| 1 | MTזה ספר תולדת אדם ביום ברא אלהים אדם בדמות אלהים עשׂה אתו |
| SPזה ספר תולדת אדם ביום ברא אלהים אדם בדמות אלהים עשׂה אתו | |
| 2 | MTזכר ונקבה בראם ויברך אתם ויקרא את שׁמם אדם ביום הבראם |
| SPזכר ונקבה בראם ויברך אתם ויקרא את שׁמם אדם ביום הבראם | |
| 3 | MTויחי אדם שׁלשׁים ומאת שׁנה ויולד בדמותו כצלמו ויקרא את שׁמו שׁת |
| SPויחי אדם שׁלשׁים ומאת שׁנה ויוליד בדמותו כצלמו ויקרא את שׁמו שׁת | |
| 4 | MTויהיו ימי אדם אחרי הולידו את שׁת שׁמנה מאת שׁנה ויולד בנים ובנות |
| SPויהיו ימי אדם אחרי הולידו את שׁת שׁמנה מאות שׁנה ויוליד בנים ובנות | |
| 5 | MTויהיו כל ימי אדם אשׁר חי תשׁע מאות שׁנה ושׁלשׁים שׁנה וימת |
| SPויהיו כל ימי אדם אשׁר חי תשׁע מאות שׁנה ושׁלשׁים שׁנה וימת | |
| 6 | MTויחי שׁת חמשׁ שׁנים ומאת שׁנה ויולד את אנושׁ |
| SPויחי שׁת חמשׁ שׁנים ומאת שׁנה ויוליד את אנושׁ | |
| 7 | MTויחי שׁת אחרי הולידו את אנושׁ שׁבע שׁנים ושׁמנה מאות שׁנה ויולד בנים ובנות |
| SPויחי שׁת אחרי הולידו את אנושׁ שׁבע שׁנים ושׁמנה מאות שׁנה ויוליד בנים ובנות | |
| 8 | MTויהיו כל ימי שׁת שׁתים עשׂרה שׁנה ותשׁע מאות שׁנה וימת |
| SPויהיו כל ימי שׁת שׁתים עשׂרה שׁנה ותשׁע מאות שׁנה וימת | |
| 9 | MTויחי אנושׁ תשׁעים שׁנה ויולד את קינן |
| SPויחי אנושׁ תשׁעים שׁנה ויוליד את קינן | |
| 10 | MTויחי אנושׁ אחרי הולידו את קינן חמשׁ עשׂרה שׁנה ושׁמנה מאות שׁנה ויולד בנים ובנות |
| SPויחי אנושׁ אחרי הולידו את קינן חמשׁ עשׂרה שׁנה ושׁמנה מאות שׁנה ויוליד בנים ובנות | |
| 11 | MTויהיו כל ימי אנושׁ חמשׁ שׁנים ותשׁע מאות שׁנה וימת |
| SPויהיו כל ימי אנושׁ חמשׁ שׁנים ותשׁע מאות שׁנה וימת | |
| 12 | MTויחי קינן שׁבעים שׁנה ויולד את מהללאל |
| SPויחי קינן שׁבעים שׁנה ויוליד את מהללאל | |
| 13 | MTויחי קינן אחרי הולידו את מהללאל ארבעים שׁנה ושׁמנה מאות שׁנה ויולד בנים ובנות |
| SPויחי קינן אחרי הולידו את מהללאל ארבעים שׁנה ושׁמנה מאות שׁנה ויוליד בנים ובנות | |
| 14 | MTויהיו כל ימי קינן עשׂר שׁנים ותשׁע מאות שׁנה וימת |
| SPויהיו כל ימי קינן עשׂר שׁנים ותשׁע מאות שׁנה וימת | |
| 15 | MTויחי מהללאל חמשׁ שׁנים ושׁשׁים שׁנה ויולד את ירד |
| SPויחי מהללאל חמשׁ שׁנים ושׁשׁים שׁנה ויוליד את ירד | |
| 16 | MTויחי מהללאל אחרי הולידו את ירד שׁלשׁים שׁנה ושׁמנה מאות שׁנה ויולד בנים ובנות |
| SPויחי מהללאל אחרי הולידו את ירד שׁלשׁים שׁנה ושׁמנה מאות שׁנה ויוליד בנים ובנות | |
| 17 | MTויהיו כל ימי מהללאל חמשׁ ותשׁעים שׁנה ושׁמנה מאות שׁנה וימת |
| SPויהיו כל ימי מהללאל חמשׁ ותשׁעים שׁנה ושׁמנה מאות שׁנה וימת | |
| 18 | MTויחי ירד שׁתים ושׁשׁים שׁנה ומאת שׁנה ויולד את חנוך |
| SPויחי ירד שׁתים ושׁשׁים שׁנה ויוליד את חנוך | |
| 19 | MTויחי ירד אחרי הולידו את חנוך שׁמנה מאות שׁנה ויולד בנים ובנות |
| SPויחי ירד אחרי הולידו את חנוך חמשׁ ושׁמנים שׁנה ושׁבע מאות שׁנה ויוליד בנים ובנות | |
| 20 | MTויהיו כל ימי ירד שׁתים ושׁשׁים שׁנה ותשׁע מאות שׁנה וימת |
| SPויהיו כל ימי ירד שׁבע וארבעים שׁנה ושׁמנה מאות שׁנה וימת | |
| 21 | MTויחי חנוך חמשׁ ושׁשׁים שׁנה ויולד את מתושׁלח |
| SPויחי חנוך חמשׁ ושׁשׁים שׁנה ויוליד את מתושׁלח | |
| 22 | MTויתהלך חנוך את האלהים אחרי הולידו את מתושׁלח שׁלשׁ מאות שׁנה ויולד בנים ובנות |
| SPויתהלך חנוך את האלהים אחרי הולידו את מתושׁלח שׁלשׁ מאות שׁנה ויוליד בנים ובנות | |
| 23 | MTויהי כל ימי חנוך חמשׁ ושׁשׁים שׁנה ושׁלשׁ מאות שׁנה |
| SPויהיו כל ימי חנוך חמשׁ ושׁשׁים שׁנה ושׁלשׁ מאות שׁנה | |
| 24 | MTויתהלך חנוך את האלהים ואיננו כי לקח אתו אלהים |
| SPויתהלך חנוך את האלהים ואיננו כי לקח אתו אלהים | |
| 25 | MTויחי מתושׁלח שׁבע ושׁמנים שׁנה ומאת שׁנה ויולד את למך |
| SPויחי מתושׁלח שׁבע ושׁשׁים שׁנה ויוליד את למך | |
| 26 | MTויחי מתושׁלח אחרי הולידו את למך שׁתים ושׁמונים שׁנה ושׁבע מאות שׁנה ויולד בנים ובנות |
| SPויחי מתושׁלח אחרי הולידו את למך שׁלשׁ וחמשׁים שׁנה ושׁשׁ מאות שׁנה ויוליד בנים ובנות | |
| 27 | MTויהיו כל ימי מתושׁלח תשׁע ושׁשׁים שׁנה ותשׁע מאות שׁנה וימת |
| SPויהיו כל ימי מתושׁלח עשׂרים שׁנה ושׁבע מאות שׁנה וימת | |
| 28 | MTויחי למך שׁתים ושׁמנים שׁנה ומאת שׁנה ויולד בן |
| SPויחי למך שׁלשׁ וחמשׁים שׁנה ויוליד בן | |
| 29 | MTויקרא את שׁמו נח לאמר זה ינחמנו ממעשׂנו ומעצבון ידינו מן האדמה אשׁר אררה יהוה |
| SPויקרא את שׁמו נח לאמר זה ינחמנו ממעשׂינו ומעצבון ידינו מן האדמה אשׁר אררה יהוה | |
| 30 | MTויחי למך אחרי הולידו את נח חמשׁ ותשׁעים שׁנה וחמשׁ מאת שׁנה ויולד בנים ובנות |
| SPויחי למך אחרי הולידו את נח שׁשׁ מאות שׁנה ויוליד בנים ובנות | |
| 31 | MTויהי כל ימי למך שׁבע ושׁבעים שׁנה ושׁבע מאות שׁנה וימת |
| SPויהיו כל ימי למך שׁלשׁ וחמשׁים שׁנה ושׁשׁ מאות שׁנה וימת | |
| 32 | MTויהי נח בן חמשׁ מאות שׁנה ויולד נח את שׁם את חם ואת יפת |
| SPויהי נח בן חמשׁ מאות שׁנה ויוליד את שׁם ואת חם ואת יפת |