ונשׁי בניך אתך |
| SPוהקמתי את בריתי אתך ובאת אל התבה אתה ובניך ואשׁתך ונשׁי בניך אתך | |
| 19 | MTומכל החי מכל בשׂר שׁנים מכל תביא אל התבה להחית אתך זכר ונקבה יהיו |
| SPומכל החיה ומכל הבשׂר שׁנים מכל תביא אל התבה להחיות אתך זכר ונקבה | |
| 20 | MTמהעוף למינהו ומן הבהמה למינה מכל רמשׂ האדמה למינהו שׁנים מכל יבאו אליך להחיות |
| SPוהיה מן העוף למינהו ומן הבהמה למינה ומכל אשׁר רמשׂ על האדמה למיניהם שׁנים מכל יבאו אליך להחיות | |
| 21 | MTואתה קח לך מכל מאכל אשׁר יאכל ואספת אליך והיה לך ולהם לאכלה |
| SPואתה קח לך מכל מאכל אשׁר יאכל ואספת אליך והיה לך ולהם לאכלה | |
| 22 | MTויעשׂ נח ככל אשׁר צוה אתו אלהים כן עשׂה |
| SPויעשׂ נח ככל אשׁר צוה אתו אלהים כן עשׂה |