| 1 | MTוהנחשׁ היה ערום מכל חית השׂדה אשׁר עשׂה יהוה אלהים ויאמר אל האשׁה אף כי אמר אלהים לא תאכלו מכל עץ הגן |
| SPוהנחשׁ היה ערום מכל חית השׂדה אשׁר עשׂה יהוה אלהים ויאמר אל האשׁה אף כי אמר אלהים לא תאכלו מכל עץ הגן | |
| 2 | MTותאמר האשׁה אל הנחשׁ מפרי עץ הגן נאכל |
| SPותאמר האשׁה אל הנחשׁ מפרי עץ הגן נאכל | |
| 3 | MTומפרי העץ אשׁר בתוך הגן אמר אלהים לא תאכלו ממנו ולא תגעו בו פן תמתון |
| SPומפרי העץ הזה אשׁר בתוך הגן אמר אלהים לא תאכלו ממנו ולא תגעו בו פן תמותון | |
| 4 | MTויאמר הנחשׁ אל האשׁה לא מות תמתון |
| SPויאמר הנחשׁ אל האשׁה לא מות תמותון | |
| 5 | MTכי ידע אלהים כי ביום אכלכם ממנו ונפקחו עיניכם והייתם כאלהים ידעי טוב ורע |
| SPכי ידע אלהים כי ביום אכלכם ממנו ונפקחו עיניכם והייתם כאלהים ידעי טוב ורע | |
| 6 | MTותרא האשׁה כי טוב העץ למאכל וכי תאוה הוא לעינים ונחמד העץ להשׂכיל ותקח מפריו ותאכל ותתן גם לאישׁה עמה ויאכל |
| SPותרא האשׁה כי טוב העץ למאכל וכי תאוה הוא לעינים ונחמד העץ להשׂכיל ותקח מפריו ותאכל ותתן גם לאישׁה עמה ויאכלו | |
| 7 | MTותפקחנה עיני שׁניהם וידעו כי עירמם הם ויתפרו עלה תאנה ויעשׂו להם חגרת |
| SPותפקחנה עיני שׁניהם וידעו כי ערמים הם ויתפארו עלי תאנה ויעשׂו להם חגרות | |
| 8 | MTוישׁמעו את קול יהוה אלהים מתהלך בגן לרוח היום ויתחבא האדם ואשׁתו מפני יהוה אלהים בתוך עץ הגן |
| SPוישׁמעו את קול יהוה אלהים מתהלך בגן לרוח היום ויתחבא אדם ואשׁתו מפני יהוה אלהים בתוך עץ הגן | |
| 9 | MTויקרא יהוה אלהים אל האדם ויאמר לו איכה |
| SPויקרא יהוה אלהים אל האדם ויאמר לו איכה | |
| 10 | MTויאמר את קלך שׁמעתי בגן ואירא כי עירם אנכי ואחבא |
| SPויאמר את קולך שׁמעתי בגן ואירא כי ערום אנכי ואחבא | |
| 11 | MTויאמר מי הגיד לך כי עירם אתה המן העץ אשׁר צויתיך לבלתי אכל ממנו אכלת |
| SPויאמר מי הגיד לך כי ערום אתה המן העץ אשׁר צויתיך לבלתי אכל ממנו אכלת | |
| 12 | MTויאמר האדם האשׁה אשׁר נתתה עמדי הוא נתנה לי מן העץ ואכל |
| SPויאמר האדם האשׁה אשׁר נתתה עמדי היא נתנה לי מן העץ ואכל | |
| 13 | MTויאמר יהוה אלהים לאשׁה מה זאת עשׂית ותאמר האשׁה הנחשׁ השׁיאני ואכל |
| SPויאמר יהוה אלהים לאשׁה מה זאת עשׂיתי ותאמר האשׁה הנחשׁ השׁיני ואכל | |
| 14 | MTויאמר יהוה אלהים אל הנחשׁ כי עשׂית זאת ארור אתה מכל הבהמה ומכל חית השׂדה על גחנך תלך ועפר תאכל כל ימי חייך |
| SPויאמר יהוה אלהים אל הנחשׁ כי עשׂית זאת ארור אתה מכל הבהמה ומכל חית השׂדה על גחנך תלך ועפר תאכל כל ימי חייך | |
| 15 | MTואיבה אשׁית בינך ובין האשׁה ובין זרעך ובין זרעה הוא ישׁופך ראשׁ ואתה תשׁופנו עקב |
| SPואיבה אשׁית בינך ובין האשׁה ובין זרעך ובין זרעה הוא ישׁופך ראשׁ ואתה תשׁופנו עקב | |
| 16 | MTאל האשׁה אמר הרבה ארבה עצבונך והרנך בעצב תלדי בנים ואל אישׁך תשׁוקתך והוא ימשׁל בך |
| SPואל האשׁה אמר הרבה ארבה עצבוניך והריוניך בעצבון תלדי בנים ואל אישׁיך תשׁוקתיך והוא ימשׁל ביך | |
| 17 | MTולאדם אמר כי שׁמעת לקול אשׁתך ותאכל מן העץ אשׁר צויתיך לאמר לא תאכל ממנו ארורה האדמה בעבורך בעצבון תאכלנה כל ימי חייך |
| SPולאדם אמר כי שׁמעת לקול אשׁתך ותאכל מן העץ אשׁר צויתיך לאמר לא תאכל ממנו ארורה האדמה בעבורך בעצבון תאכלנה כל ימי חייך | |
| 18 | MTוקוץ ודרדר תצמיח לך ואכלת את עשׂב השׂדה |
| SPוקוץ ודרדר תצמיח לך ואכלת את עשׂב השׂדה | |
| 19 | MTבזעת אפיך תאכל לחם עד שׁובך אל האדמה כי ממנה לקחת כי עפר אתה ואל עפר תשׁוב |
| SPבזעת אפיך תאכל לחם עד שׁובך אל האדמה כי ממנה לקחת כי עפר אתה ואל עפרך תשׁוב | |
| 20 | MTויקרא האדם שׁם אשׁתו חוה כי הוא היתה אם כל חי |
| SPויקרא האדם שׁם אשׁתו חוה כי היא היתה אם כל חי | |
| 21 | MTויעשׂ יהוה אלהים לאדם ולאשׁתו כתנות עור וילבשׁם |
| SPויעשׂ יהוה אלהים לאדם ולאשׁתו כיתנות עור וילבשׁם | |
| 22 | MTויאמר יהוה אלהים הן האדם היה כאחד ממנו לדעת טוב ורע ועתה פן ישׁלח ידו ולקח גם מעץ החיים ואכל וחי לעלם |
| SPויאמר יהוה אלהים הן האדם היה כאחד ממנו לדעת טוב ורע ועתה פן ישׁלח ידו ולקח גם מעץ החיים ואכל וחי לעולם | |
| 23 | MTוישׁלחהו יהוה אלהים מגן עדן לעבד את האדמה אשׁר לקח משׁם |
| SPוישׁלחהו יהוה אלהים מגן עדן לעבד את האדמה אשׁר לקח משׁם | |
| 24 | MTויגרשׁ את האדם וישׁכן מקדם לגן עדן את הכרבים ואת להט החרב המתהפכת לשׁמר את דרך עץ החיים |
| SPויגרשׁ את האדם וישׁכן מקדם לגן עדן את הכרובים ואת לחט החרב המתהפכת לשׁמר את דרך עץ החיים |