| 1 | MTוהאדם ידע את חוה אשׁתו ותהר ותלד את קין ותאמר קניתי אישׁ את יהוה |
| SPוהאדם ידע את חוה אשׁתו ותהר ותלד את קין ותאמר קניתי אישׁ את יהוה | |
| 2 | MTותסף ללדת את אחיו את הבל ויהי הבל רעה צאן וקין היה עבד אדמה |
| SPותסף ללדת את אחיו את הבל ויהי הבל רעי צאן וקין היה עבד אדמה | |
| 3 | MTויהי מקץ ימים ויבא קין מפרי האדמה מנחה ליהוה |
| SPויהי מקץ ימים ויבא קין מפרי האדמה מנחה ליהוה | |
| 4 | MTוהבל הביא גם הוא מבכרות צאנו ומחלבהן וישׁע יהוה אל הבל ואל מנחתו |
| SPוהבל הביא גם הוא מבכורות צאנו ומחלביהן וישׁע יהוה אל הבל ואל מנחתו | |
| 5 | MTואל קין ואל מנחתו לא שׁעה ויחר לקין מאד ויפלו פניו |
| SPואל קין ואל מנחתו לא שׁעה ויחר לקין מאד ויפלו פניו | |
| 6 | MTויאמר יהוה אל קין למה חרה לך ולמה נפלו פניך |
| SPויאמר יהוה אל קין למה חרה לך ולמה נפלו פניך | |
| 7 | MTהלוא אם תיטיב שׂאת ואם לא תיטיב לפתח חטאת רבץ ואליך תשׁוקתו ואתה תמשׁל בו |
| SPהלוא אם תטיב שׂאת ואם לא תטיב לפתח חטאת רבץ ואליך תשׁוקתו ואתה תמשׁל בו | |
| 8 | MTויאמר קין אל הבל אחיו ויהי בהיותם בשׂדה ויקם קין אל הבל אחיו ויהרגהו |
| SPויאמר קין אל הבל אחיו נלכה השׂדה ויהי בהיותם בשׂדה ויקם קין אל הבל אחיו ויהרגהו | |
| 9 | MTויאמר יהוה אל קין אי הבל אחיך ויאמר לא ידעתי השׁמר אחי אנכי |
| SPויאמר יהוה אל קין איה הבל אחיך ויאמר לא ידעתי השׁמר אחי אנכי | |
| 10 | MTויאמר מה עשׂית קול דמי אחיך צעקים אלי מן האדמה |
| SPויאמר מה עשׂית קול דם אחיך צעק אלי מן האדמה | |
| 11 | MTועתה ארור אתה מן האדמה אשׁר פצתה את פיה לקחת את דמי אחיך מידך |
| SPועתה ארור אתה מן האדמה אשׁר פצתה את פיה לקחת את דם אחיך מידך | |
| 12 | MTכי תעבד את האדמה לא תסף תת כחה לך נע ונד תהיה בארץ |
| SPכי תעבד את האדמה לא תוסיף תת כחה לך נע ונד תהיה בארץ | |
| 13 | MTויאמר קין אל יהוה גדול עוני מנשׂא |
| SPויאמר קין אל יהוה גדול עוני מנשׂא | |
| 14 | MTהן גרשׁת אתי היום מעל פני האדמה ומפניך אסתר והייתי נע ונד בארץ והיה כל מצאי יהרגני |
| SPהן גרשׁת אתי היום מעל פני האדמה ומפניך אסתיר והייתי נע ונד בארץ והיה כל מצאי יהרגני | |
| 15 | MTויאמר לו יהוה לכן כל הרג קין שׁבעתים יקם וישׂם יהוה לקין אות לבלתי הכות אתו כל מצאו |
| SPויאמר לו יהוה לכן כל הרג קין שׁבעתים יקם וישׂם יהוה לקין אות לבלתי הכות אתו כל מצאו | |
| 16 | MTויצא קין מלפני יהוה וישׁב בארץ נוד קדמת עדן |
| SPויצא קין מלפני יהוה וישׁב בארץ נד קדמת עדן | |
| 17 | MTוידע קין את אשׁתו ותהר ותלד את חנוך ויהי בנה עיר ויקרא שׁם העיר כשׁם בנו חנוך |
| SPוידע קין את אשׁתו ותהר ותלד את חנוך ויהי בנה עיר ויקרא את שׁם העיר כשׁם בנו חנוך | |
| 18 | MTויולד לחנוך את עירד ועירד ילד את מחויאל ומחייאל ילד את מתושׁאל ומתושׁאל ילד את למך |
| SPויולד לחנוך את עירד ועירד ילד את מיהאל ומיהאל ילד את מתושׁאל ומתושׁאל ילד את למך | |
| 19 | MTויקח לו למך שׁתי נשׁים שׁם האחת עדה ושׁם השׁנית צלה |
| SPויקח לו למך שׁתי נשׁים שׁם האחת עדה ושׁם השׁנית צלה | |
| 20 | MTותלד עדה את יבל הוא היה אבי ישׁב אהל ומקנה |
| SPותלד עדה את יבל הוא היה אבי ישׁב אהל ומקנה | |
| 21 | MTושׁם אחיו יובל הוא היה אבי כל תפשׂ כנור ועוגב |
| SPושׁם אחיו יובל הוא היה אבי כל תפשׂ כנר ועגב | |
| 22 | MTוצלה גם הוא ילדה את תובל קין לטשׁ כל חרשׁ נחשׁת וברזל ואחות תובל קין נעמה |
| SPוצלה גם היא ילדה את תובל קין לטשׁ כל חרשׁ נחשׁת וברזל ואחות תובל קין נעמה | |
| 23 | MTויאמר למך לנשׁיו עדה וצלה שׁמען קולי נשׁי למך האזנה אמרתי כי אישׁ הרגתי לפצעי וילד לחברתי |
| SPויאמר למך לנשׁיו עדה וצלה שׁמען קולי נשׁי למך האזינה אמירתי כי אישׁ הרגתי לפצעי וילד לחברתי | |
| 24 | MTכי שׁבעתים יקם קין ולמך שׁבעים ושׁבעה |
| SPכי שׁבעתים יקם קין ולמך שׁבעים ושׁבעה | |
| 25 | MTוידע אדם עוד את אשׁתו ותלד בן ותקרא את שׁמו שׁת כי שׁת לי אלהים זרע אחר תחת הבל כי הרגו קין |
| SPוידע אדם עוד את אשׁתו ותלד בן ויקרא את שׁמו שׁת כי שׁת לי אלהים זרע אחר תחת הבל כי הרגו קין | |
| 26 | MTולשׁת גם הוא ילד בן ויקרא את שׁמו אנושׁ אז הוחל לקרא בשׁם יהוה |
| SPולשׁת גם הוא ילד בן ויקרא את שׁמו אנושׁ אז החל לקרא בשׁם יהוה |